العودة   منتديات الدولى > المنتديات العامة > الترحيب والتهانى والمناسبات

الترحيب والتهانى والمناسبات قسم خاص للترحيب بالأعضاء الجدد والتعارف بينهم وتقديم التبريكات والتهاني فى المناسبات المختلفة


Like Tree38Likes

626 
زينة المهاء

سلآآآآم عليكم ..


حبايبي متابعي مدونتي العزيزه < atch_sal:

ان شاء الله باجر مسافره للطايف

رآآح اشتاق لج يا مدونتي

ورآآح اشتااق لكل قروب جآآآزم < فديتكم atch_lov:


والاعضاء كل ابوهم


اشوفكم على خير يا رب

مع السلامه


زينــــة المـــــهآآء ... مهاااوي


627 
زينة المهاء

قؤؤؤؤؤه يا مدونتي شلونج شخبارج < طاقّه سوالف معاها جنها بترد علي يعني ههههههه


الموهيم شلونكم يا متابعي مدونتي شعلومكم

الله اشتقت لكم وااايد

بقولكم سوالف وايد عن السفر

احنا مشينا من الكويت الظهر قلت حق ابوي حرام عليك القايله حررررر


طبعا الكل يعرف جو الديره هالحزه درجه الحراره 51 !!

المهم حرّكنا والجوازات كانوا خفيفه ما في زحمه

ولمن دشينا السعوديه من عقب ما تعدينا منطقه حفر الباطن يانا غبآآآر وهوا قوووي

وعجاج قووي حده لدرجه انه طيّر ويه الموتر من جدام بس الفايده منه انه خفف حراره الجو علينا

عاد وصلنا الطايف على الفجر الساعه 4 حجزنا فيلا احنا كنا اربع سيارات

وحجزنا 3 فلل يم بعض وناااسه حدها


628 
زينة المهاء

الفلل بين كل وحده باب يعني نقدر ندش منه ع الفيلا الثانيه

هي اول ما تدشها حوش بعدين على يمين باب يدخلك على البيت ويسار

دوانيه وكل شغلها فيها ويمها نفس الكبت بالطوفه داخله اغراض الدجه ( هي نفس طوفه

مرتفعه شوي عن الارض بس ما توصل السقف )

المهم والبيت من داخل يطل على مسبح لكل فيلا

عاد هم مو صح 3 فلل وفيهم دوانيه وحده حق الريايل ووحده حق الحريم ووحده حق البنات

والشباب عاد متنقلين ههههههه مره يقعدون عند الريايل ومره يقعدون عند مالتنا


والحمد لله والله استانسنا ضحك وسوالف وغشمره وطلعات وروحات وييات

نسيت اقول لكم ( شي مهم هع هع ) خليت الآيفون بالبيت وطلعت البلاك بيري من الكبت

والله اني مشتاقه له احسن عشان ما يخرب الآيفون اخاف يطيح مني ولا شي اخخخخ

الموهم والله يونس اسولف بالبي بي ام بالطريج عشان ما املّ واذا مليت منه اروح حق السياره

الثانيه ولا البنات اييوننا مع العيال

اول يوم رحنا حديقه الملك فهد واهم حدث اني تهاوشت مع وحده اخخخخخخخخخخ

لو مو ياين العيال ومخلصين الهوشه جان طقيتها ههههههه

صراحه هي اللي بدت مو انا الموهيم رجعنا الساعه 2 ونص بالليل وكملنا السهره بالدوانيه

والشباب يابوا لنا من ماك وتعشينا وقعدنا سوالف وضحك للفجر صلينا ونمنا

بعدين اليوم الثاني رحنا لمجمع قلب الطايف فصلنا احنا والبنات شرينا نقابات

هي اسمها بالسعوديه لثمه بس عندنا بالكويت نقاب والنقاب عندهم يكون اللي مسكر

وعاد احنا كنا بالدور الثاني وولد خالتي دق علينا قال يلا انزلوا عشان نروح البيت

وهو كان واقف عند السلم المتحرك ويشوفنا فوق السلم كان صاعد واحنا نبي ننزل

شلوووووووون ؟؟!! عاد يتنا فكره قلنا السوق تقريبا فاضي ومحد بالممر اللي بننزل منه

جان ننزل !!! امبيه اشكالنا واحنا نركض على السلم هو صاعد واحنا نازلين هههههههههههه

ولد خالتي مااااات من الضحك على شكلنا كان توووحفه

atch_sal:


629 
زينة المهاء

عقبها رحنا ابها ما شاء الله تهبل بس ردينا بنفس اليوم لأن الوالد فيه ربو

وتعب علينا لأن المكان مرتفع والضغط منخفض

بعدين قالوا لنا الريايل ان ودنا ناخذ عمره ومكه حيل قريبه من الطايف

كان الطريج تقريبا ساعه الا ربع بس الطريج عجييييييب طريج كرا !!

يقولون مصممه ابو اسامه بن لادن هو بالهدا واحنا فوق بالجبال نشوف

القار والسيارات تحت جنهم العاب ياااي يهبل المنظر

ووصلنا مكه قبل صلاه العصر بشوي صلينا واخذنا عمره

خلصنا على الساعه 6 رحنا اكلنا ما ادري هو غدا عشا اللي اهو ههههههه

بعدين صلينا المغرب وانطلقنا لسوق << لزوم السوق للحريم اخخخخخخخخ

واحد من العيال يقول انتوا يا الحريم ما شاء الله عليكم لا ييتوا بتحرمون عند الميقات

تقولون لبيك عمره وسوق ومطعم هههههههههههههههههههههههههههههههههه

قووويه قصم قصمات شدعوه عليه عاد شكو يعني الشباب ما يروحون السوق !

الموهيم قعدنا بمكه لمن الساعه 1 بالليل ورجعنا الطايف

وقعدنا فيها جم يوم رحنا منتزهات وحدايق وعقب خلص حجز الفلل هههههههه !!

واحنا للحين ما شبعنا من الطايف جان نروح نسكن بفندق رمادا الهدا

يهبل لأن صارت فيه مواقف يبوووي ما اقدر اقولها اخخخخخخخ atch_sal:

هو عنده مدخل التلفريك يمر بطريج كرا المنظر صراحه لا يوصف والاحساس

امبيه محد يحس فيه الا اللي جرب يركبه عجيب عجيب حدددده

والالعاب المائية اللي فيه حلوه

عقب رحنا للمدينه المنوره مناك امبيه امبيه لين باجر ما جنها السعوديه جنها طهران !! ههههههه

كلها ايرانيين حتى الفنادق الريسبشن < اهم شي كاتبها بالعربي وه يا زيني ^_^ الثقه مشكله !

الموهيم الريسبشن بعد كله ايرانيين هههههههه < نشوف الوييه الزينه والمزايين ووووو .... الخ هههههه

رحت حق الروضه اللي بالحرم وطبعا زحمه وتفقص ههههههههه

اشوه اني طويله ارفع راسي فوق عشان آخذ نفس ههههههه < قولوا ما شاء الله !

على ما وصلت الا انا منقطعه هع هع آخر شي الايرانيات وحريم من جنسيات عربيه

مراح اقول شنو قاموا يتدزازون ودز ودز لمن هاوشتهم على دفاشتهم هههههههههه

فوق ان خدامتنا مجلبه فيني ماسكتني من ظهري هههههه

اي نسيت اقول دعيت لكل جازم بمكه وبالمدينه بالروضه

وعقبها رحنا حفر الباطن يقولون في مواعين حلوه قايلينها الحريم حق الحجيات ههههههه

عاد الحجيات حنوا على الريايل لمن رحنا لأنها قريبه حيل من الكويت

يمكن بعدها ساعتين ونص جذي

عاد ما قصروا الحجيات شالوا نص مواعين الحفر هههههههههههه


وبس ردينا الكويت فديتها وفديت ريحتها وترابها واهلها وناسها ومنطقتنا وفريجنا وزنقتنا ههههههههه

وه بس فديتها صج صج غير الديره الله يخليها لنا يا رب


630 
زينة المهاء

حبايبي بطس انام عشان باجر عندي وورك << براا


وبعد الزواره atch_punnch:

يلا بباي ^_^

برب ..



Powered by vBulletin® Copyright ©2000 - 2018, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.