موقع المصطبة

العودة   منتديات الدولي > المنتديات الأدبية > منتدى الشعر والقصائد

منتدى الشعر والقصائد القصائد النبطية والعربية الفصحى وكل ما يعنى بالشعر الحديث والقديم، أحدث قصائد رومانسية جديدة 2017


1 
عمرو شعبان


ليه يا قلوب البشر للشاعر محمد أسامة البهائى
باعد مابينك جرح
حبسنا حزن المواسم
يطرح مابينا القلق ..
وحنا اللى كنا متغممين
افــواهنـــا متـــــكممين

قدرنا ونقدر أكتر
لو احنـــا مكملين
يقطع رجلين المسافة ..
اللى ماتردليش روحى
وقع من على كتفى الغلأ
اتعترت فى صخرة ألم
حادفها حمل الجبال
ومايقوى ع الغرق
إلا اللى نفسه طويل
دوامة وعمالا تزيد
شجن الحنين ولانار جهنم
مادد جسر الجحيم ..
يقطف من فوق الشفايف
عكارة الكلام ..
على حلم حبـــــك والوئام
ريح وبتحدف لئـــام
والأرض بتعصى الإمام
ولافيش إمام يــاخد خطوتى
وحدك ومش حاسه بوحدتى
ولا نوح نايـــاتى وغنــــوتى
لجلك رهنت روحى للحياة
وانت راهنتى على غربتى
هاخد عزايـــــــا فى مين ؟
ولا ميـــــن هاياخد عزايــا
وش المرايا اتفلق ..
والملامح تايه فى الوشوش
اللعنــــــه تقوى ع الرطوش
وقلوبنا اغتالت روحنـا فينا
لاحت من فوق برجنا الغيوم
ومحدش بيعلن نهايات الختام
كترت على صدورنا السهام
والضرب من تحت الحـــزام
يـــاترى دى حـــــلاوة روح
ولا شهقه عزمك فى عين الانهزام




Powered by vBulletin® Copyright ©2000 - 2023, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.