العودة   منتديات الدولى > المنتديات الأدبية > منتدى الشعر والقصائد

منتدى الشعر والقصائد القصائد النبطية والعربية الفصحى وكل ما يعنى بالشعر الحديث والقديم، أحدث قصائد رومانسية جديدة 2017


1 
مشعل عبدالله


يا اللي ضحى الاثنين غادرت دنياك
وشربت كاسٍ كل حي ٍ يذوقه

ما ادري قبل ماتروح وش كانت مناك

وبعض المنى تجي المنايا وتعوقه

كم عشت بالدنيا وكم طاب ممشاك
والنفس ياما حصلت ما تتوقه

من طلعتك ياما غزى الشيب علباك
في بيت ملكٍ غايصاتٍ عروقه

تضحك لك الدنيا والايام تلقاك
تضحك لها حيث السعد قام سوقه

واليوم يامرحوم للناس ننعاك
ماينفع التصفيق شربت مروقه

كان القدر يا خادم البيت ناداك
فالغيم لابد الهوى مايسوقه

هذاك يوم لو تكلفت ماخطاك
طريق للمخلوق لازم طروقه

ياخادم البيتين ماكثر عطاياك
ركبت للمعروف خيلٍ سبوقه

خدمت بيت الله ووسعت الانساك
واعطيت ضيف الله كامل حقوقه

ومسجد رسول الله تولته يمناك
والعين به شافت فعول تروقه

واهتم فكرك بخدمة كتاب مولاك
وفي خدمته شيدت له مايلوقه

وثبتْ لكل العرب صحّتْ ارياك
كم قالةٍ خاطت يمينك فتوقه

اطلب عسى الفردوس يا شيخ ملفاك
واطلب عسى يجنبك نار حروقه

ويا قبر ابو فيصل عسى الغيم يغشاك
ويسقيك من مزن تلاعج بروقه





قصيدة للملك فهد رحمه الله



قصيدة للملك فهد رحمه الله



قصيدة للملك فهد رحمه الله



قصيدة للملك فهد رحمه الله



قصيدة للملك فهد رحمه الله



اخر صوره التقطت له رحمه الله واسكنه فسيح جناته


قصيدة للملك فهد رحمه الله


الى جنات الخلد ابو فيصل


2 
أميرة الذوق عطور

الله يرحمه ويسكنه فسيح جناته
مشكور خيو مشعل على القصيدهـ

أبوي الراحل فهد عبدالعزيز السعود
ويبقاء في القلوب


3 
احلامي صغيرة

اطلب عسى الفردوس يا شيخ ملفاك
واطلب عسى يجنبك نار حروقه


ويا قبر ابو فيصل عسى الغيم يغشاك
ويسقيك من مزن تلاعج بروقه


[align=center]
الله يرحمه ابو فيصل
تعب كثير اخر ايامه من المرض وان شاء الله مثواه الجنة

يسلمو ايديك اخوي مشعل عبدالله
ويعطيك الف عافية
[/align]



Powered by vBulletin® Copyright ©2000 - 2022, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.