العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
سكون الجو




 
الجزء الاول

 
 
ام سيف تشرب الفنجان : اقول يام بدر .
ام بدر : هلا يام سيف .
ام سيف : ابوكم ,, ابو بدر ,,,,, متى بيرجع من الجيش ؟؟؟ هو مايرسل لكم مكاتيب ؟
ام بدر : الا ,,,,, بس من عقب الحرب ماجانا ولا مكتوب .
ام سيف : ياوخيتي انتي بس ادعيله ان الله يرجعله لكم سالم غانم ,,,, ولاتتضايقين دام عندنتس
بدر وجنان ,,,, الله يخيلهم لتس .
ام بدر : امين ,,,, اليوم مافي جمعه عند الحريم ؟
ام سيف : الا ,,,,, عند ام فارس .
بدت ملامح الغضب بعيون ام بدر : وش المناسبة ؟
ام سيف تتقهوى : مافي مناسبة ,,, حنا ياحريم الحارة متعودات على الروتين الاجتماعي ,, كل اربعاء عند
حرمه .
ام بدر بقهر : ايه ,,,,, شعليها !!! زوجها خاتم بأصبعها مايرفضلها طلب .

ام سيف توقفت عن الشرب بدهشه : وليش تقولي هالكلام ؟؟؟؟ ترى ام فارس تستاهل العشرة .
ام بدر : الا تستاهل المر .
ام سيف : ام بدر !!!!! شفيك على الحرمة ؟؟؟؟ كنتوا قبل مثل الخوات واكثر ,,, وعقب ما اعرست وخذت واحد
عنده فلوس قمت قلبتي عليها ,,,,,, ترى كل شي قسم ونصيب .
ام بدر : ام سيف ,,,, ياتغيري الموضوع يا تطلعين من بيتي .
ام سيف : هاو !!!!!! لهدرجة تكرهينها !!!!!؟
ام بدر : الا اتمنى لها الشر ,,,,, هالحرمة هذه لو اشوفها ,,, يمكن اشوف الفقر اهون منها .
ام سيف : وبعد انتي رجلتس ماعليه ,,,, ضابط .
ام بدر : قلتلك ,,,,,, ماطيقها ولا اطيق اشوف وجهها الكلبه .
ام سيف : لا حول ولا قوة الا بالله ,,,,,,,,,,, ( تشرب اخر قطره ) انا بمشي تامرين على شي ؟
ام بدر : لا .
قبل ماتفتح الباب سمعت ام بدر : قولي للمنافقه ان هالكرم الي تسويه مو علي انا ,,,,,, ترى انا اكشف حقيقة الناس من عيونهم .
ام سيف التفتت بهدوء : ام بدر ,,,,, حرام عليك !!!!!!
ام بدر متكتفه : مو شغلك !!!!! وصليلها هالخبر .
ام سيف تعدل عبايتها : حاظر .
( طبيعة الاماكن الي فيها الحريم كلها بيوت طين ,, وكانت علاقة ام بدر مع ام فارس نار على حطب ,, وكل وحده تتمنى للثانيه الحظ الردئ لسبب الحريم يجهلونه )
طلعت ام سيف على ارض ترابيه صفره من قوة نور الشمس وحولها اطفال يلعبون كوره ومرة يضربونها وهي تعلن وجيههم وكانت الحارة حركة مافي احد جالس على الكرسي الا الشيوخ الاغنياء والعجزة ,, وكانت السرقة الليليه هي الي تخلي شباب الحارة يسهرون والعرس يسوونه بالنهار عشان ماعندهم كهرباء الا الشيوخ الكبيرة .
----------------------------------------
ام عثمان تكنس الفرشة بغصن النخل على شكل باقة ورد ,, وكان الغصن يحك بقوة بس هم مايسمعوا لانهم تعودوا عالحال ,, بين النخل شيوخ متجمعين وكأنهم جمعه بنات والي معاه سبحة والي يتقوى ,, والصورة تنزل من الفضاء للارض .
ابو فارس : الا يابو ناصر .
ابو ناصر بحده : سم يابو فارس .
ابو فارس : علمي انك بتسوي لولدك ناصر عرس ,,,,, وينك ؟؟ اشوفك ماسويت .
ابو ناصر : والله ام الولد رافضه تسويه هالعطلة ,,, تقول اننا بنخلي الولد يكمل المعهد بالخبر واذا خلص ,,, بيجي للدمام ونسويله عرس .
ابو فارس : زين زين ,,, ونعم الراي بشورة ام ناصر .
ابو ناصر : تسلم يابو فارس .
الاطفال يلعبون ( حبشه ) وكأن مافي شر بينهم من الضحك الزايد وكأنه ضحكة رنة جوال .
الحريم مسويات مربع بحوش ام فارس ,,,, ام فارس : ولدي فارس ,,, لاتدخل على الحريم ,, لانك رجال ,, وعيب تجلس
بيننا .
فارس : بس يمكن ابي حاجه من داري .
ام فارس تطالعه بحب : ولدي فارس ,,,, خذ حاجتك قبل ماتطلع من البيت ,,, لان الحريم مايبون عيال بينهم ,, فهمت ياولدي ؟
فارس : فهمت يمه .
دخلت جنان : فارس فارس ,,,, تعال نلعب بالحوش .
ام فارس : جنان ,,,,,, ولدي مابيه يلعب مع البنات ,,,, فهمتي ؟؟
جنان : عندنا بنات وعيال .
ام فارس : ولو ,,,, مابي ولدي يلعب مع البنات ,,,, فاهمه ؟
جنان : طيب خالتي .
دخلت ام عثمان : ياعمه ,,,,,,, قهويت الحريم ,,, تبيني احطلهم العشى الحين ؟
ام فارس : لا ,,,, بس لاتنسي الثياب الي بالنخل ,,,,, ترى حق ابو فارس ,, بيلبسهم لصلاة الجمعه .
ام عثمان : لا تخافين ياعمه ,,, انا مانسيتهم .
ام فارس بأمر : فارس ,,,,, مثل ماوصيتك ,,, فهمت ؟
فارس : يمه ,,,,, والله انك غريبه ,,,,, الحين عثمان يلعب مع جنان ,,, وانا ليش ؟؟؟ رغم ان عثمان ولد وجنان بنت .
ام فارس : بس ,,,, فهمت ؟
فارس : طيب ,,,, انتي تشوفيني دايم العب مع فرح بنت خالتي ,,,, شمعنى جنان !!!!!!؟
ام فارس سطرته كف : انا شقلت !!!!!!!؟
فارس قام : طيب ( وطلع )
جنان طالعت ام فارس : ايه صح خالتي ,,,, ليش تمنعيني العب مع فارس وفرح ماتمنعيها عنه ؟
ام فارس : انتي مالك دخل ,,,, ويلله روحي لبيتك ,,,, مابي اشوفك هنا مرة ثانيه ,,,, مفهوم ؟
جنان : طيب .
--------------------------------------------------------
ام بدر بعصبية : خانقتك !!!!!!؟
جنان : ايه ,,,, قالتلي لاتلعبين مع فارس وفرح تلعب معاه ,,,, ليش ,,,, شمعنى فرح ؟
ام بدر : ايه !!!!! شافت روحها علينا ,,,, فرح غنيه ومدللة ,, وانتي على فراشك الخيش .
جنان : وفرح دايم تضربني ,,,, انا ماسويتلها شي .
ام بدر : هين ,,,,, اذا مافشلت ام فارس وخليتها قرش ماتسوى ,,,, ماكون ام بدر .
--------------------------------------------------------
ام فرح جالسه تخيط : فرح .
فرح تسلك شعر بقرة : هلا يمه .
ام فرح : تعالي يابنتي .
فرح جت بركض : هلا يمه .
ام فرح : اسمعي يافرح ,,,,, ابيكي ماتلعبي مع العيال ,, سواء عيال عمك ولا عيال خالك ,,, فهمتي ؟
فرح : ليش ؟
ام فرح : انتي يابنتي بنت ,,, والبنت مايصير تلعب مع العيال ,,, لان البنت ورده ,, والورده ماتعيش بالصحراء .
فرح : ايه صح .
ام فرح : مابي اشوفك تلعبي مع فارس ولا عثمان ولا سيف فهمتي ؟؟؟ العبي بس مع جنان .
فرح قامت : يمه ,,,,, جنان ماتتروش ,, وريحتها دايم وصخة ,,, وانا ,, مابي اصادق الناس الوصخة .
ام فرح : فرح ,,,,, ماعليك من نضافتها ووصاختها ,,,, ضروفها تختلف عن ضروفنا ,,,, فهمتي ؟
فرح : يمه ,,,,,,,,, خلود ومها نظيفات ,,,, وعثمان وفارس وسيف ومنصور مايتهاوشون ,,,, مو انتي قلتي ,,,
صادقي الناس النظيفة داخليا وخارجيا ؟
ام فرح : فرح ,,,,,,, جنان بنت متربيه وماعندها حركات الحريم ,,,,, لاتلعبي مع العيال ,,, فهمتي ؟
فرح : اجل ليش جنان تلعب مع فارس وعثمان وانا لا ؟
ام فرح : احنا ماعلينا من الناس ,,,,, هم عندهم ام واب ,, ويتصرفوا بتربيتهم بعيالهم زي مايبون ,,, وانتي بنتي ,,
فهمتي ؟
فرح قعدت بدلع : طيب .
-----------------------------------------------------
الشمس بوقت العصر ,, انطق الباب واقبلت ام عثمان تفتح : هلا ياعمه .
ام بدر : وين شيخوه ؟
ام عثمان تطالعها : العمه شيخه ؟
ام بدر تدعي بشر : انشالله تنعمي ومايلقولها دواء ,,,, وينها ام الشر؟
طلعت من غرفتها : خير خير ؟؟؟ شتبين ؟؟
اقبلت لها : مالك حق تأمري وتنهي بنتي ,,,,, واذا بتأمرين احد وتنهينه ,,,, قولي لفروس ولدك الي مايرافق الا البنات .
ام فارس : سكتي للحين اوريكي شي بعمرك ماشفتيه .
دخلت ام منصور بعبايتها وجت بتتابع الاحداث .
ام بدر : قولتك انك تقولين لبنتي انها ماتلعب مع فارس مو شغلك ,,, انتي مو امها عشان تأمرينها يالمنافقه ,,,
وثاني مرة ,,,, اشوفك تصارخين على بنتي ,,, ماتلومين الا نفسك ,,, تفهمين .
ام فارس : والله حريم الحارة يعرفوني ويعرفون معدني زين ,,, كوني اني اخلي ولدي يلعب مع البنات هذا مو شغلك ,, وانا عارفه اخلاق ولدي وعارفه تربيته والي مربيه افتخر بأني اكون زوجته .
ام بدر : ايه !!!!! مو الفلوس ,,,,,, تزين النفوس .
ام منصور انفجرت : بسكم هواش ,,,, حريم الحارة بيتأففون منكم وعلى هواشكم الي مدري وين بيوصلكم ,,, تعوذي من ابليس ياام بدر .
ام بدر : ماني متعوذه ,,,,, بس اشوف بنتي ترجعلي وتصيح منك ,,,,, ماتشوفين الا الشر ياشيخوه ,,,,,, فهمتي ؟؟؟؟
ام فارس بعد ماطلعت ام بدر : لا حول ولا قوة الا بالله .
ام منصور اقبلت لها : وانتم كذا !!!!؟ عالحال !!!!؟ نفسي بس اشوفكم تضموا بعض .
ام فارس قعدت مع ام منصور : وانا بعد ,,,,, بس ام بدر قلبها اسود ,,,,, تتمنى لي الموت .
ام منصور : ابي اعرف ,,,, شالسبب الي خلى بينكم الشيطان الرجيم ؟
ام فارس : مدري والله ,,,,,, مدري ,,,,, انا من يوم تزوجت ابو فارس ,,,, وهي انقلبت علي ابليس .
----------------------------------------------
ام ناصر تعطي الفنجان لأم سيف : ام سيف ,,,,,, ترى ان استمر وضع ام فارس وام بدر ,,,, احتمال اني معزمهم على
زواج ولدي .
ام سيف : هو انا تركت ام بدر ,,,, لجيت عليها لما قلت بس ,,,, بس الحرمة راسها يابس ,,, وقولة ان ام فارس بتجي بعرس ولدك وبتخرب على فرحة ام فارس .
ام ناصر : والى متى هم عالحال ؟
ام سيف : مندري ,,,,, مندري يام ناصر ,,,,, صبي لي القهوه .
ام ناصر : شكل القهوة جازتلك يام سيف .
ام سيف : مو بس احنا احب القهوة ,,, بعد ابو سيف يمووووووت عليها ,,, اليوم الي مايشرب فيه القهوة مايسميه يوم هههههههههه.
ام ناصر : ههههههههههههههههه
---------------------------------------------------
بعد عشرين سنة تحولت الدنيا من بيوت طيب الى مزارع تبع مراكز الدوله ( هايبر بنده وكارفور ووو)
والكل هج من شر ام بدر واولهم ام فارس ,,,, كل الحارة مزارع بس بينهم بيت ام بدر الي كأنه استراحة .
ابو بدر انقتل بحرب وهذا الي خلى بدر يجيه الخبيث والاهل طبعا فقراء يعني ماعالجوه فتوفى .
---------------------------------------------------
كبروا العيال وناصر جاله ولدين وسماهم فهد و فيصل .
عثمان صار سواق للعم ابو فارس .
سيف صار مدرس في الجيش .
منصور اصبح دكتور .
فارس صار مدير لجميع شركات ابو فارس .
فيصل صار مدير جمعية خيريه .
------------------------------------------------------



2 
سكون الجو

 
 
الجزء الثاني

 
 
قبالك شاب لابس بالطو مستشفى ويمشي وهو يطالع الدفتر ويتفحص وعليه نظاره طبيه وكان يفكر بالكلام الموجود في الدفتر ,, اقبلت له ممرضه : دكتور ,,,, في مريض ابغى شوف انت .
الدكتور منصور يطالعها : طيب ,,, بس هو وينه ؟
الممرضه تطالعه برقه : غرفه ورى انا .
الدكتور منصور : طيب .
دخل للمريض وعرف ايش يبي ولبى له حاجته وطله واتجه لغرفته ومسك الجوال : الو .
سيف : هلا هلا ,,,,, هلا بأخوي وولد عمي وحبيبي والغلا كله .
منصور مستغرب من الكلام : خير انشالله !!!!؟ اشوفك اليوم مروق !!!!!
سيف : ابد,,,, اليوم يوم الملكة ,,,, ملكة فيصل على بنت خالته ,,,,, الي كنت انت ,,,,, تبيها ,,,, بس مدري
شاللي غيرك !!!!
منصور : الله يستر عليها ,,,,, شلونك وشلون الشباب ؟
سيف : بخير يامنصور ,,, الا شأناديك ؟؟؟ منصور ولا الدكتور منصور ؟؟؟؟
منصور : لا احسن على منصور ,,,, مرة ابرك .
سيف : طيب يالحبيب ,,, بس كنت ابي اقولك ,,,, بلغ الجماعة اني بسافر دورة في امريكا .
منصور : اتصل بأبو العروس وقله هالكلام .
سيف : لا ,,,, انا مقدر ,,,,, حدي مستعجل ,,,,, مقدر احك شعر راسي فكيف اني اتصل بأبو فيصل ؟
منصور : عالعموم الله يوفقك .
سيف : امين ,,,,, وعقبال ,,,,,,,, النص الثاني .
منصور : النص الثاني !!!!!! انقلع بس انت ووجهك .
-------------------------------------------------
تغسل الثياب وهي قاعده ,,, وغرتها طايحه بجبهتها وكانت بطيئة بحك الثياب
,, طلعت امها من الغرفة : جنان ,,,,, للحين ماخلصتي ؟؟؟
جنان : خلصت يمه ,,,,, بس تعرفين الحنه بالثياب ,,, 5 ساعات على ماللون البني يروح ويصير بيج .

ام جنان : طيب ,,,,, بس حركي يدك .
وهي تشتغل رن التلفون وركضت جنان : الو .
ندى : هلا جنان ,,,, شلونك ؟
جنان : هلا وغلا بهالصوت ,,,, من زمان ماسمعته .
ندى : جنان ,,,, انتي فاضيه الحين ؟
طلعت ام جنان تبي تعرف المكالمه : من ياجنان ؟
جنان سدت سماعة الفم : هذه خويتي ندى ,,, الي معي بمدرسة محو الاميه .
ام جنان : وش تبي ؟
جنان : يعني شتبي ؟؟؟ بتسلم وبس .
جنان رجعت : الا ندى ,,, ليش ماتجين عندي بالبيت ؟
ندى : انا اصلا متصله عليك عشان اشوف ,,, انتي مشغوله بالخياطة ولا لا .
جنان فرحت : حياك الله .
-------------------------------------------------------
فرح : ايش !!!!!!؟ تبوني البس الفستان ,, الي لبسته بفرح صاحبتي ؟؟؟ لالالا .
ام فرح : الفستان حلو ,,, ومحد شافه عليك ,,,, ليش الاسارف ؟
فرح : ماما ,,,, انتي عارفتني زين ,,, محب البس شي غيري لابسه ,,,, فهمتي ؟
ام فرح : يعني شلون ؟؟؟؟؟ من وين بتدبري فستان لزواج فيصل ؟
فرح : المصممة الي بإيطاليا ,,, تجي للسعوديه عن طريق تاكسي جوي الي بحسابي واتفق معاها .
ام فرح قامت : انتي حرة بثيابك ,,,,, على الاقل ,,,,, ودي هالفساتين لوحده محتاجه .
فرح : ومين قالك اني ماحط الفساتين للفقراء ؟؟ اصلا كل فساتيني عند وحده خياطة ( جنان ) ,, تصلح الفستان الخربان
وتلبسه .
ام فرح : ياربيييييي ,,,, وشلون شعور البنت لما تاخذ الفستان بذل !!!!!؟
فرح بغرور : انا اصلا معطيتها مبلغ يعيشها 100 قرن ,,,,, (تحجبت ) تبين شي ماما ؟
ام فرح : على وين ؟
فرح : بروح لبنت عمي خلود ,,,, اكيد عندها مها ,,,, باي .
ام فرح : اذا شفتي ام مها ولا خلود سلميلي عليهم .
فرح : اوك .( وغطت بالطرحة )
-------------------------------------------------
ندى قاعده بعبايتها : الا قوليلي ,,,, شخبار الخياطة ؟
جنان : زين ,,,, الحمد لله ,,,,, ربع الثياب الي ترسلهم لي والثلاث ارباع للحريم الي بالحي .
ندى : ليش ؟؟؟؟ في عندكم حريم هنا ؟
جنان : ليش ؟؟؟ شتحسبين ؟؟؟
ندى : كل الي بالحاره نقلوا للرياض ,,,, يعني مافي احد بالدمام تعرفونه ,,, كل الي تعرفونه ساكنين بالمدينة .
جنان : المهم ,,,, شتبين تشربين ؟
ندى : مابي الا انتي ,,,,, الا ماقلتيلي ,,,,, ماعندك اخبار عن .............
جنان : عن من !!!!!!؟
ندى : مين يعني ؟؟؟؟؟ فارس ,,,, ولد جاركم ابو فارس .
جنان : وانتي تسمينهم جيران ؟؟؟ امي اصلا متعرفهم ,, والسبب ,,,,, الي بين ام فارس وامي .
ندى : طيب ,,,, ماتخطفين الخبر من هنا ولا من الجرايد والراديو ؟
جنان : من يوم مارح وسافر ,,,,,, انقطع عني وصرت ماشوفه يجي للمزارع .
ندى : شمعنى المزرعه ؟؟؟؟ ليش اخترتيها بالذات ؟؟؟
جنان : الي اسمع عن عايلته ,,,, انهم يملكون مزارع واراضي واشياء ماتنعد ,,,,, يمكن يملك مزرعة ولا ارض من الاراضي
الي حول بيتنا ,,,,, والله دايم اتخيل واقف في ارض من الاراضي الي حول بيتنا .
ندى : ياولد !!!!!! شهالرومانسيه ياجنان !!!!! والله توي اعرف انك خياليه وشاعره ,,,, كل هالسرحان وغيابك عن محو الاميه ,,,, بسبب بعض الناس !!!!!!؟
جنان : اي بعض الناس انتي الثانيه ,,,, هو مافكر فيني ابد ,,,, ويمكن نساني ,,,, ولاتستبعدي لو متزوج وعنده عيال .
ندى : وليش هالحزن ؟؟؟
جنان : مانام الليل ,,, ولااشتغل وانا رايقه ,,,, ولا حتى يهدالي بال ,,,, غير مااشوفه قبالي يطالعني .
ندى : ياعيني !!!!!! ايش هالحب والغرام !!!!؟ لهدرجة تموتين فيه ؟؟؟
جنان : شالفايده ؟؟؟ اذا من 30 سنة ,,,, ماشفته ,, ولا عرفت عنه اي شي ,,,, او حتى ,,, بالتلفزيون ,,, اطالعه ,,,,
اذا هو حي ولا ميت ,,,, او تعبان او مريض ,,,,, ياندى ,,,, نفسيتي خلال 30 سنة ,,,, كلها غربه قاتله .
ندى : واي واي واي !!!!!!!! جنان ,,,, كل هذا !!!!! عشان ولد راعي القبيله ,,,, فارس !!!!!؟
جنان : لو طلب روحي ,,,,,, ماابخل عليه .
-----------------------------------------------------
الجده ام ناصر : اقول ياولدي .
ناصر الشايب : هلا يمه .
الجده ام ناصر : والله ياولدي ,,,,, دام نظري زين ومابني عله ,,,, ابي ادخل بمدرسة محو اميه .
ناصر : تبين تقرين !!!!؟
الجده ام ناصر : اي والله ياولدي ,,,, مليت وانا اسمع بس ,,, ابي اعرف اقرى .
ناصر : ابشري يايمه ,,,, مايصير هالخاطر الا طيب ,,,, شتبين بعد ؟
ام فهد زوجة ناصر اقبلت ولابسه جلابيه فخمة : اصلا خالتي تبي الثقافة ,,,,, وبصراحة ,, يابخت عمي فيها .
ناصر : والله شكلي طالع على امي ,,,, امووووت في الكتب ,,,, بس شسوي ,,, اذا بعض الناس ,,,, مايبني الا بس بوجهه 24 ساعة !!!!
ام فهد : يابو فهد ,,,,,, شقصدك !!!!!؟
ابو فهد : هههههههههههه ماقصدي شي ,,,,,, بس وين الدله الي كل يوم اشوفه على الطاولة ؟
ام فهد تصب : وهذه القهوة ,,, لعمتي ام ناصر .
-------------------------------------------------------
سيراميك البيت فخم وكأنه سطح كيك ,,,, الدرج قزاز ينظفوه 4 خدامات ,,, والعز عطر البيت
والاثاث ملابس ملكيه من الوانه الحلوة ,,,, والبيت مافيه الا صوت شغل الخدم ( تحريك الكنب + المكنسه مشغله ووووو)
نزل وهو يضغط على ازرار الجوال وحط الجوال بأذنه وبهدوء : الو .
فيصل : هلا والله بهالصوت الحنون ,,,, شعلومك يابو الشباب ؟؟؟ ماقمنا نشوفك بعد سفرتك لأنجلترا .
فارس : والله تعرف هالشركات الي مزروعة فيها ,,, كل يوم شكوى ,,, يامن موظف ولا من مدير الماليه ولا من الفراش نفسه .
فيصل : انت كل يوم على هالموال ؟؟؟؟؟ ليش ماتجيب واحد يسنع لك هالرجال ؟؟؟ ترى هالايام ماينعطون وجه .
فارس : خليني انا اشوف اشغل عشان الكل يكون راضي ,,, المهم ,,, الليلة شعندك ؟
فيصل : والله ,,,, السوق يالعزوبي ,,, .
فارس : السوق !!!!! مو انت امس رايح للسوق ,,, ليش الادمان ؟
فيصل : ياحبيبي ,, نجهز لفرحة العمر .
فارس : اجل السوق فيها فرحة عمر !!!! طيب ,,, تبي شي ؟
فيصل : اسمع ,,,, انت بإنجلترا ولا رجعت للسعوديه ؟
فارس : لا بالسعوديه ,,, بالبيت ,, ليش تسأل ؟
تقدم صدر فيصل المشدود : اسمع ,,,,, عشاك اليوم عندي .
فارس : الله يهديك بس ,,, انا مواعد الوالده اني اتعشى معاها .
فيصل : خلاص ,,, بكره تتعشى عندي ,,,, اتفقنا ؟
فارس : حاظرين للطيبين ,,,, والله قمت اتخيلك انت واقف عند زوجة المستقبل ,,, شلون بيكون شكلك ؟؟؟؟
فيصل : اكيد امبراطور يافارس الاحلام .
فارس : الا مدير الشكاوي وانت الصادق !!!!!
فيصل : المهم ,,, الله يعينك على شغلك ,,, والحمد لله ,, اني مو بنفس شغلتك هذه .
فارس بهدوء : المهم ,, ابي كل الي يشتغل عندي ,, يكون مرتاح البال ,, وماعنده اييييي هم .
فبصل : اللللللللللللللللللللله ,,,, ياعيني عليك ,,, يابختها الي بتكون نصك .
فارس استحى وبرجوله : تسلم ,,, تسلم يابو طارق .
----------------------------------------------------------
الجو بارد في حوش ام جنان ,, مافيه الاجنان تطالع القمر وبحنين ,,, تطالعه بحزن وكأنها تتخيل
شي جالس عالقمر ,,,, تتفحص بياضه والحدود الجغرافيه فيه ,,, مسحت دمعتها من الافكار والاحاسيس
الغريبه الي بقلبها ,,,, التفتت ومشت لوسط الحوش ,, مشت بهدوء وهي حافيه وتطالع الارض ,,, طالعت السماء وكانت مشتاقه لحاجه ,, جنان تفكر " فارس ,,,,,,, انا بنت من القرى ,,,,, ومدرسة عجز في محو اميه براتب 800 ريال ,,,
وفقيرة ومالي الا امي بهالدنيا ,,,,, معقولة للحين تفكر فيني ؟؟؟؟ "
التفتت وهي خايفه من المستقبل الغامض ,, مشت بهدوء ومنزله راسها .
-----------------------------------------------------------
ام فارس : ام منصور ,,,,, مرت ولدك ماصار معاه شي ؟
ام منصور : لا ,,,, البنت ماقالتلي شي ,,, والظاهر ,, ملامحها مافيها من الي ببالي .
ام فارس : يام منصور ,,,, الضنى غالي ,,, ومافي احلى من الضنى ,,, خاصه لو جاكي ينطط فوق ظهرك ههههههههههههه.
ام منصور : الا يام فارس ,, ماشفتي مرت فيصل ؟
ام فارس : الا شفتها بعرس بنت السفير ,,,, شكالادميه !!!! حلوة وشعر وعيووون تاخذ العقل .
ام منصور : البنت شسمها ؟
ام فارس : اسمها هند .
ام منصور : طيب ,,,, مافكرتي تخطبي لفارس ؟
ام فارس تركت كوب العصير : فكرت وقلت للولد ,,,,, بس الولد باختياره للبنت مرة صعب ,,,, الخطابة مالقت له بنت .
ام منصور : وليش ؟؟؟ هو ايش يبي بالظبط ؟
ام فارس : يبي وحده حنونة ,,, مطيعة ,,, وعاقلة .
ام منصور : عاد كل الي بالقبيله يمشون على مزاجهم .
ام فارس : والله عاد هذه طلبات الولد ,,,,, عجزت القى له بنت بمواصفاته ,,, دايم القى له بنت حنونة ومطيعة بس انها دلوعة ,,, وهو مايبي دلوعة ظز
ام منصور : بالعكس ,,,, هالايام الرجال يدورون عالدلع ,, وهو للحين قروي ؟
ام فارس : انا ادري عنه ,,, قلتله ,, قلتله يام منصور ,,, بس راسه يابس ,, مايبي الا هالمواصفات .
ام منصور : طيب ,,,, في الخطابه ام فواز ,,,, هذه شاطره بالتنقيه ,, تعطيك البنت الي تبينها وبنفس الوقت مواصفات ماتخطر على بالك .
ام فارس : طيب ,,,, عطيني رقمها .
ام منصور : سجلي .
----------------------------------------------------------
الجده ام ناصر تتكلم بالتلفون : الا يام سعيد ,,,, ليش متدرسين معي بدار الاميه ؟؟؟ ترى وناسه مع حريم الدار ,,,, وكفايه نسنتفيد من الوقت .
ام سعيد : يابنت الحلال ,,, انا بس امشي خطوتين اتعب ,,,, خلينن بس على البيت .
ام ناصر : ياوخيتي ,,, لايفوتس ,, ترى المدرسه الي بروحلا تهبل ,,, ويقولون ان بوه مدرسه ماتعصب على الكبار ,,, ومسكينه ياحظي ,, تشوفينا تقول من فقارى الشام .
ام سعيد : وفيه خطابات هناك ؟
ام ناصر : ليه ؟؟؟ ناويتن تزوجين ولدتس سعيد ؟؟؟
ام سعيد : اي والله ,,,,, ودي اشوف عيالو وعيال عيالو .
ام ناصر : طيب ,,,, انا بروح للدار وبشوف اذا بوه خطابه بالدار اخلي وحده من هالبنات تنقلي الرقم من وحده من هالمدرسات .
ام سعيد : عاد بسرعة الله يعافيتس .
ام ناصر : هاو !!!! لهدرجة مستعجله ؟؟؟
ام سعيد : بالحيل ياوخيتي ,,, المهم ,,, انا بروح باخذ ابرة السكر ,,, تامرين على شي ؟
ام ناصر : لا سلامتس .
ام سعيد : يالله مع السلامة .
ام ناصر تبي اختنقت من الصوت العجز : فمان الله .
وسكرت السماعة بهدوء وجلست تفكر .
-------------------------------------------------
مديرة الدار : الله يحييكي يام فهد ,,,, والله لي الشرف اني اقبل هالام النادره .
ام فهد : تسلمين يافالحه ,,, بس كم عدد فصولكم ؟
مديرة الدار : فصلين ,,,, فصل تستلمه مدرسه اسمها ندى ,, وفصل تستلمه بنت اسمها جنان ,,, واصلا الحريم مو كثار .
ام فهد : ليه ؟؟ كم حرمه بالفصل ؟
مديرة الدار : في كل فصل 10 حريم ,,,, مو كثار .
ام فهد : طيب ,,,, بس انا ابي وحده ,, مطيييييييييييعة للعمة ام ناصر .
مديرة الدار : وشمعنى تبينها مطيعة ؟؟؟ المدرستين محترمات .
ام فهد : والله العمه اذا تبي شي لو في وقت التسميع لازم يتنفذ ,, وانا مابي البنت تتوهق وتاخذ بخاطرها على العمه .
مديرة الدار : شوفي ,,,,, انا ابي احط الجده بفصل جنان ,,,, جنان مشالله عليها مطيعة جدا ,,, وبنفس الوقت حنونة يعني بتصير الام للجده ,,, ومشالله عليها عاقلة ,,,, ماعندها خرابيط الصف ,,, العجايز ماشيين معاها سيده ,,, وتحل الامور بعقلانيه .
ام فهد : صدز !!!!!؟ اجل انقذتيني من رجلي ,,,, ترى يقول ابيتس تبيضين وجهي عند امي ,, لاني وعدتها بالدار الزينه .
مديرة الدار : ايه لاتخافين ,,,, جنان هي المناسبة لمواصفات المدرسه ,, عند ام ناصر .
انطق الباب : السلام عليكم .
مديرة الدار + ام فهد : وعليكم السلام .
مديرة الدار : هذه جنان المدرسه الاولى فهالمدرسة ,,, من يوم متخرجت من الثانويه اشتغلت عندي ,, وبتكون المدرسه
لعمتس ,,, ( نادت جنان ) جنان ,,,, هذه زوجة ولد الحرمة الي بتدرس عندتس .
جنان : ايه اهلا وسهلا فيكي .
ام فهد : هلا فيتس يابنيتي ,,, شلونتس ؟
جنان : بخير عساكي بخير وبألف عافيه .
ام فهد ابتسمت : تسلمين يابنيتي .
----------------------------------------------------
ام فارس حطت القهوة بالطاولة الي قبالها وجالسه تتكلم مع ام سيف : والله هالايام البنات مايرضيهم الا السوق ,,,, اذا زعلت من خويتها تحط كل الزعل بشراء البلايز ,,,,, عجيبات .
ام سيف تشرب القهوة : الحين يام فارس ,,,, ماتمنيتي يكون لفارس اخت ؟
ام فارس : ايه ,,,, وتمنيت ان الله يرزقلي ببنت ,,, جنونة ومطيعة وعاقلة ,,,,, تمنيت ان البنت ماتكون زي بنات اخوان رجلي ,, دلع ومزاج مهزوز ,,,, ماقول الا ,,, الله يجيبلي البنت الي ببالي لولدي فارس .
ام سيف : وانتي بعد ادعي ربك لولدك تجيه البنيه الي تخليه مايشوف غيرها ,,, مو بس معلقه على بنات الرياض ,,, دوري من ابها ولا من المدينة ,, ولا جيبي من سوريا ,,,, ولا من الدمام .
ام فارس : تعبت والله تعبت ,,,, ولدي عنده شروط ,,, وهالشروط متعبه لي وللخطابة ,,, تقول ان مافي مواصفات تنفع لولدك فارس ,,,, يبيها كاملة والكامل وجه الله ,,,, يعني يبيها تكون مثاليه ,,, وبهالزمن هذا نادر متلقين بنيه مثاليه .
ام سيف : لاياوخيتي ,,, الدعاء بإذن ربتس بيحل كل عقد ولدتس ,,,,, بس انتي اصبري شوي .
ام فارس : خلاص يام سيف ,,,, انا تعبت وانا ادور ,,,,,, وولدي دايم قاعد بغرفته وحاط يده على جبينه ,,,, وطول الوقت يصيح بحظني ,,,, والله تقطع قلبي عليه يام سيف ,,,, حسيته بينجن لو مالقى الي بباله .
ام سيف اصابع يدها بذقنها : والله يام فارس اخاف ولدتس بباله بنيه واحنا ياغافليلكم الله .
ام فارس : هههههههههه ,, لو فيه بنيه ,, كان قالي من زمان ,,,, ولا كان دورنا من عرس لعرس ومن حفلة لحفلة ,,, او حتى الملاهي ,,, الولد هذا مكتوب انه ميتزوج البنت الي بيبها .
ام سيف : الله يهداتس يام فارس ,,,,, ولدتس لو يصبر حبتين ,,, اكيد بيلقى .
ام فارس : مارح يصبر اكثر من كذا ,,,, اتوقع السكته القلبيه بتجيه وهو مالقى البنت الي يحلم فيها ,
ام سيف : يام فارس ,,,,, انتي بس مركزة على بنات القبيلة ,,, دوريله على وحدتن من اهل الدمام العاديات .
ام فارس : والله مدري وش اقولتس يام سيف ,,,,,, ( سكتت فجأه لما سمعت البيت رن جرسه )
جت الخدامة وفتحت : وين ماما شيخه ؟
الخدامة : في صالة .
اقبلت ام فهد وهي متحجبه وراسها ابيض : هلا والله ياوخيتي .
ام فارس : هلا بتس ,,, وينتس انتي ؟؟؟
ام فهد : والله رحت لدار الاميه اسجل عمتي ام ناصر .
ام فارس : مشالله ,,, يعني ام ناصر تبي تقرى .
ام فهد : ايه ,,,,,, صبيلي قهوة .
ام فارس : طيب شصار على فرح ولدتس فيصل ؟؟؟ متى الملكة ؟
ام فهد : انشالله بكره ,,,, بس ادعي ان البنت تعجبه .
ام فارس : ابي اعرف ,,, شاللي خلى منصور يهون عن البنت ؟
ام فهد : مدري ,,,,, بس مكتوب ,,, والمكتوب ,,, مانو مهروب .
ام فارس تنهدت : وانتي الصادقه ,,,, ولدي فارس ,,,,, مارح يلقى البنت الي يبيها .
ام فهد : اقول ,,,,,,, ترى لقيت البنت الي ولدك فارس يحلم فيها .
ام فارس انجنت : من ؟؟؟؟ وينها ؟؟؟ ومن امها ومين عايلتها ؟؟؟
ام فهد : وشبتس كليتينن مع قشوري ؟؟؟؟ البنت هذه ,,, ماتنسي ,, وانا ,, من اول شوفه ارتحت لها .
ام فارس : من هي ؟
ام فهد : انا بصراحة ,,, مستفسرت عن عايلتها ,,, بس هي الي بتدرس عمتي ام ناصر .
ام فارس : ومنهي البنت ؟؟؟
على طلوع فارس من الاصانصير وسمع شي شده عن نصيبه .
ام فهد : والله البنت حلوة ,,, وجهها وجه وحده بخامس ابتدائي ,,,,, وحليله ومثل المواصفات الي يبيها ولدتس ,,, وكفاية انها متربيه .
ام فارس : ومنهي ؟؟؟
ام فهد : تتوقعين من ؟؟؟؟؟
ام فارس : يووووووه يافهد ,,,,, لاتخلينني على اعصابي ,,, ترى بروحها تلفانه .
ام فهد : جنان ,,,, بنت ام بدر ,,,,, متخبرينها ؟؟؟؟
صدمة بطيئة بوجه فارس وكأنه عرفها : جنان !!!!!!!


3 
سكون الجو


[align=center]
 

الجزء الثالث

 
ام فارس بتطلع حروفها : جنان !!!!!!
ام فهد : ايه ,,,,, شفيتس ؟؟؟ ليش انصدمتي ؟؟؟
ام فارس : بنت الكلبه !!!!!!!؟
ام فهد : كلبه !!!!! شيخه ,,,, انتي للحين مانسيتي العلاقة الشيطانيه بينك وبين ام بدر ؟
ام فارس قامت وتمشت بجبروت : اجل الام للحين عايشه ؟؟؟ وبنتها ام لسان طويل ,,,,, تشتغل مدرسه ؟؟
ام فهد قامت والحريم قاموا : يام فارس ترى عمر الظفر مايطلع منه لحم ,,,, وانتي انسي الشر الي كان مزروع فيكم .
ام فارس : شر !!!!!!؟ اصلا انتم ماتدرون من سوى الشر للثاني !!!!
ام سيف : يام فارس ترى الدنيا تغيرت ,, والناس مو مثل اول ,,, يمكن ام بدر تغيرت وربي هداها ,,, انتي شعرفتس ؟؟
ام فارس : مستحيل بدريه تتغير ,,,, اصلا من متى ضميرها يكون صاحي !!!!؟ انتم اصلا متدرون كبر حقدها علي .
ام سيف : اي حقد الله يسامحك !!!!؟ انتي لو تلينين معاها شوي ,,, يمكن تتغير نظريتها فيتس .
ام فارس : ههيييييييييييييه !!!!! قال تتغير نظريتها قال ,,,, انتم متعرفون ام بدر زين ,,, انا خابزتها وعاجنتها قبل متسكنون عندنا بالقريه ,,,,,, من يوم يومها شر والعياذ بالله ,,,, اصلا ابو فارس نقلني للرياض بسببها وبسبب شرها علي .
فارس طول صراخهم ينصت : ...................
ام سيف : يام فارس ,,,,, مو ولدك يبي وحده مطيعة ,, حنونة ,,, وعاقلة ؟؟؟ مو هذه طلباته ؟
ام فارس : الا ,,,,, بس هالبنت هذه ,, مستحيل اعطيها ولدي ,,,, او حتى ولدي ,,, اكرمه فيها .
فارس غمض عيونه !!!!!
ام فهد : الله يهديك يام فارس ,,, حرام تحرمي الولد من شي يحلم فيه .
ام فارس : كلش ولا هالبنت هذه تطب بيتي ,,,,,,, تفهمون ؟؟؟
-------------------------------------------------
ندى : طالبه جديده عندكم ؟؟؟ مين ؟؟؟
جنان : بصراحة ,,,, انا ماخذيت اسمها ,,, انشالله اذا جت لفصلي ,, اخذ اسمها ورقم بيتها او جوالها .
ندى : طيب ,,,, من شكل ثيابها ,,,, ثريه ,,, عاديه ,,, شلون وضعها ؟
جنان : مبين من شكلها انها بنت عز ,,,, ميك اب رغم سنها الكبير ,, وعيون وشعر وكل شي حلو فيها .
ندى : طيب ,,,,, انتي اذا جاء بكره ,,, لازم تعرفين عنها كللللللل شي .
جنان : ليش ؟؟
ندى : شلون ليش ؟؟؟؟ يمكن تعرف اي شي عن فارس .
جنان : ايش !!!!!!؟ فارس ,,,,,,, اصلا خلاص ,,,, انتهى زمانه بقلبي ,,,,, متوقع ابد ,,,,, ان في شي يربطنا من جديد ,,, وانتي لاتنسين امي بعد !!!!
ندى : ابي افهم ,,, امك ليش تكرهها ؟
جنان : مدري عنها ,,,, المهم ....
ندى : انتي الاهم ,,,, المفروض تعرفين عنه كل شي .
جنان : مستحيل افكر اسئل عنه !!!! ,,,,,, لان اليأس ,,,,, قالي ياجنان ,,,,, فارس راح ,,,,, والشي المفروض والي لازم تفكرين فيه هو المدرسه وبس ,,,,,,,, خلاص ,,,,, مابي امل ,,,,, وانا مستعده انساه ,,,, لانه اكيد نساني ,,,, نساني نساني .
------------------------------------------------------------
يتعشون على طاوله طويله ,,,, تشوف نفسك ترجع من مقدمة الطاولة للوراء ,,, ام فارس
تقلب الاكله ,,,, فارس ياكل بصمت ,,, ولما رفع عيونه شاف عيونها صمت وثقل : يمه .
ام فارس : هلا يمه .
فارس : يمه ,,,,, ممكن اعرف شسبب عداوتك انتي وام بدر ؟
ام فارس : وانت ليش تسأل ؟
فارس : تبين اقولك الحقيقة ؟
ام فارس : ايوه !!!!! وايش الحقيقة ؟؟؟
فارس : الحقيقة اني سمعت كل الي دار بينك وبين الحريم .
ام فارس طارت عيونها له : وليش تستمع ؟
فارس : صدفة ,,,,, سمعت انك تتكلمين عن مشكلتك مع ام بدر ,,,,, بس ابي اعرف ,,, ليش تكرهين البنت ؟؟؟
ام فارس : تقصد ,,,,, جنان ؟
فارس : ايه ,,,,,, البنت مسوت شي عشان تبينين لها جدار نفسي يعزلك عنها .
ام فارس : المهم ,,,,,, خلنا نلطع من هالموضوع ,,,,, شرايك ببنت السفير لينا ؟
فارس قام خوف : شفيها ؟؟؟
ام فارس : شفيك قمت !!!!؟
فارس : ولاشي .
ام فارس : المهم ,,,,, اقعد .
فارس قعد : وشفيها ؟؟؟
ام فارس : شرايك اخطبها لك !!!!!؟
فارس طارت عيونه خوف !!!!!!
--------------------------------------------------
ندى : يووووووه امي 140 اتصال ,,, اكيد الحين بتذبحني .
جنان : المهم ,,,, لاتنسين ,,, العشى بكره ,, عندي .
ندى : خلاص ,,, خليننا نتقاسم العشى .
جنان : حلو .
ندى تلبس طرحتها : يالله تبين شي ؟
جنان : سلامتك .
سكرت الباب بعد ماطلعت ندى وراحت لشغلها .
بس قبل ماتروح للمطبخ رن التلفون زاتجهت له بهدوء : الو .
فيصل من تلفون مكتبه : السلام عليكم .
جنان : وعليكم السلام ,,,, مين معي ؟
فيصل : انا مدير الجمعيه الخيريه الي بالدمام ,,,, انتم وين ساكنين من الدمام ؟
جنان : حنا في جنوب الدمام .
فيصل : رئيس الجمعيه سمع عن حالكم وحب يساعدكم ,,,, وخصوصا ان نادر منلقى عايلة في الجنوب .
جنان : مشكور طال عمرك ,,, الخير واجد .
فيصل : تسلمين ,,,,, بس حاب اشوف عدد افراد الاسرة .
جنان : انا وامي وبس .
فيصل : طيب ,,,,, اجل يوم الخميس الجاي ,,,, انا عندكم .
جنان : حياكم الله ياراعيين الخير .
-----------------------------------------------------------------
الساحة الخارجيه للدار فرشة خضره وكأنها ( ثيّل ) وتشوفها بصورة دائريه ومكبس الشمس
على نص الساحة ,,, جنان تدرّس : الف باء تاء ثاء .( كانت تأشر على كل حرف مكتوب بالسبورة )
العجزة بصوت واحد : الف باء تاء ثاء .
جنان تأشر على الحروف الزرقاء بعصى سحريه : جيم حاء خاء دال .
العجزة يهزوا راسهم موافقه : جيم حاء خاء دال .
جنان تقدمت لهم باستعراض : ذال راء زاء سين .
العجزة جالسين بالارض وقبال كل وحده ترمس قهوه مع هزة الراس : ذال راء زاء سين .
جنان وكأنها تناقش : شين صاد ضاد طاء .
وحده من العجزة : اقول يابنيتي ,,,,, من الي سوى هالحروف ؟؟ ليش مايصرن زي بعض ؟
وحده من العجزة : انا امنيتي اني اكتب اسمي .
وحده من العجزة : اقول ياابله ,,,,,, جوالي يرن ,,, افتحيه لي .
جنان : على فكره ,,,, كل جوالاتكم اباخذها ,,, لان ممنوع فوقت الدرس الجوالات مفتوحة .
ام ناصر : بس واذا اتصل علي وليدي ناصر ولا خويتي ام فارس ؟؟؟
جنان توقفت نفسيا : اعز خوياتك ماتردي عليهم ,,, وقت الجد جد ,, ووقت السوالف سولفوا .
رن جوال ام ناصر : جنان ,,,, ياحيي شوفي من الي اتصل علي .
جنان : طيب ياخاله .
اتجهت لمكان ام ناصر الي بربع الفصل : اشوف .
اخذت الجوال وطالعت الشاشه وشافت اسم ام فارس : خالتي ,,,, هذه وحده اسمها ام فارس .
ام ناصر : اجل ردي عليها وقولي كل بهالوقت ماتتصل علي .
جنان خافت : طيب .
ردت : الو .
ام فارس : الو ,,,, مين معي ؟
جنان : انا مدرسه ام ناصر ,,, لو سمحتي ياخاله ,,, ماتتصلي على هالرقم بهالوقت ,,, لان الخاله ام ناصر مشغولة بالشرح .
ام فارس تفكر : مشالله والله قمتي تعرفين شلون تتكلمين " : اسمعي ,,, قولي لأم ناصر ان العشى عندي .
جنان : حاظر ياخاله ,,,, مع السلامه .
ام فارس : باي . ( وسكرت )
جنان : خالتي ,,,,, الانسه ام فارس قالت ان الليلة العشى عندي .
ام ناصر : مشالله على ام فارس ,,,, من يوم وهي صغيرة وهي كريمه وتعرف الواجب ,,, حتى ولدها فارس طالع عليها .
ابتسمت جنان " هذا فارس ,,,, مو اي واحد "
جنان : يالله ,,, مانبي نضيع وقت ,,,, لان اختباركم قرب ,,,, خلوني اكمل .
-----------------------------------------------------
لما كانت تفكر دخل عليها فارس وشافها تتفحص نفسيا : يمه ,,,, خير ؟؟
ام فارس : قبل شوي اتصلت على ام ناصر ,,,, وتوقع من رد علي ؟
فارس : من ؟؟( واكل حبه علك )
ام فارس : بنت بدريه ,,,, جنان ,,, تقول ايش ؟؟؟( تقلد صوتها الناعم ) لاتتصلي عليها كل فهالوقت ,,,, لان الحين جالسه تتدرس .
فارس ابتسم !!!!!!
ام فارس : والله مابقى غير بنت ام بدر ,,,, تأمرني اني متصل على خوية العمر .
فارس : يمه ,,, بعد البنت ماقالت شي غلط ,,, اصلا من حق المعلمة انها تأمر بشي لمصلحة الطالبه .
ام فارس : وانت بعد تدافع عن عدوة امك !!!!!؟
فارس : الي يسمعك يقول ان الي مزاعلتها جنان مو ام بدر .
ام فارس : المهم ,,, الليلة وين بتروح ؟
فارس : خويي فيصل عازمني ببيته عالعشى .
ام فارس : على خير انشالله ,,,, بس لاتطول بالسهره ,,, اعرفكم يالشباب .
فارس : لاتخافي يالغاليه ,,,,, انشالله قبل 12 وانا نايم بالسرير .
ام فارس : وعلى فكره ,,, انا بمر بغرفتك الساعة 12 ,, وبشوف انت فيه ولا لا .
فارس : هههههههههه ماتتركي عاداتك .
----------------------------------------------------
جنان : اقول ,, تتوقعين ان ام ناصر ,, تقرب لأم فارس ؟
ندى : لا متوقع ,,,, في مليون وحده اسمها ام فارس ,,,, وقفت على ام فارس هذه ؟؟؟
جنان : مدري شصار فيني لما طالعت جوال ام ناصر ولقيت الاسم ,,,,, حسيت بخوف وحب وشي غريب مدري ايش هو !!!!
ندى : اقول ,,,, امسحي فارس من راسك ,,,, لان متوقع ان يفكر فيكي ,,, لو فكر كان سوى اي شي عشان يوصلك ,,, بس اصلا ,,,,,, مجاء بباله اسم جنان .
جنان : ابعد عنه نفسيا وهو يقرب مني نفسيا وكأنه جسم شفاف جاني من السحابه .
ندى : وااااااااااااااو ,,, تصلحون فيلم رومانسي .
جنان : فيلم رومانسي !!!!!!!!!!!!!!!! المهم ,,,, بكره بتداومين ؟
ندى : بكره لا ,,,, بس بعده بداوم ,,, ليش تبين شي ؟؟
جنان : لا .
-----------------------------------------------------------------
فيصل : ايش ايش ايش ؟؟؟؟؟ انت متأكد ؟؟؟
فارس : بصراحة ,,, انا شاك بكلام ام فهد ,,,, هي قالت لأمي انها شافتها بدار ,,,, بس عاد هي صادقة ولا بس شبهت .
فيصل : ان طلعت هي ,,,, شبتسوي حظرتك ؟
فارس : بحاول اني اخدم ام ناصر يوم ,,, واعرف عن طريق الجيران وين بيتها ؟
فيصل : انت ماتتذكره ؟؟
فارس : لا ,,,,, 30 سنه شلون بتذكره ؟
فيصل : تعال ,,,, الدار في الدمام ,,,, وام ناصر في الرياض ,,,, شلون ماشيه ؟
فارس : ابد ,,, سكنت بشقة مفروشه مع ولدها وزوجته ببيتها .
فيصل : اها .
فارس : بس تصدق ,,, ابي اشوفها ,,, زمااااااان عنها ,,, ايام الطفولة .
( كانوا بغرفة المسبح بكرسي وطاولة وحولهم نور الماء )
فيصل : المهم ,,,, انا رايح للدمام ,,,, عندي شاحنة بتروح لأحدى البيوت المحتاجة .
فارس فكر : بتروح للدمام !!!!؟ وأي منطقه من الدمام ؟؟؟؟
فيصل : في الجنوب ,,,,, العوايل شويه هناك .
فارس : شرايك ,,,, تخلي هالمهمة لي !!!!!؟
فيصل : ليش ؟؟؟
فارس : ياخي كل واحد يساعد الثاني ,,, وبعدين نسيت ملكتك ؟
فيصل : اي صح ,,,, خلاص ,,, انت تولى المهمة ,,, اتفقنا ؟
فارس : اتفقنا ,,,, ولاتشيل هم .

التفت للفكره الي موجوده بباله !!!!!!



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.