العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
سكون الجو


جبتلكم رواية رومانسيه وانشالله تنال رضاكم





ابطال قصتي





ملاك : وحيدة امها وابوها وطالبه في الثانويه - طولها طول طالبه ثانويه .
مي : صديقة ملاك في المدرسة .
عيال عم ملاك
( طلال - محمد - الهنوف ) ( فيصل - رهف - عبد المجيد - حلا ) ( عبد الله - غدير - متعب - دينا ) ( ابرار - ود )
والشيبان مو لازم


00000000000000000000000000000



الجزء الاول



مها زوجة طلال : عاد مو تقطعوننا !!!!!! ترى حاتم الطائي للحين عايش بس يتحرى زيارتكم .
ام فيصل الي من ضمن عيال عم ملاك : والله مقصرتي معانا كفاية شفتس ياروحي .
مها : ولو حنا مسوينا غير الواجب .
كانت مي تسرق نظرة من بعيد لجمال زوجة طلال : ملاك ,,,,, شهالبنت الي عندكم ؟؟؟
ملاك : هذه زوجة ولد عمي .
( كانت تسولف مع عبد المجيد بمسن الببي وهي واقفه )
مي طالعتها : بس مشفت جمال بدوي زي جمالها .
ملاك : ايه حنا نسميها وضحى زوجة نمر .
مي طالعتها وحست ان مها لمحت نظرة مي فخافت واتجهت لها : اقول مهاوي .
مها عارفه طبع بنات الثانويه : هلا .
مي : ممكن تدليني على البراده ؟
مها : من عيوني .
ودلتها على البراده ,,, مي تطالعها لما راحت ,, نظراتها مو للبراده كانت تبي تتأمل جمال مها عن
قرب .
جاء طلال والتفتت مي من جية نمر : هلا وغلا بنمر بن عدوان .
طلال طالعها بنص عين : نعم !!!!!!!؟
مي اقتربت له : بصراحة ,,,, دمكم واحد ,, وانتم واحد ,,, وكأنكم تفاحة انقسمت نصين .
طلال مو فاهم اللغز ومسكها مع طرف ذراعها : ممكن تنقلعين عن وجهي ؟؟؟
مي : ليش حرام الواحد يمزح ؟؟؟
طلال : سمعيني ,,, انا عارف حركاتكم يبنات الثانويه لاتظنين اني بميل لمزحك لان مها حتظل مها وانتي افهميها .
مي : وانا قايله شي ؟؟؟؟؟
ملاك جتهم : لفيت البيت كله ,, حتى الحمام فتشته ,,, وين رحتي ؟؟؟
طلال : ملاك ,,, ذلفن انتي وخويتس هناك .
ملاك : يمه !!!!! ليش ؟؟؟
طلال : مساخة بنات الثانويه مو علي .
ملاك : مشالله !!!!!! علشان الخيل الي بالصالة ؟؟؟؟؟
طلال بثقه : ايه .
وتركهم .
مي : ياربي ,,, مقلنا شي !!!!!
ملاك : سمعيني يامي ,,, طلال من النوع الحساس ,, يعني يخاف على قلب مرته اشد من خوف الام على ولدها .
مي : بس عشان مزحت معو ؟؟؟؟
ملاك : ولو ,,, هو حساس وميحب هالطبع يشوفه ؟؟؟
مي : طيب ,,, الشباب وينهم ؟؟؟
ملاك : مدري .
مي : تصدقين عاد ,,,, والله هالطلال يهبل ,,,,, جسمه شهم ,, ورزته ايام اول .
ملاك : امشي بس .

000000000000000000000000



متعب مشغول بسبحته وبنفس الوقت يفكر .
عبد المجيد : خير انشالله ؟؟؟؟
متعب : سلامتك .
عبد المجيد : اشوف الاخ سرحان !!!!!! شسالفة !!!!!!؟
متعب : افكر بخواتي .
عبد المجيد : شفيهم ؟؟؟
متعب : هن امانه عندي قبل ميكونون امانه عند ابوي ,,,, وخايف اقصر معهن بشي .
عبد المجيد : الله يرجك انت ,,, لاتخاف هذولا سباع .
متعب : سباع بعينك ,,,,, هذولا ورود يفتحوا النفس .
عبد المجيد : يفتحوا النفس !!!!!! حاط عينك على بنت وقلبت الموضوع بخواتك ؟؟؟
متعب : لا ياعمري ,,,, متجرأ احط عيني عليهم ,,,, اخاف على مشاعري تنقلب ضدهم .
عبد المجيد : الله يوفقك بس .
ومسك الدله بيتقهوى .

0000000000000000000000000


اقتربت الصورة لدكة عليها شباب وبنات يتخيبلون .
عبد الله : تعيشون يابنات الزمن ,,,, من قدكم !!!!!!
ملاك : عبد الله ,,,, انت جاي تتغزل فينا ولا ايش ؟؟؟
مي : هذا يتغزل فيكم !!!!!!؟ هذا لو يعرف شالغزل كان مشفتوه .
طلال : ملاك ,,,, لو سمحتي صبي القهوة .
ملاك : يووووووه بين صفّة الحريم ملقيت الا انا ؟؟؟؟
طلال : ابشري طال عمرك ,,, انا بصب لك القهوة .
جت مها : شباب ,,,, متبون تتعشون ؟؟؟؟
مي طلع لسانها الي طوله طول سور الصين العظيم : ايه ايه ايه ايه .
وعلى الطاولة الطويله يتعشون الشباب والبنات وكل واحد يضيف اخته والي يعلق على اكل
الثاني وكانوا عايشين جو الصداقه .
نظرات فيصل تسلطت على اكل الهنوف وكانت مو مهتمه الي ياكلون وحط فيصل الملعقة واصابع يده
الثنتين بذقنه وجلس يتأمل وجه الهنوف بالاكل .
تمضغ الهنوف البطاطس المشوي وكانت تتلذذ بملوحته بس توقف حلمها بالملح لنظرات كانت
تحس بأنها تطالعها من اول مبدت بأول لقمة ,,,, التفتت يمين ويسار وتعلقت عيونها بشكل فيصل
بس متعرف شالسبب ؟؟؟؟
عبد المجيد متابع للاكله الي بتاكلها ود وكانت تشاوره ايش الطعم الزين ؟؟؟
حاسة الجد زارت طلال بوقت الاكل وكانت مها متطمنه على عيون طلال .
ابرار : طلال ,,, عطني صحن السلطة الي عندك .
ناولها طلال الصحن ورجع للجديه .
مبين حوارهم الفوضوي قرروا انهم يروحوا لطيارة طلال الخاصة ويسافروا اوروبا .

00000000000000000000000000000


جو ايطاليا كان منعش لدرجة الرومانسيه واتفقوا الشلة انهم يروحوا لأقرب منتزة بوقت الليل
لان القمر يكون كامل بهاليوم .
وكل كرسي عريض عليه شباب وبنات يسولفوا وكانت عيون مها على طلال الجاذبيه .
وكل وحده صور مسنجر بأناقتها ومتحمسين على لون لمبة المنتزة السماويه .
فيصل متنهد مراقبه لشكال الهنوف البيبي ,,, وكانت نظراته فضوليه لشرايين الهنوف .
اما الهنوف فمادرت عن عيونه من اول موطت بلاط الطيارة تبع طلال بس جاها الاحساس لما ركبوا
السيارة وجلست جنب فيصل .
ملاك مبين حياتها ( الوحده ) ومبين استهبالها مع طلال الي عصب من حركاتها الثانويه .
وصلوا لبيت فيصل والي كان دزني فاقع .
مها : شرايكم البنات يناموا لحال والشباب يناموا لحال ؟؟؟
طلال : لاياعمري ,,, وين متطب رجلك حتى في بمحل البلايز رجلي وراك .
ود : يالله لهدرجة تموت فيها ؟؟؟؟؟
طلال : لما تحسين ان في شخص هو الوحيد الي ميخون فالدنيا ,,,, كالساعة اتحداكي تخونيه .
ود سكتت من حكمته !!!!!!

0000000000000000000000000000


راحوا من بكره للسوق وكانت مها تمشي بهدوء ومها صاحب الرجوله طلال وكانت
تناقشه على شي اعجبها داخل المحل ومتعب يده بكتف غدير وكان يبتسم للشي
الي تعلق عليه غدير .
اتجهوا للكوفي وجلسوا وكان في مصورين داخل محل الملابس .
ود جالسه : اقول غدير .
غدير : هلا .
ود : مودك تروحين تصورين بدل هالاجنبيه الي بتسوي اعلان للمحل ؟؟؟
غدير بقرف : لاانشاااااااااااااااااااااااالله ,, لاياعمري ,,, لما اصور بإعلان ملبس هالملابس .

ود : بس ملابس العارضه حلوة .
غدير : عارفه ,,, بس البنت سمره ,,, واللون الرصاصي عليها مو مناسب .
ود : طيب تخيلي ,, تخيلي بس ,,, لو جابوني انا وقالولي صوري بدل هالعارضه ,,, تتوقعين شكلي بيكون
حلو ؟؟
غدير : اصلا الكاميرة اطول منك ,, شلون بتصورك وانتي نملة ؟؟؟
ود : انتي بس تحطيم ؟؟؟ اهلك معلموك شلون تحترمي طموح الناس ؟؟؟
غدير : الا علموني ,,,, بس انا لما اشوف شي خيالي ,,, احطم نفسي قبل مدخل في عالمه .
ود : ايوه ,,,, وليش ياقلبي ؟؟؟؟
غدير : بس ,,,, تعودت على كذا ,,, صحيح اني ثريه وكل شي ابيخ يجيني بس مع كذا في اشياء مقدر
احققها .
ود : مثلا ؟؟؟
غدير : مثلا اكون شاعره ,,, انا ودي اكون شاعره ,, بس الفلوس متخلق الشعراء .
ود : والحل ؟؟؟؟
غدير : انا اقول ,,,اني بس احقق الي قلبي يبيه بس بدون متنقهر مرارتي .


0000000000000000000000000


العارضه تسوي استعراض للمصور بس طاحت عينها على زول طلال والي اكتشفت ان ملامحه
عربيه ,,, لما خلصت تصوير اتجهت للطاولة الي طلال فيها واقتربت لكرسيه واصابع يدها مشطت
شعره وراحت وكأنها مسوت شي .
التفت طلال على هالحركة واستغرب " مين الي سوى هالحركة !!!!!!؟ "
بس طارت عيونه على البنت الي تغمزله وطنشها ,,, اتجهت العارضه وسوت هالحركة وطلال عرف
البنت .
لما حست انه ماعطاها وجه وكان يسولف تمللت وجلست على الكرسي وجتها بنت تسولف معها ,,
اقتربت الصورة بعيون طلال المعصبة طالع كوب المويه واخذه واتجه لمكان البنت ورشق المويه
بملابسها الي تحولت من رصاصي فاتح الى رصاصي غامق من الماء .
طلال مسك ذراعها بعنف وقال كلام بالانقليز بس مبين انه أثر على الاجنبيه لانها على طاحت بالارض
وبكت للكلام الي قاله طلال والي يدل على انها اكتشفت ان زوجة طلال محظوظة فيه .
فيصل لما جاء طلال : هيييييه انت شفيك ؟؟؟
طلال : رفعت ضغطي .
فيصل : وين مها الي تشوف هالموقف ؟؟؟؟
كانت تكتب شعر بجوالها وهي بداخل المحل وحلا ودينا يشاوروا بعض بالبلوزة المعلقه .

00000000000000000000000000


راحوا البيت وكانت مها مستغربه من نطرات عبد المجيد الحاده : شفيك ؟؟؟؟
عبد المجيد : ماشفتي الي شفناه بالسوووق ؟؟؟
مها : لا .
عبد المجيد : اسئلي متعب عنه .
وتركها .
مها والفضول بدى يخليها تمشي وقابلت متعب الي يسولف بالجوال بقرب المسبح : متعب .
التفت : هلا .
مها : شصاير اليوم بالسوق ؟؟
متعب عرف قصدها : روحي لفيصل وهو يقولك .
مها والفضول بيطعنها : طيب .
اتجهت لفيصل والي جالس عالسرير : ممكن افهم انت ومتعب وعبد المجيد شمخبين في السوق ؟؟؟
فيصل قام : والله الكلام مو عندي ,,,, عند زوجك طلال .
مها : هالمره ,,, ماني رايحه لطلال ,, ابيك انت تعلمني .
فيصل : اليوم جته اجنبيه وسوت فيه تميلح ,,, هو تربى عالشهامه ,,, فهو لما شاف مها بحياته رمى البنت
الساحره بالارض ولا وكب عليها الماء وعصب والبنت بكت .
اقتربت الصورة بوجهها بهدوء لمها : وش ؟؟؟؟؟؟؟؟؟؟؟؟؟؟

0000000000000000000000


2 
سكون الجو

الجزء الثاني




اتجهت لفيصل والي جالس عالسرير : ممكن افهم انت ومتعب وعبد المجيد شمخبين في السوق ؟؟؟
فيصل قام : والله الكلام مو عندي ,,,, عند زوجك طلال .
مها : هالمره ,,, ماني رايحه لطلال ,, ابيك انت تعلمني .
فيصل : اليوم جته اجنبيه وسوت فيه تميلح ,,, هو تربى عالشهامه ,,, فهو لما شاف مها بحياته رمى البنت
الساحره بالارض ولا وكب عليها الماء وعصب والبنت بكت .
اقتربت الصورة بوجهها بهدوء لمها : وش ؟؟؟؟؟؟؟؟؟؟؟؟؟؟
فيصل لف وجهه باتجاهها : ايوه .
مها : يعني ............
واسرعت الصورة لفتحة باب دخله شخص بمفاجئة : اجل قالولك !!!!!!!؟
التفتت مها : بصراحة .............
طلال كان بيتكلم بس بنت جت عرض : فصفص .
واتجهت بتنطيط بطفولة وطبت عالسرير : فصولي ,,, ابيك تسويلي صفحة بالفيس بوك .
فيصل : جايه صاروح ,, ولا وبتكسرين السرير وانا الي ببتلش بالنومة وبالاخير تقولين سولي
صفحة بالفيس بوك ؟؟؟؟؟
ملاك : ايه عادي ,,,, يالله والحين .
فيصل : والحين ؟؟؟؟؟ اقول ,, تصبحون على خير .
وتغطى بسرعة .
ملاك : طيب ,,,,, اذا مقلت سرك للهنوووووووووف .
قام فيصل : اي سر ؟؟؟؟
ملاك : اي سر ؟؟؟؟؟ انك تفكر تسوي شي لخطيبها !!!!!!!!!
فيصل قام بصدمة هادئة : نعم !!!!!!
ملاك مستغربه : شفيك ؟؟؟
فيصل : من متى انخطبت ؟؟؟
ملاك : يووووه الظاهر انت اخر من يعلم ,,,, البنت من شهر انخطبت .
فيصل بخرعه بريئ : وليكون وافقت ؟؟؟؟؟
ملاك : مدري عنها ,,,, يالله تسويلي صفحة ولا لا ؟؟؟
فيصل قام ماله خلق : ابعدي للحين اتوطاتس .
وطلع من الغرفة .
مها : هذا شفيه ؟؟؟
ملاك : بصراحة ,,, من شهرين حاسه من تنقلات عيون فيصل انها سكنت ظل الهنوف ,,
بس ماتأكدت الا الحين .
مها : وهي تعرف ؟؟؟
طلال متكتف : لا ,,,, بس تتوقعين شبيسوي فيصل ؟؟؟
مها وكأنها ام بورطة : مدري ( وطلعت )
فيصل مشى بهدوء ومعصب ودخل الصاله وشاف الهنوف بحظنها اللابتوب : نعم !!!!!
فيصل وصل لكنبها : انتي من متى انخطبتي ؟
الهنوف عيونها باتجاهه : ها !!!!! ليش تسأل ؟؟؟
فيصل شالها من ذراعها بعنف : قوليلي متى انخطبتي ؟؟
الهنوف : من شهر بس ليش انت معصب !!!!!!!؟
فيصل : طيب ,,, اذا مخليت خطيبك في عداد الامواااااات ,,, مكون فيصل .
الهنوف التفت وجهها : بتخليه بعداد الاموات !!!!! ليش ؟؟؟
فيصل : مرة ثانيه تخبين علي مثل هالموضوع ,,, لاتلومين الا نفسك .
دخلت مها الصاله : فيصل ,,,, شسالفه ؟؟؟
فيصل ترك الهنوف : ولا شي .
ملاك : الحييييين ,,, قمت من السرير لما عرفت بخطبة الهنوف ,, ولما وصلنا هنا وشفناك
معصب من الهنوف ,,, ولما سئلناك شفيك تقول ولاشي ؟؟؟؟؟ مو مقنع جوابك .
فيصل : انتي يالبزر اسكتي .
وطلع وهم مستغربين من تصرفه الي ماله معنى بالنسبة لهم ,,, بس اكتشفوا ان هذه تلميح
من فيصل عن حبه للهنوف .

00000000000000000000000

قامت من النوم وهي تتذكر ملامح فيصل الي تتحرك بهدوء لما هاوشها وكانت الصورة
تقترب لوجه الهنوف الابيض وتتذكر عيون فيصل .
تمغطت ووراحت تتوضأ وتصلي الضهر لانها صلت الفجر قبل ولبست جزمة بيتوتيه ناعمه .
تتجه الصورة ليمينك يالمتخيل ونشوف مرايه تستعرض قبالها ود وكانت تزين اذنها بخلق
سلاسل .
تتجه الصورة ليمينك بسرعة يالمتخيل لوجه ملاك : بصراحة ,,, فيصل يخوف .
مي : وليش ؟؟؟؟ اصلا هو رومانسي .
ملاك : مالت عليه وعلى رومانسيته ,,, اذا في رومانسيه زي حقت فيصل ,, الله يكون بعون البنت
الي بتاخذه .
مي : حرام عليك ,,, هو انسان حبوب ,,, بس اذا تجرأ احد ياخذ شي من ملكه ,,, تعرفين شبيسوي
مع الخاطف .
ملاك : بصراحة ,,, انا بديت اخاف من رومانسيته ,,, زوجي اذا سوى فيني كذا ,,, عزالله برجع مطلقه .
مي : عاد انتي لاتبالغين ,,,, عاد من زين رومانسية الشباب هالوقت ,, كل واحد ازفت من الثاني .
ملاك : بصراحة ,,,, عيال عمي كلهم احطهم تحت الجمر من تعاملهم معي .
مي : عاد انتم اخف عايلة في تأديب الحريم .
ملاك : اخف عايلة ,, الا قولي اجن عايلة بتأديب الحريم .
مي : وفيصل حظرته ليش مااعلن حبه قبل خطوبتها ؟؟؟
ملاك : مدري عنه ,,, يقول بسوي مشهد .
مي : عاد بيضبط نفسه ؟؟؟؟
ملاك : مدري ,,, بس متوقع ,, هو فاشل بالتمثيل ,, يعني بينجح بإعلان الرومانسيه ؟؟؟
مي : المهم ,,, شرايك نتمشى ؟؟؟ والله طفشانه من القعده .
ملاك : قوه .( وقامت )

000000000000000000000


مي تتمشى من بعيد : وابو الهنوف وش قرر ؟؟؟ هو عرف بحب فيصل ؟؟
ملاك : مدري عن عمي ,,,, بس اتوقع لا ,,, عاد انتي افهميها .
مي : صعب على الشباب يعترفوا صح ؟؟؟
ملاك : مو صعب ,,, بس خايف ,,, خاصة ان عمي يعاير فيصل بإنه مو متسنع بالشركة .
مي : يمكن اذا اشتغل عند ابو الهنوف بيكبر بعين ابوها .
ملاك : متوقع ,,,, هو كسلان بالرياضيات ,, والوحيده الي شاطر فيها الديكور .
مي : الرياضيات فيه ديكور .
ملاك : مدري ,,, بس متوقع انه بيشتغل عند عمي ,, اعرفه مفهي .
مي : حرام عليك ,,,, هو مو مفهي ,,, بس انتم فاهمينه غلط .
ملاك : فاهمينه غلط ؟؟؟؟ سكتي بس ,,, خلينا ندخل اي محل نشتري فيه بلايز .

00000000000000000000


دخل فيصل وكان شكله تعبان لما تأمل امه في صالة غرفه نومها ,, اتجه لها
وبهدوء وكان واضح شكله انه مهموم من موضوع لان أمه تطالعه باستغراب .
قعد وبضمير : يمه ,,,, انتي داريه ان الهنوف بنت عمي ,,, مخطوبه ؟؟
ام فيصل : ايه داريه .
فيصل : وليش مقلتيلي ؟؟
ام فيصل : انت اكيد بتعرف من الشباب ,,, وبعدين ليش شكلك كذا ؟؟؟
فيصل : مهموم .
ام فيصل : من ايش ؟؟؟؟
فيصل : من شغل الشركة .
ام فيصل فاتحه فمها : انت يالكسول ,,, مهموم من شغل الشركة ؟؟؟ مصدق !!!!
فيصل : ليش ؟؟؟ شايفتيني مو رجال ؟؟؟
ام فيصل : مو قصدي كذا ,,,, بس انت تكره شي اسمه اسهم ,,, صحيح هي من ضمن
معيشة الرجال ,,, بس مصدق انك انت تصير مهموم بسببها .
فيصل : عالعموم انا ابي انام بحظنك ,,, معليش ؟؟؟
ام فيصل : تعال ياروح امك ,,,, نم على حظني ,,, وقولي ايش مشكلتك .
فيصل نام على حظن امه : يمه ,,,, انا تعبان .
ام فيصل : سلامتك من التعب ياعيوني ,,, شفيك ؟؟؟ شصاير لك عشان وجهك تروح
منه هالوسامه .
فيصل وكأنه عطشان : يمه ,,,, مشكلتي مع شخصية ,,, دايم بعيني ,,,, وميفارقني .
ام فيصل : شخصية بالشركة ؟؟؟؟
فيصل : بحياتي ,,,, اشوفه بكل مكان ,,,, اعزم واكرم واحاول ابين مدى حبي لهالشخصية ,,,
بس ..........
ام فيصل : بس ايش ؟؟؟؟؟؟؟
فيصل : فجأه ,,,,,,,,, اكتشفت انه راح ,,,, ان الشخصية ,,,,,,, في شخص ملك هالشخصية .
ام فيصل : وانت ,,, تدخله بقلبك ؟؟؟
فيصل : اقولك دايم بعيني وميفارقني ,,,, وشلون مدخل هالشخصية بقلبي !!!!!!!؟
ام فيصل : اذا هالشخصية تستحق تكون جزء من حياتك ,,, ياهلا بيها .
فيصل : بس متى ؟؟؟؟؟
ام فيصل : اذا قلتلي من هالشخصية .
فيصل لف بوجهه : مقدر اقولك .

0000000000000000000


مي : انا ماني فاهمه شخصية فيصل ,,, يعتبر الاعتراف نوع من العيب ولا نوع
من الهزيمة في معركة العاطفه ؟؟؟

ملاك : مدري عنه ,,,, اذا يبيها خله يتحرك ,,,, وبعدين انا شعلي منه ؟؟؟؟ كيفه .
مي : بس حرام يروح حبه كذا .
ملاك : اقولك ,,, متلاحظين اننا غبنا عن المدرسه اسابيع ؟؟؟؟
مي : يوووووه عاد من زود شطارتنا .
ملاك : اي والله .
لما كانت تخلط العصير الي لونه بنفسجي ارتفعت عيونها بهدوء وشافت زول شاب
من بعيد تبي تتعرف على رسمه وجهه اكثر ,,, ماهتمت وتمت تخلط العصير .
مي : اقول ,,,, انا بروح الحمام . ( وقامت )
رن جوال ملاك : الو .
غاده : هلا ملاك كيفك ؟؟
ملاك : بخير .
غاده : انتي برى المملكة ولا بالمملكة ؟؟
ملاك : لا بالمملكة ,,, رجعنا قبل خطبة الهنوف .
غاده : مشالله !!!!! اجل الهنوف انخطبت .
ملاك : ايه ,,,, انا شفت خطيبها ,,, شكهالرجال !!!!!! طول وعرض ,,, يسلااااااااااام .
وتحولت رسمة وجهها من فرحانه لمصدومة ,,, عيونها بتسكر من الفرحة بس مسرع
متحولت لعيون طايرة ,, يدها ذبلت والجوال بينزل من مستوى اذنها ,,, اقتربت الصورة
لوجهها الثانوي المرحله وبهدوء غريب ,,, كان الي جوى الجوال بيكلمها بس ملاك وكأنها فقدت
حاسة السمع ,,,, كان خلفها متجولين وكانت وحيده من بين الشباب الي بالبيت ,,,
بدت عيونها تكون ضيقة وعدستها تشتغل فيها الدقه لشي شافته قبالها ,,, شي خلى عروقها
تتحول من دم الى عصير شكولاته ,, خلى قلبها يتحول من قلب ينبض لكرسي مفعم بالملك
النفسي ,,, شي خلاها تحس انها احسن من بنت عمها الهنوف .
قامت من كرسيها بفضول وكأنها مستكشف اثار شاف غرض كان يتمنى يشوف الغرض قبل اي
عالم يكتشف وجوده على الارض ,,, تقدمت بهدوء للسور وتوقفت وتأملت من بعيد .
شاب يمشي ومنزل راسه بالارض وكان مشغول بالجوال وتوقف عشان يكلم ,, وجه ملاك ابتعد عن
الصورة والصورة على شعر الشاب الي صبغته متدري هل هي طبيعيه ولا صناعيه ,,, بس
كان شعره نجمة من اللمعان على خطوط رصاصيه متناسقه مع اللون الاسود ,,, وجه ملاك
يروح يمين ويسار تبي تتعرف على رسمة الشاب كامل .
قابل وجهه وجهك وانت تشوف عيونه رصاصية ودقيقه بحنيه يالمتخيل ,,,
حاط الجوال بإذنه وكان يكلم بوسامه واسنانه تخلي اي شخص يركض لدكتور اسنان من المظهر
العظمي الابيض ,,, عقدت عيون ملاك وهي تتأمل الشاب الي يكلم بثقل ومحس
بالي يراقبه من بعيد ,,, ملاك اول مرة شاب بياضه صح ,,, بياضه يشبه رجل الثلج .
ملاك في نفسها
" اروح له ,,,,,, ولا مااروح !!!!!؟ "
التفت وجهها
" اروح له ,,,, ولا تكون فشيله لي !!!!!!!؟"
التفتت بإعجاب
" اروح ولا ............ اتركه !!!!!!!؟ خليني اروح له "

000000000000000000000


3 
الفارس الابيض

[align=center]

كثير حلوة القصة تسلم الايادي


يعطيك الف الف عافيه

موضوع رااائع

وجهود أروع


ننتظر مزيدكم

بشوووق
فارس الظلام

[/align]


5 
قاطع الاه

شكرا لجمال مجهودك

والف شكر واحترام لعملكم الذي كان جديراً بالشكر

ولكل ماتقدومنه لمنتديات الدولي العزيز على قلوبنا جميعاً

فتحياتي لك ودمت بعطر الورد ..... احترامي


مع الشكر الجزيل ...



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.