العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
غروووومه


يسعد أوقاتكم بكل خير ..

أخباركم؟؟

انا جالسة أقراء في هالرواية الرائعة
وأعجبتني كثير وحبيت أني أنقلها لكم

أتمنى لكم الأستمتاع بقارئتها




والحين أخليكم مع الجزء الأول




الجزء الاول

.......... ماسكه ريموت التلفزيون : اقول موزه ,,, جيبيلي ماء .
( الشخصية الاولى شروق)
نجود طلعت من المطبخ الابيض المفتوح : يوووووووووووه خلي رجولك تجيبلك ,, مو فاضيه .
( نجود سموها الشله موزه لانها مدمنة موز )
شروق تهز راسها : وشعندك يابزنس وومن ؟؟؟ انا اللي اعرفه انا الجامعه وخلصناها ,, والنادي اللي مشتركه فيه
وانتهت دورته ,,, لاتقعدي تخترعي اعذار .
نجود رمت قشر الموز بوجهها : ايه شعليك ,,, بنت ومحافظة على الرشاقة ,, وجسمك يموت على الجوع وانا ياحظي ,,, حارميني هالمدربين من الاكل .
شروق : وانتي شاللي حارقك تدخلي نادي ؟
نجود : بصراحة ,,, انا دخلت النادي مو عشان جسمي .
شروق وبان على وجهها علامات استفهام : اجل عشان ايش ؟؟؟؟
نجود : عشان احرق قلب فيونا واثبتلها اني اقدر اسوي اي شي عشان احافظ على شبابي .
شروق : الحين تقارنين نفسك بمدرسة الطبخ !!!!!!؟ اللي يسمعك يقول هذه بسن شبابها ومشتركه من قبل في مسابقة ملكة جمال بريطانيا ,,, ترى اول الفروق بينكم ,, انت عظم وهي شحم يعني شاللي مخليك متحديتها ؟
نجود : انا دايم اشوفها بالنادي ,, وكل ماتشوفني تضحك علي لما اغلط بدرس السباحة ,, يعني يرضيك ؟؟
شروق : اقول ,,, الحمد لله على نعمة العقل ,,, وين البنات ؟؟؟
نجود : مدري ,,, بس اظن رئيسة الشلة عند اللابتوب ,,, او يمكن تشتري شي للبيت .
شروق مستغربه : تشتري شي للبيت ؟؟؟ سبحان اللي يغير ولا يتغير ,,,, الحين هذه صارت مثل حليمة ؟؟
نجود : ليش ؟؟؟ شفيها مشاعل ؟؟؟ كاملة والكامل وجه الله ,,, يعني اتوقع ان نجم من نجوم هوليوود بيخطبها .
شروق : بس انا ومشاعل صحبة قبل ماتجون انتم يالثلاثة ,, يعني عاجنتها وخابزرتها 10 سنوات ,, وكانت قمة في الدلع ,, يعني شتتوقعين من هذه ؟؟
نجود : لا حرام عليك ,,, هي صحيح بنت ملياردير وابوها هامور من هوامير المملكة ,, بس والله البنت متواضعة ومشالله تعتبر الخدامات زي خواتها ,, يعني مو رافعه مناخيرا على قولة اخواننا السوريين .
شروق : طيب الحين انا طالعه ,, اذا جوا البنات قولي لهم اني عند ماريانا ,,, اوكيه ؟؟؟
نجود بكره : انا بعرف شي واحد ,, انتي شتبين من مريانا ذي ,,, حافية منتفة وابوها ميت ,,, تصادقين وحده كذا ؟؟؟
شروق بحكمة : نجود ,,, المثل يقول الصديق وقت الضيق ,,, يعني هالبنت هذه اللي مستحقرتها ومستحقره دولاارها ,, ضحت بسمعتها عشان مشاعل ,, وانت تتذكري سالفة الاغتصاب اللي اتهموها دكاترة الجامعه ,,, تتذكري ؟؟؟
نجود : انا ماانكرت جميلها ,,, بس فشلة قدام صحباتي و,,,
قاطعتها بسرعة وبأمر : اقول انطمي .
نجود عقلت : طيب .
دق موبايل شروق واللي كان فوق كرسي على شكل قلب احمر : هاي ( فكت شعرها الملفوف ) .
............: شروق ,,, انتي تبين صلصة الصويا المالحة ولا الحارة ؟
( الشخصية الثالثة مشاعل )
شروق : لا ابي الحارة ,,, وبعدين وينك انتي ؟
الاذن ماسكه موبايل مشاعل ويد مشاعل ماسكة الشطة وكأنها بترجعها :انا في البقالة الي قريبه من هنا ,, البنات كلهم عندك ؟
شروق : لا ,, بس نجود ,, فرح وحليمة نايمه .
مشاعل متفاجئة : هاا ,,, حليمة نايمة ,,, سبحان الي مغير الاحوال ,, هالنظامية نايمة الى الحين ؟
شروق : هههههه حبيبتي توقعي اللي مايتغير يتغير ,, ايه نايمه .
مشاعل : قومي صحيها الحين ,, بيذن الظهر .
شروق : والله استخدمت جميع وسائل التقويمه ,, المويه وصبيتها بوجهها ,, والمخدة وضربتها لحد ماتورمت ,,و شديت شعرها لحد ماتقطع ,, وللحين مانفعت معها جميع الوسائل .
مشاعل بلهجة حايلية : اقول قوميها بلا هالدلع اللي بسم الله ظهر فجأه ,, جنى طلع لنا ,, ( بصراخ ) قوميها .
شروق وكأنها بتتخبى من صوتها : طيب طيب بس لاتعصبين الله يحفضك .
مشاعل هدت : اوكيه ,,, يلله قوميها عشان تحظر الغدى ز
شروق : طيب ممكن اطلب منك طلب ؟
مشاعل : اطلبي .
شروق : خليني هالمرة اسوي الغدى ,,, شرايك ؟
مشاعل باستحقار : بعد بعد مابقى الا انت ,, الحين بتحطين لنا السكر بالرز زي المرة اللي فاتت ,, روحي روحي قوميها .
شروق ماتت ضحك : ههههههههههههه ترى اسويها من ورى حليمة .
مشاعل : جربي تسويها ,, والله لادعي عليك .
شروق : ههههههههههه جربي تدعين علي والله لدفنك بأرضك .
مشاعل : يالله باي .
شروق : باي .
شروق بعد ماسكرت ,,, نجود : هي وينها ؟؟
شروق مستغربه : وش فيك وكأنك بتسوين حركة خطيرة ؟؟
نجود : لا بس أسئل .
شروق : هي الحين في البقالة اللي عندنا ,, اللي بشارعنا .
نجود : انا بروح لها ,,, من زمان ماطلعت .
شروق : وانا معك بس خلينا نبدل ثيابنا .
نجود : انا لابسة وجاهزة ,, بس بفتح التلفزيون عشان انتظرك .
شروق : اوكيه .
طلعت من غرفتها البيضاء وشكلها محيوس ورفعت يدها تسلم : صباح الخير .
( الشخصية الرابعة حليمة )
نجود : اي صباح قولي مسالخير .
حليمة : الي هو هو ,,, كم الساعة ؟
نجود : الساعة 12 .
حليمة : حلو .
نجود : مشالله عليك ,,, حتى تحضير الاكل له وقت معين .
حليمة : مشاعل وينها ؟؟؟؟ العادة كلها القاها مزروعة عند النت .
نجود : ههههههههه لا هي نزلت للسوق تاخذ شوية اغراض .
حليمة منصدمة : هاا ( وضربت راسها ) اكيد للبقاله .
نجود : ايه هههههههههه وبعدين انت شعرفك انها نازلة للبقاله ؟
حليمة : امس تحديتها بعلبة موجودة في السوق ,, وقالت يا انا يا انت اللي نلقاها اول ,, واللي تلقاها تنعطى لها 3000 دولار ,, وانا على بالي تمزح اثاري جاده .
نجود : تحديتوا بعض عشان علبة !!!!!!؟
حليمة : ايه وعلى شطة .
نجود : هي اصلا متصلة على شروق وقالت لها عن الغرض اللي تحديتيه ,, والضاهر انكم تحديتوا على شطة ,, صح ؟؟؟
حليمة : ايه ,,, وانت شعرفك انها على شطة ؟
نجود : ابد ,, شروق قالتلها انها تفضل الشطة المالحه ووبس .
نزلت شروق من الدرج القزازي وبخطوات لولبية : يالله مشينا .
حليمة : على وين ؟؟
نجود : بنروح انا وشروق للمحل اللي فيه مشاعل .
حليمة : لا حبيباتي منتم طالعين من البيت إلين ماتتغدوا .
شروق : يوووووووه ياحلومة وو عاد اللي يسمعك يقول غدى ملوك ,, خلينا عالمطعم السوري اللي تحتنا .
حليمة سكتت من كلام شروق اللي يحطم الشخصية الطموحة : روحوا .
,,,,,,,,,,,,,,,,,,,,,,,,,,,,,,,,,,,,,,,,,
نزلوا البنات للمطعم السوري واللي الفرقة ماتسكت من العرضة الي تقدمه ,, وشروق جازلها الوضع ,, قامت تهزز الخصر ,, ونجود تضربها : هييه انتي ,, ماعندك حيا ؟؟
شروق : يوووووووه يانجود خلينا نفلها ( وكملت رقص بنات باب الحارة )
نجود تراقب المكان ,, يمكن في وحده من صديقاتها " اشوه " وكأنها تذكرت ان خوياتها نايمات هالوقت ,, اما شروق عاااااااااااااااااااااايشة جو ,, حتى اللي يستعرض السيف يرقص معها .
طلعت مشاعل من البقالة وشافت شروق ,, طالعتها بكل تعجب : ياليتني ساكنة بمحافظة فييرونا ,, عشان ماتفشلني عند الحارة .
ومشت باتجاهها ومسكت مع ذراعهاو بصراخ : انت هيييييه ,, ماتستحين ؟؟
شروق تهز كتوفها : مافي مين يغسلوو .
مشاعل طالعت اللي حولها ,, شافت اللي حولها يشوفوا خبال شروق : هين ,, اوريك بالبيت .
شروق بعربجة : يعني شبتوريني ؟؟؟
مشاعل تلفتت من حولها ورمت شروق قدام عشان يكملو الطريق : اقول امشي .
كملوا ثلاثتهم لقدام المنتزة المختلط ,,, مشاعل : انا ابي اعرف شي واحد ,,, شمطلعكم من البيت ؟
نجود : منتي عارفة راس شروق ,, يابس ,, يعني لو حطت ببالها انها بتوصل لراس جورج بوش ,, بتاصله .
شروق تتوسط الثنتين : وانتم شفيكم علي ؟؟ خلوني اعيش حياتي مثل ماابي ,,, ولا خايفين الجرايد تفضحكم ؟؟
مشاعل كشت بوجه شروق : وش جرايده انتي الثانيه ,, اللي يسمعك يقول عصابة مو بنات خايفات على سمعتهم من قصص الشباب اللي يصوروا بنات باليوتيوب وينشروها عالنت .
شروق تكتفت قبال مشاعل : اذا في شباب يصوروا بنات ويطلعوا اشكالهم في اليوتيوب فأنا لي الفخر اني اكون وحده من هالبنات ,, هذا اولا ,, وثانيا ,, ودي اكون مشهورة .
مشاعل : اقول ,, الله يعينه اللي بياخذك ,,شكله بصير خبل مثلك .
شروق وكأنها شافت شي خطير : الله ,, الله يسمع منك ( وباست جبهة مشاعل وتركتهم )
نجود تطالع شروق وهي طايره للكوفي : هذه مخبوله ولا تتخيبل ؟؟؟
مشاعل : الحمد لله انها وحيدة العيلة ولا كان خواتها منظمات لقائمة العنوسة .
نجود : ولا وشطفتنا وطلبت لنفسها قهوة .
مشاعل : ماعليك منها ,,, تعالي ( وطالعت نجود ) انتم ليش نازلات ؟
نجود : شروق تبي تشتري لها بلوزة .
مشاعل : امس خذت كل بلايز المركز ,, شهالبنت ؟؟ ماتشبع بلايز .
نجود : منتي عارفه طبعها ,, تموووووووت عالزين .
مشاعل : المهم ,, ماعلينا منها خليها تسوي اللي تسوي ,, تعالي انتي للبيت عشان الغدى .
نجود : على امرك ,, ولو اني بروح مع شروق للمشوار المجهول اللي بيكون بعد السوق بس بطنشها .
مشاعل : مشينا .
نجود : يالله .
اتجهوا ثنيناتهم للبيت اللي يفصل بين الرصيف اللي يمشون عليه وبين البيت شارع ,, توقفت عيون شروق للصديقات اللي تركوها : هذولا راحوا واتركوني .
اتجهوا ثنيناتهم للبيت ووصلوا للباب اللي قباله درج ودخلوا ,, من خلف الحديقة اللي قبال البيت ,, ضهرت شخصية كانت تراقب مشاعل من طلعتها لدخولها للبيت مع نجود ,, وجه كلامه اللي بالجوال : عرفت بيتها ,,, ايه جايه مع خويتها ,, اظاهر ان اخوها بالسعودية ,, اخو مشاعل ,, لاتخاف ,, عنده مشاغل بالشركة ,, يعني ماتوقع انه يجي لاوروبا ,, المهم طمن الزعيم وقول ان كل اللي براسه مو موجود ,, ايه ,, انشالله ,,, باخذ بثاره الليلة ,, لا ,, هو ماقالي اقتل مشاعل ,, بس بخليها هدية له ,, وخاصة ,, انها بنت ,, يعني ,,, رح يجيني بهالليلة دولار قد برج ايفل ,, باي .
اتجه للبيت وكانت في بنت صغيرة ,, اتجه لها وكان الحوار بينهم بالانقليز بس من بعد الترجمة : مسالخير .
البنت : مسالخير ,, اتريد مساعدة ؟
الشاب : نعم ,,, من يسكن في هذا البيت ؟
البنت : تسكن فتاة اخاف ان اراها ؟
الشاب مستغرب : لم ؟
البنت : انها جمالها يخيفني .
الشاب " اول مرة اسمع بأن الجمال يخوف " : تخافين ,,, هي لن تأكلكي !!!
البنت : اعرف ,, ولكن عندما اراها انسى اسمي .
الشاب " يلعن ابو الرومنسية ,, حتى القطط اللي مثلها رومنسيات !!!!؟" : لاتخافي ,, لن تنسيك اسمك ,, ولكن اريد ان أسئلك ,,, اتعرفين عنها اي معلومة ؟؟
البنت : اجل اعرف ,, الفتاة وحيدة في هذه البلاد ,, لااحد يسئل عنها ,, وكريمة المال .
الشاب " كريمة " : حسنا ,, ماهي الاماكن التي تذهب اليها وتقضيها بمفردها ؟
البنت : هناك مكان واحد وهو المكان الفضل لدي .
الشاب تحمس : وماهو ؟؟؟؟؟؟
البنت : البحر ,,, تذهب الى بيتها القريب من البحر ,, وانا اذهب معها لكي اسبح .( وابتسمت )
الشاب " ياشين ابتسامتك .. لوتسكرين فمك احسن من منظر الاسنان المندمرة وكأنك ملون اسنانك بميرندا فراولة " : ومتى تذهب الى البحر ؟
البنت : كل يوم .

الشاب " حلو " : واين يقع بيتها ؟
البنت : قريب من برج لندن ,,, اسئل شخص يعيش هناك وهو يدلك على مكان مكوثها .
الشاب ابتسم : شكرا .,, ( تكلم بالسعودي ) هذه فرصتك ,,, تقتلها وترتاح .
البنت رغم انها امريكيه بس تعلمت اشياء من مشاعل ,, سمعت كلام الشاب ,, " يجب ان اخبرها " سمعت احد يناديها بصراخ : جوووووووووووووووولييييييييييي.
( الشخصية الخامسة جولي )
جولي : حسنا حسنا انا قادمة .
,,,,,,,,,,,,,,,,,,,,,,,,,,,,,,,,,,,,,,,,,,,,,,
ظهرت شخصية وكأنك تشوف ضباب قدامه ,, شايب متعفط الوجه يشرب دخان : ممتاز ,,,,, معلومات جيدة ,,,, وكيف استطعت ان تملك نصف معلومات رأسي ؟
الشاب : انت تعرفني يازعيم ,,, حاسب الي ,, استطيع ان اطلعك على جميع معلومات نصف الكرة الارضية .
الشايب : وصورة الفتاة لازلت محتفظ بها ؟
الشاب : بالتأكيد ياسبزيرو ,,,
( الشخصية السادسة سبزيرو )
كمل الشاب : تريدني ان اثير الشكوك للبوديقردات اللذين يتبعونها من مكان لمكان اخر !!!!!؟
الزعيم سبزيرو : شاب فطن ,,, اذا وكيف ستتمشى وانت معروف عند الشرطة ؟
الشاب : لا عليك ,,,,, هذه المهمة لاتعرفها ,, لانك ببساطة ,,, لم تدخل في عهد شبابك .
الزعيم سكت ,, ميدري شاللي وراه .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
مشاعل تطالع مجلة امريكيه : اقول يالبزر ,, قومي صحي شروق .
.......... تمص حلاو : يووووووووووووووووو ومالقيتي الا انا !!!!!!!!!!!؟ روحي انتي .
( الشخصية السادسة فرح )
مشاعل تعقل فرح : فروح ,, قومي صحي شروق وبلا دلع .
فرح : طيب ( ورمت مخدتها المربعة بزعل ) اتجهت لغرفة شروق واللي بعدها عن صالة الجلوس دورين ,, دخلت الاصانصيل واللي يتكون من 5 جدران ,, كل جدار عليه صور البنات ( مشاعل وشروق ونجود وفرح وحليمة ) وازرار المصعد علية لون معين تحبه البنت ( مشاعل تعشق الوردي فزرها في الاصانصيل لون وردي ) وصلت لدور شروق واللي لون زرها اصفر ,, فتحت لقت حليمة تستشور شعرها الاصفر .
فرح : حليمة ,,, جهزتي اغراض الشالية ؟؟
حليمة : من ساعتين ,, قولي لمشاعل اني جاهزة .
فرح : طيب ونجود وينها ؟؟
حليمة تستشور خصلتها : نجود وشروق في السوق .
فرح : والله اني دارية ,,, طيب متى يرجعوا ؟
حليمة : يمكن الساعة 12 بالليل .
فرح : طيب نزلي الاغراض عشان نحطهم في السيارة .
حليمة : طيب .
نزلت فرح عند مشاعل عن طريق الاصانصيل الخماسي وانفتح باب الاصنصيل : ميشو ,, نجود وشروق مش موجودات .
مشاعل : طيب ,, بس خلي حليمة تنزل الاغراض .
فرح : قلتلها .
مشاعل : اوكي ,,, بس خليني البس والقاكم بالسيارة .
فرح : طيب .
اتجهت مشاعل لدورها الاخير ولبست لبس لوك بحري .
اتجهوا جميعهم للسيارة المكشوفة وفجأه نداهم واحد من بعيد : لو سمحتي .
التفتت مشاعل : خير ؟؟؟
الشاب : لو سمحتي ,, ابغاك بكلمتين ,,, ممكن ؟؟؟
طلت جولي من الدريشة ولقت الشاب عند مشاعل واللي ورى الشاب شجرة الليمون ,,, طارت عيون البنت من الخوف ,, وبسرعة البرق طلعت من البيت .
مشاعل : يعني تبغاني في موضوع مهم ؟؟؟؟
الشاب : ايوه ,, بس ياليت لو يكون الموضوع وحدنا !!!!
مشاعل : اوكي ,, ( ابتسمت ) يالله .
طلعت جولي بسرعة : مشائل ,,, نات قونيق .
الكل سكت من طلة جولي .
مشاعل مستغربة : وااااااي ؟
جولي من بعد الترجمه : امي متعبة .
مشاعل : اوماي قاد ,, اوكي .
دخلت مشاعل مع جولي وقفلت جولي الباب : مشائل ,,, انا لا اريدك ان تدهبي مئ هدا الشاب .
مشاعل : ولماذا ؟
جولي : سمئت انه يكول انه سيكتلك .
مشاعل نغزها قلبها : يقتلني !!!!! وهل عرفتي السبب ؟؟
جولي : لا ,, لم أئرف ,, لانه خفض صوته وكأنه يتهدث مئ نفسه .
مشاعل : والحل !!!!! اروح ولا مااروح للشالية ؟؟
جولي : عندي فكرة ,,, اتصلي بسلمان وهو يرافكك الى الشالية .
مشاعل : فكرة جيده ... حسنا سأتصل به وهو سيرافقنا بسيارته .
جولي : جيد ,,, مشائل ,, اريد الذهاب مئكم !!!!!!
مشاعل : حياك الله ,, الشاليه شاليهك .
جولي تفهم بعض من لغة الرياض .
طلعوا الثنتين من البيت والشاب عينه على مشاعل : لوسمحتي .
مشاعل نزلت من الدرج : اخوي .......( جاهلة باسمه )
الشاب : معك فهد .
مشاعل : وانا مشاعل .
فهد : تشرفنا ,,, مشينا .
مشاعل : لا ابي اتصل على صديقي الشرطي سلمان عشان يحلى الشالية .
فهد خاف :اااليش ؟؟؟
مشاعل : حرام يروح معنا ؟؟؟؟
فهد : لا ااااا ,,, ماقلت شي ,,,,, بس المهنة الي زي كذا مايجي الا لوقت ضرورة .
مشاعل : كيفي ,, انا عازمته . تروح معنا ؟؟؟
فهد بسرعة وافق : ايه ايه ( يبي يبعد الشك عن مشاعل )
مشاعل : يالله .
واتجهوا كلهم للشالية ماعدا سيارة مشاعل : فهد : ابيك ضروري .
فهد : اوكيه .
دخل السيارة والاخت اقللللللللللللللللللللللللللللللللللللللللعت 100000000000 درجة .
فهد : شتسوين ؟؟؟؟؟؟
مشاعل مسرعة : بتعرف بعدين .
واتجهوا لشالية مهجور ,, توقفت السيارة وطلعت مشاعل : اطلع ,, ابي اقولك كلمتين .
فهد طار نص عقله من الخوف : طيب .
مشاعل اتجهت لبابه : فهد ,,,,( ومسكت نص بلوزته ): انا شميت خبر انك مجرم ,, صح ؟؟؟؟
فهد خايف : مممن قالك ؟؟؟؟؟؟
مشاعل : مو مهم من اللي قالي ,,,,, يالكلب ,,, اسمع او اشم ريحة مسدس يجي حولي او سكين يقرب لي ,,, ماتلوم الا حالك ,,,, تفهم .
فهد : اي اي اي اي طيب طيب .
مشاعل بصراخ : يالله روح عني ( ورمته للبحر ,, لان كانوا فوق صخرة مرتفعة )
فهد سباح : هين يامشاعل ,,,,, هين ,, ولله لاوريك .
مشاعل تسوق السيارة " مابقى الا هالصلعة فهد يقتلني ,, ولا ومسوي وشم بجبهته ,, يعل هالراس ينشطب ,, بعد ,, ويكذب علي ويقول يبي يكلمني بعيد عن صحباتي ,, اثاري بيقتلني !!! الحمد لله ان جولي تفهم اللغة العامية ولا كان الحين انا بقبري ,, " رن جوالها : هاي .
نجود : وينك انتي ؟
مشاعل : بالطريق ,,, ليش شتبين ؟
نجود : كنت ابي اقولك تمرين البيت عشان ابيك تجيبين كرتون الموز تبعي .
مشاعل : ياربي من هالموز ,,,, شكل القرودة اللي عند البحر بتجي وتخطفه منك .
نجود : لدي سلاح الحماية حببتي .
مشاعل مستغربه : ايش هو ؟
نجود : عندي كرتونين بالبيت ,, واحد كرتون موز مسمم والثاني صحي ,,, اللي يبي ياخذ موز ,, ياخذ ,, واكيد اللي فيه السم قدامه ,, بياكله وعلطول بيموت .
مشاعل : حرام عليك ,, تقتلين خلق الله عشان بطنك !!!!؟
نجود : احسن ,,, من قاله يجي ويقرب من موزي !!!!!؟ يالله لاتنسين ,,, مري البيت .
مشاعل : لاتقلقي ,,, مارح انسى ,,,, باي .
نجود : الا فهد وينه ؟؟؟
مشاعل : قتلته .
نجود : من جدك !!!!!!!!!!!!!!!!!!!؟
مشاعل بعيون حاده : ايه .
نجود خافت : وليش ؟؟؟؟
مشاعل : هالحقير اللي تلوميني فيه كان بتغدى فيني .
نجود متفاجئة : احححححححححلفي !!!!!!!!!!!؟
مشاعل : والله ,,,, بس على مين يانجود !!!!!!!!!!؟ علي انا ؟؟؟؟؟ ببساطة ,,,, تعشيت فيه .
نجود تشجع : كفو والله ,, اني ادري انك ذيبه ,,, محد يقربلك او يفكر يقتلك .
مشاعل : عشان تعرفي اني انا مشاعل ,,, ماتقتربلي المشاكل .
نجود : الللللللللللله يالثقة .
مشاعل : ايه حبيبتي .
نجود : والجثة فهد ,,,,, مو مشكله ؟؟؟؟؟
مشاعل : ايييييه هين فهد ,,,, خلاص انتهت صلاحيته ,,,, يالله باي ,,,, وصلت للبيت .
طلعت من السيارة وشافت من بعيد 2 شباب امريكين سكرانين ,, ولما شافوا مشاعل قطعوا الشارع ومانتبهوا للسيارة اللي باتجاههم ,, وصاحب السيارة يسولف مع اصحابه ,, التفت قدام وصارخ : اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااا.
وصدم الشباب ,,,, راعي السيارة من الخوف هرب ,, واللي معه كمان ,,,, مشاعل لما شافت المنظر ,,, اتجهت للحديقة اللي جنبها وفورا ,, جلست على ركبتها وطلعت كل اللي بطنها .
بعد مارتاحت من بطنها ,,,, خذت نفس ,,,,, بس حست شي يسد فمها : اممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم ممممممممممممممممممممممممممممممممممممممم
وجرها هالشاب وركبها السيارة وطار .
مشاعل تضرب الباب : انت مين ؟؟؟؟؟ قللي ؟؟؟؟؟؟؟؟؟
الشاب : بتعرفي مين انا,,,, بس استني علي شوي .
كان متلثم ,,,,,,, وصل لمكان كأنه مصنع سيارات مهجور ,,,,,,,, طلع من السيارة وفتح باب مشاعل وجرها مع ذراعها ,,,,, ورماها قدام الباب ,,,,, اتجه الشاب للباب وطقه مرتين ,,,,, تشوف يالمتخيل باب المصنع اللي طوله طول الفيصليه ينفتح وكان صوت حكاك ,,,,,, مشاعل مستغرب من المكان ,,,,, وش علاقتها فيه ؟؟؟؟؟؟؟
المصنع يعمه السكون ,,,,,,,,, مسك مشاعل مع ذراعها ورماها قدام كرسي قاعد عليه رجل بالخمسين من عمره ,,,,,, الشاب بالانقليزي بس من بعد الترجمه : هذه الفتاة الذي طلبتها كضحية .
الشايب : شكرا لك ,,,,,,,,,, الان انصرف .
الشاب : حاظر .
مشاعل ماشافت الشايب ,,, لان المكان مظلم ,,,,,,, خذى الشايب الريموت وولع انوار المصنع ,,,,,,, لما انور المكان ,,,, رفعت مشاعل عيونها وخافت من الشخصية ,,,,,,, كان الرعب طاغي على عيونها ,,,,,, كانت خايفة منه من لما كانت صغيرة ,,,, والحين هي قدامه وبينها وبينه خطوتين ,,,,,, متدري شتسوي !!!!!!!!!! تهرب منه ولا تقتله وترتاح ,,,, تسمع المطلوب اللي عشانه طلبها ولا تتهاوش معه .

************************************************** *************************



2 
غروووومه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


بعد ساعتين من الجلوس في المستشفى ,,, طلعوا الشلة للشالية ,,, مشاعل تلبس نظارتها الشمسية : اوك ,,, نلتقي في الشالية .
حليمة : ليش ؟؟؟؟ منتي رايحه معنا للشالية ؟؟؟
مشاعل : نووو ,,, بروح للسوق ,,,, باخذ كم غرض واجي برق .
فرح تمص حلاوة : بس حبيبتي ,,,, لاتنسي تجيبي الحلى ؟؟؟
مشاعل : لاتخافي مارح انسى ,, باي .
دخلت سيارتها ولما دخلت ,,, كانت في وراها سيارة جنب الزباله تراقبها ,,,, تحركت مشاعل وبسرعة مراهقة .
مشت خلفها .


,,,,,,,,,,,,,,,,,,,,,,,,,,,,,,,,
فيصل ضيع البنت بعد زحمة الشوارع قبل لاتاصل البنت للمستشفى ,,,, بس حاس ان في شي يدور ,,, احس ان هالشي متعلق ببنت ,,, بس الاهم من كل هذا انه بعيد عن الشر ,,,, اتجه للاستقبال : طوني ,,,, اليوم حفلتي ,,, ابيك تمنع دخول شخص اسمه سبزيرو ,,,, اوك ؟؟؟
الاستقبال : بس طال عمرك ,,,, انا ورزعت الكروت ,,,, واكيد وصل له الكرت .
فيصل : يوووووه ,,, فكر " طيب يمكن يكون كلام البنت كله كذب ,,,, بس البنت واثقةمن نفسها ,,, حتى ملامح الرعب بوجهها "
الاستقبال : طال عمرك ,,,,, في شي ؟؟؟
فيصل لابس تيشرت كحلي : لا .



,,,,,,,,,,,,,,,,,,,,,,,,,,,,,,,,,
وقت الليل ,,, وقت النجوم وانوار السفينه الملونة ,,, ووقت الضحك والرفاهية في النعيم ,,, والاهم وقت الرومانسية اللي طغى عالسفينه من انوار خفيفة وجميله ,,, وماتسمع يالمتخيل الا صوت كركرة الحريم الاوربيات ,,, واللي تغطي اسنانها بيدها واللي واقفة تسولف مع صاحبتها واللي نازلة من الدرج الكهربائي واللي جالسه على طاولة مع عايلتها ,, واللي يلعب بليارد والثاني يلعب شطرنج ,,, واللي يسبح واللي يسوي مساج ,,, وغيرها من انواع النعيم .
مشاعل تلبس الحلق الذهبي ,,,, وتسوي مسكره ,, وبحركة بسيطة خلت رموشها ريشه تطير لفوق ,,, انتهت من تجهيز نفسها وطلعت من الشالية وفورا عالسيارة الطويلة مع وحده من صديقاتها ,, كانت السيارة سودة ,, توقفت عند جسر يودي لمدخل السفينه ,, وطبعا الملياردير فيصل مايترك عادة السعودية ويكفي انه يفتخر فيها ,,, مجموعة مظيفات ماسكات مبخرة وصحن علك ,, مشت مشاعل وهي وذيل فستانها الاحمر ينظف جسر السفينه ,, دخلت بكل تأني ,, مشت وشافت العالم الخيالي ,, وكأنك بسفينة تايتنك ,, والرجال يلبسون بدل رسميه والحريم فساتين فرنسية من اجمل مصممي العالم ,,, دخلت مشاعل باب القاعة واللي يدخلها درج طويل عريض ,, لما دخلت مشت خطوتين وهي تكلم صاحبتها : فوفو ,,, خذيتي العطر اللي جبته لك امس هدية ؟؟؟
,,,,,,,,,,, بانزعاج : ايه ايه جبته شفيك حنانه علي من يوم ماطلعنا من قصري وانتي تفكيرك بالعطر .
( الشخصية اسمها فيافي )
مشاعل : طيب طيب لاتاكليني .
مشت مشاعل لعند الطاولة الخاصة فيهم ,,, وقعدت على الكرسي المرصع بالذهب ,,, وقدمولهم عصير لونه نحاسي وقاتوه لونه فضي ,,, اكلته وغصت بالاكل لسبب شافته قدامها : احم احم .
شخصية تبوس يد بنت وكانت عيونه ماكلها الجمال ,,, لونها اخضر ,,, وشعره وكأنه قاص قصة الفراولة الرجاليه ,,, هي للحين على حالها : احم احم .
طبعا سوت نفسها ثقل قدام الظيوف عشان ماتتفشل ,, بس عيونها بالغصب تجرها للرجال ,, بس هو مستمر على مجاملة الحريم الاجنبيات وعلى احترام العجايز ,,, وخاصة لما يسحب الكرسي عشان العجوز تقعد ,,,, حست انه خلووووووووووق ,, ياربي ,,, "احسه بيذبحني بتصرفاته الجنونيه !!!!!!!!!!!!!!!!!!!!",,, بس كملت اكل القاتوه ,, خافت احد يشوف الشفاحة اللي فيها ,,, فيافي كلمتها بهمس : بروح لدورة المياه ,, تروحي معي ؟؟
مشاعل : ايه ايه ( مو متحمله موقف الشاب ,,,, لانه قدامها بالضبط )
قامت مشاعل والشاب اتجه لها : هاي .
مشاعل عرررررررررررررررررررقت من اللقاء : هالو .
فيصل : مرتاحه بضيافتي ؟؟؟
مشاعل " كل هالوسامة ومو مرتاحة " : لالا نووو ,,, انا مرررررررة مرتاحة ( قالتها بدلع )
وطنشته ,,, لما طنشته حست تكلم نفسها : ااااااااه ااااااااااااه اااااااااه .
اتجهت لدورة المياه بنفس الوقت طلع مضيف ماسك صينية عصير بس من تحت ,,, اتجه للحريم ,,, ضيف بنت : البنت في دورة المياه !!!!!!!!!!.
الاجنبيه : اوك ,,, روه .
سمع همسهم فيصل ,,, فكر بعيد عن الواقع " معقولة هذه البنت اللي يتنقتل ؟؟؟؟؟ هذه اللي مستقصدها سبزيرو ؟؟؟؟؟ خليني اطلعها من سفينتي "
اتجه لدورة المياة وصدموا بعض في الدرج ,,,, قام فيصل : ااانا ,,, اسف .
مشاعل : لا عادي حصل خير .
قرب لها : ممكن اكلمك شوي ؟؟؟؟ وياريت لوحدنا .
مشاعل ماصدقت : ايه عادي .
طلعوا من المكان للمسبح المنعزل عن الحفلة ,,, وكان مظلم ومافيه الا انوار خفيفة ,,, وصلها عند المسبح : لو سمحتي ,,,, ابيك تطلعي من سفينتي .
مشاعل " بكل وقاحة يقولها " : ليش ؟؟؟ مو عاجبتك انا ؟؟؟؟
فيصل : بالعكس تهبلين ,,,, بس ابيك تطلعين منه وتروحي لسفينتي الثانيه ,,,, اوك ؟؟؟
مشاعل : ليش ؟؟؟؟ فهمني .
فيصل : بقولك الحقيقة بس مو هنا في سفينتي الثانيه .
مشاعل : اوك .
اتصل فيصل على مضيفة اللبناني : ميشيل ,,, اعتني بضيوفي .
قفل منه وهج لبرا السفينه على طريق مظلم فيه مجموعة قطع خشب كبيره ومواصير سودة تبع النفط ,,,, كان يراقب الاوضاع ,,,, وصل لسفينته واللي تبعده عن سفينة الحفلات 20 شاحنه نقل بظائع ,, ركب السفينه الصغيرة واتجه للصالة : اسمعيني ,,,, انا سمعت ان في ناس قاصدين الحفلة عشان يقتلوك .
مشاعل انصدمت : ايش !!!!!!!!!!؟ اكيد الكلب سبزيرو .
فيصل باستغراب : انت تعرفين زعيمهم ؟؟؟
مشاعل ببراءة : ايه ,,, هذا خطفني ووداني للمصنع .
فيصل : مصنع حق سيارات ؟؟؟
مشاعل : ايه ,,, ( وباستغراب )شعرفك انه مصنع سيارات ؟؟؟
فيصل ابتسم : هذا مصنعي ,,,,, سابقا .
مشاعل : اممممممم ,,, طيب والحين ,,,وين اروح؟؟؟
فيصل : انتي بتعيشي في سفينتي طول لحظات حياتك .
مشاعل : طيب ,,,,, بس اخاف الحين متضايق من اللي صار لي !!!!!؟
فيصل : لابالعكس ,,,, انا طبيعتي اساعد الناس وخاصة في الاوقات الخطر اللي مثلك .
مشاعل بشك : يعني في غيري صارلهم مثل ماصار لي ؟؟؟؟؟؟
فيصل : لا اااااا ,,, في شاب مثلك توهق بجثة وهو مو قاصد انه يذبحها بس تعمد لانها تعدت عليه ,,,, فهمتي ؟؟؟؟
مشاعل : ايه ,,,,, بس جوعانه .
فيصل : يخسى الجوع ,,,, الحين اجيبلك دفتر الاكلات المنوعة ,,, واشري عالاكله اللي تحبيها .
مشاعل : مشكور وماتقصر .
فيصل : لا هذا واجبي .
مشاعل تأملت هالمكان العظيم ,, واللي كأنه مسرح ,,, طبعا شمت الروائح الفاخرة اللي تدخلك الى عالم العطور الحلوة ,,, مشاعل وهي متشققه من الفرحة ,,, قمزت من فوق طاولة الاكل اللي عند المسبح وقامت ترقص وتنطط وتستهبل .
طبعا خبرت صاحباتها عالجوال واللي مظطرة تعيش عند فيصل لحد ماتهدأ الاوضاع ,,,, وطبعا هي عايشه في الاحلام الوردية الاسطورة وكأنها جولييييييييت .
في السفينه ,,, سيفستيان يتمشى (يدور مشاعل ) ,, اتجه لصالة الطعام ,,, كلهم اجانب ,,, اتجه للمقدمة ,,, كلها اطفال ,,, اتجه للمؤخرة ,,, كلها بنات صغار ,,, اتجه لدورات المياه ,,, مافيها احد ,,, بان في وجهه علامات استغراب " غريبه !!!!!!!!!! اين هي ياترى ؟؟؟؟؟" فكر يروح لصالة البلياردو ,,, اتجه لها عقب نزوله من الدرج الكهربائي ومدرجات واسعة ,,, بس البنت ماكأنها معزومة ,,, عدل كرافتته وعدل شعره البني بمشط صغير ,,, وخبئه بجيبه ,,,, اتجه لرئيس الحفلة : عفوا .

التفت فيصل وبابتسامة : نعم .
سيفستيان : هل دعوت الانسه مشاعل على تناول العشاء ؟
فيصل يبي يتأكيد " هل هي اللي في بالي ؟؟؟" وتكتف : وماهي مواصفاتها ؟
سيفستيان يوصف : شعرها بني ,,,, بيضاء ,,, عيونها زرقاء .
فيصل : كل ضيوفي لديهم المواصفات ,,,, اخبرني عن اسمها .
سيفستيان : اسمها مشاعل عبدالرحمن ال باشا .
فيصل تفاجئ " ليكون اللي سكنتها بسفينتي ؟؟؟": لا اعتقد ,,, اسئل مستقبل السفينه ,,,, هو الوحيد الذي عنده اسماء ضيوفي الكرام .
سيفستيان : شكرا سيدي .
تركه سيفستيان ,,, على طول خذى فيصل جواله من جيبه واتصل على الاستقبال : الو ,,, طوني ,,, بيجيك رجال نص شعره رايح ,,, وبيسئلك عن وحده اسمها مشاعل عبد الرحمن باشا ,,,, قوله ,,, مو من ضيوف السفينه ,,, واذا سئلك اي سؤال ,,, قوله اني ماعرف شي عن ضيوف فيصل ولا اي معلومه تبيها ,, لاني توني مشتغل عنده ,,, اوك ؟؟؟
طوني ماعرف شسالفة البنت ولا اي شي بس حب ينفذ الاوامر : اوك .
سكر السماعة وتوه شايف سيفستيان يجيله : عفوا .
طوني عدل كرفتته : اطلب ماتشاء ياسيدي .
سيفستيان : هل من ضيوف الحفلة فتاة اسمها ,,, مشاعل عبد الرحمن ال باشا ؟؟؟
طوني يفتش الملف الوردي صفحة صفحة : لاياسيدي ,,, ليس هناك اي اسم عنها .
سيفستيان : من هم ضيوف سيدك ؟؟؟
طوني بكل ادب امريكي : اسمعني جيدا سيدي ,,,, انا لا اتدخل فيما لايعنيني ولا احب مخالطة المجتمع وخاصة من الطبقة الراقية ,,, لانه ممنوع قانونيا ,, والرئيس فيصل منعه مني ,,, رغم اني اجتماعي ,,, ولكن ,,, اي شي يخص السيد فيصل او بالضيوف ,, لااتدخل به والسبب ,,, ببساطة انا مجرد خادم فقط .( ووجهله نظرة حاده )
سيفستيان : اوك .
تركه سيفستيان وطوني اتصل على فيصل : مدموزيل ,,, اجاني واحد متل المواصفات اللي ألتا وإلتللو اني مبعرف شي عن هي الشخصية وان علائتي مع الكباريه مئطوعه ,,, تامرني بشي ؟؟؟
فيصل : برافو عليك ,, لا شكرا .
وسكر السماعة .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,





نجود وشروق وحليمة وفرح قرروا يروحوا للسوق ,,, طلعوا من البيت وركبوا سيارة شروق ,,,, سيارة شروق جدا عربجيه ,,,, مفتوحة على شكل جمس ,,,, شروق حبت تفحط بشوارع لندن ,,, ودارت السيارة بساحة الملعب اللي حوله عرابجة لندن ,,, اللي لابس طاقية واللي لابس سروال عريض ,, واللي لابس بلوزة عريضة وكأنه دب ,,, شروق : اوووووووووووووووو
صرختها يسمعه اللي بالاقمار الصناعية ,,,, البنات يصفقوا تصفيقة عرابجه : اوووووووووو.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,




مشاعل تتأمل غرفة فيصل واللي كأنها غرفة امبراطور ,,, الغرفة كبيرة وكأنها مسرح ,, والدواليب طويييييييييييييييله وعريضة ,,,, وكأنه حاط كل ملابس حياته واجداد اجداده ,,,, لون الغرفة ذهبي ,,, مشاعل في قمة سعادتها ,,, تخيلت لو الملك لها والسفينه والاثاث الفاخر ,,,, مشاعل " شلون لو انا زوجة فيصل ؟؟؟؟؟ كيف بيكون حالي ؟؟؟؟ اكيد اسعد واكشخ وحده بالدنيا ,,,, وااااااااااااااااااااااااااااااااااااااااااي ,,, يابختها اللي بتاخذه ,,,, مليون بالمية بتكون سندرلا اوروبا ,,,,, خليني اتخيل اني زوجته ,,,, واتخيل اني ءاكله واشربه بيدي ,,, واجهز ملابسه وانظف غرفته ,,, ولا واجيبله احححححححححححلى الهدايا واسويله مفاجئات كثيرة ,,,, اللللللللللللله شلون شكلي وانا بالكوشه معه !!!!!!!؟ اكيد الكل بيحسدني على شكله وخاصة عيونه المسحوبة ورجولته وصوته الحنون ,,, وعوارضه اللي تخلي الشايب حلو ,,,, هههههههههه ( انسدحت عالسرير ) اللللللللللللله ,,,, شلون بتكون حياتك ؟؟؟؟؟ اكيد خوقاااااااااااااااق " ارتعبت لما انطفت انوار الغرفة الصفره ,,,, المكان مظلم وكأنك يالمتخيل بمستودع ,,, حست نفسها بصندوق كبييييييييييييييييييييييييييير او ببحر مظلم ,,, مشاعل ويدها بصدرها : يمه .
حاولت تمشي ,,,, بس حست بعيونها انها نورت طريقها ,,, وصار كل شي قدامها واضح ,,,, طلعت من الغرفة اللي بابه وبين السرير 20 متر ,,, طلعت وانزلقت بدرج سيراميك : ااااي .
حست برجولها ماتشيلها من الوجع ,,, حست ان مفصل القدم انفصل عن الساق ,,,, حست بأبره في رجولها : ااااااااااي .
تذكرت موبايلها بس وينه ؟؟؟؟؟ بالشنطة والشنطة بساحة السفينه ,,,, مشاعل " يوووووووووووووووووووووووه شالحظ !!!!!!!!!!!! شلون اجيب موبايلي ورجلي مكسورة !!!!!!!؟ حاولت توقف والحمد لله حست ان عروقها تمشي ,,,, حست بأحد يسد فمها : اممممممممممممممم.
يجرها عشان ينزل من الدرج ,,, رماها بالمسبح !! مشاعل وهي تطير بالسماء : اااااااااااااااااااااااااااااااا
شششششششششششششششششششششششششششششششش
صوت المويه .
مشاعل سباحة بس لما انكسرت رجولها ماقدرت ,,,,حست انها متعرف تسبح !!!!!!!!!!,,,, حست بتنغرق !!!!!!!!!!!!!!!!!!!!!!!!
بنفس اللحظة حس فيصل بنغزه بقلبه : اي .
طلال انتبهله : خير ؟؟؟؟ عسى ماشر ؟؟؟؟
فيصل : مدري والله ,,,, قلبي ناغزني وكأن فيني جلطة .
طلال : سلامتك فيصل ,,, ماتشوف شر .
فيصل لامس صدره : الشر مايجيك
*****************************


3 
غروووومه

الجزء الثالث




الشلة رايحين لقرية بعيده عن لندن الكبرى ,,,
شروق تدخن : بنات ,,,, انا من رايي نسوي مغامره غير عن كل المغامرات اللي سويناها .
نجود تاكل موز : وشي المغامرة اللي في بالك ؟؟
شروق : انا من رايي ,,, انك انتي بعيده عن مغامراتي .
فرح تطالع نجود: اكيد بتكون بعيده ,, مو اكبر خوافه بالعالم .
شروق : لا مو على كذا ,,, المغامرة مغامرة بناتيه ,,, مافيها مسدس واكشن .
حليمة تعدل ربطتها الموف : اجل ؟؟؟؟
شروق : ودي اغامر بسفينه ,,, بس مغامره مغامرة خوف .
فرح : الحين تقولين مافيها خوف واللي بتسوينه خوف ,,, شلون تصير ؟؟؟؟؟
شروق : مارح اخوفكم ,,,, لكن اخوف ضيوف السفينه اللي بغامر فيها .
حليمة خافت : انتي من جدك تتكلمي ؟؟؟؟
شروق : ايوه ,,,, لاني اخر شي غامرت فيه ,,,, تخريعة المديرة >>>>> ايام الجامعه ,,,,,, تتذكرين لما راحت عند طبيب نفسي ؟؟؟؟ انا ورى كل التخريعة .
نجود : وقيد ووجهك تفتخرين ,,,, انتي ناسية انك مانقبتلي بولا وظيفة بسبب السلوك الي عندك صفر بالمية ؟؟؟؟
شروق : ياحياتي ,,,, انتي نسيتي ان المرأة تمتلك عاطفة تخلي اللي حولها يصيروا خواتم باصبعها ؟؟؟؟؟؟
حليمة : ماينقدر عليك .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,




فيصل حس انه مريض نفسي ,,,, بس يضحك ضحك المجنون ,,, ميدري شصاير فيه ؟؟؟؟
طلال انتبه على تصرفاته : خير ؟؟؟؟ شصاير لك ؟؟؟؟؟؟ شفيك قمت تدغدغ الحرمة ؟؟؟؟
فيصل : مدري !!!!!!! بس احس اني مو طبيعي ,,,,, انا اليوم فاحص عند الدكنور ,, وقال جسمك سليم ومافيك شي ,,, بس حاس ان في جلطة بقلبي .
طلال يتميلح : اقول ليكون الجلطة من هالمزين اللي عندك ؟؟؟؟؟؟( قصده شلة بنات وراة) .
فيصل بانزعاج : لاااا ,,,وين انا عندهم ؟؟؟؟
بنفس اللحظة مشاعل كانت في قمة الرعب : اه اه اه ( صارخت ) : اااااااااااااااااااااااااااااااااااااااااااااااا

صوتها سبب صدى للسفينه كلها ,,, وصل صوتها لقلب فيصل التفت برعب وهو يطالع البحر : يمه !!!!!!!!!
طلال : خير ؟؟؟؟
فيصل : مدري ,,,,, بس سمعت صوت بسفيتني .
طلال : اصلا سفيتنك بشارع الميناء يعني بعيده ويمكن صوت بوري الشاحنات ,,,,,, لالا انت تتوهم .
فيصل سطره كف : ايش توهم ؟؟؟؟؟؟ انا حاس ان بسفينتي صاير شي ,,,, بروح .
طلال : بس وضيوفك ؟؟؟؟؟
فيصل بانزعاج : بالطقاق اللي يطقهم .
بسرعة البرق وهو يصبخ بالضيوف اللي مستغربين من تصرفه :!!!!!!!!!!!!!!!.
الماء دخل ببطن مشاعل ,,, وصار وجهها على سطح المسبح الطويل العريض ,,, وكأنه المحيط الاطلسي ,,, والمكان بيت الوحوش ,, ومافي نور غير نور الخيل الفسفوري اللي على شكل لمبة ملزقة بالجدار ,,, واكثر شي منور فيه عيونه يللي تتخيل ,,, قاع المسبح سحب مشاعل للاسفل ,,, وشعرها يطير بالموية ,, خطوط سماوية بين موجات المسبح ,,, المكان بااااااااااااااااااااااارد وكأنك بالقطب الجنوبي ,,,, والمكان يضيع الانسان الخبير ,,, حتى بعض الخدامات يضيعوا صحباتهم .
وحده من الخدامات حست جو حار بغرفتها ,,, قامت من النوم وشعرها محوس ,,, تبي تروح لغرفة الكهرباء ,, اتجهت للدرج الكهربائي تبي تنزل لانه مايشتغل ,,, صوت كعبها مسبب صدى للمكان ,,, نزلت للساحة ,, ومن وراها ظهر لها واحد لابس عباية ,,, مسكها ,,, الخدامة : ولييييييييي ,,,, اااااااااااااااااااااااااااااااااااااااااا.
وخر عنها وهو ميت ضحك : ككاااااااااااااااااااااكك .
الخدامة : مين انت اللي عم بيتضحك ؟؟؟؟
فتش عن العباية : وكاااااااااكك ,,,,, يعني للحين ماعرفتيني ؟؟؟؟؟ نونو الزوغنن ,,,, نواف ,,, ابو المقالب الخطرة .
الخدامة تهدء : لك رعبتني الله لايوفئك .
نواف : المهم ,,,,, العم الكبير ,,, وينه ؟؟؟؟ ليكون نايم ؟؟؟؟
الخدامة : لا ,,,, عندو حفلة للسياح اللي جايين من اميركا .
نواف : وليش ماعزمني ؟؟؟؟
الخدامة : وانا شو عرفني ليش ؟؟؟؟ ,,, عن ازنك ,,, بدي اروح اشعل الضو .
تركها نواف ولف يتأمل الخيل : يالله ,,,, لك ذكريات ما تننسي .
انتبه لشي بعيد : ايش هذاك ؟؟؟؟؟
اتجه لمه بأحساس محقق ,,, استغرب وجود شنطة ذهبية هنا !!!!!!!!!!!!" هااا ,,, لمين هالشنطة ؟؟؟؟؟ ليكون فيصل متعرف على وحده وانا مدري ؟؟؟؟ يسويها ,,,, " نادى الخدامة : ليزي .

الخدامة : نعم .
نواف يأشر عالشنطة : هالشنطة لمين ؟؟؟؟
الخدامة انتبهت بخوف : وووالله مبعرف .
نواف : طيب وحده من صاحباتك عنده شنطة زي كذا ؟؟؟ يمكن وحده منهم جت وراحت للبيت ونستها .
الخدامة : اصلا صحباتي مابيشتروا هيك نوعيه ,,, اصلا هنني ماعندهون مصاري ,,, وبعدين انا ماعندي رفئات ,, ولاحتى بئية الخدم .
نواف خاف لما شاف جثة لون فستانها ذهبي : ايش هذه .
طب بالمسبح على دخلة فيصل : ايش صاير ؟؟؟؟( فيصل كان قلق )
الخدامة استغربت قلق فيصل : شوبك مدموزيل ؟؟؟؟
فيصل : وينها مشاعل ؟؟؟؟؟؟؟؟؟؟؟
الخدامة تبي تحكي بس ظهور نواف من المسبح ومعه جثة مشاعل سبب الخوف لقلب فيصل .
طلعها نواف وهو شايلها ونزلها ,,,, واخذ يعالجها من حادثة الغرق .
الخدامة بخوف : وليييي ,,,, شوجاب جسة البنت لهون !!!!!!!!!!!؟
فيصل بشك : اسئلي نفسك شجاب جثة البنت هنا !!!!!!!!!!!!!!
الخدامة : مدددموزززززيل ,,,, والله العظيم انو مادخلني ,,,, والله العظيم .
فيصل : من غيركم بالسفينه !!!!!!!!!!!!!؟
الخدامة : حبت رجول فيصل : والله العظيم ,,,, ورب الكعبة انو مادخلني ولا حتى اي وحده مننا احنا يالخدم .
نواف بصراحة : فيصل ,,,,,,,,,, انا المذنب .
فيصل والصدمة بعيونه : ايش ؟؟
نواف : خوفتها على بالي وحده من الخدم ,,,,,, مدريت انك جايب بنت للسفينه .
فيصل : انت من جدك تتكلم ؟؟؟؟؟؟
نواف : ايه ,,,,, اصلا الخدامة قامت من النوم بسببي ,,,, انا طفيت عليها مكيف غرفتها والخدم ,,, متعودات على نوم البراد ,,,,, اصلا هم ناموا قبل ماتروح للحفلة .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,

مرت الايام على روتين الحياة اللي ماتتغير مع النواعم ,,,,, نوم وقوم وروحة للسوق والخبال اللي مايتركوه .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,



سبزيرو عند البحر : ابي اعرف شي واحد ,,,, البنت وين اختفت ؟؟؟؟؟؟؟ إلنا شهرين عم بندور عليها مالئيناها .
فهد : اقول يازعيم ,,,, صحيح انك غبي باللامثال السعودية بس بقولك شي ,,,, طنش تعش تنتعش .
سبزيرو : فهد ,,,, هذا ليس وقت للمزاح .
فهد : يعنبو ا داركم كم لكم ايام واسابيع وشهور تدوروا عليها ,,,,, ليش مو انا اللي اقتلها وتريحون اعماركم ؟؟؟؟؟
جوو الوسيم : صأب ( صعب ) لان سمئتنا اهتزت بيت الملوك ,,,, قد يعرفوننا من اعيننا .
فهد بحكمة : مظن ,,,, لانهم نسونا ,,, تتذكروا متى اخر مرة سوينا اجرام ؟؟؟؟ قبل 5 سنين .
جوو : ولو ,,,,, هولاء لن ينسوننا مادامت اعمارنا طويله .
فهد : كيفكم ,,,, بس حبيت احطكم ببر الامان .
سبزيرو جته فكره خطيرة وبان على وجهه الفرح : جوو .
جوو : ماذا ؟
سبزيرو : انت من سيقتل الفتاة .
جوو يأشر على نفسه : انا .
سبزيرو : بحكم جمالك ,,, الفتاة ستكون خاتم بين يديك ,,,, مارأيك ؟؟؟؟؟؟
جوو خاف من المهمة ,,,,, شلون بيكون موقفه ,,, جوو يقتل مشاعل اللي عشقها !!!!!!!!!؟ ,,,,, اتجهت نظراته للبحر ,,,, هو ماتعاون مع الشلة الا بيشوف اسرارهم .
جوو : حسنا ,,,, انا موافق .
سبزيرو : اعرفك ,,,, تلميذي الذي لايرد لي طلبي . ( ابتسم للمهمة )
اما جوو يفكر وهو يطالعه " لماذا حياتك انتقام بانتقام ؟؟؟؟؟؟"
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,


4 
غروووومه

فيصل يعطي كوب مويه لمشاعل : اخذي .
مشاعل ووجهها الطبيعي : شكرا .
فيصل : ابسئلك ,,,,, انتي شلون عرفتي سبزيرو ؟؟؟
مشاعل متلففة بالفوطة : مدري من وين ابتدي لك ,,, مدري شلون احكيلك حكاية الطفولة ,,, حكاية المدرسة الابتدائية ,,,, مدرسة اللقافة ( ضحكت ) ,, مدرسة العمر ,,,, سبزيرو ,,,, كان مو بس اخوي ,,, ولا كان صديقي ,,,, كان بمرتبة الام ,,,, اعجبت بحنانه ,,,, استحيت من كلامه ,,, دايم احب اتضارب معه ,,, عشان اذا زعلت منه ,, يعطيني امل اني اشوفه ,,, عطاني حب الحياة اللي ماشفته عقب وفاة امي الله يرحمها ,,, عطاني اهم شي ,,, اني اكون لي هيبه قدام اي واحد ,, وفكرت ,,, اكثر شي فيني الكل يعتبر هيبه فيني ,,, هو عيوني ,,, كانوا البنات الصغار اذا شافوني ينحاشوا ,,,, كنت مهتم فيهم ,,, لاني ببساطة واثقة من نفسي ,,,, كنت اموت بالمراية ,,, عشان اشوف شكلي واتصبح فيه كل يوم ,,,, هو يشجعني على الاهتمام بالنفس ,,, وخاصة انه يجيبلي كريمات مدري من وين يجيبها ,,, هل هو خبير بشرة او يحب الموضة ويتابع كل شي جديد ,,, قلدته في مشيته ,,, كان يعلمني شلون اكون واثقة من نفسي ,,, رغم وجود اخوي بحياتي ,, بس كان مختفي من بعد ماتت ماما ,,, ماكنت اعرف شكله ,,, بس اعرف هو وين مكانه ,,,, كنت دايم ارسم صورته ,,,, مره شعره بني ومره اسود ,,, عيونه ,,, الونها مرة سماوي ومره عسلي ,,, كنت ارسمه على اساس ان شكله وسيم ,,, لما كنت بالثانويه ,,, دايم اسئل ابوي عنه ,,, بس هو يقول مااعرف عنه شي ,, استغربت ,,, اب مايعرف شي عن ولده !!!!!!!!!؟ ظنيت ابوي مايحبه ,,,,, بس هو اعترفلي ,,,, انه يموت فيه ,,,, بس اختفى من عينه لما توفت امي ,,,, مدري ,,, انخطف او مات ,,, الله اعلم ,,, بس هو الحين عايش بالسعوديه ,,,, بس كان مايهمني ,,, لاني لو سئلت عنه ,,, رح يجيني ويتحكم بكل شي بحياتي ,,, رح يتحكم بطلعاتي ,,,, بروحاتي لصاحباتي وللصالون وللجامعه ,,,, كنت مابي اعرف اي شي عنه من لما عرفت انه بالسعوديه ,,,, لاني مابيه ,,, هو لو يبيني كان دور علي ,,, بس هو مايبيني ,,,, مرت السنين وتخرجت ,,,,, صار لي شي خلاني انجن ,,,, ليش يسوي كذا ؟؟؟؟؟؟؟ سبزيرو ,,, اللي اعتبرته واحد من اللي رح اكون وفية معهم بس ,,,, خان ابوي ,,,,, سرق كل املاكه والسبب ,,, انه طماع ,,, يموت عالفلس ,,,, اتصل علي ابوي وقال مرة ,,, مشاعل ,, اقطعي علاقتك بسبزيرو ,,,, اقنعني بالسبب وانا وافقت على امره ,,,, عرف سبزيرو اني تخليت عنه ,,, لان عقب الهواش اللي كلاه من ابوي ,,,, قرر انه ينتقم من ابوي ,,, بس الحمد لله ,, ابوي طلع ذكي ,,, رجع كل حلاله اللي سرقه سبزيرو ,,,, بس سبزيرو شاف الحركه من ابوي ,,, حب يتحداه ,,,, اتصل عليه وهدده ,,,, اذا ماسترديت فلوسي رح اقتل بنتك ,,,, والفلوس فلوس ابوي ,,,, هو اللي جمعها كل السنين اللي راحت .
نواف : احس شكل سبزيرو زي اللي مع الفيلم الاكشن مورتال كومبات ,,,, صح ؟؟؟؟
مشاعل : ههههههههه ,,, لالا ,,, اللي يشوفه يقول ان هالانسان طيب وحبوب بس ,,, منافق لدرجه اولى متعرف صدقه من كذبه .
رن جوال فيصل واللي رنة جرس المدرسه : الو .
طلال في مقدمة السفينه وخلفه القمر كامل : وينك ياخي؟؟؟؟ ,,,, خوفتني عليك ,,,,, شسالفة ؟؟؟
فيصل وخلفه الخيل الشفاف : لا انا بسفينتي .
طلال : الضيوف لهم 9 ساعات من طلعت ,,, السفينه فاضية .
فيصل : اوك,, تعال انت لمي .
طلال : ليش ؟؟
فيصل : مقدر اطلع >>>>>>>> خايف من اصحاب سبزيرو يراقبوه .
طلال : اوك .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,



اما جوو ,,, طلع للشاليهات ,,,, يتمشى ببطء على حافة البحر ,,, وكأنه يعد رمل الشاطي ,,, يطالع ماوراء البحر وحاط يده بجيوب جاكيته ,,, شعره طبقات وغرات كثيره " ماذا افعل ؟؟؟؟ هل اخبر مشاعل ام لا ؟؟؟؟ ان اخبرتها سيعرفون انني وراء الخبر ,, لانهم اذكياء ,,, ويتعرفون على بصمة الشخص وهو يركض " دق جواله واللي نغمته تفحيط ,,, مو رايق لسيفستيان فطنشه .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,








اتصل فيصل على شروق ,,, بس شروق استغربت الرقم الغريب : من اللي يتصل ؟؟؟؟
فرح : ردي وغيري صوتك .
شروق : ايه ,,صح كلامك .
ردت شروق وسدت فمها بمنديل : نعم .
فيصل : هذا جوال شروق ؟؟؟
شروق " هذا شعرفه ان اسمي شروق ؟؟؟؟؟ ليكون شرطي " : نعم حظرت الظابط ,,,, ترى انا ماسويت شي وكل يومي بالمطعم وبالقرية.( وسكتت ماتبي تقوله انها دخنت )
فيصل فجر الضحكه واللي استغربت مشاعل من هالتصرف : يا اختي ,,,, انا مو ضابط هههههههههههههههههههههههه انا واحد فاعل خير لمشاعل .
شروق : فاعل خير ؟؟؟؟ ( فكرت بتفكير سبزيرو المنافق وبتهديد ) اقول يالشيطان ,,, ترى والله ان ماوخرت عن مشاعل لاوريك نجوم الليل بوقت الظهر .
فيصل فجر الضحكة العالمية : هههههههههههههههههههههههههههههههههههههههههههههههههه ههههههههههههههههههه.
شروق استغربت من ضحكته : ياسيزرو ,,, ترى ماقلت شي يضحك عشان تفجر اذاني ,,, يابن الكلب وخر عن البنيه .
فيصل رمى الجوال وطاح من الضحك : هههههههههههههههههههههههههههههه.
مشاعل لما شافت اللي صار مع فيصل اخذت الجوال : شروق .
شروق : مشاعل !!!!!! انتي وينك ؟؟؟؟
مشاعل : لايكثر الحكي ... انا عند واحد اسمه فيصل وابيكم تجوا لمي الحين واسمعي الوصف .
شروق سمعت الوصف .
بعد ساعتين من الوصول للسفينه .
مشت شروق على الجسر وطاحت عيونها بجسد فيصل ,,, فيصل مات ضحك : ههههههههههههههههههههههه حظرة الضابظ !!!!هههههههههههههههه.
شروق : هيييييييه انت عاد خلاص مو تمسكها علي طنازة!!!!!!!!!!!!!؟ .
طلال : هلا والله بالنواعم .
مشاعل بين فيصل وشروق : فيصل ( اشرت على شروق ) اقدملك اغلى صاحباتي ,,, شروق واللي وراها نجود واللي ماسكه مصاصة فرح والاخيرة اللي مانستغني عنها طباختنا حليمة .
فيصل : انا فيصل ,,, والسفينه الطويله العريضة ملكي ,,, واعتبروها هدية مني لكم .

شروق وبعيونها التفاجئ: انت اللي كلمتني بالجوال ؟؟؟
فيصل : ايه ,,,, ليش ؟؟؟ في شي ؟؟؟
شروق بخوف: بصراحة ,,, ايه ,,, لما كلمتني بالجوال ,,, كان صوتك حده ضابط شرطة ,, وكأنه صوت واحد الكل متبري منه ,,, بس لما شفتك ,,, الوضع غير .
نجود تغمز لها : اشقصدك؟؟؟؟؟
شروق : قصدي شكلك حبوب ومو انسان يخوف .
حليمة : ايييه على بالي شي ثاني .
شروق تطالع حليمة بشك : ليش ؟؟؟ شقصدك يا منال العالم ؟؟؟؟
حليمة : في زمننا هذا ,,, ياكثر الحريم اللي يمدحوا الرجال بصورة غير طبيعية ,,, وبسواليف المدح وخاصة في الشكل الخارجي ,, يعني اللوك ,,, اللهم صلي على محمد ,,, يطلعوا العجايب من الشعر .
شروق تفسخ جزمتها وترميها بجسد حليمة وانضربت فيها وتألمت حليمة ,, شروق : اقول ,,, ترى زودتيها ,,, من قالك اني معجبة بشكله !!!!!!!؟
حليمة : كلامك يالاخت المهبولة يخليني اقول هالكلام .
شروق : اقول يالحبيب ,,,, دخلنا سفينتك اللي كنها جبل الهملايا .
دخلوا السفينه ودارت شروق بنفسها في المدخل الدائري اللي فوقه الثريا العظيمه وصفرت : وااااااااااااااااو ,,, يابو الشباب ,, والله منت بسيط ,,, اثاري النعيم والثريا اللي كنها اكبر شجره في العالم واحنا ماندري !!!!!!؟
فيصل وقف قبال الشلة : حياكم الله ,,, في مليون غرفة ,,, واذا حبيتوا نصمم لكم غرفة تناسبكم وترضيكم ولا شرايك ياشروق ؟؟؟؟؟
شروق ارسلت يدها بيده قطعة علك : مثل ماتبي .
وتركتهم تتشفى محيط السفينه ,,, نجود : فيصل .
فيصل : سمي .
نجود : في صالة للتجميل ؟؟؟
فيصل : طبعا ,,, ومكانها في الدور الثالث .
فرح وخرت مصاصتها : وليش ؟؟؟ السفينه كم دور ؟؟
فيصل فرش يده : 5 ادوار ,, الاول خاص بأجهزة الاقمار الصناعية ومعدات الغوص وبعض من الاجهزة لمواقع البحار .
مشاعل : اجهزة اقمار صناعية !!!!,,, معدات الغوص !!!,,, اجهزة مواقع البحار !!!!,, انت وش تشتغل ؟؟؟؟
فيصل : رجل اعمال ,,, واكثر الاعمال اللي اتمتع فيها ,, الاعمال الحرة .
نجود تتأمل فيصل : مشالله ,,, اجل مخك مخ امريكي .
فيصل : ههههههههه ,,, بقولكم حاجة ,,, انا انسان مثقف ,,, احب اقرء كتب تاريخية ,, اتعمق في التفاصيل ,,لي عدة كتب في دول الخليج .
مشاعل : وممكن تثقفني شويه !!!!؟
فيصل : ابشري ,,,, اذا تبين ادرسك لملايين السنين انا ماعندي مانع .
مشاعل : مشكور .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,

سبزيرو : دانييل ,,, اريدك ان تجهز سيارة فيها معدات الحريق .
دانييل : ولماذا ؟؟؟
سبزيرو يطالعه : سنحرق بيت مشاعل ( اسنانه صفره )



ياترى شبيصير ؟؟؟؟؟؟؟؟؟؟؟؟؟؟؟؟
*****************************************


5 
غروووومه

الجزء الرابع



جوو جالس على رصيف العرابجه ,, خلفه جدار مليان شخابيط زصور حريم مسلوخ منهم الحيا ,, وشعب يروحوا ويجوا من عنده ,, حاط راسه بين رجله ,,, رفع وجهه وعيونه مليانه دموع " سأخبرك يامشاعل بما يحصل في غيابك " وجهه كان معصب وكأنه وصل لحد التوقف عن الانتقام .
اتجه للسفينه اللي فيها مشاعل ,, وسبب معرفته لها هو تنكره بزي العجوز الشحاذة .
عند الجسر في طاولة فيها ازرار كثيرة وكأنها جهاز تحريك الالعاب ,, ضغط على زر الجرس ,,, طلعله شايب : نعم .( كان ماشي بطول الجسر )
جوو : لو سمحت ,,, اريد فيصل .
الشايب : لحظة .
مشى بطول الجسر الابيض وجوو يفكر باللقاء " اخبره ؟؟؟؟ لالا ,,, لن اخبره "
ترك المكان .
طلع فيصل وبان في وجهه علامة الاستغراب : حسان .
طلع حسان الشايب : نعم .
فيصل : وين الضيف ؟؟
الشايب : هوي طلبني يئابلك هون ,, هلا مبعرف وينو .
فيصل : خليني استكشف المكان .
اتجه بطول الجسر للشارع الاسمنتي واتجه للشاحنات ولما تعدى اخر شاحنة توقف لما سمع صوت بشري : الى اين ذاهب ؟؟؟
التفت فيصل قابل جوو وهو يطلع من فمه دخان وكانه بيطيره للهوى : علمك الحارس ؟؟؟؟؟
فيصل تكتف : نعم .
جوو : اترى البحر الذي امامك ؟؟؟
فيصل : نعم .
جوو : هذا البحر في يوم من الايام سيكون الاداة القاتلة لمشاعل .
فيصل طارت عيونه : ايش ؟؟؟؟؟ يافتى ,,,, ومن انت لكي تنبؤني بهذا النبأ؟؟؟؟ حارس مشاعل امممم صديقها !!!!!!؟
جوو : انا واحد من افراد عصابة سبزيرو ,,, ( تقدم له ) وبنفس الوقت حبيبها .
فيصل انصدم : حبيبها !!!!!!!!!!!!!!!!! وكيف تحب أمراءة تكرهك !!!!!؟
جوو : انا هنا لاخبرك بأن سبزيرو سيحرق بيت مشاعل ,,, واريدك ان تخبرها بهذا الامر ,,, وان لم تفعلو ,,, سيضيع البيت والاب معا .
فيصل انصدم : ابوها ؟؟؟؟؟؟
جوو ضرب كتف فيصل : الى اللقاء .
وتركه بهدوء .
فيصل يفكر وخلفة الشاحنة " اخاف انه منافق وانا مدري ,,, وهو مسوي نفسه الطيب الصالح ,, خليني اسافر لاستراليا انا ومشاعل ,, منها نغير جو ومنها نبتعد عن المجانين "
وفجأه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !( طررررررررررررررررررررررررررررررررررررررررررررررررر ررررررررررررررررررررررررررررررررررررررررراخ)
رصاصة بظهر فيصل !!!!!!!!!!!!!!!!!!
التفت فيصل عشان يعرف من القاتل بس جسمه مو متحمل فرمى نفسه بالارض .
انحاش الرجال من فيصل ,,, اما فيصل فأغمى عليه .
طلع حسان عشان يرمي كيس زبالة سوده ,, والزبالة عند الشاحنات ,,, ولما كان يمشي شاف من بعيد ,, مو غريبه الجثة لان يعرف الجاكيت وصاحبه مين هو ,,, رمى الزباله لبعيد واتجه للجثة ولفها باتجاهه وصارت الصدمة بعيونه : مدموزيل فيصل !!!!!!!!!!!!!!!!!!!!!!!!!!!!!!!!!!
ووداه المستشفى .
كل اصحابة عرفوا القصة اللي خبرهم حسان .
وطبعا ممنوع احد يقعد مع فيصل بالمستشفى .
في اليوم اللي اشرقت فيه الشمس ,, دخل طلال وقباله النافورة وجالسة بنت عنده وتلعب بمويتها ,,بان على وجه طلال الاستغراب " مين هذه ؟؟؟؟؟": احم احم .
التفتت نجود وقامت علطول لما شافت الرجل الغريب : اااهلين .
طلال : عفوا ,,,, انا اول مرة اشوفك ,,, انتي مين ؟
نجود : انا صاحبة مشاعل اللي فيصل يحميها ,, واسمي نجود .
طلال : تشرفنا ,, وانا طلال .
نجود : دامك تعرف فيصل ولك علاقة قوية معه ,,, ابيك تدلني غرفة فيصل .
طلال : ليش ؟؟؟؟
نجود : غرفة مشاعل بجنب غرفة فيصل .
طلال : طيب ,,, امشي معاي .
الاثنين لفوا حول النافورة عشان يروحوا للغرفة ,, قعدوا يسولفوا ,, نجود : انت تدرس ؟؟؟
طلال : لا ,, اشتغل ضابط في شرطة .
نجود : يعني كل يوم تشوف مواقف اكشن .
طلال : الا قولي اماكن وصخة .
نجود : اماكن وصخة !!!!! انت ايش وضيفتك في الشرطة ؟؟؟
طلال : قسم الجناية ,,, فحص الجثة .
نجود : وععععععععععع,,, شلون متحمل الوضيفة !!!!!؟
طلال : تصدقي ,, حسيتها قريبة لقلبي .
نجود : وعععععععععععع .
طلال : على الاقل ,, الحرامي مايقرب لمي .
نجود : طيب في ممثلين يتعلموا منك ؟؟؟
طلال : في ممثلين يتعلموا مني اشياء عشان الحوار اللي يحفظونه ,,, اللي تشوفيها في الافلام الامريكيه .
نجود : اهاا ,,, ويجونك ممثلي هوليوود ؟؟
طلال : ايه ,,, يجوا وياخذوا رقمي عشان يستفسروا عن تطبيق التعرف عالجثة .
نجود : تصدق ,,, حبيتها الوضيفة .
طلال : وانتي,,, وين تدرسي ؟؟؟
نجود : انا تخرجت ولسه مالقيت وضيفة .
طلال : طيب تعالي اشتغلي معي .
نجود : طيب عندكم وضيفة ؟؟؟
طلال : ايه ,, انا ابي مساعدة عشان اذا جاني ضرف اخليك تشتغلي بدالي .

نجود : اوكي ,,, اقول شكلنا تعدينا غرفة مشاعل .
طلال : اوووه ,,, اجل نرجع للدور الرابع .
نجود : ليش ؟؟؟ احنا بأي دور ؟؟؟
طلال : بالدور الخامس ,, السطح .
,,,,,,,,,,,,,,,,,,,,,,,,,,,,,,,,,,,,,,,,,,,,,,,
حليمة تعصر اذن نواف : مرة ثانيه روحي لاتوصخ المكان لاني متحمل اي قذارة في الارض ( وبصارخ ) مفهوم ؟؟؟
نواف : اوك طيب طيب بس بعدي عني .
حليمة : ايوه ,,,,, الرجال ماينفع معهم غير العين الحمره .
نواف يدعي : الله ياخذ يموت الي اخترع المثل .
التفتت حليمة وطارت عيونها على الثنائي نجود طلال اللي منسجمين مع بعض >>>>>> مضارب وضحك .
راحوا ونواف : والله عايشين جو .
حليمة عطته ضربه : اقطع واخس ,,, نجود ماعندها هالحركات .
مشاعل عند مقدمة السفينه ,, تراقب الشمس اللي بتنزل للاسفل ,,, الهوى يحرك شعرها ومتكتفة على سور السفينه ,, التفتت لما سمعت صوت ضحك عالي ولما شافت الثنائي مضارب وميانه على بعض .
مشاعل : مشالله عليكم ,,,, الله يحفظكم .
طلال : شقصدك !!!!!!؟
مشاعل : اللي يشوفكم ,, يقول عنكم عشاق الطفولة .
طلال انجن : اقول ,,, ترى انا ماعندي هالخرابيط .
مشاعل : اهااا ,,,والدليل شويه وتضم نجود .
طلال : وانتم كذا يالحريم ,,,, ماهمكم غير الظاهر ,,, انا انسان متحرر ,, ومن الطبيعي تشوفيني اكون علاقة مع بنات ,,, انشالله انام معهم بسرير واحد .
مشاعل : طلال ,,, انت تحسب الناس يفكروا زي تفكيرك !!!!!؟ الناس مختلفين ,, كلهم على حسب دماغه .
طلال : اذا بعيش على كلام الناس ,,, عمري مارح اتهنى .
وتركهم .
نجود : ليش زعلتيه ؟؟؟
مشاعل بصراخ: ياغبيه ,, انتي بنت ,,, لكن الولد عمره مارح يتضرر ,,, بس انتي رح تروح سمعتك ببلاش .
نجود : بس احنا في دولة متحرره .
مشاعل : مشالله ,,, ونسيتي الكمبيوتر اللي يسرق اي صورة بنت سعودية وينشرها بالانترنت .
نجود : يووووووووه ,,,,شدراهم اني انا نجود !!!؟ في مليون وحده تشبهلي .
مشاعل : مليون وحده ,,,, بس اللي فوقك ماينساك اذا تميتي على الحال .
نجود : يووووووووووووووووه .
وتركتها .
مشاعل تكلم نفسها : هذولا الحريم ,,,, اهم ماعندهم التطور ,,, نسوا الاصالة والتحفظ .
طلعت نجود من الباب : وفيصل مو من الشباب اللي زي ماتقولي !!!!!!؟ ولا انتي عادي وغيرك مو زين !!!!!!؟
مشاعل : فيصل يحميني ,,, وماتربطني فيه اي شي .
,,,,,,,,,,,,,,,,,,,,,,,,,,,,,,,,,,,,,
في الليل ,,, طلال يفكر بحياته " انا ليش ماتزوج وافتك من القيل والقال ؟؟؟؟ "
,,,,,,,,,,,,,,,,,,,,,,,,,,,,,,,,,,,,,,,
دخلت الممرضة على فيصل عشان تعطيه ابره المهدء .
,,,,,,,,,,,,,,,,,,,,,,,,,,,,,,,,,,,,,,,,,,,,
صحى طلال من النوم واتجه للحمام ,,,, ولما دخل اتجه لمراية المغسلة ووقف قبالها وفجأه : ااااااااااا
صارخ صرخة خلى الخدم يصحوا .
طلال خايف والرعب طاغي على وجهه : يماااااا
شصاييير فييني .


ياترى شفيه طلال ؟؟؟؟؟؟؟ وليش خاف من شكله ؟؟؟؟؟؟؟
***********************************



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.