العودة   منتديات الدولى > المنتديات العامة > المنتدى العام

المنتدى العام المواضيع والمقالات العامة التى لا يوجد لها ركن محدد وهو قسم عام شامل لجميع المواضيع


1 
عمووور




السلام عليكم ورحمة الله وبركاته
بسم الله الرحمن الرحيم
هذا الموضوع اعجبني وحبيت اشاركم فيه

معاني اسماء البنات في علم النفس..


اكيد كثير منا تعرف معنى اسمها اللغوي اي في اللغة العربية ولكن احببت أن انقل لكم معاني


اسماء للبنات لكن بلغة علم النفس.. اتمنى محد يزعل مني لأنه هذا في تفسير علم النفس وليس

تفسيري..





ابتسام : رزينه .. و ثقيله .. و خدومه .. بس عقدتها انها شينه.


أمل :طيبة قلب .. و تفكر ألف مره قبل ماتقرر بشي.


أحلام : قوية شخصيه .. ذكيه .. خدومه .. و دايم تحلم و تخطط حق المستقبل وعندها طموح.


أسماء : هاديه و علطول ساكته .. و مخلصه .. بس غامضه.


ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي

حد يفهمها.



بدور : مثل اسمها حلوه و مزيونه و خجوله .. بس ياويلك منها اذا سويت فيها شي.


بشرى : تحب تثبت نفسها .. ذكيه .. تحب الناس .. غامضه .


بدريه : ثقيله و رزينه .. وكتومه .. يعني اذا قلتلها سر .. تظمن سرك في بير.. بس ثقيلة دم .


بسمه : انسانه ذكيه .. شخصيتها قويه .. ماتحب اللف و الدوران .. اذا حست ان في انسان بيغلط

عليها .. تلعن خامس جد له!!!..


تهاني: خفيفة دم و من خفة دمها أحيان تظن انها مرجوجه .. حذره في تعاملها مع الناس.


تغريد: طيبه و محبوبه من الجميع .. بس فيها عرق سوداني .. يعني عجازه.


جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش.


حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع .


حصه : قوية شخصيه .. محبوبه .. بس للأسف مالها حظ .. دايم مقروده.


حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل.


حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز .


خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس.


خديجه : خدومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .

. بس اذا غلط عليها أحد توريه نجوم الظهر.


دلال : .حلوه و جذابه .. بس مشكلتها انها ضعيفة شخصيه .


ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته

يوديها في مشاكل.


دانه : أهلها يموتون فيها .. دلوعه .. و حلوه ولسانها طويل تعلقه على كتفها..


رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على

أحبابها ولا يدوس لهم على طرف..


روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها.. خبر

خير يعني..


رقيه : مخلصه في شغلها .. ماتحب اللي يلعب بذيله .. متحفظه .. وماتحب اللعب و اللف و الدوران..


ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ..


رنا : حلوه .. حنونه .. و تحب الناس .. اجتماعيه .. واجتماعيتها هاي تسبب لها مشاكل..


رانيا : دلوعه .. ويعتمد عليها .. بس مشكلتها انها ثقيلة دم..


زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يابس.


زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها


زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها.
.

سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده

مالها حظ.


سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ
.

سعاد : شاطره و ذكيه .. بس شرانيه.


ساره : محبوبه .. ذكيه .. طموحه .. عنيده ..و مزعجه.


سلمى : ذكيه .. شخصيتها قويه .. تحب الحريه و التجديد .. لكنها مزعجه.


سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر

بقلبها قبل عقلها .. و هذا يسبب لها مشاكل
.

سحر:على نياتها وينقص عليها بكلمتين بس حبوبه كثيروتدخل القلب على طول


شيماء: ذكيه .. و مجتهده .. و شخصيتها قويه .. واذا حطت براسها شي لازم تسويه


شيرين : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام


شوق : رقيقه.. و تحب تثبت نفسها .. خوافه.


عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره.


عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها.


عزيزه : مخلصه .. رزينه .. ثقيله .. وثقيلة الدم.


العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من

يتجرء يغلط عليها.


فاتن : حلوه .. حبوبه .. ذكيه .. شخصيتها ضعيفه

. فردوس : ذكيه .. طموحه .. شخصيتها قويه.


لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها.


لينا : طيبة قلب .. و على نياتها .. و دمعتها علطول على خدها .. بس تحس ان محد يفهمها.


ليلى : شخصيه قويه .. ذكيه .. حبوبه . تحب المزاح .. لكنها مزعجه.


منيره : واضحه .. ماتحب اللف و الدوران .. صريحه .. و أم حنون .. بس لسانها طويل
.

منال : هاديه .. و حلوه . ودلوعه .. وواثقه من نفسها .. بس انها مغروره .


مريم : طيبه و على نياتها .. عاطفيه .. و تحب من قلبها بس مجروحه ولااحد يفهمها


منى : هاديه .. و رزينه .. ذكيه .. و تحب المظاهر.


مشاعل : محبوبه .. تحب بناء صداقات .. لكنها غامضه .


نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد

ثقافتها .. صريحه ماتعرف تجامل .. مشكلتها انها ماتعرف تعبر..


نوف : تحب بناء الصداقات .. تحب المغامرات ... تحب التراث .. لكن يا حبها حق الحش .


نوال : شخصيه قويه .. محبوبه .. و تحب الناس .. مطيعه .. و عنيده.


ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي


.ندى:عصبيه ومتسرعه بس قلبها طيب وبشوشه


هدى : شخصيه قويه .. يعتمد عليها في أصعب المواقف .. خدومه .. لكنها غامضه ..


هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه
..

هيا : محبوبه .. تحب اللي يحبها بس .. مطيعه .. مخلصه .. لكنها عصبيه .


هند : عاطفيه .. ذكيه و شاطره .. اذا حبت شي تحب تمتلكه لحالها .. غيوره


هنادي : شخصيه قويه .. تحب الدلع و المظاهر .. ذكيه .. ومحبوبه من الجميع


وفاء : شاطره و ذكيه .. بس ياويل اللي هي تحط عينها عليه.


وداد: ..طيبه وحنونه بس تحب تعذب اللي يحبها


ياسمين : قلبها طيب .. خدومه .. مزيونه .. لكنها متهوره.


يسرى : شخصيه قويه .. تحب تثبت ذاتها .. و تحب المظاهر..










مثبت:معاني اسماء البنات في علم النفس





2 
مروى نور

[align=center]يعني حطيت كل الاسامي الا اسمي...؟؟؟
هههههههه عالعمووم
سلمت يداك اخي عموووور
الله يعطيك العافية
[/align]


3 
عمووور

أشكرِك ع مرورك العطر
مروى نور

أبيك تسامحني أرجوك
نورتي الموضوع
كل وشكري واجب لكم


4 
زهرة الشام

[align=center]

وحتى اسمي غير موجود
تسلم ايدك اخي عمور
ويعطيك الف عافية

كل شكري

[/align]


5 
عمووور

أشكرِك ع مرورك العطر
زهرة الشام
نورتي الموضوع
كل وشكري واجب لكم
أبيكم تسامحوني أرجوكم



Powered by vBulletin® Copyright ©2000 - 2018, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.