العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
أسير الغرام


بسم الله الرحمـن الرحيم شباب القصه دي طويله جدا بس هتعجبكم
السلام عليكم ورحمه الله.. هذي اول قصه اكتبها ..
اتمنـى تعيبكم مثل ماعيبتني. وعلى فكره نص القصه حقيقيه..نبـدآ.. =)
البـــآرت الاول..
الامارات فـ دبي تحديدا جميرآ ... كانت في عايله غير عن كل العوايل باختـصار *اسبشـل ههـ* ..

ابـو رآشد : هـآا نوف بشري شو سويتي بالمـدرسه اليوم!
رآشـد : وهذي شي عندها غير الشرده والمقالب ههههه
نوف: رشوود جب..والله ياابوي الحمد الله تمام..
رآشـد : رشوود اصغرر عيالج هآآ..
نوف: اصغر عيالي وغصب بعـد ..
ام راشد : حــوو بسكم من الصبح لآخر اليوم وانتو ضرابه سكتو شوي..
رآشـد: كـله ولازعل الغاليه اميه .. وهذي بوسه على الراس ..

نوف: تراني اغارر .. ورآحت نوف وباست امها على الراس
ام رآشـد : الله لا يحرمني منكم
الكـل: آميــــــــــــــــــــن
مريم: بابا ابا اروح الدكان ابا حواوه
حمــد: شـو تبين انا بوديـج..


آووووبــس نسيت اعرفكم على الشخصيات..
اهم الشخصيات نوف: نوف عمرها 18 سنه بنت حـلوه قزومه وبيضه وعيونهآ سود ووسـآع و مغروره .. باختصار كـل مواصفات الانوثه فيهـآ..واهم شي فيهـآ ان بسرعه تدخل القلب.
ابو راشد: ابو العيال عمره 39 سنـه طيب حنون يحب الخير لكل الناس مايعرف معنى لا ..
ام رآشد: ام العيال عمرها 36 سنـه طــيبه بمعنى الكـلمه والكل يحبهـآ مافي حد يكرهـآ .. بس شوي عصبيه..
رآشـد: الولد العود عمره 24 سنه .. طويل خشمه سيف جــــذآب .. لا ابيض ولا اسمر حلو والي امحليه رموشه الغليضه وعيونه العسليه .. بس عصبي وايد
حمـد : الولد الثاني عمره 21 سنه .. ابيضاني وطويل وخشمه سييف وحمد عكس اخوه طيب وحنـــون وماايلس بالبيت كله طايح بالمولات يغازل البنات..
شمـآ: عمرها 13 لاسمره ولا بيضه وطويله وعيونها تذبح الواحد .. ودلوعه ابوهاا وكل شي تباه اتحصله .. واحلى شي فيها انها تقهرر هههه
اخـر العنقوود مريوم: عمرها 3 سنين دلوعه الكـل .. وكلامها روعه خخخ واذا زعلت تنسي الواحد اسم ابوه ..,, حشه مب بنت
نرجع للقــصه..!
رآحت نوف لغرفتهآ وكانت ملانه قررت تتـصل على توآم روحهـآ العنود..

نـوف: مرحبـآ السـآع
العنود: مرحبا ملاين ولايسدن في ذمتيه..
نـوف: اشحـآلج حياتي..؟
العـنود منـصدمه: نونو لالا مـآصدق انتي فيج شي او ماكله شي صح!!
نوف: ليش انا شو سويت.؟
العنود: نزل عليج الوحي مره وحده انقلبتي 360 .. اتقولين لي حياتي لا ما اصدق
نوف: ليش انـآ منقله ههههه .. لا فديتج بس ملانه .. وانتي..
عنود: حتى انـــآ ابا اطلع... وشوي الا اتقول عنود: اشـرآيج اي بيتكم ونكلم ابوج عسب نطلع..؟
نوف: واللهـ؟؟ بس ابوي مابيرضى
عنود: عندنا شما ماتقصر
نوف: هيه والله ..
عنود: عيل خلاص دقايق وانا فبيتكم..باي
نوف: فمان الكريم..

بعرفكم على العنود: بنت حلوه وبيضه عمرها 18 سنه قد نوف بس اكبر منها بـ3 شهور تقريبا .. وفنانه بكل شي وعنود بعد من الشخصيات المهمه وخشمها سيف وعيونها اطير العقل..ههـ
انكمـل ..
عنود لبست وتكشخت ,, على وين بالاخت ههه !
وتعطرت ونزلت تحت عند اهلها ..
عنود : هااااي
مانع: هايات او او عنود ماانرووم عليج ,, على وين؟!
عنود: برووح بيت عميه ,, امايه عادي اروح..؟
مـآنع من يوم سمع بيت عمه واهو يطالع امه عشان توافق ويروح مع اخته
ام مـآنع: هيه فديتج عادي بس خذي معاج مانع ..

مـأنع: دقايق عوعو بروح شوي وبرد
عنود: عوعو فعينك ... يلا بسرعه
اشوي الا ينزل مانع ويقول للعنود : مشينا
ظهرت العنود ومانع وراحو على بيت عمهم..
اول ماوصلو طلعت لهم نوف: هلا والله
عنود: اهلين وسهلين
نوف: اشحالج.؟
عنود: تمام ومن صوبج؟
نوف: بخيييييييييير
مانع: احم احم
عنود: عيش ولحم
نوف: هلا مانع
مانع: هلا بج زوود
ويكمـل: اشحالج شعلومج انشاء الله بخير..؟
نوف: يسرك حالي.. وانت اشحالك...؟
مانع: من شفت الحلو صرت بخير
نوف حمـرت.. خخ
عنود: هيه بعد ناقص طاوله وكرسي ومواعد
مانع: افكر والله
نوف كانت طول الوقت امنزله راسها بس يوم رفعت راسها شافت مانع وذاابت الاخت
عنود اتكلمها ونوف بعالمها الخاص: حوو وين رحتي بتخلينا فهالبرد ..
نوف توها بس رجعت عندهم: هـآآ ... هيه يلا ادخلو حياكمم
والعنود فخـآطرهـآ: الا واسوي مقلب عليهم
كـــــــــــــــــــــــــآآت
تتوقعون شو خطه العنوود لنوف ومايد..
وهل فعلآ بيوافق ابو سالم على الطلعه..؟!!




البــــــآرت الثـــآني..
دخلت عنود ونوف داخل البيت ومانع سار الميلس ..,,
عنـد عنود ونوف,,
نـوف: نــورتي ياحلوه
عنود: ادرري مب لازم اتقولين
نوف: ترا اقصد الليت مب انتي ههههههههههه
عنود اتقفطـت: ههههه هيه
نوف: افصخي الشيله والعباه محد موجود
عنود: انزين
نوف لاحظت تغير عنود وقالت لهـآ: شو فييـج؟؟
عنود كانت اتفكر بالمقلب: هـآآ .. لالا ماشي ,, سكتت اشوي,,, هيه صح وين شمـآني

نـوف: والله مااعرف بروح احين ازقرها,,
عنود: اوكــشين,,
نوف راحت فوق تزقر شمـآ ,, فوق عند نوف
صعدت الدري وشافت حمـد,, حمد كان بينزل تحت
نوف: حمـدد حمد تعال
حمد: هـلآ نونو
نوف: فديتك ترا عنود تحت لاتنزل
حمد: وليش انشاء الله باكلها انا..!
نوف: خخخخ لا عاد تعرف عنود بتعصب عليه لان قلت لها محد موجود داخل البيت
حمد: اها اووكـٍ
نوف: عيل انا بروح اشوف شما..
حمد : ليش ..!
نوف: الله يسلمك نبا دلوعه البابا اتكلم ابويه واتقول له نبا نطلع
حمد بدون مايحس: انا بوديكن
نوف شكت: ها ها عشان عنعقود خخخ
حمد عصب: لا اتقولين عن خطيبتي عنعقود يلا جلبي ويهج
نوف: خطيــبتك زين عيل انا برووح
حمد: اوكـ..,, راحت نوف وحمد فكر ينزل ويسوي نفسه مايعرف ان عنود تحت
نزل تحت,, عنود كانت اتشـوف الـتلفزيون..
حمـد من شاف العنود واهو خلاص بموت من الفرحه ذاب الاخ خخخ
حمـد: احم احم
عنـود سمعت الصوت وقالت فـ خاطرها : هالصوت مب غريب عليه وبعد قالت آآآه لالالالا هذا حمد لا مابلف ويهي لالالا كله من نويف انا براويها..

حمـد حس بسكوتهآ: عنوود اشحالج..؟
عنود واهي منزله راسها: بخير الحمد الله
حمد : عسااه دووم ياررب
عنود: تسلم
حمد: ربي يسلمج .. ها وانا ماابتسالين عني افا زعلت
عنود من دون ماتحس: لالالا كله ولازعلك,,هااا ... امم اشحالك..؟
حمد: فديتج والله من شفتج وانا بخير
عنود استحت,,,ترا والله مب لايق عليج ههه
حمد جرب من عنود وهمس فاذنها : فديت الي لابسه وردي
عنود شافت نفسها وقالت بخاطرها: لالالا انا شو انا مب لابسه شيله ولا عباه وتوني منتبه لالالا والله اني انفضحت
نزلت نوف وشما ,, نووف خافت من عنود لان العنود كانت اتطالعها بنظرات كلها غضب
نوف: حمـــــــــد يلا برع,,, ماتستحي انت اطلع
حمد طلع ومن دون مايقول شي..
عنود من بعد ماطلع حمد لفت على نوف وشما وقالت بصوت شوي عالي: ايه انتي ماكنج قلتيلي محد فالبيت بس والله بتندمين بانووف مااطلع انا عنود بنت ابويه اذا مافضحتج ,,
نوف وشما ضحكو على شكل عنود: ههههههههههههههههههههههههههههههههههههه
عنود كملت: هههههههههههههههههههههههههههههه,,, تضحك على نفسهـآآ الاخت خخ
قعدوآ.. شما قالت : هيه وبشو بغتيني
نوف: شوفي يالدلوعه بابا اقصد شماني نباج اتكلمين ابويه واتقولين له نبا نطلع
عنود: بـــــــــــــس نبا الطلعه مكان زين يعني انتم فيه اسبوع شهر
نوف: قولي سنه ههههه
شما: هيه يعني تبن اتروحن الشاليه او المزرعه وجيه صح
نوف: عليــــــــج ليت هذا الي نباه
شما: عيل قومو انا برمس ابويه بس وينه..؟
عنود: مع مانع فالميلس
شما: اها يلا نبلس شيلنا وانرووح
الكل: يـلآ..
.
.
.
.
.
فـآلميلس
ابو راشد: اشحالك وشحـآل الاهل..؟
مـانع: والله بخير ياعمي ويسلمون عليكـ,, طع الخررط ههه
ابو راشد : الحمد الله الله يسلمهم
دخل عليهم حمـد واهو فرحااان ,,
حمد: هلا والله
مانع: اهلين
حمد: كيفكووو..؟
ابو راشد: شو كيكفوو ..؟
حمد ومانع مره وحده ضحكوو .. هههههههههه
مانع: لا ياعمي كيفكوو يعني اشحالكم
ابو راشد :: اهاااا بخير بس ارمس عربي المره اليايه
حمد: على ها الخــشم, ,, وياشر على خشمه
دخــلو البنـآت عليهم وهم اونهم منزلات راسهم ,, ماشاء الله على الادب ههه
نوف: السلام عليكم
عنود: وعليكم السلام
شمـآ: ورحمه الله وبركاته
الكـل: هههههههههههههههههههههههههههههههههه
ابو راشد: هلا بنـآتي تعالن قعدن..
حمـد: ابوويه ترـآآ ,,, (يت نوف وتقرص حمد واتقول بصوت واطي واتعض على اسنانها: انت اسكت
شمـآ مشت مشيه الدلوعات وراحت بحضن ابوهـآ: بابا
ابو سـآلم: عيونه
شمـآ: فديتك والله باباتي بس انا والشله الفاسده (تقصد نوف وعنود وفي بنات بس بتعرفوهم بعدين) نبا نطلع
ابو سـآلم: من عيوني بس انتي قولي وين تبين اتروحين حبيبتي انتي
نوف: صوبنـآ ياحلوو
ابو سـآلم طالع نوف بنظره مافهمتهـأ ونوف سكتت ( نوف خلاص تعبت من تصرفات الناس معاها ) بس اكتفت انها نزلت راسها عشان محد يحس انها بتصيح
شمـآ حست باختهـآ وقالت بصوت شوي مضايج: المززرعه ابويه
ابـو سـآلم: انشاء الله بس بكلم عمكم وباجي الاهل لو بيروحون معانا
الكـل: يـــــــــــــــــــس
ابو سـآلم ضحك على خبال العيال خخ
وبعدين كل واحد رجع على بيته ,,, الي بيروحون المزرعه بيت بو راشد وبيت بو مانع وبيت بو سالم وبو حمدان ,.,, ماشاء الله كلهم
غــرفه عنوود,,,
عنود من الحين قاعد اترتب شنطتهـآ لانهم قالو بيقعدون اسبوع او اكثـر
عنـود قاعده اتكلم نفسهـآ: ياربييه احين انا شو البس يوم بنروح الفسفوري او الوردي
خل ادق على نوف
عنــد نوف..
نوف قاعده اتفكر بالي صاير لها بدنيتهـآ بتصرفات اهلها والناس معاها
قطع عليها تفكيرهـآ الفون ,, وشافت توآم روحي وابتسمت
نوف بصوت مبحوح: الوووو
عنود: هلا نوفو بس ابا اقولج شو البس وردي او فسفوري
نوف: اشرايج انطقم انا وانتي ,,
عنود: هيه والله اوكييـه
نوف: عيل خلاص بنلبس الوردي انا عندي نفسه
عنود: انززين اوكي عيل بخليج ,, هيه تعالي باجر بنروح الجمعيه
نوف: وليش,,,هيه عشان الزط
عنود: علـــيج ليت هههه
نوف: هههه اوكــييه
عنود: يلا باي
نوف: بباآي
.
.
.
نوف من بعد ماسكرت من عنود رجعت لعالمهـآ الحزين وقعـدت اتفكر
بــ نور الله يرحمها,,, طبعـآ محد يعرفهـآ هذي نور كانت اعزز اعزز صديقه على نوف كانت غير كانت مايهمها شي غير سعادتها
,,, ,,, بتعرفون عنها اكثر بعدين
ونـآمت نووف على ان باجر يوم حلو
.
.
.
عنــد شخص برع عن البـلآد ...
: .. اتصــل عليها او لا
..: انـآ الي سويته مب شويه
.. : لالا بتصل بعدين بعدين

بنت بو حمـدآن ..
بـو حمـدآن وام حمـدان قاعدين فالصـآله
ابو حمـدآن : عيل وين عيالي مااشوف حد منهم
ام حمـدآن: حمـداان والريم فوق وولدك الصغير هزاع عند البشاكير
ابو حمـدآن : ازقريهم لي عندي لهم موضوع
ام حمـدآن: من عيووني
وصلت ام حمدان عند الدري وقالت: حمـدآآآآآآآن ريمـــآآني تعالو ابوكم يباكم
نزل حمـدآن وريم وقالو: السلام
الكل: عليكم السلام
ابو حمدان: تعالو اقعدوو بقول لكم شي
حمدان وريم قعدوو
حمدان: وهذي قعده ,,, خيرر ابويه في شي
ابو حمـدان: بيت ابو راشد وسالم ومانع كلهم بيروحون المزرعه بعد باجر ونحن سايرين معاهم
ريم: يعنـــي بشووف نوفو عنوود وشماا وحمووده والشله الحلووه
حمـدآن: تقصدين الفـآسده
ابو حمـدآن: هيه الكل.
ريمـ: يس يس
طلع من المطبخ هزآآع الصغيروون وكان على حلجه كله ككاو
هزاع: بابا ابا نيووم
ابو حمدان: اشتبابها مريووم وليش كلك على بعضك ككاو
هزااع: مايخصني انا ابا نيووم ابا نيووم انا مااحبكم بس نيووم
حمدان: هيه لازم اتحبها حبيبه قلبك
ريم: هزاع حبيبي تعال بغسل ويهك ,,, راحت اتشله بس هزاع تم يضربها ويصيح يبا مريوم
بعرفكم على اهل البيت,,,
ابو حمـدآن: الاب عمره 38 سنه واخو ام راشد ,,, ماشاء الله عليه طيب وحنوون ويحب الخير للناس واهم شي عنده ان يشوف عياله فرحانين
ام حمـدآن: الام عمرها 37 سنه تصير لابو حمدان من بعيد ... مواصفاتها حلوه الي يشوفها يقول عمرها 32 سنه وبيضه وحنوونه زياده عن اللزووم
حمــدآآن: الولد العوود عمره 20 سنه ابيضاني وطويل وخشمه سيف والي امحليه التقويم ( على قولت الشله الفاسده طقم اسنان هههه ) بس حمدان
عصبي بزيااااده طالع على منوو ماادري كلهم طيبين الا هوه ,,, لحد يجرب منه خخخ
ريم: شخيه الحريم عمرها 16 ونص بيضه مثل بياض الثلج وطيبه بس شوي شوي بس عصبيه وطويله يعني الي يشوفها يقول عمرها 18 او 17 ونص
واهي دلوعه البيت لانها البنت الوحيده وطبعا ريم من الشله الفاسده
هزااع: اخر العنقوود ابيضاني وشعره طويل وقزووم بس وايد حلوو
عقله اكبر من جسمه,,خخخ هزاع سوري هذا الي اشوفه فيكـ... ومايقول شي الا مااحبكم ومااحبكم بس مريووم الي يحبهاا وكل يوم يباها عاد اذا شافها لصقه مايهدها مووول ,,, الله يخليكم لبعض



2 
أسير الغرام

البـآرت الـثالث
فـ اليوم الثاني ,,, الصبــح الساعه 7
قامت نوف وسارت الحمام (عزكم الله) وطلعت ولبست
سكيني ابيض وقميص وردي وعليه كرستالات بيضه وحطت جحال وقلوس وتعطرت من ديور ولفت شعرها بحركه حلوه,, وطلعت

نزلت تحت ماحصلت حد ,, طلعت فالحديقه شافت الخدامات يحطون الفطور سارت وكلت وقالت : ياربييه احين شو اسوي ملانه
ياها صوت من ورآـآآ
..: افا الحلوو ملان من شوو
نوف منصدمه وكل دمها وقف لانها تعرف هالصوت زين وقالت فخـآطرها: هذا الحقير الحيواان شو يبا مني لالا اخاف
..: نـونو ردي علي ,,,
نوف لفت ويهـآ وطالعت عليه لثواني بعدين سوت نفسها مااتشوفه وقالت فخاطرهـآ: الكلب الحيوان شو يسوي اهنيه لو شافه ابويه بيجتلني وربي حقير يافيصل
فصـيل يعرف ان نوف ماابترد عليه لان ماتحب اتكلم واحد ماايصير لها مجرد جيران
جرب منها فيصل ونوف ابتعدت وجرب وجرب واهي ابتعدت لين مااتصقت باليدار وقالت: وخر يا حقير ياحيوان
فيصل: افا نونو انا فصوول اتقولين لي حيوان
نوف: وحمار بعد...
فيصل عصب وجرب منها اكثر وهمس وقال: كل شي منج حلو يا حلو
نوف من لما همس فصيل واهي ذاااايبه واتقول فخاطرهـآ: اسميه الحيوان حلووو ولا صوته رووعه ذبت ذبت
نوف حست بعمرها ودفته على وراا وركضت داخل
فيصل: فديت الي مسكتني ,, وطلع برع عشان مايشوفه حد,,
نــوف ركضت وراحت للمطبخ الي بررع
وقالت: اسميه هذاا حلووو لكن تصرفاته وع ويع وانا ليش ايب طاريه لالا افف
وشربت نوف ماي وطلعت راحت فوق على النت دخلت شوي المسن بـــس
الصــدمه شافت شخص كانت .................................................. بعـدين
اون لاين وتنفست وقالت : اطلع او لا
الشخص يوم شاف نوف حادره قال يلا رمسها رسمها
وكلمها
...: هلا والله وغلا
نوف خافت ارد او لا قالت برد وقالت ببرود: اهلين
..: اشحالج نوف
نوف: يسرك حاليه وانت اشحالك يا .... يالخاين
..: نوف يرحم امج افهميني ان كل الي صار غلط بغلط افهميني
نوف: مافي شي تقدر اتقوله عشان افهمك ياخالد كل الي انت سويته هوه الي خلاك تخسرني انا مالي ذنب روح لها يالخاين
خالد: نووف والله اني متندم على الي سويته طلبتج سامحيني وخلينا نرجع مثل اول
نوف: لا والف لا انا نسيتك وخليت حبك معاك ماباك مابا ارمسك انساني انا احاول انساك ,,, يمدحون البلوك والدليت باي
خالد: نوف نوف
نوف: خيييييييييييير
خالد: احبــج والله احبج
نووف: حبتك القراده يالحقير
ونوف على طول رشته بلوك ودليت وطلعت من الايميل بكبره وقعدت اتصيح واتصيح
واتقول فخـآطرهـآآ: انا حقيره انا حيوانه انا حماره حبيت واحد من النت واكبر غلط سويته خليته يدخل قلبي انا كنت حاسه ان شي بيصير بس طاف والله ندمت عساني بس امووت وافتك من هذي الدنيا الظالمه
.
.
.
.
فـ بيت بو حمـدآآن
عنــد ريم..
كانت قاعده بغرفتهـآآ واتقول: خله اتصل على نوفو
اتــصلت..,
نـوف كانت قاعده اتسب نفسهـآ بس من لما سمعت الفون وقفت
شافت روحي روحك متصل
حمده: هلا والله
نوف: هلا
حمده: شو بلاج غلايه..؟
نوف: ولاشي بس مضايجه شوي
حمده: وشو مضايجج؟
نوف: تذكرت نور ,, قالت جيه عشان محد يعرف بسالفه خالد
حمده: الله يرحمها نوف لين متى بتمين على هذي الحال صار لها 4 سنين تقريبا واهي ميته وانتي مانسيتيها
نوف: كيف تبيني انساها ونور كانت كل شي بحياتي
حمده: خلاص ننسى الموضوع الا نوفو بتروحين الجمعيه
نوف: هيه ذكرتيني عنود بعد تباني اروح
حمده: عيل انا بدق على عواش وريم وبنروح كلنا اوكييه
نوف: انزين
حمده: يلا غلايه لا اضايجين بعمرج وانسيها مع السلامه
نوف: بحفظ الرحمن
.
.
عنــد ريم
اتصلت على عنود وريم وكانت اخر وحده عواش..,
ريم: الو
عواش: الولو
ريم: اشحالج عواش
عواش: تمامو ومن صوبج
ريم: يسرج الحال
عواش: ها انتي ماادقين الا اذا في شي
ريم: هيه عواش اهلي انا واهل الشله بيروحون المزرعه
عواش: هيه عنووده قالت لي
ريم: اوكي بتروحين؟
عواش: هيه ابويه وافق
ريم: الحمد الله عيل اليوم ع الساعه 8 المسا بنروح الجمعيه
عواش: هيه حضراتكن ماتفكرن غير الزط
ريم: ههههه اهم شي
عواش: اوكي بيكن
ريم: عيل الغاليه اخليج احين يلا بباي
عواش: بايات
اعرفكم على عواش: عمرها 19 اكبر البنات ولا بيضه ولا سمره عاديه وعيونها بني غامج وطولها حلوو واحلى شي فيها الغمازات الي على اليسار

.
.
.
فـ بيت بو حمدان
كانو الشباب كلهم متجمعين عسب يفكرون بالمقالب للبنات
مـآنع: اقولكم من الحين نوفو محد يجرب منها
حمدان: اول واحد بكون انا ههه
حمد: وريم خلوها علي
حمدان: خييير وليش يعني
رآشــد: شبااب بس بس هدوو مانع على نوف وحمد على ريم وحمدان على عنود ومحمد على شما وانا على عايشه
ودخل عليهم عرض هزاع: وانا على نيوم
الكل:ههههههههههههههههههههههههههههههههههههههههههه
محمد : انت ياهزاع خلك بعيد
اعرفكم على محمد : عمره 17 سنه وابيض ومب طويل طوله اوكيه وعيونه الزيتونيه الي امحلته وشعره الطويل وخشمه سيف عليه جمال يخبل بالواحد

هزاع: مااحبكم
حمدان: بس اناا احبك
هزاع: وانا لا جب مااحبكم
الكل: هههههههههههههههههههههههه
....

الساعه 8 البنات كلهم تجمعوو فـ بيت ابو رآشــد ,,,
ابو رآشـد: بـآجر من الساعه جم بنطلع..؟!
ابو حمـدآن: والله انا اشوف من الفجر يكون احسن
ابو مـآنع: هيه والله ,,, هـآآ ارتحتن احين يابنات
البنـآت: اكيييييييد
مـآنع: عيل المره اليايه نحن بنختار
ابو رآشــد: براحتكم
شمـآ: بابا ترا انا والشله بنطلع
ابو رآشــد: على وين
نوف: ابويه البنات يبن يروحن الجمعيه ياخذن اكل
ابو حمـدآن: روحن برايكم
عواش كانت ساكته لانها مااتصير لهم صديقه الشله
عنود: اوكـ عمي نحن احين بنروح يلا بنات
البنات: يلا
وطلعوو البنات سارو الجمعيه مع الدريول..
فـ السيـآره
نوف: بسـم الله ,, بسم الله اسم الدريول
بسم الله: نعم
نوف: روح الجمعيه اوكييه,,, وتهزز راسها مثل الهنود
بسم الله: زين
عنود: بسم الله حد اغاني
حمـده: هيه حط اغاني
بسم الله: زين
بسم الله كان يسوق بسرعه وكانت سياره جدامهم فضرب بريك
نوف: بسم الله
بسم الله: نعم
نوف: ههههه لا بس خفت
الكل: ههههههههههههههههههههه
عنود: سوق زين نحن مب بايعين عمرنا
شما: هيه والله ولا بخبر عليك ابويه
عواش: هههههههه
ريم: اقول شو بتاخذن من اهناك
نوف: حلاوه
عنود: مشروبات غازيه
عواش: يعني اكيد زط
ريم: هههه اها
نوف كانت مب عايبتنها الاغنيه وقالت: بسم الله
بسم الله مارد عليها
نوف اتصرخ: بســــــــــم الله
بسم الله خاف: نعــم
نوف: انا من الصبح اكلمك وانت طاف
بسم الله : انا يحسب انتي في خوف
نوف: لالا خخخ حط اغنيه ثانيه
بسم الله: اوكي..
وصلن البنات الجمعيه ,,
وافترقن يعنـي نوف مع عنود وريم مع شمـآ وعواش مع حمـده
عنـد نوف وعنود,,,
نوف: عنوود اول بنروح عند الافلام الرعب بناخذ لنا كم من واحد
عنود: هيه اوكيه
عنـد ريم وشما..
ريم: شمووه اخذ المالتيزر
شمـآ: هيه فديتج من كل شي كرتون
ريم: بل كرتون ,,, اوكي
شمـآ: ههههه بنرجع وكل وحده وزنها زايد 10 كليوو
ريم: الله يعين
عنــد عواش وحمـده,,
حمـده لمحت اشياء رعب عند الالعاب
حمد: عواش عواشا
عواش: ها شو بلاج
حمده: تعالي بناخذ هذيل عشان المقالب
عواش: هههه اوكيه
نرجع عند نوف وعنود راحو عند الحلاوه
بس كان في مجموعه شباب..وسون طاف
..: صوبنا ياحلوو
..: على وين الرقم
الثاني: 050*******
عنود عصبت وقالت: والله حفظناه
نوف: ههههههههههههههههههههههههه
...: فديت هالضحكه
نوف: ايه انت جب
ومشن وسون طاف وتمن يضحكن عاد نوف اذا ضحكت مااتوقف
نوف: هههههههههههههههههههههه عنود ههههههه شكلج بالعصبيه حلو
عنود: هههههه اعيبج انا
يو صوبهم ريم وشما
نوف: ههههههههههه
ريم: نوفو بلاج تضحكين
شمـآ: قصرن صوتكن ترا ينسمع
عنود: هههههههه بنات نوف تضحك عشان شافت شكلي حلو بالعصبيه
ريم: وانت بلاج تضحكين,,, وليش اتعصبين
عنود: شفت نوف تضحك وضحكت هههههههههههه,,, وقالت لهم الي من شوي
الكل: ههههههههههههههههههه
وبعدين دقو على عواش و حمده عشان يحاسبون ويطلعوون..
...
فـ بيت بو رآشـد عند باجي الاهل
هــزآآع من شاف مريم واهو ملتصق فيها
مريووم: هزااع انت حلوو
هزاع: هيه ادري انتي حلوه
مريوم : ههههههه
الصـرآحه هذيل اليهال غير غير ... حمدان وحمد كانو يسمعونهم شو يقولون ويضحكون
حمدان: هههههههههه هزااع ارتحت واخيرا شفت مريوم
هزاع: هيييييييه
حمد: هزاع تعال شوي ,,, هزاع سارعنده وهمس فاذنه وقال له: هزاع سير بوسها على خذها
هزآع سار عن مريوم وباسها على خذها والكل طالعهم
الكـل: هههههههههههههههههههه
رآشـد: الله يخليكم لبعض
مريوم سارت ركضت بحضن امها وقالت: ماما
ام رآشـد: هلا مريومه
مريوم: ماما ابا اثير دكان
ابو حمـدآن: مريوم انتي ما مليتي من الحلاوه
هزاع يه صوبهم: انا بعد ابا حواوه
حمـدآن: يسلوو منيه ولا اتسيرون مكان اليوم رحتو فوق الـ 4 مرات
مـآنع: هيه والله اسنانهم راحت فيها
محمد: واتقول ارحميني ههههه
الكل: هههههههههههههه
مريوم: انتو جب جب
هزاع: مااحبكم تعالي نيوم بنرووح
حمدان: على وين
هزاع: عند ناني ,, ناني بشكارتهم
هزاع مسك ايد مريوم وراحو المطبخ بس مالقوو ناني ,, هزاع ومريوم طلعو من البيت يمشون ويمشون سارو الدكان من كثر ماايروحونه حفظوو مكانه
مريوم: اللللللللللله دكان
هزاع: يلا بناخذ حواوه ,, ترا عندهم بيزات
مريوم: يلا

خذولهم حلاوه واسكريم وجبس وطلعوو
ضيعوو البيت ,,, واهل البيت يحسبوون هزاع ومريم عند ناني
يت لهم ناني ودخلت وقالت: ماما وين هزاع
ام حمدان بخوف: ليش مب عندج..؟
ناني: لا مافي يجي
ام حمدان خافت: بسم الله ولدي وين راح
ام راشد: ومريوم معاه
ابو رآشــد: عيال قومو اندورهم
تموو ايدوروهم بالبيت بكبره بس ماحصلوهم ام حمدان وام سالم خايفين على عيالهم.,,,, تعرفون يوم يكون حد من عياله يضيع شو احساسه
حمــدآن: يمكن طلعووو ,, والكل شاف الباب مفتووح
وطلعوو يدوورون على هزاع ومريوم
عنـد هزاع ومريوم,,
مريوم اتصيح : ابا ماما اهئئ اهئئ
هزاع بعد يصيح: اهئ ابا ماما ابا ناني
عنــد البنــآآت,,,
كانوو واصلين صوب البيت بس لقو اثنين صغار يصيحون ويالسين على الرصيف
ريم: حرام شوفو هذيل اليهال وين اهلهم مايشوفوهم
الا شوي ونوف اتقول: لالالالالآلآلآلآلآلآلآلآلآلآلآلآلآلآلآلآلآ
الكل: شو بلآج
نوف: هذيل مريوم وحمدان
عنود: بسم الله وقف وقـــــف
بسم الله وقف ونزلو البنات وخذوو معاهم هزاع ومريم
هزاع فالسياره: ريموو وين ماما
ريم: انتو ليش تطلعون ها
مريوم اتصيح ونوف اتحاول اتهديها
نوف: مريوم خلاص بسج
عنود: خلاص رآآســـي يعورني من صياحهم
واخيرا وصلو البيت وكانت ام حمدان وام راشد واقفين عند الباب
اول ماشافو هزاع ومريوم عند البنات قامو حضنوهم
ام راشد: مريووم مره ثانيه ماتطلعين خوفتيني عليج
ام حمدان: وانت يا هزاع مره ثانيه ان شفتك تطلع ياويلك فاهم
مريم وهزاع: هههههههههههههه ,,, مب جنهم قبل شوي يصيحون والله حالات خخ
وصلو الشياب والشباب وشافو هزاع ومريوم والبنات قالو لهم الي صار,,,
وكل واحد رجع البيت ورقد عسب الفجرر بيطلعون من البيت


3 
أسير الغرام

البـآرت الرآبع
السـاعه 4 قـعدت نوف من الرقاد من صوت مريوم .,,
مريوم: نوف نوف ثومي
نوف جـسد بلا روح راقده
مريوم عصبت: نووووووووووف وعضتها على يدها
نوف: آآآآآآآآآآآآي يا حيوانه شو تبين
مريم: ثومي يلا بعد شوي بنروح
قـآمت نوف وسمعت صوت الاذآن سارت الحمـام ( عزكم الله)
وصلت وقرت لهـآ قرآن لعل الله يشيل منها الهموم
,,, بيت بو مانع
عنود مانامت وباتت معاها حمده وعواش وريم..
عنود: بنــــآآآت قومو بنقوم اهل البيت
البنات: لآآآ
عنود: ليش عاد اونكم تستحون
البنـآت: ههههه روحي بروحج
عنود راحت سارت غرفه مانع دخلت بطلت الليت وسكرت المكيف وشلت الفراش عن مانع وقـآلت بصوت عـآلي صوب اذنه: قــــــــــــــــــــــــــــــوم
مانع من سمع صوتها فز من مكانه وقال: بسم الله الرحمن الرحيم
انتي شو جيه ايقومون الناس ,,, سمع الاذان وقال دواج بعدين
عنود سوت طاف وراحت اتقوم امها وابوها ,,
بــــس عنود يوم راحت صوب الحجره شافتهم قاعدين
ابو مـآنع: هلا عنوود بنتي
عنود: هلا ابويه بس كنت بقومكم
ام مـآنع: هيه فديتج من شوي قمنا على صوت الاذان
عنود: اهاااااااااااااا ,, عيل انا بروح باي
ام مـآنع: يلا انا ورآج
بعرفكم على اهل ابو مانع
ابو مـآنع : الاب عمره 38 سنه طيب بس يوم يعصب يكون يمزح ,, مافيه وايد مواصفات
ام مـآنع: الام عمرها 36 سنه حنووونه من يومها ودومهـآ اتفررح ,, بس وقت الجد يصير عندها جد واتعصب

مـآنع: الولد العود عمره 21 سنه ابيضاني طويل وضعيف وكل مايلبس شي يطلع احلى واحلى وخشمه سيف وطالع على ابوه نفس الاسلوب طيب
عنود تعرفتوآ عليهـآ خخ..
طبعـآ عنود اخر العنقود لان امهـآ ربت من بعدها لكن الولد مات الله يرحمه
انكمــل,,
نزلت ام مانع وعنود تحت ,, شافت ام مانع البنات وقالت: صباح الخير
البنات: صباح النور على البنور
ام مانع: متى قمتوو
الا اتنط عليها عنود واتقول: ماماتي نحن مواصلين
ام مانع: اها مواصلين
راحت ام مانع عنهم للمطبخ عشان اتقول للشغالات يسون اكل ...
الساعه 5 ونص رجعــوو الشياب والشباب من المـسيد وقالو لهم يلا اتزهبوو.,,
اتـزهبن الحريم والبنات والشباب حليلهم كانو يحملون الاغراض ههه
فـ الحوش..,
عنود: نوفوو قلت لج تين معاي
نوف: مـــآآبآآآ
يه صوبهم مـآنع وقال : يلا بنات ركبن
عنود: مانع شوف اذا نوف ماركبت معاي انا مب سايره معاك
مانع يطالع على نوف: ليش نوف ماتبين تين معايه
نوف: بس مابا
عنود: تستحـي منك
مانع: ههههههه يلا ركبن
نوف حمـرت وعصبت بنفس الوقت,, وقالت: حمـــد يلا تعال معانا
ولفت نوف على عنود وكانت عنود امعصبه وحمد طاير من الفرحه وركبو السياره وطلعوو اول ناس
امـآ باجي البنات عادي عندهن ركبن ,, بـآيعات عمرهن ههه

طلعوو من البيت وكان فـ سياره مـآنع عنود ونوف وحمـد
وسيـآره محمد وراشـد وهزاع ومريم وشمـآ وعواش
سـيآره ابو رآشـد كان فيها ام راشد وابو حمدان وام حمدان
سيـآره ابو مانع ام مانع بس
وكان في دريول ماخذ الشغالات والاغراض
فـ سيـآره مانع...,
كانت نوف ورآآ مانع لان عنود حضرتهـآآ حبت اتفضح شوي نوف
عنـود: وحده بوحده
نوف: هههههههههه
مانع : فديت هالضحكه
نوف سكتت
عنـود: ترا نحن هني احتشموا اشوي
حمد: عنادي خلج منهم ورمسيني اشحالج
عنود خافت : تمام الحمد الله انت اشحالك
حمد: شوفتج خلتني بخير
عنود حمرت ومانع حب يغايض وقال: نوفو اشحالج غناتي
نوف منصدمه من جراته
حمد: مانــــع هههههه عادي
نوف بعد منصدمه من اخوها بدال مايهزبه يشجعه
نوف قالت : ابا اروح الشيشه
مانع: اوكيه احين بوديج
عنود: وانا بعد بنزل على حسابك
مانع: لا والله يلا مناك
عنود: لحووول انزين انا مب نازله نوفو اشتريلي
نوف حطت ايدها على خصرها وقالت: قالولج خدامه عندج
الكل: ههههههههههههههههه
عنود : انزين حمد
حمد: عيونه
عنود ذاااااااااابت: امم ممكن تنزل وتشتريلي
حمد: آمرري انتي بس شو تبين
عنود: رد بول وجلكسي بس
حمد: بــــــــــس لا ماايصير زودي
عنود: ههه لا مابا ,,,, مب على اساس ماخذين من الجمعيه خخخ
وصلوو الشيشه وكانت مترووسه شباب
مانع: نووف لا تنزلين
نوف واهي مستغربه: لييش!
مانع: بس لان في شباب
نوف: اهااا
عنود: مب على كيفك بتنزل نوفو
حمد: لا نوف ماتنززل
عنود: انززين
نوف: حمد انت يب لي اسكريم جلكسي ورد بول
مانع: انا بيب لج
نوف: لا ماابتعبك
مانع واهو نازل: تعبج راحه حياتي
من يوم نزل مانع وحمد ونوف سارحانه فـ مانع
عنود: نــــــــــــــــوفو
نوف من الخوف: هـــــآآ
عنود: شو ها قولي هلا اسلوب بقره مثلج
نوف: بشو بغيتيني؟
عنود: نوف شو بلاج
نوف: ماشي
عنود: عشان قلت لج بقره
نوف: عنود شوفي ترا والله انا ساكته عنج انا بنت شراتج ولي مشاعر فبليز وخي عني ولو تبين تتكلمين معاي ... وقالت بصوت عالي: عامليني شرات باجي الناس
عنود ماكانت حاسه بالكلام الي قالته يعني كانت تمزح بس بعدها حست انها جرحت مشاعر نوف وقعدت اتطالع بالدريشه واتفكر

ونوف كانت اتطالع الصوب الثاني واتصيح بس ماينسمع

يه حمد ومانع من داخل وركبوو بس استغربو محد رمسهم وكان الجو هادئ لدرجه فضيعه
حمد: احم
محد رد
مانع: بنات شو فيكن
عنود : مافينا شي ,, وحركت عنود يدها على ريول نوف هههه
نوف انقهرت من حركتها
مانع شك بالموضوع وقال: نوف هاج اغراضج
نوف: ها .. لا مشكور مابا
مانع بجد: نوف احين قوليلي شو صـآير؟؟
حمد طالع على عنود وعنود كانت امنزله راسها وكانت متندمه على الي سوته
وقال حمد: عنود قوليلي شو السالفه
عنود بصوت مبحوح: ماصار شي ابدا بس قلت لنوف شو هالاسلوب شرات اسلوب البقر مثلج ,,, من قالت عنود هذي الكلمه نوف تمت اتصيح وبصوت شوي مسموع
ولفت نوف بسرعه راسها على صوب الدريشه وكملت صياح وعنود بعد لفت
بعدها بشوي قالت نوف,,..: امم اقولكم شباب متى نوصل
مانع: شوي وبنوصل
... وصلوو المزرعه وكان الكل موجود
مريوم: هزاااع تعال بنلوح عند بطه
هزاع: زين يلا نلوح
نوف من يوم وصلت سارت حجرتها وعقت عمرها بالغرفه وماطلعت منها ابداا
وعنود خذب الامر عادي وسارت عند باجي الشله
عنود: هاااي
البنات: هاااياات
عواش: وين نوووف!!
عنود: ماادريبهاا وانا شو يخصني
ريم: اها ,,, بديت اشك
عنود: اتشكين بشو
شمـآ: ان انتو اتضاربتوو وهذا الي مضايجكم صح كلامي ريم
ريم: هيه صح
عنود بصوت عالي والكل سمع: ياااااريبه يعني شو بس عسبت قلت للثوره نوف اسلوبج مثل البقر
الكــل منصدم حتى نوف بنفسهـآ سمعت آخر الكلام وطلعت بالبلكونه
وتمت تتطـآلع عنود وعنود شافت نوف بنظرات مافهمتها
نوف بصوت عالي: هيييه صح انا ثوره انا حماره وبقره بعد
وكلمت بصوت مبحوح: لهذي الدرجه كارهتني وليش انا شو سويت لج
الكل كان منصدم ,,, رجعت نوف لغرفتها وكلمت صياح اما العنود كانت قويه وقالت: ههه
ابو مـآنع: عنوود انتي شو قلتي وليش اتسبين نوف
عنود: ههههههههههه
عنود شوي عندها حاله من يوم فقدت اخوها الصغير
عنود: انا احبها لكن في شي يخليني اكرها ويطلع هذا الكلام بنفسه
وراحت عنود غرفتها
كـــآآت ,,, تتوقعون عنود شو بتسوي عشان ترجع لتوآم روحها
اتــريوني ,,,


4 
أسير الغرام

البـآرت الـخآمس
كـآآنت نوف نايمه من كثر التفكير وقـعدت على الساعه 9 ونص بالليل
كانو بـاجي الاهل فـ الصآله يسـولفون
ام رآشـد: اقولج بنتهم انخطبت امس من هذآك الغنـي,, هههـ
ام حمـدآن: صدق والله
ام مـآنع: هيه الله يوفقهم
بعـيد شوي عنهم كانوو الشباب والبنات قاعدين
مـانع: بنات وحده منكن اتروح تزقرها,, يقصد نوف
حمـده: انا رحت لها وكانت نايمه
مانع: نوم العوافي
حمـد: او او لهـذي الدرجه انت متوله عليها
مانع بصدق: واكثر واكثر ونزل راسه
الكـل حس بمانع
وفي شخص واحد كان قاعد من بينهم ومايسمع رمستهم كان يفكر بتوام روحه الي هيه عنود
عنود اتكلم نفسهـآ: انا لازم اسويلها شي عسب ترضى علي
مانع لف ويه على عنود: عنود انا عندي الخطه والكل بينفذهـآ
عنود بسرعه : والله مانع قول قول دخيلك والله مب انا الي كنت ارمس روحي والله مب انا
محمد: خلاص عنود حصل خير وانشاء الله خطه مانع بتنجح
شمـآ: وانا بعد عندي خطه بس بنجمعهـآآ مع مانع
مآنع : والله عيل قوليهـآآ
قـآلت شمـآ لهم الخطه,,, ههه ماباكم تعرفون
مـآنع: اتصدقين هذا الي كان ناقص من الخطه وكان فرحان حده لان هذا الشي كان يباه
عنود: هيه نوف اذا شافت هذا بتذذوووب
مانع: عيل اسمعوو خطتي ,,,, قال لهم الخطه
والكل خذ دوره بالخطه
مانع: باجر بنـسوي الخطه
عنود:لآلآ انا ابا اليوم يعني اليوم
مانع: خلاص عيل كل واحد يروح مكانه اول شي حمده يلا روحي
حمـده: اآوكـ
كل واحد راح مكـآنه الي راح لنوف والي والي,,,
اول شـي حمده راحت لنوف
ونوف كانت بالحمـآم (عزكم الله) تاخذ لها شور وماسمعت صوت الباب يوم اندق
حمده خافت عليها لان صار لها ساعات ونوف مب نازله تحت
طولت حمده فوق ومانع كان واقف برع فالبرد
مانع قال بخـآطره: هذي شو اتسوي ,,, معقوله صار لنوف شي لالالا اكيد لا
حمـده ردت دقت على الباب بقوو ... نوف سمعت صوت الباب وقالت
: منووو؟
حمـده: نوفو هذي انا حمده
بطلت الباب نوف وكانت امنزله راسها: هلا حمده
حمده من شافت نوف حست انها من زمان مب شايفتها
حمـده: نوف وااااو شو هالحلا طالعه حلوه لبسج حلوو يلا بننزل
نوف استغربت: عيونج الحلوه
كانت نوف لابسه فستان حلو لونه فضي على ابيض وكانت لابسه عليه جاكيت طويل اليد لكن قصير يعني لتحت الصدر ولونه رصاصي وعليه حركات بالابيض وكانت امحطيه حجال وامغمجه فيه ومسكرا وقلوس وردي وكانت طالعه قمرر اتذوب الواحد
نزلت نوف وحمده تحت وقالت حمده حق نوف: اقعدي اشوي بروح اشرب ماي ,, نوف شكت بالموضوع
راحت حمده المطبخ على اساس انها بتشرب ماي بس لا كانت تتصل على مانع واتقول له ان نوف تحت
مانع: اوكي طلعيها برع واقعدوو على الكراسي الي بالحديقه الي ورا
حمده : اوكي
رجعت حمده وسحبت نوف من ايدها وطلعوو بررع وقالت نوف: على وين؟
حمده: بنقعد بررع عسب نرمس
نوف: انزين
قعدوو على الكراسي الي بالحديقه وابتسمت حمده
رجعت لها نوف نفس الابتسامه عسب تخفي الالم الي يتحرق بقلبها
حمده: نوف شو لحد الحين متزاعله مع عنود
نوف: ايه
حمده كانت امحطيه اغنيه اونها نغمه حد متصل عليها ,,,
حمده: امم نوف بروح شوي وبرجع
نوف: اوكي غلايه
راحت حمده ورا الشير (الشجر) وكانت اهناك شماا وقالت حمده: يلا دورج
رآحت شما ورا نوف وقالت: هلا بالحلووه .. الله ماانرووح نصبر علييج

نوف اكتفت بابتسامه
قعدت شماا ,,,, وطلع من وراا مانع وكان شاق الحلج مستانس الاخ
من يوم شافت نوف مانع تذكرت عنود لانها تشبه ونزلت دمعه من عينها
مانع : نوف
نوف: مانع
عنود: وورآج العنوود
نوف لفت راسها وطالعت العنوود وكانت العنود مبتسمه لكن نوف
بدال ماتحقد عليها ابتسمت لها ... طيبه هذي نوف
طلعت عنود من وراها ورده حمراا وبيضه ..
عنود: اعطيج وردآ حمراا عشان اترديني داخل قلبج واعطيج ورده بيضه عشان استسلم واقول انا اسفه
نوف كانت مبتسمه وبنفس الوقت فرحانه وحظنت عنود
نوف: فديتج والله عنود انا دقيقه مااروم اصبرر عنج
عنود : والله انا احبج ومستحيل اخلي تواميي
شمـآ: الله على الحب ,, عطوني شوي منه
الكل: هههههههههههه
مـآنع: احممم
عنود وشما من سمعوو مانع قال احم راحوو واختفوو بسرعه ونوف مستغربه وخايفه
جرب مانع الكرسي من نوف وقعد وقال: هلا نوفو حياتي
نوف مستحيه: اهلين وسهلين
مانع: نوف انا بقول لج شي بس ارجووج لا اتقاطعيني
نوف يتها نغزه فقلبها وقالت بخاطرهـآ: ليكون اممم لالا يمكن موضوع عادي
بلعت ريجها وقالت: اتفضل
مانع: زاد فضلج ,, نوف انا اذا شفتج انسى كل شي الا انتي ومن هذاك اليوم وانتي على بالي ابا اعترف لج واقول انج قدرتي تدخلين قلبي وانا حبيتج من كل قلبي ,, (نزل راسه ) نوف ادري انج كنتي اتحبيني يوم كانا اصغار وانا ماكنت حاس بشي بس صدق صدق من بعدها بديتي تدخلين قلبي وكل يوم اشوفج ملكه جمال واكثر نوف انا احبج والله احبج واتمـنى القى منج رد..ومسك ايد نوف
نوف منـــــصدمه تدري ان مانع يحبهـآآ واهي تحبه بس مايت على بالها انه بيتجرآه وبيقول
نوف بخـآطرها: والله احبك يامانع والله بس مااقدر اقول لك لساني مربوط

مـآنع قـآل: يقولون السكوت علامه الرضـآآ ,, افهم من كلامج انج بتخليني ادخل قلبج
نوف ابتسمت: هيه نعم
مانع وهو ميت من الفرح: اوعدج من اليوم ورايح اني اخليج اسعد انسانه وباقرب وقت انا بكون خاطبج... وبسرعه قام من مكانه وطبع بـوسه على خد نوف
نوف كانت امنزله راسهـآآ ومستحيه على الاخر وهيه مستانسه بنفس الوقت ,, قامت من مكانها وهيه سايره على الصاله
فـ الصـآآله ,,,
كـآنت العنوود وريم وحمده يشوفن من الدريشه شو قاعد يصير
عنود: اويـــــــه شفتوو الخونه
ريم: ههههههه رومانـسيه
حمـده: والله حلوو
الكل اطالع حمده وخافت حمده وقالت
حمـده: هـآآ ترا اقصد الفلم واشرت على الفلم الي كانت عواش وشما يشوفونه
الكـل: اها ههههههههه
حمـده: هيهيهيهي
دخــلت نوف الصاله,,,
اول مـآدخلت مسكتهـآآ العنوود,,,
عنود: هيه انتــي شو امسويه
نوف ببـرآئه: انا انا ماسويت شي ههههه
الكـل: ههههههههه
نوف: وآآآي بطير من الفررحه,,, بنـآآت اتخيلوو قـآل بيخطبني
البنـآت كانهم ماشافو شي: والله
نوف: هيه والله فديته والله اآآآآه احبه
عنود: مانع سمعت,,, عنود كانت امسجله الصوت
وكمـلت: ههههههه نوفو سجلت واحين بسوي ارسال لمانع
نوف: اآآه لالالالا عنوود دخليج لا
عنود: قولي انا اسفه الشيخه العنود وببوسج على ريلج
نوف: لا والله عادي طرشي
عنود: اوكـ طرشت
نوف بصدق: لالالالالالالا صدقتي قولي والله انج طرشتي
عنود: عاد انا ماايخصني طرشت والله طرشت
نوف: لالالالالالالالا رحت فيها
مـآآنع وصل له مسج صوتي
سـمع الي صار وذآآآب قال : انا خاطبهـآآ باجر لا ليش باجر اليوم بكلم اميه
على طول مانع رآح لامه وابوه ومن الحظ شـآف امه وابوه فالصـآله
مـآنع: السلام عليكم
سـآر باس راس امه وابوه
الكـل: وعليكم السلام
مانع: ابويه اميه انا عندي موضوع ,,,, عاد انا مااعرف شو يقولون ههه
ابو مانع بصدق: قول ولديه
ام مانع: قول مانع
مانع: والله انا قررت اكمل نص ديني
ام مانع : هذي الساعه المباركه منو تبا او انا اختـآر لك
مـآنع:هههه لالالا يااميه انا مختار
ابو مانع: منو هذي سعيده الحظ الي بتاخذ سندي كله
مانع: والله يابويه انا ابا نوف بنت عمي
ام مانع: زين مااخترت
بكـلم امها وبعد اسبووع برد لك خبر
مـانع بخوف: لالالالا اميه شو اسبووع وايد
ام مانع: هههه والله على حسب
ابو مانع: شو مانع مستعيل اصبر

كــــآآت
سوري بنـآآت هـآلبارتات قصـآآر خخ احين الفليل الساعه 1 مااروم اكمل النوم اماثرر يلا بكمل باجر ,,, تصبحوون على خيير .. احلام ورديه لي وبس هههه ,,

البـارت الـسادس
يوم الجمـعه ,, الصبـح الساعه 8
كـآنوو كل الاهل فالصـاله ماعـادا الشله الفاسده
مـانع بصوت واطي لامه: امييه يلا قولي
ام مانع: انزين حشرتنا ياابوك,, لفت ويها على ابو مانع عسب يتكلم بالموضوع
ابو مـانع: احم اخوويه عبدالله(ابو راشـد) بغيتك بموضوع
ابو راشد: اتفـضل تبا انكون بروحنا
ابو مانع: لالا ابا الكل يسمع
من يوم قال ابو مانع جيه الكل لف ويه عليهم ومنتبهين
ابو راشد: اها اتفضل
ابو مانع: زاد فظلك.,, والله يااخوي نحن نبا نخطب ولدنا مانع لبنتكم نوف
الكــــــــــل منصدم
وبهذي اللحظه كانوو البنات كلهم نازلين وسمعوو كلام ابو مانع ونوف منصدمه
ابو راشد: هذي الساعه المباركه ونوف وين بتلاقي مثل ولدكم مانع
ابو مانع: تسلم يااخوي,,, انتوو خذو شور البنت عقب ردولنا خبر
ابو راشد: انشاء الله,,, لف ويه على بنته نوف وقـال: نوف فكري زين وخذي راحتج
نوف كانت مستحيه وامنزله راسها: انشاء الله ابويه
وعلى طوووول ركضت فووق ولحقوها البنات
حمد بصوت عالي: عيل منووع بتاخذ ام كشه نوف
مانع امعصب: منووع اصغر عيالك ونوف مب ام كشه
الكل: هههههههههههههه
,,,,,,,,,,,,,,
عنـد البنات فوق
نوووف كانت فرحانه على الاخـــــر
نوف: انا موافقه
عنود: ها ها مااسمعت ترا اخوي مايستاهلج ههههه
نوف: انتي جب جب زعلت انا
عنود: يلا عاد بس مززح ,, وسارت عنود قعدت جدام نوف على الشبريه وقرصتها
عنود: واخيرا بتكونين معاي فبيت واحد يامرت اخوي
نوف: ترا بعده ماوافقت,,, مو جنه هيه الي توه اتقول انا موافقه هههه
حمده نطت عليهم : ليكوون مابتوافقين
نوف: آآآي مااعررف بفكرر
عنود: آآآآآآآآآآآي انتي هيه قومي عورتينا
يت عندهم عواش وشما
عواش: نوفو صلي استخاره وشوفي اذا ارتحتي وافقي واذا ماارتحتي فاحسن شي رفضي
شمـا داشه عرض: او او نوفو حبيبتي مبروووك
نوف: شمووه وصمخ شو مبرووك
حمده: هيه صح ليش اتقولين مبرووك تراها بعده ماوافقت
شمـا: هههههههههه ترا انا اختهاا واعرف انها بتوافق وهذا ويه,,, واتاشر على ويها
الكـل: هههههههههههههههههه
,,,,,,,
عنـد شخص بعيد عنهم
فيصـل امعصب: ميرووو انتــي متاكده من كلامج
ميره: ونص بعد والله انها انخطبت واعتقد انها بتوافق
فيصل: لالالالالالالالالالا انا لازم اسوي شي عشان ماتوافق
ميره: خخخ واكيد انا الي بنفذها صح
فيصل: انتي شوي بس اما الباجي علي انا
ميره: انزين يلا قول
قـال فيصل لميره الخطه ,, الله لايعطيكم العافيه قولو امين
ميره: هههههههههه اوكي بس هذا ينخاف عليه
فيصل: لا اتخافين مابيصير لها شي بس انتي نفذي الي انا قلتلج اياه واليوم
ميره: اوكـ احين بدق عليها
بعرفكم على ميره: بنت بيضه وخقاقه بزياده عمرها 17 سنه ميره بنت طيبه لكن من بعد ماخانها حبيبها صارت اتحب الشرر وتكره شي اسمه ماايد
,,,,,,,,,
الليل الساعه 11 قريب 12
البنـات كانو قاعدين عدال اسطبلات الخيوول
نوف: الله خيوول
عنود: بس ريحتهم وععع
الكـل: ههههههههههه
حمده: يلا كل وحده تاخذ لها خيل وتتمشى
البنات: اوكككـيه
كل وحده ركبت لها خيل ونوف كانت تتمشى بعيد عنهم شوي
وصل لهـا اتصال غريب
نوف بخـاطرهآآ: منو ها الي بيتصل بهذاا الوقت !!!!
ردت نوف بس طبعاا ماردت عسب تعرف منو
نوف: ........
ميره بصوت غير: الووو انتـي نووف
نوف منصدمه : كيف عرفت اسمي!!
نوف: مـــنوو انتي ؟ وشو تبين اختي
ميره: انا اسمي سندس عندي لج موضوع يخص نور
نوف من يوم سمعت اسم نور على طوول رجعت لذكرياتها
ومسرع ماردت على البنت: نــــــــور شو بلاها؟؟؟
ميره: هدي شوي نور قبل لا اتموت عطتني امانه اوصلها لج
نوف: وينهـآآ؟؟
ميره: شوفي تعـالي هذا المكـان *** وبقابلج وبعطيج الامانه
نوف على طووول سكررت وركضت والبنات شافوها
عنود: نووووف نووووووف
نوف طاف كملت ركضها داخل الفله عسب تلبس عباتها وشيلتها
عنود ركضت وراها: نوف وين رايحه
نوف: عنوود انا بطلع مكان غطي علي عسب محد يعرف اني طالعه
عنود: ليكون بتروحين بروحج وبتسوقين
نوف: هيه بسوق بروحي مابا الدريوليه يلا باي
عنود بصوت عالي: نوفو ديري بالج على عمرج
نوف: انشاء الله عمـــرري
نوف على طول ركبت السياره وكانت مسرعه الي يشوفها يقول تبا تنتحرر
نوف تكلم نفسها: نوور معقووله كل هذي السنين وتطلع لي امانه منها من نور بالذات!!!!
قعدت اتفكر واتفكر
.....
عنـد البنات
حمده: بنات مب جنه في حد ناقص
شمـا: هيه نوووف وينهاا
عنود: بنات نوف طلعت كان ويها مايبشر بالخير طلعت
كمـلت: بلييز محد يقول للاهل
البنات خافو
عواش: ليش وين سارت؟
عنود: مااعرف انا هذا الي ابا اعررف
,,,

عنـد نووف

وصلت للمكـان الي قالت عنهـا سوسن اقصد ميره .. كان المكان فـاخر ابوظبي عند البحر
نزلت نوف من سيارتها ,, على فكره نوف اتسوق بس مااعندها ليسن
تمت اتشوف يمين ويسار بس مالقت هذي سوسن
يه صوت من وراها
...: هلا والله
نوف من يوم سمعت الصوت كشتها وقفت وقالت بخاطرها: هذا شو ايسوي اهني
....: ردي علي انتي ليش جيه
نوف لفت ويها : نعم انت شو تبا يا الحمار
فيصل عصب: انا حمـارر ياخاينه
نوف: اييه انت شو خاينه انا شو سويت لك
فيصل: انخطبتي ووافقتي
نوف: هيه نعم انخطبت بس ماوافقت
فيصل: يعني مابتوافقين
نوف: والله اعتقد ان هذا شي ماايخصك يلا فاارج
فيصل: يلا انتـي هذا الي ناقص تطردني
نوف سوت طاف وطالعته بنظره كلها حقد وكره
فيصل: والله بتندمين والله بتندمين انتي ونظرتج هذي الخاينه
نوف سوت طاف له ومشت صوب السياره ,, اصلا هيه نست ليش كانت يايه
فيصل كان اسرع منها ومسك ايدها: ماابهدج الا لما ااخذ الي اباه
نوف: وخر ياحقير,,, حاولت اتشل ايدها بس مااقدرت
فيصل: انا حقير انزين يابنت راشد بتشوفين
سحب نوف من ايدها عشان يدخلها سياره
نوف حاولت اتخوز ايدها او اتسوي اي شي عشان تشرد
نوف: وخر يا حقير هدني ياكلب
فيصل سوا طاف وكمل بالسحب
نوف قامت عضت فيصل على ايده
فيصل: ياحيوانه
نوف ركضت وركضت لين ماوصلت صوب الشاارع
الآ نــــــــــــــــــــــــــــووف



ألا نــــــــــــــــــــــووف تصدمهآآ سيااره
فيصل من يوم شاف نوف وقــــف مكانه وماتحرك
وحس بعمره وعلى طووول ركب سيــآآآره وشرد
نوف كان محد يعرف بحالتها غير الله سبحانه وتعالى
مرت ساعات وساعات

كــاانوو الاهل كلهم قاعدين بالحديقه يشوون ويسولفون

كانو البنات والشباب بروحهم قاعدين يسولفون
قطع عليهم اتصـال من نوف
عنود: هههههههههه سكتــووو شووي برد على نوفو
الكـل سكت
عنود: الووو نوفوو وينج يلا رردي احيين
الـشرطي: عفـووآ اختـي انتي تعرفين صاحبه هذا الفون
عنود والخوف امبين على ويهـا: هيه نعم نوف بنت عمي,, شو فيهـآآ؟؟
الشـرطي: اختـي قولي للاهل ايون مستـشفى **** صاحبه الفون صدمتها سياره
عنود بصوت عالي والدموع اربع اربع على ويهـاا: انت شــووو اتقول نوف من ساعه امكلمتها شو صدمتهاا سيااره
مانع من يوم سمع الكلام على طول خذاا الفوون من عنود
وقال بصوت مبحوح: اخووي شو صاير
الـشرطي: يااخوي صاحبه هذا الفون صدمتنها سياره تعالو هذي المستشفى***
مانع: انشاء الله ,,,
على طوول سكرر الفوون وركض على سيارته وسار بااقى سرعه للمستشفى الي قالها له الشرطي
,,,,,
فـ المستشفى
اول مااوصل مانع ركـــض يدور على الغرفه الي فيها نوف
مـانع حصل الغرفه وشاف الدكتور طالع من الغرفه: دكتووووور
الـدكتور: نعم
مـانع بخوف: دكتور طمني على نوف
الدكتور: انت شو اتصير لها
مانع: انا خطيبهـاا
الدكتور: يااخوي ماله داعي للخوف البنت بس عندها كسوور خفيفه والحمد الله الصدمه مايت على الدماغ وبنطلعها بعد يومين
مانع: دكتوور احين اقددر ادخل عندها
الدكتور: هيه تقدر بس احين نايمه لا تزعجها
مانع بسرعه: اوكـ
دخل مانع بسرعه عند نوف ,,, بس يوم شاف نوف خاف عليها كان ويها كله صدمات وايدها ملفوفه اكيد مكسوره
مانع بصوت واطي: والله انج مااتستاهلين كل هذا ,, ونزلت دمعه حاره منه
سار قعد على الكرسي الي عدالها ومسك ايدها وراسها وقعد يمسح على راسها


5 
أسير الغرام

البـآرت الـسآبع
فـ المـزرعه ,,
كـان الكل قاعد على طاوله الاكل عشان بيتعشوون بس
ام مانع: يا عيال حد منكم شاف مانع
راشد: مانع طلع
ام مانع: طلع؟ مب من عوايده
ام رآشـد وبصدمه: بنتــي نووف وين
عاد عنود وجها صار الوان احمر اصفر على اخضر والكل لاحظ
ابو رآشـد: عنود وينها نوف
عنود امنزله راسها اتصيح
حمد: عنوود شو فيييج
عنود بصوت عالي: نوف نــــــــوف اهئ اهئ نوف صدمتها سياره
وعلى طووول سارت بررع بالحديقه
الكل منصدم الي يصيح والي منصدم
ام رآشد اغمى عليهاا والحريم كلهم متجعين عندها
عايشه: وخروو اشوي,, حمده يبي تيشوو وعطرر بسرررررعه
حمده بخوف: انـ ـشاء الـ ـله
ركضت بسرعه وجابت التيشوو والعطرر
عايشه عطرت التيشو وحطته على خشمهاا
فـي شخص منصدم من الي سوته عايشه كبرت واايد بعيونه

الي هوه رآشـد
قامت عايشه من الارض واهي ماسكه ام راشد ويجي راشد ويساعدها
رآشـد با بتسامه ادوخ: مشكوره عايشه
عايشه: العفوو ,, لو في حد غيري كان سوا اكثر عن جيه
ام راشد حبت عايشه من قلب وقالت: الله يخليكم
راشد وعايشه فهموها وراشد من اول كان يبا يخطبهاا
الشباب كلهم والشياب راحوو المستشفى
عند الحريم والبنات
الكل قاعد يصيح
شما: ابا اختي ماباها اترووح ....
عنود تقاطعها: لا لالالالا نوف قويه وانا اعرف ( وكملت الصياح)
ام رآشـد: واي بمووت بنتي فالمستشفى وانا قاعده اهني قومو خله انرووح
عايشه: خالتي هدي اشوي انشاء الله مافيها غير العافيه
,::::::::::
فـ المستشفى
كان مانع ماسك يد نوف ويطالعهاا ماوخر عيونه عنها
نوف فجاه قامت وقالت بصوت مبحوح: انا وين؟
مانع: الحمد الله على السلامه نوف
نوف: مانع انا شو اسوي اهني
مانع: صدمتج سياره
نوف وترجع ذاكرتها لورآآ صدمتهاا سياره وكان كل الدم عليها وشافت فيصل هرب وطااار من مكانه
وتمت اتصيح ومانع يهديها
فجاه نوف حست بيدها ان هيه ماسكه يد مانع وعلى طوول شالتها
نوف: مانع الله يخيلك طلعني من اهني اكره المستشفيات
مانع: نوف الدكتور قال بتمين يومين تحت المراقبه اذا صرتي زينه بيطلعوج
نوف: يومـــين! لا واايد مابا
دخل عليهم الشياب والشباب كلهم مره وحده
ابو راشد: نوووف
نوف: ابويه وتمت اتصييح
وعلى طوول حضنت ابوهاا
مانع قام من مكانه: استريح عمي
ابو راشد: مشكور مانع
مانع: العفوو
حمد: سلامات ماتشوفين شرر يام كشه
نوف: الله يسلمك يالمغازلجي
الكل: ههههههههههههههههههههههههههههههه
حمـدان: انا الي ابا اعرفه انتي اشوداج ابوظبي؟
الكل شك
نوف: ها لان ربيعتي هيه ربيعتي كانت عازمتني
حمدان: اها
المهم الحمد الله على السلامه
نوف: الله يسلمك
مانع: عمي انا كلمت الدكتور وقال بعد يومين بيطلعوها بس يباك عسب اتكمل الاجرائات
ابو راشد: اها زين عيل منو بيسير معاي
ابو حمدان وابو مانع: نحن
ابو راشد: يلا مشينا
راحووو وتمو الشباب مع نوف
قـعد مانع بالكرسي ويطالع نوف اما باجي الشباب يضحكون عليهم
الشباب: هههههههه
نوف: في نكته
حمد: انتي حوو مب كنج امسويه حادث سكتي وصيحي
الكل: ههههههههههههههه
مانع: مااسمح لك تغلط على حرمتي
نوف استحت
حمدان: هههههه طالعوو شكل نوف كيف مستحيه
مانع: فديتها والله
راشد: نعم نعم انا اخوها موجود
مانع: ادري شايفنك
الكل: ههههههههههههه
نوف: يلا اطلعوو بررع من غير مطروود
الشباب: وليش انشاء الله!!
نوف: بس مابا ازعاج اطلعوو
الشباب ماطلعوو ابداا تموو على راسهاا ,, مسكينه نوف
عنـد الدكتوور::::::
ابو رآشـد: دكتور بنتي مافيها شي
الدكتـور: والله عندها شي واحد بس
الكـل خاف
ابو رآشد: الي اهو؟
الدكتـور: البنت احتمال يكون عندها عمى لمده يومين بس
ابو رآشـد: عمى بس يومين او اكثر؟؟
الدكتور: والله هي يومين اكيد بس اكثر انا مو عارف
ابو مانع: دكتوور مافي علاج ,, يعني في حل ان مايجيها العمى؟
الدكتـور: والله لا لحد الحين مافي علاج
ابو رآشـد: الله يعين
الدكتـور: بس ديروو بـآلكم مابا نوف تعرف بالموضوع خلوه سر بينكم او بين الاهل بس
ابو رآشد : انشاء الله دكتوور
وطلعوو والحزن امبين من عيونهم
دقت عنود على مانع ,, بس مانع كان كله مغلق
عنود: ياربيييييييه
حمده: شو بلآج؟
عنود: ادق على مانع مايرد
البنات: حتى نحن اندق على اخوانا مايردون
ام رآشـد: شما شما
شما: نعم امايه
ام رآشـد: عطيني الفون بسرعه ابا اطمئن
شما: انشاء الله ,, وعطت الفون لامها
ام راشد اتصلت على ابو راشد
ابو راشد: الوو
ام راشد: عبدالله قولي شو فيها نووف
ابو راشد: مافيها الا العافيه نوف بخير وبيطلعوها بعد يومين
ام راشد: انزين ابا اشووف بنتي الحين
ابو راشد: الحين نحن كلنا بنرد وانا بنام معاها
ام راشد: لا ابا اشوف بنتي
ابو راشد: والله ودي ايبكم بس وقت الزياره خلص
ام راشد: خلاص عيل من باجر الصبح
ابو راشد: انشاء الله غناتي
ام راشد: يلا فمان الله
ابو راشد: فمان الكريم
:::::::::::::
عنـد نوف,,
ابو راشد: يلا كلكم ردوو انا بتم مع بنتي اليوم
نوف: لا ابويه روحو انتوو كلكم مابا اتعبك
ابو راشد: لا يابنتي لازم حد منا يتم وياج
نوف: لا ابويه مب لازم روحو انتوو ارتاحوو شكلكم تعبانين صار لكم ساعات وانتو اهني
مانع: عمـي انا بتم معاها عادي
نوف: لا عادي مانع انت روح مشكور لانك تميت معايه
مانع: العفوو بس انا بتم وياج اليوم بعد
ابو رآشد: مانع ماعليك من رمستهاا انت خطيبها وعادي تم معاها
نوف سكتت لان لو قالت لا مره ثانيه ابوها بيعصب
ابو راشد: دير بالك عليهاا
مانع: انشاء الله عمي
ابو راشد: يلا قومو بنرووح
الكـل راح وتم مانع ونوف ,,, نوف كانت امنزله راسهاا ومانع يطالعهاا
مانع يلس على الكرسي: نوف اشحالج الحين
نوف: الحمـد الله ,, الا اقول مانع
مانع: عيون مانع
نوف استحت: امم تسلملي عيونك بس بغيت اقول لك ان...
مانع قاطعها: انج موافقه
نوف بخاطرها: كيف عررف !
نوف وهيه امنزله راسها : هيه
مانع خلاص وده يصارخ من الفرحه: فديتج والله ادري انج بتوافقين
نوف: ههههه ليش لهذي الدرجه انك غرشوب
مانع: ليش انا مب حلوو ,, شوفو الثقه ههه
نوف: لا بالعكس بس كنت امززح هع
مانع: ههههههه ,, نوفو بتشربين شي
نوف: عادي يب نسكافيه
مانع: من عيووني ,, انا برووح وبررد
نوف: انا بي بعد وياك
مانع: يلا قومي
نوف وقفت وحست الدنيا دايره عليهاا كانت بتطيح بس مانع مسك ايدها
نوف ابتسمت له ابتسامه ادوخ
ومانع رد لها الابتسامه وقال بخاطره: هذي ناويه تموتني اليوم آآه فديت ابتسامتها
مانع ونوف راحوو ولحد الحين شابكين يدهم
وصلوو تحت طلبولهم عشا وشربولهم عصير
قعدوو على الطاولات الموجودهـ
نوف: مشتاقه للشله
مانع: تبين اتكلمينهم
نوف: انا فوني ضاع مااعرفه وين؟
مانع: لا فونج عند ابوج ,,, هاج خذي فوني رمسيهم
نوف خذت الفون واتصلت على عنود وقالت: مشكور مانع
....
الشله كانت بالصاله ينطروون الشياب والشباب يرجعوون
فجاه قطع عليهم تلفون عنود
عنـود بصوت عالي: هذآآ مــــــــــــــــــانع
عنود: الووو انت وينك حضرتك شوف كم مره متصله عليك وين حاط فونك هاا؟؟
طمني على نوف هيه بخير ؟ الحين وينها؟ ومتى بترد ؟ تكـــلم
نوف بصوت كله دلع: عنـــــــــآدي
عنود : نوووووووووووووف
البناات من سمعوو اسمهاا قالو: حطي سبيكرر
عنود حطت سبيكرر
عنود: نوفو اشحالج الحين؟ طمنيني؟ وليش متصله على فون مانع ها؟ ليش هوه عندج
نوف: بل كلتيني هيه الحمد الله بخير ومانع بتم معاي اليوم
البنات: نوفووو انحبج
نوف: وآآي فديتكن وربي مشتاقه لكم ,, ودمعت نوف
مانع خذ الفون وقال: هيه انتن خلاص صيحتنهاا
عنود: عطنا نوف نبا انرمسها
مانع: لا خلاص الحين بسكرر نبا نتعشى
عنود: منوووع هيه يوم انا اقول ابا عشا ماتيب لي الحين نوف عادي هاه
مانع: كيفي خطيبتي وبكيفي
عنود: ليش نوف بعدها ماوافقت؟
مانع: لا وافقت
عنود بصـوت عالي: ابشــــــــــكرم نوف وافقت
الكل قال: مبروك
مانع: حشا حشره عندكم يلا باي باي ,, وسكر على وجها
عنود: مالت عليكم ,, وسوت خمسه على الفون



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.