العودة   منتديات الدولى > المنتديات العامة > المنتدى العام

المنتدى العام المواضيع والمقالات العامة التى لا يوجد لها ركن محدد وهو قسم عام شامل لجميع المواضيع


1 
عـز الرجال


بسم الله الرحمن الرحيم

سرعة وحماس:

موقف ما راح انساه كنت داخل مسجد وقت المغرب ومتأخر
والامام يقرا في سورة ما بعد الفاتحة وكان الميكرفون متعطل
المهم دخلت متحمس وبالحق على الصلاة معهم الا وعلى دخلتي
اسمع الامام يقول (ضالين) وانا على دخلتي كبرت وقلت آمين ..
الا واللي في الصف الاخير ماتوا من الضحك وقطعوا صلاتهم ..
وانا احسب الامام في الفاتحه وهو يقرا سورة ثانية ..
سكت الامام شوي وكأن وده يضحك ..
اما أنا فما قصرت فقد ضحكت معهم
(المضحك اني كنت متحمس)

كله من الثلج :

تقول احداهن كنا في مكة ايام الحج وكانت خيمتنا في مكان
مرتفع بعيد عن سيـارات الماء .. ذهب أخوي يجيب ( ثلـج)
وجاب قطعة كبيرة شايلها فوق كتفه ثم جت اثنتين من خواتي
الصغـار بيساعدونه على إنزال الثلج وكان حريص .. بحيث انه
لف قطعة الثلج بإحرامه اللي على كتفه حتى ما تثـلـج ( تبرد)
يدين خواتي المهم خواتي سحبوا إحرامه ( السفلي ) بدلا من
اللي فوق اللي فيه الثلج .. وطبعاً طاح الإحرام وطاح الثلج ..
وطاحوا أخواتي من الضحك

عسى ما نسيت ‍!!

مرة زوجتي غيرت الثوب ونقلت أغراضي من الثوب الأول إلى
الثوب الجديد .. رحت أصلي الفجر وركبت السيارة وشغلتها وأنا
أســوق تذكرت وقلت: عسى ما نسـيت تحـط المفاتيح في جيب
الثوب (والمفاتيح طبعاً كلها بميدالية وحده) !! وأفتش جيوبي
والله المشكلة ما فيها مفاتيح .. وشلون إذا رجعت افتح الباب !!
وانا محتار و أفكر.. ولما رجعت إلى البيت وأطالع ..
لقيت المفاتيح قدامي مشغل بها السيارة ..
( والله الذكاء )

معرس بألف شوكة وشوكة :

واحد تزوج على زوجته ( ومن الحرة اللي فيها )...
جت في ليلة عرسه خذت ثيابه اللي بيلبسها ومسحت
عليها قشر "برشوم" والبرشوم فاكهة لها
اشواك رهيبة وما تنشاف

الشغالـة :

اتصلوا علينا المطار قالوا ترى شغالتكم وصلت .. وعلى شان
نفتك من تفويض استلام رحت بنفسي أخذ الشغالة ... المهم
وصلت المطار واخذت الشغالة وبطبيعة الحال كان معها شنطه
فيها ملابسها .. استلمت الشغاله وطلعنا للسيارة فتحت شنطة
السيارة على شان تحط شنطتها .. تفاجأت ... أن الشغاله مدت
رجلها بتركب في شنطه السيارة قدام العالم .. وانا ما مسكت
نفسي ما قلت لها لا، قعدت اضحك وما مسكت نفسي وقمت أشر
لها على شان تنزل والعالم تضحك .. المهم في الاخير نزلت من
الشنطه .. بس بعد ما كل الموجودين جاهم
مسيل الدمووع من الضحك

وش اللي صار
فيه وحده من القديم تستحي مرة مرة .. ولما تزوجت كانت
تستحي حتى تتكلم مع زوجها .. وكانوا الحريم يلومونها على
هالحياء الزايد ويقولون لها لازم تحكين مع زوجك و تمزحين
معه تدفينه بيدك مثلاً .. وصممت هالمرأة على كسر هالحاجز
من الحياء الزايد ... ومرة من المرات هي وزوجها بالسطح
يوم جاء الزوج بينزل مع الدرج ألا وهي تسرع وتدفه (تدفعه)
وهي تبسم .. تدحرج المسكين وترن ترن مع هالدرج الى ان
وصل إلى آخر درجة وهو بعد ما استوعب
وش اللي صــــــار …

مطر مفاجئ ؟

وحده يوم عرسها بعد ما خلصت من التجميل والتسريحة ..
يوم جت تطلع على الحريم والرزة على المنصة .. شافت بعض
( الحمرة ) في يدها فدخلت الحمام تغسل يدها وفتحت الحنفية ..
ومـا درت الا والدش يصب على راسها !!

تحريك جو :

فيه وحده تقول في اول ايام زواجي طلب مني زوجي
ان افتح له علبة بيبسي، وبغيت احرك الجو بشي من الفرفشة
قمت وفتحت العلبة قدام وجهه ويا للهول طاااااااش البيبسي
على وجه وملابسه والجدار .. وانا مع خوفي جتني حاله
هستيرية من الضحك وانا اشوف هالموقف

تطبيق واقعي :

وفيه وحده بعد تقول في الاسبوع الاول من زواجي حلمت اني
العب مع اخواني وقام اخوي الصغير واخذ شي من اغراضي
وقمت الحقه حتى مسكته وقمت اضربه واصفقه ..
يوم توقظت لقيت اني اضرب زوجي !!

سبب واحد :

وحده تقول قبل المغرب كانت امي تامرنا بفتح الشبابيك
حتى يطلع الذباب برا، ومرة من الايام سالت المعلمة الطلاب:
لماذا نفتح النوافذ في منازلنا ؟ ورفعت اختي الصغيرة يدها،
وقالت وهي متحمسة: علشان نطرد الذباب يا استاذه !!!

الحمد لله انتهت :

تقول كانت اختي جالسة عند التلفزيون أثناء استعراض
برامج الغد وجاء في العرض (ثم نقدم لكم نشرة الاخبار
المصورة الثالثة والاخيرة) فرحت أختي كثييييييير ..
وراحت لأمي: يمه يمه الحمد لله خلصنا من الاخبار
بكرة الحلقة الاخيرة

الدش :

واحد من الاطفال سمع كثير عن الدش ومخاطرة ..
وانه فاسد وحرام .. وكان عند احد معارفهم ( دش )
وهالطفل ما يعرف وش هو بالضبط .... فقال:
ال فلان عندهم دش اللي يغسل منه يصير كافر

المديرة :

تقول احد المدرسات ان طالبة في الاول الابتدائي كانت بنتا
للفراشة اللي في المدرسة … ولدت ام هالبنت وكانت بعض
المدرسات مجتمعين عند مديرة المدرسة ( هدى ) .. نادوا
البنت وسألوها عن حال امها ؟ وش جابت ؟ قالت البنت:
جابت امي بنت وتقول امي بنسميها ( المديرة ) ..
وكانت تقصد بنسميها هدى !!!

براءة :

تقول رن هاتف المنزل وردت اختي الصغيرة ..
وسالتها المتصلة: وين الوالدة ؟ قالت اختي وببراءة:
ما عندنا احد والد اليوم…

خطـوبة:

خطب احد الأشخاص أخت صديقــه وأراد من صديقه
أن يمكنه من رؤيتها - دون أن تشعر الفتاة - وقام الأخ
وضبط الموقف حيث اشترى بعض الأغراض وأدخل السيارة
في الفناء الداخلي للمنزل ونادى أخــته لحمل الأغراض من
السيارة - والخاطب يبصبص من شباك المجلس - وجاءت
البنت وحملت كرتون البيبسي وقامت تركض و تدور بالكرتون
و( تفحط ) كأنها تقود سيارة !!!!!! ولم تعلم البنت الأ في ليلة
الزواج حين اخبرها الزوج فما كان منها الا ان
بكت من شدة الخجل ...

كرم × كرم

تقول عزمنا أقاربنا في الشرقية ومن باب الكرم حطوا
في العشاء طبقا من الاطباق عبارة عن (روبيان طازج
مشوي غير مقشر) شاف ولدي الصغير هالطبق وقال:
يمه .. ووووع .. حاطين في العشاء صراصير

مع زود الفرحة :

تقول شرح لي أخوي مادة القواعد حتى فهمتها ..
وفي الامتحان جاوبت تمام التمام … وطلعت مسرعة
من المدرسة لسيارة أخوي ركبت المرتبة اللي وراء
وطقيت كتفه وقلت مشكور يأخيي جاوبت زين بالامتحان
رد علي بهدؤ وقال:
أنا آسف ماني أخوك غلطانه في السيارة.

على رجليني :

يوم كنا في الصف الأول الإبتدائي دخلت علينا المدّرسة وقالت:
اللي تجي للمدرسة على رجلينها توقف .. ( انا ما فهمت وش
تقصد) وقفت مع الواقفات فقالت لي المدرّسة: انت تجين على
رجلينك .. قلت : ايه الحمد لله ماني معـوقــة …
قالت يعني تجين للمدرسة بالسيارة قلت: نعم ..
فقالت: اجلسي يا الذكية ..
وجلست وسط ضحكات الطالبات .

توني شاربة :

مرة جلست جنب عجوز كبيرة وأعطتني ميراندا ..
وقالت: خذي افتحيه ، قلت: شكرا شكرا توني شاربه
قالت: خذي افتحيه لي أنا !! وقتها ضاع وجهي وقلت:
الحمد لله أني ما فتحته وشربته .

نعم الهدية :

في زواج أحد قريباتي أخذت لها هدية عبارة عن خاتم …
سلمت عليها وباركت لها وعطيتها الهدية .. وبعد ساعة
احتجت للشنطة وفتحتها ولقيت علبة ثانية للخاتم
بدا قلبي يخفق فتحت العلبة وإذا الخاتم فيها ....
المصيبة اني أعطيت العروس العلبة الفارغة !!!

بدون تعليق :

دخل أحد أقاربي بيته ولقى زوجته متلحفه في الصالون ..
وبغى أن يمزح عليها قرب من عندها وسحب اللحاف بقوة ..
ولكن ياااا للهول طلعت الشغالة !!

مستعجل :

كان اخوي جالس في مكتب المدير .. اتصل واحد
(يبغى المدير) رد عليه أخوي وقال له: المدير في
دورة المياة .. فقال المتصل : كم التحويلة !!


من شب على شيء :

فتاة قد تعودت هي وأخوتها إذا مـر أحدهم بجانب الثاني
مـد رجله ليسقطه على الأرض، فلما تزوجت وفي الأسبوع
الأول - من الزواج وحين نهض الزوج من وجبة الغداء
لغسل يديه مــدت الفتاة رجلها - كالعادة - فسقط الزوج
وكسرت ذراعــه واما الفتاة من شدة خجلـها من الموقف
فقد ذهبت لأهلهـا !!!!!

الصدق زمان :

تقول فتاة عن جدتها عندما سافرت بالطائرة لأول مرة ،
حيث جاءت المضيفة وقدمت لها الطعام ، فما كان منها
إلا أن قالت: والله لو أدري أني أبكلف عليكم ما جيت !!!

تضـامن شديد :

تقول بعد تخرجي من الجامعة عينت ( مرشدة تربوية )
في أحدى المدارس، وفي أول عملي جاءتني طالبة وأخذت
تحدثني عن شعورها تجاه فقدها لأمها التي توفيت منذ سنوات
وأخذت تشرح لي شوقها إليها، وافتقادها لها في كثير من
المواقف التي تواجهها، وأنها ….. وقامت الطالبة عن مقعدها،
وأمسكت بكتفي وهي تحاول تهدئتي
وتطلب مني التوقف عن البكاء


وينهــا ؟؟؟

تقول : أختاي الصغيرتان كانتا تسمعان أن في المدرسة شيئاً
يقولون له ( فسحة ) وفي يومهما الدراسي الأول جاء موعد
الفسحة ، فأخذتا تبحثان في كل أنحاء المدرسة عن هذه
(الفسحة)، وانتهى الوقت وهما لم تجدا ضالتهم المنشودة


أشكــركم على حُسن الاستماع
وأرجو أن تكونوا قد نلتوا على القليل من الإمتاع
عز الرجال


منقوله




2 
ام مودي

و الله يا عز كلهم لطاف
تسلم ايدك
و لكن
الصدق زمان :
تقول فتاة عن جدتها عندما سافرت بالطائرة لأول مرة ،
حيث جاءت المضيفة وقدمت لها الطعام ، فما كان منها
إلا أن قالت: والله لو أدري أني أبكلف عليكم ما جيت !!!

يا حليلها المسكينة
بتحضرني نوادرظريفة مع مودي أبني و هو صغير
مرة سألني

ماما
هي مياه الامطار معدنية ؟
ومرة
ماما يعني ايه القنبلة النبوية( يقصد القنبلة النووية ) ؟
و مرة
بعد ما حميته
ما شاء الله كان جميل و ابيض و من الحمام الدافي كانت خدودة حمرة
المهم قلت له انت يامودي شبه القطة
رد ببراءة و قال لي و انت يا ماما شبه الكلب
ههههههههه
أشكرك اخي
دائما تسعدنا بمواضيعك الجميلة
الله يسعدك دنيا و أخرة
دومت بكل هنا و سعادة


3 
الفارس الابيض

[align=center]
موضوع مميز ورائع ,,
سلمت يداك على انتقائك الجميل ,,
دمت ودام ابداعك وتميزك ,,
كل الشكر لك,,
بانتظار جديدك
فارس الظلام


[/align]


4 
غمازاتي تحليني

هههههههههههههههههههههه
هههههه

والله في بعضها تضحك من جد .....


طرح ….رائع

تسلمي….. يمينك

كل الشكر للمجهود الجميل
والموضوع الرائع
تسلمي الايادى
طرح مفيد وقيم
مجهود رائع
كل التحية لك ولجهودك الرائع
فى امان الله


5 
عطر البنفسج

ههههههههه حلووووووووة
مواقف كثير تحصل وبتكون عفوية

لكن جد بتخلينا نضحك من قلبنا

شكررررررررررررراا على الموضوع
كثيرررر ضحكني
خاصة اللي تزوج عليها
هههههههههههه


[flash1=http://s7.directupload.net/images/110719/6k9pm8me.swf]width=500 height=400[/flash1]ااا



Powered by vBulletin® Copyright ©2000 - 2018, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.