العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
فاطمة زين


بنات مادري ليش مايصير انزل البارتا كامل يمكن لانه وايد طويل فاراح انزل لكم شويه شويه وكل يوم عشان تقرونها بسرعه حبايب قلبي انه كل روايه اقراها احب انقلها على المنتدى عشان تستمتعون معاي وتعطوني رايكم في ذوقي

ابتدي بقصتي من الواقع الملامس لواقعنا المرسوم به خطوط
حياتنا الشاهد على نهايتنا...

بعرفكم بالسبب إلي خلاني اكتب لكم قصتي لأني صرت أشوف قصتي تكرر ونهاياتهم مثل نهايتنا أنا وصديقاتي ... صح الساعة والتاريخ غير بس الإحداث نفسها وأنتو بتشوفون ..وتعرفون بأنفسكم ....

بتكلم عن نفسي بالأول أنا أسمي فجـر بعطيكم فكره بسيطه عني أنا بنت انعم الله عليها بالجمال الأنثوي الكامل وشخصيتي ع كلام الكل مافي مثلها اعرف شلون
اكسب البنات بصفي بسهولة واعرف اقلب الإحداث لمصلحتي
وصريحة (( وهاي عيبي )) ومغروره ع كلام البعض وعنيدة وإذا حطيت شيء براسي أجيبه يعني أجيبه متهورة وهذا إلي ضيعني
(( تخرجت من الثانوية وكنت أكبر لعابة عرفتها المدرسة والمدارس الي حولها يعني بالعربي مشهورة لابعد الحدود واي
بنت أبيها أجيبها وحدهم أسبوع وعلى طول نكست بس في
علاقات استثنائية بحياتي طبعا طولت وعشت تجربة معاهم
وخليتهم رفيجاتي .. العلاقات إلي أطول معاي يكونون فرند ليس
أكثر بس إلي مايتقبلون هالحقيقة على طول نكست ماعرف أطول
معاهم وهم يبوني شيء ثاني وأحاول أتخلص منهم بطريقة
ماتجرحهم .. بس وأنا معاهم كنت أتلذذ بجرحهم وبأي طريقة
تطري على بالكم .. لان مفهوم ا لاعجاب مايتعدا حدود الإعجاب
بالشخصية والنظرات والسوالف العادية بحدود الربع بس بعدها
تطور الإعجاب إلى القبلات الساخنة والأحضان المثيرة والى
والى والى وكلكم تعرفون شقصد بعدها أقسمت قسم إني أحاول
أرد كل شيء مكانه وماسمح لضعيفين النفوس بضياعنا ...((
أظنكم توافقوني الرأي
بس من تخرجت من الثانوية تغيرت نظريتي للموضوع صرت
أشوف أن الكل مهتم بالبويات بشكل غريب وها لظاهرة كانت كل
يوم تزداد وكان كرهي وتقززي منهم يزداد

قررت بيوم أنا وأختي إني أدش عالم البويات أكتشف شنو
عالمهم إلى أي مدى يمتد قعدت أفكر معاها وشلون أنا البنوتة
أقدر أتقمص هال دور بس أختي نبهتني ع شغله أني شاطرة
بهالدور لاني كنت أكبر لعابة بمدرستي وياما تقمصت أدوار عشانهم
أوبس نسيت أعرفكم بأختي العنود أصغر مني 3 سنوات بس
لاتستغربون ليش دخلتها معاي لانها تفهمني وبتوعيني اذا انجرفت
بالموضوع
المهم قعدنا نفكر شلون راح أندش وشلون راح ندخل بينهم أول شيء
سويتلي أيميل بوية وكان عجيب وسويته والحمدالله
اتصلت ع رفيجتي وقلتلها انا ابي اصير بوي زهقت من دور
البنوته ومن هالكلام رفيجتي هاي سبور ع قولتها ورحبت
بالموضوع ومافكرت تمنعني بالعكس شجعتني وقلتلها ابي القروب
الي ادشين عليه ((((**القروب هذا عبارة عن روم يتكلمون فيه
البويات والبنوتات وعبارة عن شبكة تضبيطات لهم ))))
وبذاك الوقت كان أجازة الصيف وهي ماقصرت عطتني القروب
((وليتها ماعطتنيه لاني انصدمت فيها و بناس وبعالم

غريب وخفت ان يوم القيامة قرب صدقوني أنا ماأبالغ هذا الصج))

المهم أول ماضفت القروب كلمتني رفيجتي ع المسن وقالتلي
بالحرف .. فجر لاتقوليلهم أسمي الصجي أنا عندهم نصور أوك
قلت فيبالي هذا عز الطلب أنا أمسك عليها شيء وهي ماراح
تقدر تقول أسمي لانكم مثل ماتعرفون قبل أنا مشهورة أني بنوتة
فامستحيل أحد يصدق وطبعا كان السبب الاساسي عندي أن
سمعتي ماتتخرب اتجاه نظرية أبي اثبتها
المهم قلت لها .. اوك نصور ولا يهمك )))) حاولت اعيش الدور ((

نصور .. أنتي فجر شنو نكج
ممم بتردد قلت طلال طلول يعني
نصور ..أوك طلول دش ع القروب اذا ماسويتلك ترحيب
محترم ماكون نصور
كنت أقول بداخلي شنو هاي وايد عايشة الدور مو مشكلة انعيش الدور احنا بعد
المهم دخلت القروب وراح اكتبلكم وش صار بالظبط خلكم معاي ‘‘
طلول لاحد يضيع هذا أنا .. المهم دشيت عليهم بالسلام





2 
الغـاليے

[align=center]والله يبعدنا عن اصحاب النفوس الضعيفه


( الله يهديك ويهدينا ويهدي أمة محمد إن شاء الله )

قصة البويات احدثت ضجه في الخليج في هذه السنوات ؟

ممكن نجرب معكم كهكهكهكه
يعطيك العافية ع هالقصة وجاااااااري التحميل [/align]


3 
الفارس الابيض

[align=center]
جزاك الله خير اختي
على روايتها لنا

تسلمي يمناك لا عدمناك
موضوع قيم ورااااائع
عواااافي ع الطرح
ارتقب جديدك

تحياتي
الفارس الابيض

ملاحظة
اختي فاطمة زين
ولكن يمنع الدعايه و الاعلان
يمنع الاعلان عن منتديات شخصيه
سواء بذكر الاسم او الرابط
يرجى عدم مد العنوان او زخرفته او وضع اقواس فان هذا مخالف للقوانين






[/align]



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.