امثال وحكم ومعاني من الثراث المغربي



نوصيك يا واكل الخوخ من عشرة رد بالك
في النهار تظل منفوخ وبالليل تبات هالك

والمعنى: الأشياء النفيسة الثمينة التي يبالغ فيها تكون مضرة.



سافر تعرف الناس وكبير القوم طيعه
كبير الكرش والراس بنص فوله تبيعه
والمعنى: للسفر فوائد كثيرة، ويجب طاعة أولي الأمر، وهي من قواعد الإسلام،
والطماع والمغرور بنفسه ليس له قيمة معتبرة.



خفيف الأقدام يمل ولو كان وجهه مرايا
قليل الأكتاف ينزل لو كان جهده عتاية
والمعنى: هو من يكثر التردد على الناس ويقلقهم يُملّ، ولو كان في أحسن صورة، ومن لا أنصار له ولا يوجد من يعينه ويحميه فقد يهان ويذل ولو كان محمود السيرةر



العبد اللي كان مدوب ما تعيبه كحوله
والحر اللي كان مجعوب ما يسوى نص فوله
والمعنى: المرء في المجتمع بسيرته وصناعته وطباعه لا بلون بشرته، والحر الذي يظن نفسه أعلى من الأسود فهو منحط لا يساوي شيئا.



الطير الطير ما ظنيته يطير من بعد ما والف
ترك قفصي وعمر قفص الغير رماني في بحور بقيت تالف
والمعنى: هجران المرأة بيت زوجها بعد ألفة ومؤانسة ومعاشرة دامت سنين





إليكم أمثال من التراث الشعبي المغربي مع الشرح أتمنى أن تعجبكم

1. خوك خوك لا يغرك الطمع، كقولك أخاك أخاك فمن لا أخ له كساع إلى الهيجاء بغير سلاح.
2. كل خنفوسة عند يماها غزالة، يقال في حب الأم لوليدها.
3. اللي حب الحوت إي فزك سروالو، يقال لمن أراد شيئا أن يستعد له
4. اللهم لعمش ولا العمى، في الاختيار بين أمران أحلاهما مر.
5. اللسان ما فيه عضم، يقال في ضرورة الاحتراس من التسرع في الكلام.
6. اعمل ما اعمل جارك ولا حول باب دارك، في الرجل أذا أتى شيئا غير شائع.
7. إلى غلبك بالجديد غلبهم بالصابون، في النظافة وحسن الاعتناء.
8. تعلى العين حتى تعيا والحاجب فوقها، في التعالي
9. دق الما ف المهراز، في من ين يؤتي بعمل أحمق أو لا بركة فيه و لا رجاء منه.
10. ضرب لحديد ما حدو سخون، في ضرورة الإسراع في عمل واغتنام الفرص
11. ما تهضر حتى تخمم، في ضرورة التفكير والتأني.
12. امدح صاحبك مع الناس ولومه الراس فالراس، لمن أراد أن ينتقد صاحبا أن لا ينتقده علانية.
13. اللي ما حمد الله على خبزة كيحمدو على نصها، في الطماع الجشع و من لا يحمد الله.
14. القرد الشارف ما يتعلم الشطيح، والشارف هو العجوز وهو بالطبع عارف بالرقص. إذا كان رب البيت بالدف.....
15. رخيصة موتة الفار بتهريس الخابية، في أمر يكلف
16. كيقلب على حمارو وهو راكب عليه. لمن يبحث عن شيء وهو امامه
17. اللي شلاغمو من الحلفة ما يسوط على النار، والشلاغم هي الشوارب.
18. وفي أخلاق النسوة المبذرات :اللهم الشفار ولا مرا مبذرة فالدار
19. وفي النسل وما يخلفه الإنسان من درية سيئة : أش يولد الفار غير الحفار،
20. وفي سرعة البديهة :الحر بالغمزة والحر بالدبزة، والدبزة هي اللكمة والضربة.

*




لا تخمم لا تدبر لا تحمل الهم ديمة
الفلك ما هو مسمر ولا الدنيا مقيمة
والمعنى: الأحوال لا تدوم، يزول الهم والغم، ويأتي الفرج والسرور

مثلت روحي مثل الحمام مبني على صهد ناره
من فوق ما باين دخان ومن تحت طاب أحجاره
والمعنى: أن هناك نوعا من الناس صبور يتحمل ويقاسي نوائب الزمان، ولا يبوح بسره، ولا يتحدث على حاله، بل هو ملازم للصمت والسكوت على ما قدر له

ما أتعس من ماتت أمه وأبوه في الحج غايب
وما وجد حد يلفه وأصبح بين الدواوير ساي
والمعنى: أن الغني الذي أصيب في مقتنياته ومكتسباته فأصبح من تقلبات الزمن وتغير الظروف والأحوال معوزا فقيرا محتاجا، ولم يجد من يمد له يد المساعدة.

الشر ما يظلم حد غير من جابه لنفسه
في الشتاء يقول البرد وفي الصيف يغلبه نعسه
والمعنى: أن الفقر لا يظلم أحدا من الناس، بل يجلبه الإنسان لنفسه، بسبب تكاسله في الشتاء بحجة البرد، وفي الصيف يقول إن الحر يغلبه عن النهوض والحركة.

يا اللي تنادي قدام الباب نادي وكن فاهم
ما يفسد بين الأحباب غير النساء والدراهم
والمعنى: أن النساء بكلامهن والنزاع بينهن يفسدن بين الأصحاب؛ لأن أزواجهن ينصتون في آخر الأمر إلى أقوالهن. أما المال بالخصوص فيسبب المشاكل مع الأصحاب والأقارب.

نوصيك يا حارث الحلفاء بالك من دخانها لا يعميك
لا تتزوج المرأة غير العفيفة تتعاون هي والزمان عليك
والمعنى: أن هناك نوعا من النساء فيه مضرة للزوج، فكأنها بعدم حسن تصرفها تعين الزمان عليه.






يا ذا الزمان يا الغدار يا كسرني من ذراعي
نزلت من كان سلطان وركبت من كان راعي

والمعنى: أن الأحوال والظروف تتغير وتتبدل، وتنزل من كان في المقام الرفيع وتجعل الضعيف مكانه.

راح ذاك الزمان وناسه وجاء هذا الزمان بفاسه
كل من يتكلم بالحق كسروا له راسه

والمعنى: أن تغير الزمان وتقلبت الأحوال فذهب من كان يقبل بكلمة الحق ويستمع إليها وينتفع بها، وجاء زمان فيه أناس يرفضون ذلك.

نوصيك يا واكل الراس في البير ارم عظامه
اضحك والعب مع الناس فمك متن له لجامه

والمعنى: كتمان الأسرار وعدم نشرها لكي لا تقع العداوة بين الناس.

من لا يطعمك عند جوعك ولا يحضر لك في مصايب
لا تحسبه من فروعك قد حاضر أو غايب

والمعنى: من لا يعينك في وقت الضيق ليس من النافعين لك، ولا من أنصارك أو أعوانك إن حضر أو غاب.

المكسي ما دري بالحافي والزاهي يضحك على الهموم
اللي نايم على الفرش دافئ والعريان كيف يجيه النوم

والمعنى: أن الغني لا يبالي بالفقير، والإنسان السعيد لا يشعر بالحزين.

الصمت الذهب المشجر والكلام يفسد المسألة
إذا شفت لا تخبر وإذا سألوك قول: لا لا
والمعنى: أن الثرثرة تفسد الأمور وتغير القلوب وما فيها إلا الضرر
حديث النساء يونس ويعلم الفهامة
يعملوا قلادة من الريح ويحلقوا لك بلا ماء
والمعنى: أنهن بكلامهن اللين يغلبن الرجال فينقادون إلى ما يردن.






امثال مغربية
الهضرة للسارية و المعنى للجارية.
· قلب البرمة على فمها, تطلع البنت لمها.
· الله يرحم من زار و خفف.
· الي وصل بلاد غير بلادو خل الهم لولادو.
· كون كان الخوخ تايداوي كون داوى راسو.
· الفقيه دحمان, قرا البرة سبع ايام, و قاليهم الخط عيان.
· مية تخميمة و تخميمة ولا ضربة بمقص.
· الحر بالغمزة و العبد بالدبزة.
· اللي ما جا بالمحبة مايجي بحزارة.
· ضربني و بكى, سبقني و شكى.
· الدجاجة غسلات رجليها نسات ماداز عليها.
· إلى مشى الزين ابقاو حروفو.
· اللي دارها بديه افكها بسنيه.
· اللي ماقدو الفيل, زيدوه فيلة.
· ما تيحس بالمزود غير اللي مضروب به.
· لا ديالي بقا ولا وجهي تنقى.
· جا ايعاونو فقبر باه, هرب لو بالفاس.
· شوف بيتو, وخطب بنتو.
· جا اطبو عماه.
· اللي بغا يدفع البلا يتوضأ للصلا.
· هاك و ارا, ما فيها حزارة.
· ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.
..
· اللي قال ليك العرس ساهل يسقي لو غير الما.
· حتى كلب ما تيهرب من دار العرس.
· مي, أجي نوريك دار خوالي.
· اللي خلى غذاتو لعشاتو, ما شفع ذاتو.
· الناس في الناس والقرع في مشيط الراس.
· إلى عطاك العاطي, ما تحرث ما تواطي حتى الجبال الطاطي.
· طاحت الصمعة, علقو الحجام.
· انا في همو كندادي وهو فتقلاع وتادي.
· عيبك أولية ربيه ليا.
· وريه وريه, و الى عما سير و خليه.
· اللي بغى لعسل يصبر لقريص النحل.
· السفيه تينطق غبر باللي فيه.
· اللي عضو الحنش, تيخاف من الحبل.
· النمل الى بغى يعذبو الله, تيدير ليه الجناح.
· اللي جا على المناول سدة, و اللي جا على الغذا تغذى.
· فالمقلة و تيحنزز.
· المندبة كبيرة و الميت فار.
· الدار دار بونا, وعبيد بانا اطردونا.
· اللي قال العصيدة باردة, ادير يدو فيها.
· مكلسني كلسة خوك و حاسبني حساب عدوك.
· عيات موت الحمق ما تعض فشاربها, قاليها من جهتي غير قطعيه.
· علاش عطيتي ميتين يعطي لباك كيتين, لا خد حمر لا سوالف ملوية.
· لالا زينة و زادها نور الحمام.
· تيبيع القرد و تيضحك على اللي شراه.
· ما حد ليتيمة تتبكي, و ربي تيزيدها.
· اللي بغى الزين, يصبر لتقيب لودنين.
· ما عند القرعة ما ترعى من غير مشيط راسها.
· كون تصحابها تكتاب, من دق الباب.
· شكارت العروسة مها, خالتها و الحزارة جارتها.
· عطاونا ثلث كواش, منهم غطا و كواش.
· الشوف ما يبرد الجوف, والناقة ما ترضع الخروف.
· الحرفة الى ما غنات تستر, أو واقيلا تزيد فالعمر.
· اللي ما تيخيط كساتو, يطيب غذاتو, يحلب شاتو عزيه فحياتو.
· المعروض فنهارو, يبقى فدارو.
· الهضرة عليك أ لحادر عينيك.
· إلى مات البو توسد الركبة, الى مات الأم توسد العتبة.
· إلى طلقتي المرا, ما توريها دار باها.
· الطلاب يطلب و مرتو تصدق.
· العمى و العميات و ظفار الجنيات, الأولى تصوت, و الثانية تلوط, و الثالثة تضرب البوط.
· لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
· الزين بحروفو؛ ديه لمو تشوفو, القرع بفلوسو؛ أرا داك الراس نبوسو.
· حماتي لالتي و بنتها مولاتي.
· حماتي و جه الدلو, هي حارة و ولدها حلو.
· كثرة عطيني ما تخلي حد يبغيني.
· دخل ياكل الفريك أصبح معانا شريك..
· اخدم يا صغري على كبري..
· اخدم بكري ولا روح تكري.
· خبز الدار ياكلو البراني.
· دخلناهم يشربوا الرايب قالوا حقنا فالزرايب.
· دوام الحال من المحال.
· الدنيا دراعة كل واحد كيلبسها ساعة.
· نوصيك يا واكل الخوخ من عشرة رد بالك , في النهار تظل منفوخ وبالليل تبات هالك.
· الزين, الا زين الفعال.
· وجه الشارفة ما يخفى, ولو تحكو بالحلفة.
· اللي مدت يدها للحنة, تمدها كلها.
· الزين في بناتنا سلالة, من العمة للخالة.
· امدح صاحبك مع الناس, و لومو الراس فالراس.
· لو كان الصفيحة ترد العار, لو كانت رداتو على الحمار.
· كون أزماني حرش, و ها وجهي بوس و طرش.
· تفكر حبيبك و هواه, تفكر فعايلو و نساه.
· العشق المزروب, كله عيوب.
· ما كينسي البنت في امها غير همها.
· حل عينيك قبل الزواج, أما بعدو غير غمضهوم.
· الهم المنحوس, خليتو فدار با لقيتو فدار العروس.
· اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.
· دِيرْ عِينْ شَافَتْ وَعِينْ مَا شِافْتْ.
· اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.
· أش خاصك العريان الخواتم آمولاي.
· الشطابا أعروسا والجفاف أنفيسة.
· ما نعطيوش خيرنا لغيرنا.
· زواج ليلة تدبيره عام.
· تا تطلب الزيت من السفناج.
· الفقيه اللي نتسناو براكته ادخل للجامع ببلغته.
· اربط احمارك مع الحمير، يتعلم الشهيق والنهيق وخرجان الطريق.
· إيلا ارخص الشعير اغلات الحمير.
· الحمار مخبي ووذنيه برّا.
· اجيو تعلمو الحسانه في روس اليتامه.
· طاجين الشمايت، النصبا وقلة ليدام.
· احمر يا المشكورة، دبحو الجرو وصلاو على الهيدورة.
· اللي ضرقك بخيط ضرقو بحيط.
· اللي اطيبو المعفونة ياكلو رجلها.
· الي دار راسوا قي النخالة ينقبوه الدجاج.
· مبعيدة غير تادلة اما سبع حمير موجودة.
· لي ضروا رسوا, اعاود لرسوا.
· الكلب الى ما نبح ماعند مولاه فيه ربح.
· حزموني ورزموني ولا تعولو عليا.
· الى تقادو لكتاف يعود الكبير يخاف.
· اللي تيشطح ما تيغطيش وجهو.
*
اللهم النعاس في الخلا ولا ضيافة البخلا, اللهم النعاس في البرد ولا ضيافة القرد.
*
كل قرد في عين مو غزال.
*
الرجل بالهمة أما اللحية راها حتى عند العتروس.
*
هبيل تزوج هبيلة وتهنات القبيلة.


*
حتى زين ما خطاتو لولا.
*
العتبة مجرودة والركاني بالدودة.
*
لو كان الحمام تيبيض كون بيض قبابو.
*
الزين تيحشم على زينو والخايب الا هداه الله.
*
اللي تسحر مع دراري يصبح فاطر.
(لفياقة) بكري بالذهب مشري.

- لحوانت متصافه و الارزاق مختلفة .

- باش تاكل الشوك أ عمي الجمل, باللسان لحلو.

- لعروسه فوق الكرسي معرفتي فين ترسي.

- لوجه المشروك عمر ما يصف.

- الجديد جديد و لبالي لا تفرط فيه.

- دير ما دار جارك ولا حول باب دارك.

- الدوام تيهرس الرخام.
- الخُبْز والمَا مَا تْخَلِّي عَلَى القَلْبْ غمَّه.

- دارنا ساترة عوارنا.

- السلطان بالتاج و كيحتاج.

- اللي عضو الحنش كيخاف من الحبل.

- ختار الجار قبل الدار.

- - اللي قال ليك قال عليك.
- جا يكحلها عماها.
- على قد لحافك مد رجليك.
- عين بنادم مايعمرها غي التراب.
- سال المجرب ماتسال الطبيب.
- شكون يحك القرع غي ظفارو.
- عشرة د ليهود على قنفود ومادبحوه .

- اللي مشى بلا عراضة يجلس بلا فراش.

- لمكسي بديال الناس عريان .

- عند رخصو تخلي نصو.
- اللي سبقك بليلة سبقك بحيلة.
منقول

في امان الله

المصدر: منتديات الدولى - من قسم: نكت وطرائف وألغاز وحكم