العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
$عروس الخليج$


راح يخطب ....فضح عمره ..ههههه

كان في واحد يبغي يعرس وراح عند العرب عسب يخطب البنية


يلس وتقهوى وعين خير المهم طلب ايد البنية جان يقولوله بنشاور البنية عقب بنرد لك خبر


مرت الايام ودقوا عليه جان يقولون له تعال

روح الريال لبيت هل البنية

أبو البنية قابله جان يقول له البنية عند شرط

جان يقول الريال : اشوه الشرط ؟

جان يقول أبو البنية : شرطها يا ولد الناس انها تيلس وياك ( وجان يستانس الريال على الشرط ) ياك يا مهنى ماتمنى)

جان يقول الريال : وين تبغينا نيلس؟

رد ابوها :

على كيفكم ..

المهم انهم اتفقوا انهم يظهرون في الحديقة واخوها الصغيرون وياهم

راحوا الحديقة وسولفوا واستانسو وضحك وغشمرة ....

ردت البنية البيت

جان يقول لها أبوها : هاه بشري عسى عيبج الريال ؟

جان تقول البنت : هو عيبني يا بوي بس فيه شي ما عيبني ..

جان يقول الأبو : اشوه اللي ما عيبج ؟

جان تقول البنية : العلوج في حلجه من اول ما يلسنا لين قمنا ...

جان يقول الأبو : خلاص فديتج أنا برمسه ...

راح الأبو عند الريال وقاله انت فيك شي واحد هب عايبني ؟؟

جان يقول الريال : اشوه اللي ما عيبك ؟؟؟

جان يرد الأبو : العلوج ... انت ليش تعلج 24 ساعة ..؟

رد الريال وقال : بصراحه انا ما اعلج الا اذا دخنت >> ياعيني على الصراحه


قال الأبو : انت تدخن ؟

رد الريال : ما ادخن الا اذا شربت بس "

رد الأبو : وتشرب بعد ؛

قال الريال : انا ما أشرب الا اذا حششت ..

لاد الابو : وتحشش ؟؟

قال الريال : بس انا ما أحشش الا لين ايلس مع ربعي اللي تعرفت عليهم في السجن ..


قال الابو : لاااااا ومسجون بعد ----- اشوه قضيتك ؟؟

رد الريال :أبد قاتل واحد بس..

قال الابو : ليش تقتله ؟

قال الريال : ابد خطبت بنته وقال اني ماعيبته..




رد الابو لبنته وقال لها يا بنتي انا اجوف ان العلج مافيه شئ......!!!

اشوه رايكم بالشخص هذا .....................؟


هب هباك الرب من ريال


$عـــــــــروس الخـــــــليج$
راح يخطب ....فضح عمره ..ههههه



2 
مشعل عبدالله

مشكوررررررررررره على النكته قصدي القصه الرائعه والله روووووعه


3 
$عروس الخليج$

اقتباس: المشاركة الأصلية كتبت بواسطة مشعل عبدالله  مشاهدة المشاركة
مشكوررررررررررره على النكته قصدي القصه الرائعه والله روووووعه

دوووم الابتسامه ع ويهك أخووي مشعل عبدالله...اشرايك مب خووش معرس..عاد لا توهق روحك يوم تخطب ههههههه




4 
ليلـــى

مشكوره أختي عروس الخليج والله ضحكتيني بالموضوع

هههههههههههههههههههههههه


5 
$عروس الخليج$

اقتباس: المشاركة الأصلية كتبت بواسطة ليلـــى  مشاهدة المشاركة
مشكوره أختي عروس الخليج والله ضحكتيني بالموضوع
هههههههههههههههههههههههه


دووووم الابتسامه لا تفارق شفتيك...غاليتي ...عاد انتبهي ع عريس الغفله!!!




Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.