العودة   منتديات الدولى > الأسرة والمجتمع > عالم حواء النسائى

عالم حواء النسائى كل ما يتعلق بعالم المرأة والمجتمع من مواضيع نسائية خاصة وعامة ومواضيع الحياة الزوجية والمشاكل الأسرية


1 
كل رقه


ايه الاخبار


اكيد كل واحده منكم بتحلم بليلة دخلتها
وازاى عريسها هيخطفها على حصانه الابيض

كلنا يااااما حلمنا لان ده شى طبيعى

تلاقى البنت 5 سنين وتقولك امتى اتجوز
بقى

بس للاسف كتير مننا بنفسد
احلى ليالى عمرنا بايدينا

ونرجع نندم
وقت ما ينفعش فيه الندم

لانه للاسف مفيش اعاده

طيب هاتى ودنك ياقمر منك ليهاهقولك على شوية كلام مهمين
ممكن يساعدوكى انك تعيشى ليلة ولا الف ليله وليله

بدل ما بنسمع من اصحابنا لما بنسالهم على ليلة دخلتهم بيقولوا

ديه كانت ليله سوده
-----------

اسمعى بقى علشان ليلتك تبقى بمبى
اولا :فى الكوشه انسى كل حاجه ممكن تضايقك وافتكرى بس
انك مع حبيبك اللى ياما حلمتى بيه
وعشتى تمنى نفسك باليوم اللى يجمعكم فيه بيت واحد خلاص الحلم اتحقق
افتكرى شكلك كده لو كشرتى الصور هتبقى ايه وكل ما تشوفيها
تقولى مقدرتش اضحك
وتندمى انك كشرتى بس مش هينفع الندم
ثانيا:حاولى اول ما تدخلو شقتكم بعد ما تغيروا تشربوا لبن
لانى سمعت انه من السنه
وياريت كمان لو صليتوا جماعه
وتفتكروا ايام الخطوبه وياسلام على موسيقى هاديه ورقص اسلو
علشان الموضوع ييجى بالتدريج والكسوف يروح واحده
واحده


ثالثا: وهم غشاء البكاره ده انسيه او تناسيه يعنى متخلهوش يعكر صفوك ويبوظ فرحتك
وماتديش ودنك لحد يلعبلك فيها
ويقولك:
مؤلم جداااااااااااا وفضلت اسبوع تعبانه
ما بيحصلش الكلام ده
الموضوع سهل جدااااااا
الالم بسيط
وعلشان ما تحسيش بيه
ما تتشنجيش
يعنى ما تشديش اعصابك
ارخى اعصابك خاااااااالص

رابعا:خليى فاكره ان موضوع فض غشاء البكاره ده هيحصل هيحصل
يعنى شى لابد منه
فسلمى امرك لله

خامسا: ماتتضغطيش على اعصابك جوزك اكتر ماهى مضغوطه وعلى اخرها
هقولك سر
الراجل ليلة الدخله بتبقى اعصابه مشدوده اكتر من الست
ياسلام!
اه والله

لان ياحلوه الناس بيعتبرو التاخير عيب من الراجل مش من الست
وديه الحاجه الوحيده اللى بتتنصف فيها الست
يبقى بلاش شدت الاعصاب
والعياط
والصويت
والحاجات اللى بنسمعها ديه
لانه مفيش مفر

سادسا: الجرح مكان الغشاء بيخف بسرعه جدااااااا
سبحان الله بحد اقصى 6او8 ساعات
ومش بتحسى بيه بعدها
وبيبقى الجماع بعدها بدون الم


الخلاصه بقى
--------

-هدى اعصابك
-بلاش ال111 اللى بنعملها على وشنا
-اضحكى
الصوره تطلع حلوه
-واخيرا وليس اخرا
ماتديش
ودنك لحد
بتمنالكم جميعا حياه سعيده هادئه

ربنا يسعد قلوبكم ويريح بالكم




Powered by vBulletin® Copyright ©2000 - 2022, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.