العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
قلب العنبري


هذه القصه حدثت لي انا شخصيا
أنا من سلطنة عمان وتبعد منطقتي عن العاصمه مسقط حوالي 300 كيلو
في يوم من الأيام طلعتلي شغله في مسقط وبعد صلاة الفجر طلعت من البيت رايح العاصمه مسقط
وصلت العاصمه حوالي الساعه الثامنه صباحا خلصت الشغله اللي رايح على شانها حوالي الساعه الواحده ظهرا ، بعدها ذهبت للغداء ومن ثم قلت في نفسي ليش ما أخذ لي لفه في مسقط ، للعلم مسقط من أجمل العواصم ياليت تزوروها
المهم رحت بعض المراكز التجاريه الموجوده هناك مثل سيتي سنتر ، المركز التجاري ، سابكو ، مجمع الحارثي طبعا هذي الأماكن اللي رحتها وكثير منها موجود في مسقط




بعد هذي الدواره كلها قلت الحين الى البيت بالعماني غايته نروح ( ونصيحه مني المساقه الطويله لا أحد يمشيها بنفسه لازم يكون عندك رفيق ) المهم صليت المغرب وبعدها توكلت على الله ومشيت وكان الجو بارد
وبعد مسافة 50 او 60 كيلو تقريبا شفت مرأه ومعها رضيع واقفه بجنب الشارع لوحت علي بيدها ووقفت نعم أختي فيه شي رايحه مكان
قالت : نعم أبغيك توصلني على دربك أرجوك عندي الولد تعبان وأبغي أوصل البيت الله يعطيك خير ان شاء الله
قلت لها ركبي ويا ليت ما قلتها
المهم جلست على الكرسي الخلفي ونومت الطفل اللي عندها وبعد مسافه تقريبا 87 كيلو قالت خلاص هنا بيتنا أنا بنزل ودعت لي بالخير ونزلت
وبعدها مشيت حتى وصلت قريب البيت وفجأه أسمع صوت طفل يبكي في السياره نظرت خلفي فإذا طفلها تركته في السياره ونزلت عنه
ايش العمل وأيش أسوي المسافه اللي نزلت فيها بعيده أروح أبلغ الشرطه مصيبه فيها سين وجيم وإتهام بالخطف

وأنا على هذا الحال جالس في السياره بعد ما وصلت البيت أفكر أيش أسوي والطفل مره يبكي ومره يسكت
حتى جاءتني أمي تصحيني لصلاة الفجر كان هذا كله

^
^
^
^
^
^
^
^
^
^
^
حلم





2 
الفارس الابيض

[align=center]كثير حلوة القصة تسلم الايادي

روعه وجميله جدا
تسلم أيديك على ماقدمت

شـكــ وبارك الله فيك ـــرا لك ... لك مني أجمل تحية .
أخوك
الفارس الابيض
[/align]


3 
طيف الحرمان

ههههههههههههههههه

هههههههههههههههه
خدتنى قولت المسكين لبسها
هههههههههههههههه
تسلم ايديك على القصه الرووعه
فى انتظار جديدك القادم
تقبلى منى
فائق شكرى وتقديرى


4 
الحب عنواني

اندمجت مع القصه ابي اشوف النهايه وانزل لما شفت هذي العلامه^

قلت لا هذا مقلب اكيد هههههيعطيك العافيه اخوي



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.