العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
سكون الجو



============

الجزء 1
بنت تكتب بغرفة نومها ع مكتبة المذاكره
" قلمي يشعر بي بكل كلمة اكتبها .. وهل يشعر بالحب غير القلم !
الحياة رائعه للبسطاء .. فالذي يتذوق المظهر لن يستطيع العيش بدونه .. احب الالوان واللوحات
وكل ماله علاقة بالفن .. اعتبر ان خواطري هي ابنتي التي استطيع ان اربيها "
قطع تفكيرها صوت امها
ام ندى : ندى .. ندى .
ندى : الحين يوم بديت مرحلة الاسترخاء ناديتوني !
قامت ونزلت من الدرج وشافت امها مفسرة كمها .. ام ندى : غسلتي الفاكهه ؟
ندى : الحين بغسلهم .
ام ندى : شوفي خالتس بيجي من شغله يتغدى مابي حركات التمطط يله .
ندى دخلت مع امها المطبخ : حاظر يااماه بس روئينا شوي .
ام ندى : احتسي سعودي !
ندى : لك ياياموه شوفيها لما بحكي غير السعودي معك اي مافيها شي .
ام ندى : سؤال .. انتي على من طالعه ! ابوتس الله يرحموه يشتغل موظف سكرتير بالكهربه
لاعندتس خال سوري ولا جد سوري .
ندى : لاني بحب اهل سوريا كتيييييييييير وبتعرفي شوبتمنى !
ام ندى خذت على عقل بنتها : وشو ؟
ندى : بتمنى انييييييي ( مالقت امنيه ) خلاص مافيني اتمنى .
ام ندى : غسلي الفاكهه بس .
ندى : طيب .
وغسلت التفاح والبرتقال والمشمش والموز
دخل خالهم سعد
سعد : وينكم ؟؟؟
ندى طلعت من المطبخ : خالي احط الغدى ؟
سعد : لا صوريه .
ندى انتبهت : نعم !
سعد : اكيد تحطينوه يله بسرعة ابروح انام عندي استراحه العصر .
ندى : طيب
وحطت الغدى وصعدت فوق بغرفتها
فتحت دفترها وحبت هالمرة تكتب خاطرة
ندى : ياندى وش تكتبين !
رن جوالها الجالكسي : هلا .
اميرة : هلا والله بحبيبتي ام الخواطر ندى .
ندى : هلا فيكي شخبار حبيب القلب ؟
اميرة : توني مقفلة منه ابيه يتغدى بالغصب سكر مني .
ندى : اي هذه الحبيبة السنعة ماتهمل حبيبها .
اميرة : وانتي ليه ماتحبين ؟
ندى : ببساطة ماجاء شهريار .
اميرة : ومتى بيجي ؟
ندى : مدري بس حابه اقولك ان الحب ليس له زمان .
اميرة : والله انتي الي موبعايشه بزماننا ... بلله في شهريار الحين !
ندى : عالعموم في ولا مافي انا مارح انتظره .
اميرة بصدمة : ليه !
ندى : شهريار مايعرف طبع ندى .
اميرة : اي والله بهذه مع حق انتي مايعرف طبعك الا المرشد النفسي .
ندى : سكتي بس .. ها وش شخبار البنات ؟
اميرة : والله ياطويلة العمر بنعمة وعلى فكره ابعطيك خبر بمليووووووون ريال .
ندى : دامه مليون اكيد عادي .
اميرة : اقولك مليون ! كيف تقولين عادي ؟
ندى : لان اخبارك كلها متعلقة بسيد المشاعر والاحاسيس سلمان .
اميرة : ومن وين جبتي سيد المشاعر ؟
ندى : حبيبتي من كثر ماتحكيلي عنه عطيته هاللقب وبعدين مقياس الحب يقول كذا .
اميرة : ندى لما اقول حبي شاب اتحمس لهالطلب والحين اتمنى انه مايجي .
ندى : لا يجي لانه مايعرف طبعي .
اميرة : متناقضة انتي تبين بهالزمن يجي شهريار والحين تقولين لايجي شلون افهمها !
ندى : شوفي خلينا من شهريار ابيك تعطيني فكره لخاطرتي الجديده .
اميرة : حاليا ماعندي شي بس في وحده من البنات ... اي نسيت اقولك الخبر الي بالمليون هههههههه .
ندى : يله .
اميرة : خالتي استأجرت شاليه يهبل وقالت بنقعد فيه شهر كامل والشاليه يكلف5000 ريال .
ندى : امك مجنونة !
اميرة : لا .
ندى : في ام تدفع 5000 .
اميرة : شفيك الشاليهات كلها بهالسعر وبعدين هذا اررررخص شاليه .
ندى : اي والله يوسع صدوركم بالعافيه .
اميرة : شفيك ؟؟؟ انتي بتروحين معنا بعد .
ندى : نعم ... بس .....
اميرة : ندى مو بس انتي امك بعد
ندى : وامي بعد ... وليه ماقالتلي ؟
اميرة : الظاهر مادرت لان الخبر نازل امس وماتواصلت مع خالاتك بالقروب .
ندى : يمكن بس من بيكون هناك ؟
اميرة : كل خالاتي وخالاتك وغير كذا خالتي عازمه صديقتها وتراها مو عاديه .
ندى : يعني شلون مو عاديه ؟
اميرة : يعني جيبي معك ازين لبس سواء قميص ولا تنوره وبلوزة .
ندى : وش تطلع هالحرمة الي عشانها بجيب ازين شي عندي ؟
اميرة : الي فهمته من امي انها حرمة اجوديه وانها من عايله راقيه وانها ماتشري ثيابها الا من برى السعوديه
غير طقم الذهب الي مدري كم تشريه وغير الاسهم الي مدري كم تبيع منهم وتشتري .
ندى : ياربي ... انا جايه اترزز قدامها ولا استانس !
اميرة : والله هذا انا بلغتك يله باي امي تناديني .
وسكرت
سكرت ندى : كلما اتهرب من جمعة كشخة تطلعلي جمعة فيها كشخة تقرف .. اقول خليني على
حالي يمكن هالجمعة خير لي .
في بداية القصة ندى من عايلة بسيطة ومتواضعه .. ابوهم ميت وامها عاشت عند خالها الوحيد
وعايشين على معاش الخال وعلى معاش ابوهم الميت .
انسدحت ع السرير تفكر بهالجمعة
" ندى اقول بلا ثياب بلاهم .. انتي جايه عشان توسعين صدرك مو ترززين عند هالغريبه
الي بتجي ... خلي حظورك بذاتك مو بكشختك وكيفهم عساهم يسبوني ليوم الدين "
تخليت ان في بنت عندهم بمواصفات معينه تصادقها .. والله وناسه !
قطع عليها افكارها دخول امها
ام ندى : ندى ابيتس تجهزين ثياب لتس عشان نمرح بالشاليه .
ندى : يمه ماعرفتي من هالغريبه الي بتجي بجمعتنا ؟
ام ندى : الا هذه وحده من حريم الشيوخ الالف عنده زي 50 ريال عندنا .
ندى : طيب انتي عمرك شفتي شكلها ؟
ام ندى : مرة وبعد ماذكره زين .
ندى : طيب هي دبه ؟
ام ندى : مو دبه رويانه زيي بس وش هاللبس الي عليه ازين من لبس ام اميرة الي استاجرت الشاليه .
ندى : طيب هي ليه بتجي ؟
ام ندى : سمعت عن جمعتنا وقالت خلينن اروح واوسع صدري .
ندى : بس شلون تجي وحنا كذا ؟
ام ندى : الحرمة تبي كذا وبعدين هي متواضعه ماعندي حركة الفشخره .
ندى : بس حنا ناس عاديين و.... ومانعجبها .
ام ندى : بالعكس هي الي طالبه هالجمعة وبعدين هي اختارت الشاليه .
ندى : ياحليلها بس شلونها ؟؟؟ حلوة ؟؟؟
ام ندى : قمر تهبل مبين حريم العز .
ندى : ومن اي جنسيه ؟
ام ندى : الظاهر انها سوريه بعد مدري هي سوريه ولا امها .
ندى : اها .
ام ندى : ولا وخالتس تقول عنده ولد يطير العقل وبنات خالاتس خاقاتن عليه .
ندى : وانتي شعرفك ان بنات خالاتي يحبونه ؟
ام ندى : تحسبنن ماعرف حركاتكن !
ندى : طيب امه شلونها ؟؟؟ من تشبه ؟؟؟
ام ندى : ياكثر اسئلتس ! ... انا لو استاذتس كان طردتس من الفصل .
ندى : حبيبتي الانسة بتفرح كتير لما الطالبه بتسئله بتكتر اسئله لكان !
ام ندى : والله ان بتس عرق سوري !
ندى : الي بيحب دولة معينه بيحب الناس الي جواتها .
ام ندى : صدقتي انا احب اهل حايل ولهجتي بعض الاحيان بلبل .
ندى : يمه بصراحة احس بشوق وهيبه !
ام ندى : لمن ؟
ندى : للحرمة الغريبه هي وش اسمه ؟
ام ندى : ام ماجد .
ندى : وهي ماعندها بنات ؟
ام ندى : لا ماعندها الا هالولد .
ندى : اها وهو معرس ؟
ام ندى : لا قاعده تدورلوه بس مالقت .
ندى : معقولة ! .. بنت شيوخ ماتلقى بنات بنفس طبقتهم والي اعرف عن طبقتهم مليان بنات كشخة .
ام ندى : تدرين هلحرمة عرفت نظامه هيا ماتبي راعية الماركة تبي راعية القلب .
ندى : معقولة !
ام ندى : اي انا مرة سولفت معه قالت والله للحين مالقيت البنت المناسبة لولدي
وولدي اصلا مافتح معي هالسيرة يعني مو متحمس .
ندى : نعم !
ام ندى : ولا وتقول انها شاكه ان في حدى من بنات عمه عينها عليه بس ماعطاها وجه
لانه مابعمره سئل عنها .
ندى : اها ... ومتى يسئل طويل العمر ؟
ام ندى : والله مدري بس ازين وشوله يعرس خله يعيش شبابوه .
ندى : يمه لو يعرف معنى الحب كان ماتزوج ... وتفسيري لهذه الحال انه عارف وش يعني الحب .
ام ندى : والله انتي اخبر بسوالف الزواج وبعدين يابنيتي كل شي له نصيب .
ندى : بس يمه انتي بتتكشخين قدامها ؟
ام ندى : الي عندي بلبسوه الحرمة متواضعه .
خذت ثياب اخوها وطلعت
ندى : يمه ياحليلك خالطه ثيابي مع ثياب خالي ؟
ام ندى : اي اصلا اعرف ثيابكم زين .
طلعت للسطح
ندى : اي الله يكتب الي فيه الخير .


=======



2 
سكون الجو

الجزء 2
في سيارة خالهم سعد
وصلوا للشاليه وجت ندى بتطلع من السيارة الا شافت قدامها سيارة كشخة ومبين انها
مو من السيارات الي متعوده تشوفهم
ندى : يمه .
ام ندى : هلا
ندى : الحرمة الغريبه جت .
ام ندى : شدراتس ؟
ندى : سياره فخمة قدامي طالعي فيها .
وشافتها ام ندى : اي والله !
دخلوا وشافوا الحرمة الجميله
ام ماجد : السلام عليكم ورحمة الله وبركاته .
ندى استغربت هالاسلوب الي هو مجرد سلام
ام ندى : شخبارتس شلون الاهل والاقارب عساهم طيبين ؟
ام ماجد : والله بنعمة حبيبتي وين الباقي ؟
ام ندى : تعرفينهن زين ريضات !
ام ندى : ندى تعالي سلمي على خالتس ام ماجد .
ام ماجد : هذه بنتك !
ام ندى : تعالي مو من عوايدتس تستحين .
ندى سلمت عليها : شخبارك خالتي ؟
ام ماجد : انا بخير وبعافيه حبيبتي شلونك وشلون الجامعه ؟
ندى : خالتي انا للحين بالثنوي .
ام ماجد : حبيبتي الله يوفقك وبأي مرحلة كنتي .
ندى : امين .
وراحت بعيد عنهم وفسخت عباتها
دخل بزر من شكله سوري
ام ماجد شافته : سليم وشتبي ؟
سليم : خالتي ماشفتي موبايل بابا ماجد ؟
ندى في نفسها
" نعم ليكون معرس بالسر ! .. لالا ... اجل من ذا الوغد ؟"
ام ماجد : سليم والله مدري وينه يمكن طايح بسيارته .
سليم : يارب تلطف .
ام ماجد : سليم هذا هو .
سليم : تيتي كان فتشتي شنتايتك .
ام ماجد : وانا شعرفني انه هنا .. المهم خذه واحرص عليه .
سليم : تيتي انا تربايه بابا ماجد .
ندى شافته طلع ولحقته
ندى : سليم سليم .
سليم التفت : نعم اختي .
ندى قربت له : انت وش تطلع لماجد ؟
سليم : وانتي ليه عم بسئلي هالسؤال ؟؟؟ وليك انتي بتفكري بماجد كمان ؟؟؟
ندى : لا اصلا انا ماعرفه بس استغربت انك تقول له بابا والي اعرفه انه ماعرس شلون تجي ؟
سليم : اختي انا يتيم وعمو ماجد متكفل فيي وانا عتبروه زي بيي .
ندى قربت له : سليم انا اسفه اذا ضايقتك .. من شاني مرقها على خير .
سليم : انتي بتحكي متلي .
ندى : اي انا بحب اهل الشام .
سليم : انتي شو اسمك ؟
ندى : بقلك بس مابتخبر حدى ؟
سليم : اي .
ندى : اسمي ندى ولي الشرف اكون اختك .
سليم : وليه مابتكوني امي ؟
ندى : صعبه انا مااعتبر نفسي ام ولا وصلت لمرتبة الام .
سليم : انا بعتبرك امي لانك ما.......
ندى : لاني ايش ؟
سليم : ماعتبرتيني يتيم اعتبرتيني انسان .
ندى : سليم ماتقول هيك .. وبعدين انا ودي اكون صديقتك واختك
لاني حاسه انك انسان جميل .
سليم : ماعندي مانع .. عطيني رقم موبايلك .
وعطوا ارقامهم لبعض
ندى : والحين عندك شي ؟
سليم : لا ... بدك ندردش سوى ؟
ندى : ياليت .
وقعدوا بمكان كله نخل
ندى : سليم انت شتدرس وكم عمرك ؟
سليم : عمري 11 سنة وبدرس مع بابا ماجد بأميركا وجايين هون اجازة .
ندى : اها وكيف الدراسه هناك ؟
سليم : مافيها شي بيحمس وانتي ؟
ندى : انا ادرس بثاني ثنوي ادبي واحب الخواطر .
سليم : عن جد وبتعلميني الخواطر ؟
ندى : اذا بدك بعلمك .
سليم : اي بدي تعلميني من شان اكسب جايزة من بابا ماجد .
ندى : وشدخل بابا ماجد بيننا ؟
سليم : دخلوا انوه بيحب الخواطر كتير كتير وعندوه اهميه رائعه .
ندى : معقولة سعودي يحب خواطر ؟
سليم : وليش مستغربه ؟ هوي مانوه انسان وعندوه قلب ؟
ندى : بصراحة الي اسمعه عن الشباب انهم واطيين .
سليم : لا حرام عليكي هوي منوه هيك .. بس بتعرفي لو بيعرف بابا ماجد انك بتكتبي خواطر ماتركك ولا دقيقة .
ندى : ازين لي اني بنت ولا كان لزق فيني .
سليم : ندى .. عندك جديد خواطر ؟
ندى : اممممم حاليا لا ... بس عندي ايام زمان .
سليم : سمعينا لكان .
ندى : طيب .. بسمعك خاطرة تخصك .
سليم : إلي ؟
ندى : اي
سليم : يله .
ندى : عندما رأيتك احسست ان هناك مافي قلبي يحركني إليك .. لااعرف ماهو .. يمكن
ان تكون رزقي الجديد ... ولم لا ! .. اليوم رزقت بصداقة سليم .. لكن السماء
اقوى صداقة مني والارض موفقة لانها تشعر بقدميك في كل وقت ..
سليم مندهش للكلمات
ندى : والقدر ملك القرون والازمنه ... فمااحلى صدفة جمعت بين طفل
رائع القلب مع فتاة احبته كثيرا وتتمنى ان تكون اخته وخالته وعمته ..
سليم ... انت اسيري ولن اتنازل عنك .. اخلاقك الحلوة ...
سليم : ندى بتعذرك منك بس اجتني مكالمه من بابا ماجد ... ( رد عليه ) الو .
اي بابا ... حاظر .
سكر : ندى .. انا بحبك كتير .
ندى : وانا اموت فيك .
انطلق لشاليه الرجال
قامت ندى : سبحان الله احاديث الحبايب تنقطع لكن احاديث العقارب تطول .
تفاجئت بوجود اميرة .. اميرة متكتفه : وش تسوين مع الوغد ؟
ندى: تصادقت انا وياه .
اميرة بذهول : ايش ! .. تصادقين بزر ؟
ندى : اي ووش فيها ؟
اميرة : والبنات الي داخل ماعبوا عينك ؟
ندى : ليه في بنات داخل ؟
اميرة : اي ماشفتيهم ؟
ندى : لا اصلا ماشفتهم لما دخلوا .
اميرة : نعم .. لهدرجة عيونك عمياء ؟
ندى سكتت .. ندى : يمكن عيوني عمت عن الناس لجل الولد .. فعلا يااميرة
ممكن ينفع اكتب خاطرة عنه .. الولد ليه نساني المار والجاي ؟ .. مدري .
اميرة : بس وغد وغد .. يابنت افهمي انه وغد .
ندى : عادي وبعدين الوغد الي تعايرينه تراه يتيم يعني اصحك تنكدين عليه ولا تهاوشينه .
اميرة : احلفي !
ندى : والله هو خبرني واذا منك مصدقاني اسئليه .
اميرة : رجعتي سوريه ياحول الله .. طيب البنات داخل تعالي سلمي عليهم .
دخلوا وسلموا ع البنات
ام ماجد : ماشاء الله تبارك الرحمن .. ايش الوردات الي اشوفهم !
ام اميرة : تسلمين ياام ماجد احرجتيهم .
ام ماجد : ازين عشان اشوف علامات الخجل .
ندى : خالتي .
ام ماجد : هلا عيوني .
ندى : ودي اسئلك سؤال بس اتمنى انك تجاوبيني بصراحة .
ام ماجد : اسئلي .
ندى : شرايك بصحبة البنت الكبيرة للولد الصغيرة ؟
اميرة طالعتها اطلاع " يعني ترديها لي "
ام ماجد : سؤالك غريب .
ندى : هو مجرد وجهة نظر .
ام ماجد : انتي علمي ولا ادبي ؟
ندى طالعت البنات : ادبي .
ام ماجد طالعتها بنظرة غريبه وغامضه مالها اي تفسير
ام ماجد : اوك .. صداقة البنت الكبيره للطفل الصغير شي كويس اهم شي القلب يكون
صافي .
ندى : يعني من بعد امرك ممكن اصادق سليم ؟
ام ماجد : وش الي محببك فيه ؟
الجو غريب بين الحريم
ندى : اقولك ليه .. سليم شخصية رائعه جدا وانتي تعرفين ان كل وحده تصادفيها فيها عيوب
ومميزات لكن سليم ماشفت فيه عيب بالعكس حسسني بالراحة واقوله كل الي بخاطري
بدون ظنون مالها داعي وممكن تخرب العلاقات .
ام ماجد طالعتها بنظرة غامضه
ام ماجد ابتسمت : كيفك حبيبتي بس هذا بمكانة الحفيد .
ندى : وحفيدك بعيوني ياخاله .
طبعا انفصلوا البنات عن الحريم وكل بنت تسولف وتنكت نكت اللهم صلي ع النبي
دخلت ندى المطبخ المفتوح وسوت لها نسكافيه .. دخل سليم واتجهلها : لك انا عم بلفلف
بكل مطرح وبالاخير بلاقيكي بالمطبخ !
ندى : هلا خير ؟
سليم : بدي احكي معك بموضوع .
ندى قعدت ع الكرسي الطويل : تفضل .
سليم : انتي داهيه وجريئة .
ندى : جريئة ممكن لكن ليه حكمت عني بداهيه ؟
سليم : سؤالك لتيتي خلاها تستعمل الجواب الي بيسكت الكل .
ندى : انتي شعرفك ان كان في حوار بيننا ؟
سليم : بابا ماجد خبرني .
ندى : وابوك ماجد شلون درى ؟
سليم : تيتي حكتلوه بالواتس .
ندى : احلف !
سليم : والله العظيم .. مابقلك انتي داهيه وجريئة لك الصبايا ساكتين عم بيبرزوا الرزانه
وانتي طلعتي عرض منهون !
ندى : سليم انا ماقلت هالشي الا عشان يكون الرد للي يضنون ان لازم العلاقة الي بيني وبينك
تتسكر ومانسولف ابد .
سليم : عن جد ؟
ندى : لكان .. هالصبايا بعرف كيف بيفكروا .
سليم : وانتي كرمال العلاقة الحلوة بدك يكون الرأي الصحيح يظهر من التيتي !
ندى : بالضبط لان ياغبي في ناس حاطين ببالهم ان مافي صداقه بين سني وسنك والصحيح
ممكن يكون .
سليم : من شان هالموقف زادت محبتي لك اكتر واكتر .
ندى : سليم انا بموت فيك بس العارضات الازياء وشوف وحده وراك تصور فمها .
سليم التفت : اي والله لك ليه بيعملوا هيك ؟
ندى : مبعرف اسئلهون .. انا مبنزعج بس بحس انوه الواحد اذا عاش ع طبيعتوه بيكون
افضل .
سليم : كلامك صحيح بتعرفي .. انتي مضمون !
ندى : انا مو مضمون بس طبيعتي كذا .. ممكن انا وياك اتفقنا على الفطرة .
سليم : ممكن .. الفطرة انوه الانسان بيرافق واحد اي كان شخصيتوه بس بيحبوه كتير .
ندى : سليم .
سليم : نعم .
ندى : تدري وش احاديثهم الجانبيه ؟
سليم : قصدك الصبايا ! .. اي بعرف عم بيحكوا عن فتى الاحلام .
ندى مستغربه : شعرفك ؟
سليم : صحيح اني بوي مش قيرل بس بفهم بهاراتكون .
ندى : ازين شي عشان اقولك عن معلوماتي واطلاعاتي .
سليم : صحيح سني زغير بس عقلي بيفهم كل شي وبعدين انتي مابتحكي عن فتى الاحلام متلهون ؟
ندى : لا انا ماعندي فتى احلام .
سليم : شو ! هلا الي بعمرك مابيحلم برجل فيه مواصفات حلوة ؟
ندى : وليه مستغرب انا ماعندي .. انا صديقي البحر والتراب وكذلك السماء والطبيعة .
سليم بذهول : شو ! ... معقولة الخواطر بيعموا عينك ؟
ندى : شدخل الخواطر ؟
سليم : كلامك .. والتقنيه منها رفيقتك ؟
ندى : لا تعتبر حالها حال اي وسيله تستعمل في البيت .. مثل الفرن والثلاجه .
سليم : نعم ! .. وهي مش ترفيه لشخصك الكريم ؟
ندى : بعض الاحيان اصلا معلوماتي واطلاعاتي اتيه من التقنيه .
سليم : ايه .. الله يسهل طريقك .


3 
سكون الجو

الجزء 3
ندى حاظنه سليم بالسرير
سليم : ماما ندى .
ندى : هلا حبيبي .
سليم : لك انتي ليه مبيكون عندك فتى احلام ؟
ندى : سؤالك عجيب ! .. مو لازم .
سليم : انتي سمعتي عن شهريار ؟
ندى : ومن الي مايعرف شهريار ؟
سليم : شهريار مشهور بالحب ماقريتي اشعاروه ؟
ندى : لا لاني مدري انه شاعر .
سليم : انا قريت شعر بس مني متاكد هوي لئلوه ولا لا .
ندى : من وين ؟
سليم : من كتب بابا ماجد ؟
ندى : ابوك ماجد يقرى كتب ؟
سليم : اي .. انتي بتقري كتب ؟
ندى : لا بس عوضتها بجوالي .. في تويترات ثقافيه وانستقرام ثقافي بعد .
سليم : انتي عم تستفيدي من التقنيه الجديده .
ندى : طبعا .. حبيبي سليم الوقت تاخر ولازم ننام .
سليم : ندى شورايك نتفسح عند البحر ؟ الجو بيكون كتير لطيف .
ندى : بس في احد ؟
سليم : لا .. انتون منعزلين عن الرجال .
ندى : يله .
طلعوا الاثنين من الغرفة وصادفتهم ام ماجد .. ام ماجد : وين رايحين ؟
ندى : خالتي بنروح عند البحر .
ام ماجد : ومن طلب منك ؟
ندى : سليم .. وانا حبيت الفكره .
ام ماجد : وانتي من جدك تطيعينه ؟
ندى : اي .. نستغل فترة الهدوء وطبعا قعدة الحبايب مالها وقت .
ام ماجد : كلامك صحيح بس حفيدي تتعب عيونه .
سليم : لا تيتي انا مع ندى ماتعب بالعكس بحس بنشاط مجنون .
ام ماجد : حبيبي ! ... انتم الوقت متاخر ولازم تنامون .
ندى : طيب مانبي عند البحر ودنا نتفرج ع البحر بالدريشه .
ام ماجد : يعني ملزمين تسهرون ؟
ندى : خالتي والله الجلسه مع سليم تهبل وغير كذا سليم يجنن وودي اقعد معه .
ام ماجد : اوك .. خذوا راحتكم .
وركضوا للدريشه
دخلت ام ماجد غرفتها وبدت تنام بس رن جوالها
ام ماجد : هلا ولدي .
ماجد : وين سليم ؟؟ مو عندك ؟
ام ماجد : لا مع وحده من البنات .
ماجد : البيت طافي والبنت معقولة متعرف نظام سليم الي مرتب له ؟
ام ماجد : ماجد خله وبعدين شفت بعيونه فرحه حلوة .
ماجد : ومين الي خلى سليم يفرح ؟
ام ماجد : وحده من البنات حبته وحبت تكون صديقته وبس .
ماجد : معقولة بنت تصادق وغد ؟؟؟ وين جاء هالمبدأ ؟
ام ماجد : بالعكس وبعدين انت للحين ماقتنعت بالكلام الي قلته لك العصر ؟
ماجد : بصراحة للحين .. يعني صحيح الصداقه اهم مافيها صفاء القلوب بس ولو
تفكيرها مو مثله .
ام ماجد : صحيح بس لو تشوف سليم والله بتقول ودي تكون امه عشان 24 ساعة عينها بعينه .
ماجد تعجب : نعم ! .. منهي هالبنت ؟
ام ماجد : وحده ومولازم تدري اهم شي انها اسعدت الولد .
ماجد : لا يمه .. بس حاب اعرف من ؟
ام ماجد حبت تذكره : مو ماجد الي يسئل عن حركات البنات !
ماجد : العفو يمه بس من باب المعرفه .
ام ماجد : الي لازم تعرفه ان وحده من البنات اسعدت ماجد وغيره مالك علاقة فيه .
ماجد : طيب .. بس متى بينامون ؟
ام ماجد : مدري والله عن اذنك حبيبي ابنام .
ماجد : اذنك معك .
وسكر .. استغرب من تغير نظام سليم واتصل عليه
سليم : يييه بيي بيتصل فيي !
ندى : رد عليه .
سليم : حاظر .
سليم رد : اهلين بابا .
ماجد : سليم انا ماعودتك ع الحركة البايخة ليه مانمت ؟
سليم : يابي انت بتحس بالوقت مع الي بتحبوه ؟
ماجد : لا بس ماصادفت احد احبه من قلبي الا نادر بس احترم وقته ياولد .
سليم : بابا في ناس مابدك تفارقهوم ليل نهار وخاصة انهن بيفهموك كتييييييييير من شاني يابي
بدي اسهر مع الي بحبوه .
ماجد : سليم خلك مطيع والي سهرك بهالليل خسران .
سليم : لا يابي الي بيسهر مع الي بيحبوه مو خسران بالعكس بيحس ان الدنيا
ابتدت احلى وكنوه بيعيش حلم بمناموه .
ماجد : انت من وين جبت هالكلام ؟
سليم : من تجربة واقعيه وهلا صايره .
ماجد : ابعرف من الي مسهرك عشان اعقله ؟
سليم : ماما ندى .
ماجد : من ؟
سليم : ماما ندى .
ماجد : سليم اتركها ورح نم .
سليم : بابا هلا مع رفيقك سعود بتحب حدى يامرك انك تتركوه من شان نظام صحي معين ؟
ماجد : لا بس انا ماقولك الا لمصلحتك حبيبي .
سليم : انا بخير طالما ان الحب معي وبشكرك لانك صاحبتني ع الشاليه .
ماجد : لهدرجة جلستكم حلوة ؟
سليم : اي يابابا ... بترجاك خليني مع ندى .
ماجد : مقدر تعال نم عندي يله .
وسكر
اتصل سليم ع ماجد : بابا .
ماجد : خير ؟
سليم : بابا انا بعرف الي عملتوه غلط بس ...... خلاص بجيك .
وسكر وقال : ماما انا رايح انام بحكي معك بعدين .
وراح
ندى : نوم العوافي .
دخل ع غرفة ماجد : بابا .
ماجد يطالع جواله : تعال .
سليم جلس جنب ماجد : بابا انا هلا اقتنعت بأن المعلم مش الوحيد الي بيخلي الطلاب
يتعلموا .
ماجد : نعم !
سليم : اي بابا .. ماما ندى خبرتني انوه لما بتحب شخص معين عيونك عميانه عن الساعة والليل والنهار ..
وحسيت حالي انسان إلوه عقل بيفكر فيه .
ماجد : حبيبي لازم تنام وبعدين نتكلم بهالموضوع .
سليم : حاظر بابا .
نزلت ندى من الدرج اللولبي وشافت سليم يلعب برمل البحر .. خذت جلال
وطلعتله وشافته يرسم قلب ونجوم
ندى : اهلين سليم .
سليم : اهلين ندى .. كيفوه صباحك ؟
ندى : حلو .. سليم صار شي بينك وبين ابوك ؟
سليم : وليه بتحكي هالحكي ؟
ندى : سليم اسمع كلام ابوك انا غلطانه اني سهرتك وانت نتعود ع نظام معين .
سليم : بابا اصلا بيضعف لما بيشوفني زعلان ولا حزين وبيعوضني بشي بتسلابوه .
ندى : ولو اسمع كلامه ... ( لمست ذقنه ) من شاني !
سليم حب يدها : من شانك بس بضل حزين لاني بفارقك بالليل .
ندى : سليم اهم شي القلب هو الي يتواصل وغيره يتعوضوا .
سليم : ندى امبارح قبل مبنام حكالي بابا ماجد قصة سخيفة ماصدقت امتى خلصه .
ندى : هههه زيك اطفش من القصص السخيفة .
انفتح باب الحريم .. ام اميرة : ندى تعالي افطري .
ندى : حاظر خالتي .. سليم بشوفك بوقت الغدى .
سليم : حشتاقلك !
ندى : تشتاقلك العافيه .
وتركته
دخلت وشافت سليم رايح
ندى : يابخت ماجد فيك .
ام ماجد كانت وراها .. ام ماجد : شقلتي !
ندى التفتت : قلت يابخت ابو سليم بولده .
ام ماجد : تقوليها وبكل جرائة !
ندى : انا شقلت ؟ قلت يابخت ماجد بسليم .
ام ماجد : اها .. طيب تعالي افطري .
ندى : خالتي .. سليم متى ينام ؟
ام ماجد : وليه تسئلين ؟
ندى : بصراحة انا حسيت ان سليم حزين والظاهر ان ابوه هاوشه عشان كذا ابعرف هو متى ينام ؟
ام ماجد : 11 بالليل .
ندى : نعم ! ... ولدك عايش بأي عصر ؟
ام ماجد بتطلع الضحكة
ندى : ها ! انا اسفه بس من جد الي ينامون الساعة 11 شيحسون فيه !
ام ماجد : قولي الي يتأخرون بالنوم شيحسون فيه .
ندى : اكيد ضناك عايش برى مو الي برى السعوديه دجاج ينامون بدري .
ام ماجد : ندى .. تعالي افطري .
بوقت الغدى دخل سليم بيشوف وين ندى .. شافها بغرفتها قاعده
سليم : ندى ليش قالبه خلقتك ؟
ندى : قهروني البنات .
سليم : ب شو ؟
ندى : ابقولك بس ابيك ماتفهمني غلط ولا تعلم احد .
سليم : مابقدر اوعدك اني مابخبرا لحدى لان الكل بيجروا مني الحكي غصبا علي .
ندى : طيب ابقولك وانا عارفه نفسي انا ماسويت شي غلط .. اسمع بسوالف
البنات انا ودي اتزوج مليادير ومن سيرة لسيرة جابوا سيرة ابوك ماجد
وقالوا انه يهبل ويخقق ويطير العقل .. حسسوني اني وع عندهم وهو ملاك .
سليم : هههههههه وانتي من شو مقهورة ؟؟؟ لك انتي كمان غير عاديه .
ندى : انا !
سليم : اي ... انتي انسانه غير عاديه ..


============


4 
سكون الجو

الجزء 4
سليم : اي .
ندى : معقولة !
سليم : وليش منك مصدقه ؟
ندى : طبيعي اني ماصدق .. هم استسخفوني من ماجد .
سليم : اي لايكلك فكر بابا انسان طبيعي حالوه متل اي واحد .. بس هني بدهون 3 مواصفات
وبينغرموا فيه .
ندى بذهول : نعم ! ايش قلت ؟
سليم : انتي انسانه طبيعيه بس هني بدهون 3 مواصفات منشان يحلموا فيه ولا ليش بتستسخفي حالك !
ندى : ايش قلت ! ... كلام خطير ياسليم .
سليم : هيدا مو كلام خطير هوي مجرد وعي .. بس انتي اول مرة بتسمعيه .
ندى : يعني انا انسانه طبيعيه بس هم مركزين ع 3 مواصفات وغيرها مايهمهم .
سليم : مظبووووط .
ندى : سليم يعني انا وماجد متساويين .
سليم : مية بالمية .
ندى : سليم كلامك خلاني اكون متوازنه مررررة .
سليم : يعني لو تقدم لصبية غيرك لاتزعلي هوي حالوا حال الشباب بس الصبايا بدهون
المصاري واخلاق ووسامه .
ندى : ايش !
قامت : سليم انت صحيح وغد بس فيك حكمة .
سليم : طيب خلينا نمشي سوى ع البحر .
ندى : بس في احد ؟
سليم : قلتلك معزولين عن الشباب شوبكي .
ندى : طيب بس بلبس جلالي .
تمشوا ع البحر
ندى : تعرف ياسليم البحر بحس فيه اسرار وحكايات .
سليم : وانا متلك بس انتي من امتى تكتبي خواطر ؟
ندى : من زمان .
سليم : طيب ندى ممكن تخبريني عن خواطرك ؟
ندى : طبعا .
سليم : طيب وينوه دفتر الخواطر ؟
ندى : يووووو بغرفتي بس حافظة من الخواطر .
جلسوا
سليم : سمعيني .
ندى : ايها البحر الوسيم .. أنك تلفت انتباه الامير والوزير والمعلم .. المخلص
من الناس والمنتقم .. قد تكون لك ضحايا لكنك جماد ... بريئ من الفساد ...
ياترى مااجمل ايامك ومااذا ترى من الاعياد والافراح ... أريت فقراء واغنياء ؟ ..
في اي قرن وعصر ... لقد حظرت العصر الحجري والحديدي ..
سليم يستمع بحب
ندى : أتعلم ان الناس يحتاجك وانت تتحمل مسبة البشرية ... البحر غدار
.. الى متى ستتحمل هذا الوجع ؟
ندى : شرايك حبيبي ؟
سليم : حلوة .. عجيبه .. ممكن تعطيني الدفتر من شان اتسلى فيه بالليل ؟
ندى : حاظر بس انتبهله .
دخل سليم ومعه الدفتر ودخل غرفته وبدى يقرى
في وقت الغدى الشباب كلهم تجمعوا حول السفرة وحبوا يتغدوا بالارض
.. وناسة وسعه صدر خخخ
قعد ماجد بس انتبه ان سليم مو موجود مع الاطفال .. اتصل ع امه بس امه
قالت ماشافته .. استغرب وين يروح الولد .. دور بكل مكان .. في غرفة الالعاب
في البحر في المسبح مالقاه ... فكر يصعد فوق وشافه نايم ع سريره
ماجد جلس : بابا ... سليم .. يله قوم .
شاف دفتر واستغرب انه كيوت مو حق عيال وهو عارف وشاري كل دفاتر
سليم ومبحياته مر عليه هالدفتر .
خذاه وقرى عنوان الصفحة
( شهريار ندى )
ماجد ببطء قال : شهريار ندى !
" اعلم ان الحب لايعرف الساعة التاسعه صباحا .. او العاشرة مساء .. اعلم
ان حبيبي له عيوب واعترف ان هذا قدر البشر وليس هو فقط ... انا احب صوته .. هدوءه !
حروفه ! ... ضحكته ! ... الحبيبان يعشقان الروح .. يعشقان الحكمة ! .. يعشقان
الابتسامة ! ... يعشقان الحياة ! ... فشهرياري حكيم ومبتسم وروحاني ...
يقولون اين ستلتقين بهذا الرجل ! .. لكن الجواب مغلق "
تعجب من هالخاطرة ... قام سليم : شو بابا الغدى جاهز ؟
ماجد : من دفتره هذا ؟
سليم بلع ريقه : دفتر ندى .
ماجد : وانت تفهم هالسوالف ؟
سليم : اي .. بس بخبرك ندى مابتكتب الي ببالك !
ماجد : بس هذولي حق الكبار وانت صغير ع المواضيع .
سليم : بتعرف بابا ... ندى اعتبرتني شخص كبير لك اليوم صار موقف
استشارتني فيه وبتنصدم لما بخبرك عنوه .
ماجد : ووش هالموقف ؟
سليم : اليوم رفقات ندى عم بيتغزلوا فيك .. عم بيمدحوك .. هي ماعجبه هاللي بيصير ..
قامت ودافعت عن حالها بأن هي احسن منوه بس اقتنعت انك احسن منها بكتير ...
ماجد : ايش !
سليم : اي بابا .. بس انا خليتها ترضي بحالها والحمد لله اليوم احسن بكتير .
ماجد سكت : طيب بس ... سليم عادي اقراه ؟
سليم : بابا مابدي ندى تزعل مني هي مابترضى حدى غيري يتفرج عليه .
ماجد : طيب .. ابيك تقرالي صفحة وحده .
دخل عليهم سعود : ماجد سليم وينكم الناس بيخلصون غدى وانتم جالسين هنا .
طلع سليم من الصاله ع شاطئ البحر
سليم اتصل ع ندى : ندى .
ندى تشرب ماء : اهلين سلومه .
سليم : كيفك هلا ؟
ندى : بخير ومو بخير .
سليم : طيب انتي وينك ؟
ندى : اسمع انا بروح غرفتي وانت تعال اوك ؟
سليم : حاظر .
طلع سليم من شاليه الرجال للحريم ... دخل وشافته ام ماجد
واستغربت العلاقة بينه وبين ندى
دخل سليم غرفة ندى : ندى لهلا ماقتنعتي انك افضل من ماجد ؟
ندى : وانت للحين تفكر بالموضوع ؟
سليم : اكيد لانوه بيهمني سعادتك .
ندى : وليش تهمك سعادتي ؟؟؟ الي يشوفك يقول ميت لي احد .
سليم : ندى على صغر الايام الي قضيناها سوى بس بعرفك منيح .. انتي لهلا ماقتنعتي .
ندى : واذا ماقتنعت بيصير ماجد احسن مني .
سليم : وانتي عن جد اقل منوه ؟
ندى : مو هذا الي محيرني انا ازين ولا هو .
اقبلت ام ماجد تبي الولد يروح لماجد بس صدفة سمعت الحوار الي بينهم
سليم : ندى يعني الصبايا لما بيمدحوه بيي بتلاقي حالك نملة ؟؟؟؟ شو هالحكي
ياندى ؟؟؟
ندى : انت لو سامع الكلام المغري كان ماقلت هالكلام
سليم : ندوش انا بعرف حكي الصبايا منيح فلاتخلي هالافكار تلعب فيكي وبعدين
انتي مش بمعركة تحاربي بيي .. ولما بيقولوا الصبايا شي بتنسي مميزاتك ؟
ندى : بصراحة نسوني اهلي كلهم .
سليم : ههههههه انتي عن جد غبيه .
وسمعت ام ماجد الكلام الرهيب
سليم : تعلقي يومك بكلام الصبايا ع ماجد وتنسي اهتماماتك ؟
ندى : صدقني هو مافرق معي بس هن يغرن الي مايتحمس ابد .
سليم : ندى انتي عن جد تحبي ماجد ؟
ندى : لا بس احسه مثل السكين بقلبي .
سليم : طيب حاولي قد مبتقدري تلهي حالك بشغله واذا الصبايا جابوا سيرتوه بالغزل
والاحلام الورديه اسمعي وكأنوه انسان عادي .
ندى : احاول .. بس والله لو تجلس معنا قسم بالله انهم يتغزلون ببوك غزل مو صاحي ..
تخيل هيا كتبت عنه شعر وخاطرة .. ميب صاحية !
سليم : هلا بيي ماكل كل دمهون ؟
ندى : اسمع كل الحوار لما اتصل عليك ... ورب البيت بتقول مابلوم ندى لو بتفكر فيه طول الوقت ..
انا شخصيا مايهمني بس البنات كبروه بعيني وفعلا ياسليم هم تفكيرهم
بالفلوس والاخلاق والوسامه وماهم شخصيته كيف تفاصيلها .
ام ماجد سمعت الحوار كله وحبت تدخل بس خلت الموضوع سري
سليم : وانتي بدك تعيشي مع شاب بجاهوه ولا بشخصيتوه ؟
ندى : مافكرت بهالشي .. بس اكيد بشخصيته لاني بعيش داخل طيبته وابتسامته
وحبه للحياة وبعيش بعد بمواقفه الهادئة واكيد حنكون سعداء وماظن بنتهاوش
لاننا فاهمين بعض ومو بس فاهمين بعض كمان نحب بعض .
سليم : ندى انتي حديثك مابينمل بس لازم اكون هلا بهالوقت عند بيي .
ندى : روح عشان محد يحس فينا .
طبعا تخبت ام ماجد عنهم وشافت سليم ينزل من الدرج
طلعت ندى من الغرفه وشافتها ام ماجد بكل غموووووض نظرة مالها تفسير


===========


5 
سكون الجو

الجزء 5
لما جلست ندى مع البنات
مها : سؤال شهالعلاقة الغريبه الي بينك وبين الولد ؟
ندى : ووش فينا ؟
اميرة : شفيكم ! ... قسم الصداقة الي بين البنات مايسون سواتكم .. انتم علاقة غريبه .
ندى : حنا مو علاقة غريبه لكن فهمنا بعض .
غلا : لا مافهمتوا بعض ... الا غريبين بس ابعرف شتسولفون فيه ؟
ندى : عن الطموح وعن الحياة بشكل عام .
في : بالله ماخذه عقلك الخواطر ياست ندى .
ندى : وفي احلى من الخواطر ؟؟؟
هيا : اتوقع ان ماجد مارح ياخذ عقلها كثر سليم .
ندى : اكيد مارح ياخذه اصلا انا ماعرف عن ماجد الا انه غني .
اميرة : والثراء امر عادي ! ... انتي مهبوله ماتفكرين بهالاجودي ؟
ندى : لا ... بس ماني مهبوله بس ابفهم ليه ماترززون عند امه يمكن تختار وحده فيكم
مناسبه لولدها .
هيا : ياريت .. راحت عربجيتي من اكثر ماتمكيج وازين شعري واتدلع قدامه .
ندى : ههههههههه
هيا : تضحكين !! ..
نهال مسرع لهم : بنات بنات شوفوا حبيب القلب بالمجله
وكلهم تجمعوا حول نهال وخقوا خقه عظيمة ع الصورة الكبيرة
هيا : يهبل يهبل .
اميرة : بالله متى امه تخطبله !
في : معقولة مانعجبها !
ندى تفحصت وش المهم بهالمجله شافت بهالصورة شاب نفس الشاب
الي بجوال سليم
ندى : بنات من هذا ؟
هيا : هذا الي ماتفكرين فيه ندوشه .
ندى : ماجد ! ... ووش جابه هنا ؟
اميرة : ياعمري الكل عارفه وهو مشهور بكل مكان .
وطبعوا تفحصوا كل شي فيه واتوقع عرفوا نوع بشرته جافه ولا رطبه خخخخ
ندى قامت من عندهم ورن جوالها واتس
ندى " اهلين سلومه "
سليم :" ندى شوبتعملي هلا "
ندى " شأسوي اشوف خبال البنات بماجد "
سليم " كيف "
ندى " مصور نفسه بمجله والظاهر مسوين مقابلة معه "
سليم " وانتي مابيعجبك ! "
ندى " عادي بس هم مهبولات عليه "
سليم " اي احسن انا بغار عليكي "
ندى " نعم ! "
سليم " قلتلك بغار عليكي منوه "
ندى " ياحليلك تغار ع الصغر ؟ "
سليم " حبيبتي لو انا بعمروه ماخليتوه ينتبهلك ولا لحظة ! "
ندى " ايش ! "
سليم " اي ... اي بشكر ربي انوه مابيعرفك الا مجرد اسم "
ندى " سليم مافهمتك ! "
سليم " لو عمري 25 سنة مابخليكي ولا لحظة عزابيه .. ابلقطك منوه ع طول "
ندى " سليم انت شقاعد تقول "
سليم " ندى لو ماجد بيعرفك منيح ماتركك عزباء ابدا "
ندى استغربت
ندى " سليم هذا كلام خطير "
سليم " وانا مابقول غير الصدق "
ندى " سليم فهمني زين "
سليم " ماجد هوي عايش حياتوه لو بيتعرف عليكي ابيسحبك انانيه وغيره من كل الشباب ..
هوي بيفكر حالوه ان كل صبيه بتتمناه بس ماعرف ان في بنت تحمل لقب فتاة الاحلام ..
ندى انتي منك عاديه ... فكرك كتير عظيم وانا بتعجبني الصبية الي بتفكر بمضمون
الرجل .. ندى انتي رائعه بس هوي مايعرف هيك "
ندى انجنت من هالكلام
" معقولة ! "
سليم
" اي "
سليم
" ندى بعدين بحكي معك "
حط جواله ع الشاحن وراح للي ناداه
طلع ماجد من الحمام ( الله يعزكم ) وشاف صفيرة الرسايل وحده ورى الثانيه
فتش فيه وبدى يقرى الي مكتوب
ندى
" سليم انت انسان عظيم كيف قدرت ترفع من معنوياتي ! "
ندى
" انا مو مصدقه الكلام الي كتبته "
ندى
" صحيح انت صغير بس عقلك عقل حكيم "
ندى
" انت ايش ! ... احس ان عندك موهبه وحتكبر "
ندى
" انت ياسليم حرام يكون ماجد ماكتشف فيك صفة الحكمة "
ندى
" صحيح عمرك صغير بس .. اتوقع حتدخل بعالم الحب بدري "
ندى
" انت شهريار الشباب "
ماجد استغرب من هالجمل ! ... وش سالفة شهريار ولا هالكلام الي مكتوي .. يبين ان في موضوع كبير
خلى ندى تكتب هالكلام
صعد فوق وقرى الحوار الي بين ندى وسليم
في كل رساله يقراها تخبره عن وجود فتاة ممكن تناسبه ! .. ممكن تكون شريكة حياته !
ممكن انها تكمل معاه لبقية حياته !
ماجد متعجب : ماجد هوي عايش حياتوه لو بيتعرف عليكي ابيسحبك انانيه وغيره من كل الشباب !
... شقصده ؟
رجع ماجد وانصدم من مسكة ماجد للجوال وكنه عرف انه يقرى الرسايل
سليم : بابا .
ماجد : سليم ... لي كلام معك باخر الليل .
سليم : بس انت موقتلي موعد النوم ولا نسيت ؟
ماجد : لا مانسيت .. اليوم بأخرك عشان الموضوع .
سليم سكت وبلع ريقه
في وقت الليل طلع سليم متجه لشاطئ البحر
جلس عند ماجد
سليم : امرني يابي .
ماجد : ودي اسئلك شتربطك علاقة بأمك ندى ؟
سليم : متل ماقلت هي امي .
ماجد : بس الي قريته مو كلام ولد لأمه يمثل كلام ثاني !
سليم : بابا ... انا ماغلطت انا قلت الحقيقه وانا بحكيها قدامك
لو انا بعمرك بغار على ندى منك لانك بتخطف فتاة احلامي .
ماجد عقد حواجبه وجته صدمة وحده :
ايش !
سليم : اي ... ندى مش متل بنات الهوامير .. وانت بتعرف
بنات الهوامير هني مين .
ماجد : انا قريت الدفتر ماكذب عليك ان رائع بس هي متخرجه من
كلية الاداب قسم الله العربيه ؟
سليم : لا هي ماتخرجت من الثنويه العامة .
ماجد : كل هالكلام والايقاع الجميل ماتخرجت من الثنويه !
سليم : اي .
ماجد : هي عندها فتى احلام ؟
سليم : لا .
ماجد : بس هي ذاكره بالكتاب اسم شهريار .
سليم : بعرف بس هي ماتتمنى .
ماجد : طيب كلمني عنها .
سليم : انسانه عندها مبادئ وقيم .
ماجد : وبس ؟
سليم : اي .. الي بيحبوك صبايا الي هنيك !
ماجد ابتسم : نعم !
سليم : اي ... هيا واميرة بيتغزلوا فيك ليل نهار .
ماجد : ايش ! .. وندى ؟
سليم : مابتتغزل فيك بس عندها عقده منك والحمدلله انحلت .
ماجد : وليه حليته ؟
سليم : من شان مابيصدع راسها منك .. انا بيهمني راحته يابي .
ماجد : المفروض ندى هي الي تفكر فيني مو الي ذكرتهم .
سليم : يابي هي مابتفكر فيك بس الاغراء الي حكوه الصبايا خلاها تنفجر منك .
ماجد : يعني هي ماتفكر فيني ؟
سليم : لا .. هي بتستمتع بخواطرها مابتستمتع فيك .
ماجد : سليم ابيك تجسلي نبضها اوك ؟
سليم : بابا انا بدياها ترتاح مو ....
ماجد عطى لسليم نظرو بمعناها
( اسكت )
سليم : بابا انا نعسان .
ماجد ابتسم : يله تعال ننام
انسدح ماجد وهو يفكر بندى وحب يعرف عنها كثر بس شلون !


===============



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.