العودة   منتديات الدولى > الأسرة والمجتمع > الموضة والجمال والأناقة

الموضة والجمال والأناقة أحدث الملابس والأزياء النسائية، مواضيع العناية بالجسم والبشرة وأحدث المكياجات وتسريحات الشعر والعطور


1 
كل رقه


بصو يااخواتى انا عادة مش بحط موضوع الا لما يكون غالبا تجربتى الشخصيه
ودلوقتى هقولكم تجربتى الشخصيه مع بشرتى
طبعا عارفين اللى في الجامعه بيتعرضو للشمس جامد جداااااا وخصوصا جامعه حلوان اشعة الشمس ، اضرارها على البشرة من الاخر بقي وشي لون ولون وبقيت سمرة ده غير ان الشمس بتبهدل البشره والحبوب بقي والبقع , وغير انى اصلا عندى حبوب بس بتروح وتيجي وساعات بعالجها بماسك بس مش بتروح كلها بس كنت متبهدله لكن مشكلتى الاساسيه اثار الحبوب اللى استحاله تروح
جربت بقي وصفات كتير منها زبادى وخميره , وعسل وخميره , وسكر وزيت زيتون(الصنفره) , ولبن ونشا وبياض بيضه
منكرش ان الوصفات جميله وفادتنى والله بس انا كنت دايما اعرف ان الوصفات عباره عن حاجات بتحافظ علي الوش ونضارته وبتساعد علي عدم ظهور الحبوب لكن مش حل اكيد وفعال لمعالجه الحبوب واثار الشمس
عشان كده روحت لدكتوره امراض جلديه وقولتلها عايزه وشي يبقي صااااااااافي وازاى احافظ عليه بعد كده
هى بس بصت في وشي عشان تشوف نوع بشرتى وانا بشرتى دهنيه بس مش اوى
المهم كتبتلى علي 3 انواع كريمات احط منهم بلليل قبل ماانام عشان ده ضد الضوء والصبح اغسل وشي بميه وصابونه دوف من الصيدليه ام 4 جنيه , بس مغسلش وشي غير مره او مرتين بالكتير عشان كده كنت بحافظ علي وضوئي بقدر الامكان



في الاول حسيت بحرقان بسيط ووشي قشر اللى هو القشر الابيض ده ولاقيت الحبوب مثلا اللى كانت حاليه بتهبط بتهبط لغايه ماتتساوى بالجلد وبعد كده تروح نهائي
_استمريت 3 شهور والله ياجماعه اثار الحبوب والحبوب وسمار الشمس راااااااااااااااااااااااااااااااااااااااح
_والتقشير ده كان خلصته شهر 7 اللى فات ولغايه دلوقت مفيش اى حبوب جت ولا حاجه غير بس انى هبدأ في الماسكات عشان نضاره بشرتى بالرغم ان من ساعه مااخلصت موضوع الكريمات مستخدمتش اى ماسك ولا حاجه

_بس انا عملت الموضوع ده في الصيف وكان صعب عليا بصراحه لان كان لازم احفظ علي نفسي من الحرارة والعررررق لان فيه املاح وكمان مخرجش نهاااااااااائي ولما خلصت خلاص بقي كتبتلى علي كريم شمس 80% بس جامد جدا وبقيت انزل حبه حبه واحطه والحمد لله تمام اوى ولغايه دلوقت بستخدمه لما بنزل
ودى كانت تجربتى عن صدق واى بنوته ليها اى استفسار انا موجوده معاكم ويارب اشوفكم قمرات دايما يااخواتى




Powered by vBulletin® Copyright ©2000 - 2021, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.