العودة   منتديات الدولى > المنتديات الطبية > قسم الملتقى النفسى

قسم الملتقى النفسى منتدى خاص بكل مواضيع الصحة النفسية من مشاكل وقلق وخوف وإضطربات نفسية وطرق علاجها والتخلص منها


1 
كل رقه


في البداية بدي احكي شغلة اني اخدت
على عاتقي اني اشرح كل شي بشكل سهل
وبعيداً عن تلك المواد الصلبة وعن تلك
المصطلحات الجامدة التي تسحب الفرد
الى العيش في كوكب اخر يعني اسلوبي
حيكون المرة مرن وسلس يتناسب مع جميع
القدرات

وانا من خلال وجودي في هذا المجتمع شوفت انو هناك كتير
من المشاكل النفسية عند الافراد على حد سواء والي شوفتو
ان مشكلة الاكتئاب تفاقمت وتفشت عند كتير من الافراد
وعلى هذا السبب حبيت احكي اليوم عن مشكلة الاكتئاب النفسي

وهاد مشكلة كتير عانو منها افراد في مجتمعنا بحكم الحصار
والاحتلال والتضارب الاجتماعي وعدم التوازن النفسي الناتج
عن المشكلات الاجتماعية والاقتصادية والمادية .... الخ

واذا كنت انت بتعاني من هيك مشكلة ولا يهمك انا عن نفسي
عنيت منها بس مش هون المشكلة ولكن خطورة المشكلة بتقع
في اني ما أدور على حل الها واني اعيش فيها وما احاول
لو بشئ ما عن من يساعدني على حلها

ما تقلق كتير ان كانت هاد المشكلة عندك او عند شخص غيرك
ان شالله انا حقدر اوفرلك سلاح قوي يخليك تنتصر على هذه
المشكلة والي انا بسميها دايما (الانتفاضة الرابعة)

اول شي اذا تعرفنا على سبب المشكلة وفرنا على حالنا شوط
كبير من طريق العلاج لانو انتو عارفين انو التشخيص الصحيح
يؤدي الى علاج صحيح يعني مثلا اذا انت روحت عند دكتور بتعاني
من الم في رأسك وبعد الكشف عليك حكالك هادي مثلا جيوب انفيه
هين هو حيوصفلك دوا وانت حتوخد هدوا وحترتاح لانك حتصير تقول
بينك وبين نفسك خلاص انا بعد ما اخد الجرعات المحددة حطيب
ان شالله يعني هالتشخيص ساهم كتير في تهدئة نفسك وروعتك

وهين نفس الشي اذا عرفنا المشكلةالاكتئابية كلها
بنقدر نشخصها ونقدم الها العلاج المناسب

اولا بدي اعرف شو ماهية هالمشكلة؟؟
ان مصطلح الاكتئاب يشمل نطاقا واسعا من الاضطرابات النفسية.
ولما يكون في اخف حالاته بسبب الك هبوط في مزاجك ولكن لا يمنعك من المواصلة في حياتك الطبيعية، ولكنه بخليك مقيد في الامور الكبيرة
وبتصير تحكي انو هالامور نا الها عندك قيمة ولكن في أعنف حالاته فإن الاكتئاب قد يهدد الحياة، وقد يدفعك إلى التفكير في قتل نفسك أو التوقف عن الرغبة في الحياة.يعني بتفكر انك تنتحر وهاد في احد مستوياته.


تصنيف او انواع او اشكال الاكتئاب؟
احنا عارفين انو كل شي قد يكون الو مستويات من ادنى الى اعلى
ومن اسهل الى اصعب والاكتئاب ايضا له تصنيف هيك فعندنا:-

الاكتئاب الخفيف / وهو اكتئاب عابر يعني بيظهر عنا لما نعاني
من مشكلة صغيرة الحجم ما بنقدر نحلها وبالتالي بنكتئب علشانها
في معظم الحالات.
الاكتئاب المتوسط/ وهو اشد خطورة من الاكتئاب السابق
الاكتئاب الشديد/ وهو اعنف واشد انواع الاكتئاب وهاد بيظهر من
خلا وجود عدة مشكلات في حياة الشخص وكمان فقدان الفرد للامل او
لوجوده وبيعتقد انو هالحياة لا طعم لها وانها سوداوية في وجه
وانو فشي حدن بستحق انو يعيش من اجله وبهيك فهو بفكر في ايذاء نفسه

اعراض الاكتئاب يعني كيف بدي اعرف حالة الاكتئاب؟يعني من خلال هالنتاط التالية بنتعرف على مشكلة الاكتئاب
وهاد المعرفة او الاعراض لو تم الكشف عنها مبكراً بيساعدنا
في العلاج ( واليكم اعراض هذه المشكلة):-وبشكل عام
شعور بالإحباط والزهق والملل.
- عدم الاستمتاع بمباهج الحياة.
- اضطرابات بالنوم وقد تكون في صورة صعوبة في النوم أو كثرته.
- فقدان الشهية للأكل أو الفرط في الأكل بشراهة.
- سرعة التعب من أي مجهود.
- صعوبة في التركيز والتذكر واتخاذ القرارات.
- نظرة تشاؤمية للماضي والحاضر والمستقبل.
- التفكير في إيذاء النفس أو المحيطين كالانتحار أو القتل.
- الشعور بالذنب الدائم أو العصبية الدائمة.




Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.