العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
قلب العنبري


كنت نايم وبعالم الأحلام هايم

ما أدري في شو كنت أحلم

مره أحس إني أسوق سياره

ومره اقول كنت مضيف طياره

كان الجو بارد وكنت متغطي وشارد

رن التليفون

وقلت يا ترى من يكون؟

هذا المزعج هل هو صديق والا مزيون

هل هو عاقل والا مجنون

رديت عليه وأنا كلي شك وظنون

وبرقه بعد ما كنت عصبي أنا إنسان حنون

سمعت صوت ما توقعته

ولا في خيالي تخيلته

ولا حتى بحلمي سمعته

بنت <<<

قلت : هلا

وقالت : أهلين رندا موجوده

قلت : وأنا صوتي رايح فيها

لحظه شوي بناديها

وجلست أصوت وأقول رندا يا من رندا يلاقيها

ورديت للسماعه وقلت ما أدري وين راحت الله يهديها

بس دقيقه ما عندنا رندا

وبادر البنت خوف

قالت آسفه غلطانه

قلت : لا يهمك عادي لا تكونين زعلانه

ما يهم اذا ما عندنا فلانه

قالت : شكلك كنت نايم

قلت : لا توني قايم

قالت : تدرس

قلت : الدراسه خلاص بااااااااااااح

إنتي شكلك تدرسين

كيف إختباراتك عسى إنكم مرتاحين

قالت : باقي لنا ونخلص يومين

قلت : من الاختبارات لا تخافين

دامك الليل تذاكرين

وعلى الله تعتمدين

واللي يزرع بطيخ ما يحصد يقطين

أهم شي إنك ما تنسين

قبل الإختبار الله تدعين


ومن إبليس تتعوذين

خلقه من نار وخلقنا من طين

وجلسنا نسولف في أمور

من شو إسمك الين غلا المهور

قالت :اسمي ود

وقلت لها : انا محمد

وقالت : صدفه غريبه أسامينا فيها دال

تصدق كنت أتمنى يسموني نوال

تصدقين وأنا كنت أتمنى يسموني جمال

وجلسنا نسولف في بحور الشعر والموال

وما همنا كلام الناس والعذال

وفجاءه خلصت السوالف ولا لقينا اللي ينقال

وسكتنا

وبدلع قالت : انت تشجع النصر

قلت في قلبي ما ادري أجاوبك بكف والا بنعال

بالله عليك هذا سؤال

قلت أنا هلالي وما يهمني القيل والقال

هذا الزعيم هذا حبه طاح في القلب ولا ينشال

والشمس ما يغطيها مشخال

قالت : وش معنى الهلال

قلت يا بنت الهلال فن ولعب ويفوز باللي حضر

وجمهوره له كلمه وأمر

يا بنت لا تغريني بالكثير

لو تضربين مليون بصفر يساوي صفر

وحتشرنا وشبينا بس بسرعه انطفينا

والظاهر بعضنا هوينا

وبدرب الحب ابتدينا

قالت : محمد

قلت : آمري يا ود

قالت : أوصف لي شكلك

هذا وين توهقنا

شوفي العرب لونهم واحد

ولسانهم واحد

وأحلف بالله ولا غيره أحد

إني ماني طويل ولا قصير

شعري ناعم مثل الحرير

قالت : والعيون

قلت : العيون شبرين في ثلاثة أشبار

قالت : أسد

قلت : شكراً يا أحلى شهد

المهم إنا تواعدنا

والموعد باكر في المول قررنا

بين خوف وأمل تواعدنا

قضيت ليلتي في حيره

وش ألبس جنز والا كندوره والله حيره

ما في غيرها يفك الحيره شيشه وتعميره

ورجعت للبيت أعاتب أمسي وأبتسم لغدي

وبصعوبه نمت جلست أتقلب وأون

يا قلبي قلي شو اللي من الحب أهون

غريبه هالدنيا غريبه

وراحت ليلتي .... وزادت بلوتي

اليوم موعدي .... أنا والحب بنلتقي

وكشخت

لبست فوق راسي غترتي

في مكان اللقا تغيرت حتى خطوتي

صرت أرتجف وأترنح بمشيتي

كائني أنساق للموت وهذي نهايتي

سوالف شجاعه ... هذي أكبر بطولاتي

اذا خسرت بتضيع أحلى أمنياتي

جلست أدور وألف وحول المكان أطوف

وين هذيك العين اللي عليها قلبي ملهوف

ود ؟ يا ليت الناس تجي وتشوف






وفجاءه

وصلني مسج ....

يقول :

سويتها فيك

رد البيت وخل عنك هالسوالف يا تعبان

روح نام

تعيش وتاكل غيرها

وسويتها فيك













المرسل
أمــــــــــــك
سويتها فيكatch_lf:سويتها فيكatch_lf:سويتها فيكatch_rir:سويتها فيكatch_rir:






2 
الفارس الابيض

[align=center]

كثير حلوة القصة تسلم الايادي


يعطيك الف الف عافيه

موضوع رااائع

وجهود أروع

ننتظر مزيدكم

بشوووق
فارس الظلام

[/align]


3 
لياااالى

هههههههههههههههههه

تعيش وتاكل غيرها


4 
قلب العنبري

الله يعطيكم العافيه ع مروووركم الطيب



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.