العودة   منتديات الدولى > الأسرة والمجتمع > قسم المطبخ والأكلات

قسم المطبخ والأكلات منتدى خاص بمواضيع تعليم الطبخ والأكلات، أحدث الطرق العصرية فى الطبخ، وصفات أكلات وحلويات ومشروبات جديدة


1 
مذهله


بسم الله الرحمن الرحيم



كيكة المكرونه باللحمه المفرومه... غريبة بس لذيذه




كيكة المكرونه باللحمه المفرومه



هانحتاج الآتي :

طماطم مفرومه ناعم ثوم طازج جبنة موزاريلا مبشورة جبنه رومي او بارميجانو مبشورة لحمه مفرومه زيت زيتون زبده مكرونه اقلام زي اللي في الصوره وطبعا ملح وفلفل الكميات انتي اللي هاتحديدها علي اد ما تحبي اول حاجه نسلق المكرونه في ماء مغلي عليه ملح وفلفل نصفيها ونشطفها بماء جاري وماتنسوش تحطوا شوية من زيت الزيتون في مية السلق عشان المكرونه ما تلزقش في بعضها في طاسه مناسبه نضيف اللحم المفروم ونقلبه دقيقتين علي النار مع الثوم المفروم وملح وفلفل وملعقتين زيت زيتون ونقلب لحد ما ياخد اللون البني بعد كده نضيف الطماطم ونقلب كويس ونسيبها تتسبك علي النار حوالي 20 دقيقه لحد ما قوامها يتخن في الوقت ده نبدأ نقلب المكرونه مع الجبنه الرومي المبشوره ومللعقتين زيده سايحه ونرصها بالشكل ده في صينيه جوانبها ممكن تتفك وطبعا ما ننساش ندهن الصينيه بالزبده الاول ونرش القاعده بالبقسماط الناعم عشان تطلع بسهوله بعد ما اللحمه تتسبك نبدا نرشها علي وحدات المكرونه ونحاول نحشيكل واحده باللحمه كويس اوي

في الاخر خالص نحط الجبنه الموزاريلا علي الوش بعد ما نرش الجبنه علي الوش ندخلها الفرن اللي بنكون مسخنينهم قبل كده نسيبها حوالي 10 او 15 دقيقه لح ما الجبنه تسيح و وشها يحمر
نفك جوانب الصينيه ونقدمها ساخنه وممكن لو فيه صوص لحمه متبقي يتحط جمبها دا شكلها من فوق ومن الجنب

ملحوظه :
شوفوا الاتنين الفاضيين دول الجبنه نزلت تحت لانهم ما كانوش محشيين كويس عشان كده راعوا انكوا تحشوها كلها كويس
وبالف هنا وشفا علي قلوبكم



2 
الفارس الابيض

تسلمي أختي على وصفة
أإأإسمحـّ°ـّ°ي لي ان ابـّديـّ°¨°اعجابي°¨°
بقلمك وباسلووبكـّ°¨°
الراأإأإئع جدأإأ والمميز
فـّ°¨°[طرح الموضـّ°¨°ـّوع]
سلمـّ°¨°ـّت يمنأإأإكـّ°¨°
عـّ°¨°[مأإأإقـّدمت]
تقبلـّ°¨° مروريـّ°¨°
الفارس الابيض



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.