العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
سكون الجو


الجزء 1
ابو ندى متزوج ثنتين .. الاولى ام ندى وهي متوفيه لسبب اجتماعي وماجابت الا ندى
والثانيه ام اسيل وهي جارة ام ندى وماعندها الا اسيل
ندى نقدر نقول عنها انها متعلمه السناعة البسيطه من امها واما اسيل فهي دلوعة
نوعا ما وطبعا اهل ام ندى متبريين من ام ندى الا اختها المتزوجة فكانت ماتبي تخسرها وطبعا انقطعت
العلاقه بينهم سنين وجارتها دايما تسبب لها المتاعب عشان كذا توفت .
وفي من الايام انخطبوا الثنتين ندى واسيل .. خطيب اسيل مدرس لكن خطيب ندى عسكري
وطبعا اعلى مرتبه من خطيب اسيل مما سبب الغيرة والقهر لأسيل
وقالت في نفسها
" ليش حظي اقل من ندى ! "
اسم خطيب ندى نايف ولما جت الملكة تملكت ندى واسيل بعدهم بشهر بحكم ضروف زوجها
العمليه بس اسيل للحين مانست خطبة ندى وبدى يدخل قلبها نوع من الحسد
.. ندى تعرفت على زوجها نايف وحبه كثير ووعدوا بعض ان مافي شي يفرقهم ..
لكن القدر فوق كل شي
اسيل لما عرفت ان ندى ونايف يحبون بعض قررت تحول الحسد بشكل عمل ..
ماراحت لساحر ولا اي احد فقط استخدمت اسلوب
السمعة
اتجهت للمستشفى وحاولت تقنع الممرضة انها تقلب فحص ندى الطبي السليم
بفحص فتاة مصابة بالايدز واتفقت معها ان تتصل على ابو ندى عشان تبلغهم
ان الفحص الي وصل لندى كان خطأ طبي والي تبي تعطيهم فحص ندى الحقيقي
ابوها لما شاف الحال كره بنته وطردها من البيت وتبرء منها ورماها في البر
وزوجها نايف لما سمع بالخبر طلقها
ـــــــــــــــــــــــــــــــــــــــــ
قامت ندى من اغماء عميق جدا على ضوء الشمس الهاديه .. وشافت حولها
صحراء خاليه الا بعض الشوك .. حاولت تمشي يمين يسار بس مافي معين
.. سمعت صوت تطعيس وخافت ولما تشفت اكتشفت ان سيارة ام حوض متجهه
لها وخافت زياده ان فيها 2 شباب .. حاولت تختفي يمين يسار المهم انها تبتعد عنهم
خاصة لما عرفت هويتهم انهم شباب
نواف : شف شف الصامولي ليكون ماجبناه .
زيد : لاتخاف ان متفحص الاغراض قبل منطلع .
نواف : زيد شريت الفلاش الي وصاك فواز عليه ؟
زيد طق جبهته : يووووووووه وانا اقول وش الي ناسييييي .. اوففف مدري ليه اجيب طلبات الناس الا
فواز دايم انسى طلبه .
نواف بخوف : وش الي يمشي هذاك !
زيد : يمه ليكون جني ؟
نواف : جني بالنهار !
وبدوا يقربون له لكن ندى تحاول تهرب منهم وخافت اكثر انهم متجهين لها
نواف : هذا ادمي لا والله مو ادمي ادميه .
ولما قرب لها وقف وطلع من السيارة
نواف : تبين شي يااختي ؟
ندى جاها الرعب الحقيقي : تكفى وليا قلت تكفى انك تعتبرني مثل اختك ... انا بنت ضايعه
ولاتتجرأ علي ترى والله ان تجرأت قسم بالله موتك على يدي .
نواف : شفيك شفيك اختي انا قصدي اساعدك .
زيد : اختي لاتخافين حنا مو من النوع الي بالك .. شفناك تركضين ومبين عليك انك ضايعه و....
ندى قاطعته : اسكت ... بعدوا عني بعدوا عني .
زيد خاف من صوتها : نوافوه خلنا نركب هذه شكلها مجرمه الله يدفع البلى .
نواف : وش مجرمته لو مجرمه كان قتلتنا يالغبي هي تبي تهرب منا بس .
ندى تبي تهرب بس مسكها نواف وندى خافت اكثر وبدت تضرب وتضرب لكن نواف
واجه وجهها .. نواف بصراخ : يابنت الناس !
ندى خافت من لهجته
نواف : قلتلك لاتخافين حنا مو من النوع الي بالك انا خايف عليك اكثر من نفسك شفيك .
ندى بتهديد : والله والله ان ماوخرت انت والكلب معك قسمن بالله لأموتكم ثنيناتكم .
نواف : يابنت الناس والله حنا ......
ندى نثرت عليه التراب ونواف هج وزيد مستغرب منه ولما ركبوا مشوا
زيد : ليش ركبت ؟
نواف : ماتشوفها متوحشه .
زيد : يابن الحلال لاتواخذها وبعدين ليش نتركها ؟
نواف : ماتشوف عملها يازيد !
زيد : الا بس هي بنت انا لو محلها بقتلك بالشوك بس مو معناتها اننا نهملها خلنا نشوف
وش قصتها وبعدين يصير خير ارجع بس .
رجع نواف لها وندى خافت وش السيارة الي مقبله لها .. وخافت اكثر انهم نفس الشباب
ندى : هذولا وش يبون !
طلع نواف من السيارة بكل رجوله : يابنت الناس حنا والله مو من النوع الي بالك
امشي معنا نسترك الله يستر علينا وعليك .
ندى : انت كذاب وحقير وماصدقك ابعد عني بس .
زيد : سمينا باللي تبين بس مايهون علينا نتركك كذا
ندى : ابعدوا عني انا مو ناقصتكم .
نواف : يابنت الحلال انتي وش قصتك ؟
ندى : اسمع ياخوي .. حلفت بالله عليكم لو انتم قاصدين الخير لي بدعيلكم لكن ان شفت حركات
مو طبيعيه والله ثم والله ابقتلكم واحد واحد .
نواف : خلاص وحنا على وعدنا ولاتخافين ترى انتي بنت وحنا نبي الخير لك .
ندى تقدمت لهم عشان تركب معهم بس توقفت ولاحظ نواف انها ماتحركت .. نواف : شفيك ؟
ندى : ياخوي سامحني اني ماتغطيت عليك لكن ضروفي اجبرتني اني افتش قدامك .
نواف : لاتخافين وان عاذرك وربي مايضيع عباده امشي معي اختي .
وركبت معهم وهي تراقبهم
زيد : اليوم ربيع شسالفه ؟
نواف : مدري .. تشم ريحة الحطب !
زيد يشم الهوى : اي والله الللللللله والله اشتقت لحطب عمي ابو عبدالعزيز .
نواف : اي عاد حطب عمي ماينوصف .
وصلوا لخيمتهم وانصدمت ندى من شكل المخيم
راقي بمعنى الكلمة وشكله ملكهم لن فيها تماثيل حيوانيه .. طلع نواف على طلعة عبدالعزيز من
الخيمة وطبعا الشياكة مهمة لبعض شباب العيلة الجديده
عبدالعزيز فسخ نظارته : نواف شسالفه شفيك متجه لخيمة الحريم ؟
نواف : عندي بنت بالسيارة شفتها ضايعة بالبر قلت خليني اوديها لأمي .
عبدالعزيز : مايحتاج تروح لهم اتصل على وحده من خواتك .
نواف : اي صح ذكرتني بجوالي والله ان شكل البنت نساني الجوال .
عبدالعزيز رفع حاجب : شكل البنت !
نواف : لايروح فكرك لبعيد ترى البنت مملوحة ولاخذت عقلي ولاخذى عقلي الا للي خبرك !
عبدالعزيز : طيب طيب .
وتركه
اتصل نواف على وحده من خواته : الو .. البسي عباتك وجيبي معك جلال وتعالي لم سيارتي .. يلله بلى كلام زايد .
وقفل بوجهها
بعد ثواني جت بنت قصيرة واتجهت لخوها نواف
نواف : ميسون في بنت بالسيارة ابيك تغطيها وتروحينها عندكم .
ميسون : بنت !
نواف : اي لقيتها بالبر وابيكي تودينها عندكم وتهتمون فيها .
ميسون : طيب .
فتحت السيارة وتأففت من ريحة السجارة : اوففففف وش هالريحة الخايسه
مايعرفون يرشون عطر ؟
ميسون : اختي !
قامت ندى بهدوء وشافت ميسون الي تطير العقل
ندى : ابي امي !
ميسون : تعالي حبيبتي .
طلعت ندى وميسون سحبتها لخيمتهم .. ماصدقت ندى هالعز !
دخلت وشافت الحريم مستغربين منها
ام ناصر : ميسون من هذه ؟
ندى تفحصتهم وحده وحده وتفاجئت ان في من الحريم ام متكشخة تشبه امها
ندى بشوق : يمه .
وركضت لها وضمتها بقوة
ام طلال مستغربه من البنت الي تضمها بهالقوة .. ام طلال : بنتي انا مو امك .
ندى : يمه .. انا ضعت وانشالله انتي الي بتعدليلي حياتي .
ام طلال مستغربه بقوة : بنتي انا مو امك .. وبعدين شسالفتك ؟
ندى ضمت ام طلال : لاتسئليني انا ماصدقت ألقى حضن اضمه وانسى الجرح العميق
الي كان بيقتلني .
ام طلال مستغربه وبقيه الامهات يشوفوها وكنهم يشوفون بنت جايه عرض بحياتهم
ام طلال : بنتي قوليلي شفيك ؟
ندى : الله يجزاهم خير الي دلوني عليك ... ماكنت متوقعه انهم بيجوني وينقذوني ولا واشوفك واضمك .
ام طلال : كلي لك يابنتي بس علميني شقصتك ؟
البنات الحلوات طلوا من باب الخيمة للشفايه العظمى انا عن نفسي مالومهم
ندى بحظن ام طلال : انا بنت ببيت كله عصابه علي .. امي ماتت وانا بأول ثنوي .. الوحيد الي كان يسهلي اموري ابوي ...
انخطبت واستخرت واكتشفت ان الي خطبني فارس احلامي .. لكن مدري وش الي صار
وابوي اتهمني باني مغزلجيه وان فحصي مليان مرض الايدز ورماني بالبر ( وطالعت ام طلال )
وهذا انا بحظنك .
ام طلال : يابعد عيني انتي قلبي وعمري وحياتي لك .. واعتبريني مثل امك الله يرحمها .
ام سليمان : وحنا خالتك حبيبتي .
ام ناصر : ولاتستحين مننا .
ام عبدالعزيز : وانشالله نكون عايلتك الثانيه .
ندى استسلمت لحظن ام طلال
هديل دخلت على البنات بخيمنهم : بنات انتوا شفتوا الضيفه الجديده .
روان : قصدك الضيفه الغريبه !
هديل : مالغريب الا الشيطان واياك تنطقين هالكلمة القبيحة قدامها واعرفوها انها يتيمه
يعني لحد يزعلها .
مها : يسلام يعني زعلي مايهمكم !
هديل : مو قصدي كذا بس هي يتيمه وانتم تفهمون قديش اليتيم وحيد .
هيا : طيب .
حتتعرفون البنات الي بيكونوا بأحداث القصة
الخوات
( هيا + روان + سارة )
( هديل + مها )
( جمانه + فتون )
( وعد + يارا )
( لميس + منال )
طلعت ام طلال من الخيمة وورت ندى كل الي موجود عندهم من مطبخ وغرف نوم
وحمام وحظيرة للخيول ودبابات
دخلوا مجلس البنات وكانت مها ترقص
ام طلال : والله اني داريه مايحط هالصوت الا انتي .
مها : ياخاله وفي احلى من هالاشكال ذولي .
( طبعا لازم ينادون كل الامهات خاله احترام جميل )
ام طلال : المهم هذه ندى ترى برقبتكم وياويل الي تزعلها .
روان قامت : ابشري ياخاله انا ودي تصير عندي اخت غير هالثنتين .
ام طلال : لا بالله انك مجنونة .
روان طنشتها وضمت ندى : ياهلا والله بحبيبة قلبي وعمري وحياتي وقروشي وماركتي المفضله
وسوقي والكابتشينو حقي وغرفتي وجامعتي وقاعتي ومحفظتي وكافيتريتي و....
ندى : بس بس بس بس بس .
روان طارت من الضحك
دخلت خدامه سوريه كشخة : صبايا البوفيه جاهز .
جمانه : اهم شي عصير الكيوي !
وطلعوا وندى مصدومة من النعيم ... روان : حياك الله فخشرتنا المتواضعه .
ندى : اذا هذه خشرة شلون العزيمة !
روان : هههههه حبيبتي حنا نتعامل كذا .. وحتشوفي منا كل شي يرضيك .
ندى : فيك الخير بس بكم تسوونه ؟
روان : ماندفع الخدم هم يسوولنا .
ندى : نعم !
روان : شفيكي عادي .
ندى : لا والله مو عادي .. اذا الغرفة الرياضيه ماقلت فيها شي بوفيه كامل صاير خشرة !
روان : ههههه تعودي .
وطنشتها
فتون : ابفرجيكي وناستنا المتواضعه .
ولما شافت الخشرة انصدمت
( كيكه عرسان + عصير من الي يخطر على بالك والي بالخاطر + صحون انيقه للغرف + أله ايس كريم +
حلويات بكل انواعها + معجنات بكل انواعها + سندويشات بكل انواعها )
ندى : كل ذولي بتاكلونه !
يارا : هذا غير العشى على فكره ترى عشانا منفصل عن عشى امهاتنا .
ندى : ها !
يارا : رحماك يارب .
وطنشتها
ندى : اللهم صلي على نبي الله .
وبدوا ياكلون
سارة : بنات تكفون شغلوا شعر سعد علوش .
جمانه : وليش ماتشغلينه يابنت ابوكي !
ندى : انا اشغله بس قوليلي وين السي دي .
سارة قامت : لااااااا الضيفه ماتخدم قلبي ارجعي لكرسيك العنابي .
ندى : لا عادي انتي بس قوليلي ...
سارة بالوجه : بس .
ندى : اسنانك روعة .
مها : الورق عنب مرة روعة ... مين الخدامه الي سوته ؟
روان : هذه خدامة ماما .. نادين .
ندى : من فيهم نادين ؟
روان تأشر : هذيك الي واقفه عند اول بوفيه .
ندى لما طاحت عينها على نادين .. نادين ابتسمت لها ابتسامة المعجبه
ندى استحت من نظرتها الخطيرة
راحت نادين تغسل يدها وشافت نادين كمان تبتسم لها ابتسامه خطيرة
دخلت خيمة البنات ولقت هديل تكلم رجال وتتغزل فيه ... ندى مستغربه : من تكلم بلله !
طلعت وشافت روان .. روان : في احد بالخيمة ؟
ندى : في هديل .
روان : وش تسوي الاخت بخيمة المراهقات ؟
ندى : تكلم بالجوال .
روان بشفايه : ومن تكلم بلله !
ندى : واحد .
روان : اهاااا اجل نست حبيب القلب !
وتركتها
ندى : مين حبيب القلب ؟
دخلت روان : مشالله كلللللللللللللللوليش اهنيكي على اختيارك الموفق .
هديل : بس بس بس لايسمعك زوجي .
روان : خليه يسمع وهو غريب علي هو ولد خالتي الي يعشقك ويشتريلك كل الي تبين .
ندى طلت بهدوء وشافت الحوار
هديل : سكتي بس .. اصلا انا احبه من تملكنا .
روان بنص عين : علينا ! .... وحبيب القلب الي قبل مسرع نسيتيه !
هديل : اي حبيب الي تتكلمين عنه ! .. انا ماحبيت الا علي .
روان : علاويييييييي ... وهو يشبه حبيب القلب !
هديل : انتي شفيكي ؟؟؟ اذا على حبي القديم خلاص نسيته .
روان : وهو بعد ... بس يمكن خيرة لانه يقول انا حاااااس ان في بنت بتطلع بحياتي .
ندى مستغربه من الحوار ومدري ليه ارتعشت
هديل التفتت : يابنت الناس ( وتفاجئت بوجود ندى ) ندى تبين شي ؟
ندى : ها ! ... لالا .. بس صوتكم جذبني .
روان : ووش سمعتي ؟
ندى : انا اسفه اني تشفيت فيكم بس جد نقاشكم مغري .
هديل : هو صحيح مغري لانك سمعتي جملة حبيب القلب صح !
ندى : لا بس ....
روان : حبيبتي البنات وينهم ؟
ندى : في خيمة المراهقات رقم 2 .
هديل : وشي خيمة المراهقات ؟
روان : هذه خيمتنا ياحبيبة اخي سابقا .
هديل : روانوه سكتي .
روان : وليه اسكت ! ... ندوش مو غريبه صحيح لها يومين عندنا بس بسرعة السهم
صارت منا وفينا .
ندى : صادقه انا ماحسيت اني غريبه حسيتكم اهلي .
هديل : وانشالله تحبينا اكثر .
ــــــــــــــــــــــــــــــــــــ
في بيت ابو طلال
ندى بغرفة لميس تفكر بالانسان الي بعيد عنا مسافة
ندى في نفسها
" نايف ... وش تسوي الحين .. اكيد طلقتني بعد الخبر ... بس والله انا بنت متربيه صح
ومالي بالسوالف الخطيرة ... وربي ماسودت وجهك ... والله ماعرفت شاب .. ولا اعرف كيف تفكير
اي شاب ... تمنيتك فأحلامي وتحققت امنيتي ... اتمنى انك ترجعلي ... بس المشكله وش يثبت اني بريئة "
تنهدت ع الجدار
" لما شفتك بالملكة واااااااااو حسيت اني بنت تغير صوتها وكنها منشده ... حسيت اني
بنت فعالم وولات دزني .. ماتوقعت ان الرجل الي حلمت فيه تحقق ... بس الحقيقة
انقطعت عني "
دخلت منال الغرفة واستغربت الغرفة ظلمة ... انتبهت لندى واقفه عند دريشة طويله عريضه ..
اتجهتلها وكنها حرامي بيخطفها ... ندى بخوف : بسم الله الرحمن الرحيم متعرفين تتنحين ؟
منال : مين الي خذى عقلك !
ندى : مين الي خذى عقلي ؟ يهمك تعرفين ؟
منال : طبعا ... يهمني بعد اعرف ليش تطلقتي ؟
ندى : لاتذكريني بأيام راحت ... وانشالله المستقبل بيكون حلو .
منال : مو وجهك مبين عليه التعب النفسي بنسبة 88 % ... وارجع لسؤالي مين الي خذى عقلك .
ندى ابتسمت : نايف .
منال تغير وجهها : خطيبك !
ندى : اي .
منال : وش ذكرك فيه ؟
ندى : وفتى الاحلام ينسى ؟ ... من اول ماشفته بالملكة وانا حاسه انه فتى احلامي .. وفعلا
لما تكلمنا مع بعض اكتشفت ان افكارنا زي بعض .
منال : وهو وش يشتغل ؟
ندى : عسكري .
منال : وهو وسيم ؟
ندى : يمكن اي بنت غيري بتشوفه عادي بس انا اشوفه ملك جمال الكون .
منال : طبيعي دامه فتى احلامك بنظرك يعتبر ملك جمال الكون .
ندى : كلامه .. صوته .. ابتسامته الي تفتح النفس ... حتى اسلوبه .
منال طارت عيونها من دوران ندى بالغرفة : اقول بس لاتنهبلين .
ندى : انتي ماجربتي الحب والله لو دخلتي فيه ماتطلعي منه ابد .
منال : على طاري الحب شفتي هديل .
ندى : اي شفيها ؟
منال كانت تحب ولد عمي وولد عمي كعادته يطنشها فتزوجت واحد غيره .
ندى : وولد عمها ماعلّق ؟
منال : لا حنا ننسميه البارد .
ندى : ومن ولد عمك ؟
منال : عبدالعزيز .
ندى : اها ... تعالي ومن خذت ؟
منال : خذت دكتور .
ندى : وابوها ماقال شي ؟
منال : شبيقول ؟
ندى : انتم مركزكم كبير ومو اي واحد يناسبكم فكيف تجرأ الدكتور يخطب هديل ؟
منال : ابوي يعطي الراي لهديل وهديل استخارت فيه .
ندى : اها ... ( ابتسمت )
منال : وش هالابتسامه !
ندى : تذكرت نايف لما خطبني كنت متردده مرررررة واستخرت فيه .
منال : اي ... وانا اتحرى هالهانم لميس تنخطب بس العزوبيه كبرانه فعينها .
ندى : لما يجيها واحد لميس تحبه اكيد بتترك العزوبيه .
منال : المهم شرايك فمخيمنا ؟
ندى : يهبل ماتوقعته بهالمستوى .. توقعته 3 خيام ومطبخ وحمام الله يعزك .
منال : هذا مخيم عمي ابو عبدالعزيز .
ندى : يعني مو خيمة العمام كلهم ؟
منال التفتت : لاااااااا كل عم وعنده مخيم وهالمرة جت الجمعة بمخيم عمي .
ندى : ياحليلكم ( ابتسمت )
منال : رجعنا للخشه ... ودي اشوف نايف الي تحبينه .
ندى : غير عن كل الشباب ولو حبيتيه انتي ماتشوفين غيره للابد .


========



2 
سكون الجو

الجزء 2
ام عبدالعزيز : يعني بتقعدينها ببيتكم يام طلال ؟
ام طلال : وين اوديها ؟
ام عبدالعزيز : عند رعاية الفتيات .
ام طلال : لالا مايهون علي .. لما تنحل امورها بوديها عند اهلها .
ام عبدالعزيز : البنت تقول ان ابوها متبري منها وزوجها طلقها شلون تثقين فيها !
ام طلال : والله للحين ماشفت شي منها عشان تشككين فأخلاقها .
ام عبدالعزيز : بس .....
دخلت عليهم لميس : اهلين ياخاله .
ام عبدالعزيز : بسم الله الرحمن الرحيم .
لميس : وش فيك خايفه ترى انا مو عفريت !
ام طلال : بنتي شتبين ؟
لميس : بغيت اقولك اننا يالشلة بنتجمع باستراحه عمي ابو عبدالعزيز .
ام طلال : وشو ! انتم ماتستحون الرجال عطاكم وجه .
لميس : عاد مو عمي الي اكرمنا .
ام طلال : اجل .
لميس : ولده عبدالعزيز .
ام طلال : بعد ! ... لميسوه ( طالعت ام عبدالعزيز ) ولدك متى بتزوجونه !
ام عبدالعزيز : ياحبي له ولدي خلاص روحي واتصلي بعامل الاستراحة .
لميس : شكرا .
ام طلال : انتي من جدك ؟
ام عبدالعزيز : اي .
ام طلال : ولدك ذى يبيله مرة عشان مايعطي وجه للبنات .
ام عبدالعزيز : ههههههه يابنت الحلال عاد هو الوحيد الي من عيال العمام الي مدللهم
ومو مخلي عليهم قصور .
ام طلال : عاد مو حاله ! ... اخر تكريم جابه لهيا ووش جابلها طقم ذهب .
ام عبدالعزيز : ووش فيها ؟
ام طلال : وشي الي شفيها ! ... بيخلصون فلوسه هالولد .
ام عبدالعزيز : المهم يعني قررتي خلاص ؟
ام طلال : بخصوص ندى اي .. البنت مالها غيري وبعدين انتي ماسمعتيها امس
شكانت تتغزل بطليقها .
ام عبدالعزيز : تتغزل بالحافي المنتف !
ام طلال : قولي بفتى الاحلام .
ام عبدالعزيز : نايف فتى احلام شلون ؟
ام طلال : تقول انه فهمها وهي فهمته واتفقوا سوى .
ام عبدالعزيز : اي بس ماياصل لولدي وحيدي .
ام طلال : شدراك يمكن يعشقها .
ام عبدالعزيز باحتقار : ايش ! ... ولدي يعشق حبيبة نايف !
ام طلال : اي .
ام عبدالعزيز : قولي هي بتشوف ولدي وبتقارن فيه وفطليقها وتشوف ان ماركضت ورى ولدي
مثل مايركضونله بنات السوق .
ندى كانت تسمع كل كلمة منهم وهي مو قصدها لكن شدها حديث ام طلال عن نايف ..
خافت لما شافت خدامه تهمسلها : ليش واقفه هون ؟
ندى : ها !
الخدامه عفاف : ليش واقفه هون ؟
ندى : تعالي ماما نوريه وخاله ام عبدالعزيز صديقات ؟
الخدامه عفاف : ماتضيعي سؤال ! .. شو بتتسمعي ؟
ندى : يتكلمون عن عبدالعزيز واني ماطوله .
الخدامه عفاف : وانتي عم بتخططي عليه ؟
ندى : اخططله ! .. هالرجال ذى مايدري ان في واحد احسن منه .
وجت بتروح بس مسكتها يد الخدامه : ومين احسن من البيك ؟
ندى : حبيبي نايف .
الخدامه عفاف سكتت
راحت للمطبخ وشافتها الخدامه نور ... الخدامه نور تركت الفرن : شوبكي ؟
الخدامه عفاف : اول بنت بتمر عليي مابتتعلق بعبدالعزيز بيك مو غريبه ها ؟
الخدامه نور : مالغريب الا الشيطان وبعدين انتي شوعرفك انها ماتعلقت فيه ؟
الخدامه عفاف : شفته عم بتتسمع من ورى الحيط زلما سئلته قالتلي شو
الحرمتين رفقات ؟؟؟ فكرتني مخدوعة فيها .
الخدامه نور : عفاف .. مين وضعك جاسوسه العايلة ؟
الخدامه عفاف : ماحدى .
وقامت لشغلها
منال : اي .. كلميني عنه بعد .
ندى : عن حبيبي ! ... هذا هوى يطير فوق البحر .. والنور الي يطلع من الشمس .. هذا
الطير الي الكل ينتبهله .. والحب الحقيقي الي كل بنت تتمناه .
منال : الللللللللللللله ووش بعد ؟
ندى : لو اقولك عن مواصفاته ماتخلص .. بالنسبة لي شخصيا صار فارس احلامي
ماظنتي يكون شبيه لاي واحد .. هذا حبيبي .. حبيته بالرغم انه مادلعني .. من صوته تعشقين
اسمه .
منال : احسك تنشدين الخواطر .
ندى : وكيف مانطق الخواطر وحبيبي الي كله خواطر !
منال : يسلاااام هذا اول مرة اسمع فيه كلام غير تقليدي .
دخلت لميس وشافت الثنتين منسجمااااات بقوة
لميس قربت لهم وهم ماحسوا فيها
لميس خرعت منال : ماذا يحصل ؟
منال قمزت : بسم الله الرحمن الرحيم .
لميس : ليش ؟؟؟ انا جني ؟
ندى : لا بس قطعتي عنا احلام اليقظة .
لميس : قطعت احلامكم ... ووش احلامكم ؟
منال : مو حلمي حلم ندى .
لميس : ووش حلمك ياندى ؟
ندى : ومن غيره ؟؟؟ حبيبي العمر ( وبحزن ) الي بيكون العمر كله بس صار اول العمر .
لميس : ها ! انتي تكتبين شعر ؟
منال : لا ماتكتب بس نايف مهبل فيه تهبيل 100 %
ندى : وليه مانهبل فيه وهو فيه كل معاني الحب ؟
لميس : تقولينها وماتستحي ؟
ندى : لين اشوفه حبيبي مايشوفني من زود الحيا .
لميس : اللللللللللله .
منال : ووش بعد طلعي من الخواطر .
ندى شافت القمر : ياخوات .. انتم ماتدرون قديش احبه وياليته يرجعلي .. بس .
لميس : ايه نسيت اقولكم شي ترى بنات عمي عبدالعزيز عازميننا خشرة حلوة .
ندى : ووين ؟
لميس : باستراحته .
منال : عاد اوصفلك استراحتهم تجنن .
لميس : تروحين معانا ؟
ندى : ماظنتي .
لميس : وليش ؟
ندى : مكاني هنا .. عقب ماصاربي الحال ليش اطلع من البيت .
منال : ياندى وسعي صدرك واذا على الماضي انسيه .
ندى : وفي بنت تنسى فتى احلامها ؟
لميس : الحين نايف هو الي بيحبسك عن الطلعات ؟
ندى : مارح يحبسني لانه يدري وش الاماكن الي احبها وهو بعد يموت فيها .
لميس : ياندوش اطلعي معنا والله ماحتندمين .
ندى : ابستأذن ماما نوريه .
منال : وليه ؟
ندى : انا تحت مسؤوليتها .
لميس : لاتروحين طلبتها قبلك تروحين معنا ووافقت .
ندى : انا مو متحمسه ع الروحه .
منال : لا بتتحمسين وانا متأكده انك بتستانسين .
ـــــــــــــــــــــــــــــــــــــ
روان : وهذه سالفتها من الالف الى الياء .
زيد : معقولة في ناس بهالنذاله !
روان : ياعمري انت وين عايش ؟
زيد : شفت ناس اكره ماشافتهم عيني وخويي نواف الي مانذل منه طلعوا في ناس انذل من خوي نواف .
روان : في ناس حلوين وناس وحشيين .
زيد : طيب ماوديتوها المستشفى عشان تتاكد من تحليلها ؟
روان : وانت شاك فيها ؟
زيد : لالا بس ابي برائتها .
روان : لا ... وبعدين ( واسرعت الصورة ع عيونها الحلوة ) لحظة !
عبدالعزيز : خير ؟
روان : تحليل DnA ليش مافكرنا فيه ؟
قامت روان وطلعت من الغرفه على دخلة سارة
سارة : شفيها البنت ؟
عبدالعزيز : تبي تتصل على الغريبه وتقولها بخبر التحليل .
سارة : اي غريبه ؟
زيد : الضيفة الجديده .
سارة : اولا مو غريبه وثانيا هي بتقعد العمر كله عند خالتي نوريه .
عبدالعزيز : صدق ؟
سارة : اي .. بس لو اقولكم عنها البنت حبووووووبه مرة .
زيد : والله انا من بعد هدوله ماشفت وحده سكرة اللسان ( وطالع عبدالعزيز )
عبدالعزيز : الله يستر عليها .
سارة : المهم لو تتخيلون قديش تحب طليقها وااااااااااو .
زيد : نعم !
سارة : شفيك ترى هي الي تحب مو انا !
زيد : وبلله مثل حب جولييت لروميو ؟
سارة : وش روميو هي تحبه مووووت وماظنتي تتزوج .
عبدالعزيز : بس لازم تتزوج هذه سنة الحياة .
سارة : عاد اقنعها .. الي تحبه اسمه نايف تموت فيه موته مو طبيعيه ولو العامل حقنا سمعت بأسمه ندى
وربي ماتتركه لين تكرمه احلى كرم .
زيد : لهدرجة تحبه ؟
سارة : مررررة .
عبدالعزيز : المهم وصلت هدية بعض الناس !
سارة : اي وفرحت فيها مرة وبيني وبينك انت فتى احلامها !
زيد : معقول !
سارة : وليش لا ؟؟ وهي بعد لو فكرت فيها تناسبلك كفاية انها بنت عمك .
زيد : طيب شرايك تقولين لندى ان زوجك عزوز !
سارة باستخفاف : ندى تتزوج عزوز ؟
زيد : وليه ماتتزوجه ؟
سارة : ياريت تنسى نايف عشان تفكر بالزواج من واحد ثاني .
عبدالعزيز : وليه ماتفكر فيني ؟
سارة : البنت خاقه مع نايف طليقها شلون تفكر فيك ؟
عبدالعزيز : ووش ناقصني لحد ماتفكر فيني ؟ جمال ومنصب وسمعة حلوة .
سارة : والله مدري شقولك .. ترى مالك امل فيها .
وقامت
عبدالعزيز : وليه مالي امل ؟
سارة : لانك مو فتى احلامها ترى ياعزوز مو كل اصابعك وحده في بنت تتمناك وفي بنت ماتتمناك .
وتركتهم

عبدالعزيز بدى يفكر بالموضوع بس بعدها ماهتم فيه فقال احسن اشوف
الملفات الي عندي


3 
سكون الجو

الجزء3
ام طلال : الله لايبارك فيها هاللي ماتخاف الله .
ندى : ياخاله لاتزعجين يومك بسببها .
ام طلال : وحده ماخذه زوجك منك ولا والله فهمته انه فتى احلامك وتبين
اقولها زين ماسويتي !
ندى : ياخاله قلتلك لاتزعجين يومك بسببها .. البنت ماعبرت ولافكرت حتى .
( جالسين يتقووا بالصاله )
ام طلال : المهم ترى قلت لبناتي ياخذوكي للسوق ويشترولك لبس مرتب .
ندى : ليه ياخالتي ؟
ام طلال : حبيبتي صحيح انك مو بنتي بس انتي اقرب بناتي وبعدين انتي تعرفين
شجزاة الي يكرم اليتيم .
ندى : نسيت اني يتيمه والله نساني الوجع نايف بس ليه ياخذها ؟
ام طلال : اكيد لعبت بعقله ولا هالعاقل يسوي هالسواة .
ندى : لا متوقع هو يحبني .. بس ...... اكيد في شي هو مستحيل يسويها .
ام طلال : وبعدين ليه تفكرين فيه هو مافكر فيك ولا اتصل عليك ولا دور عليك ... تعورين راسك ليه ؟
ندى : لانه فتى احلامي بس ...
ام طلال : بس تركك وانتي بعد شوفي وجهك ولا احسك تهبلين بس هالمصيبة خلتك بنت عاديه .
ندى : لا ياخالتي مايحتاج بناتك يودوني للسوق .
ام طلال : ياندى ياقلبي شفيك المفروض تستانين لان فيه سوق ثياب خلاقين .
ندى : لا ياخالتي مابي اكلفك .
ام طلال : لاتني مكلفتن ولاشي .
اتصلت على لميس : الو .. ألبسي عباتس وودي ندى السوق .
سكرت ام طلال
طلعت لميس من الاصنصيل ... لميس : يمه وليه ماتقولين للخدامه ؟
ام طلال : انتي ازين من ذوق الشغالات وبعدين وشفيها لو وديتي ندى ؟
لميس : مافيها شي بس انا مشغولة .
ام طلال : مشغولتن بايش ؟
لميس : عندي بحث ابسويه .
ام طلال : طيب .
اتصلت على منال : الو .
دخلت منال من الباب وشافت الكل ... منال : السلام عليكم .
ام طلال : عليكم السلام من وين جايه ؟
منال : من عند سارة .
ام طلال : ووشلون عبدالعزيز ؟
منال : يمه الظاهر الي مشغل تفكيرتس فتى الاحلام مو ام عبدالعزيز .
ام طلال : اي والله انا اسميه حلم الامهات مو فتى الاحلام .
ندى : ياخاله انا الي اعرفه ان هالنوع البنات يموتون فيه مو الحريم الكبار .
لميس : عاد امي عجيبه تمدح فيه ليل نهار ليه مدري .
منال : اي والله دايما تمدح فيه المفروض تمدح بناتها عند امه مو تمدح الولد عند امه .
ندى : خالتي ههههههه من جدك ؟
ام طلال : اي لانوه هالسنع هالرجل الي الكل يهابوه والك حاسبنله الف حساب صحيح ولدي هيبته
موجوده بس عبدالعزيز الكل يحترمه ويحبه .
منال : ماما عاد مدحيني عند امه !
ام طلال : لالا انتي ماتنفعين .
لميس : يمه تقولينها بالوجه !
منال : لحظة بدل ماتمدحيني لأمه ليه ماتمدحين بعض الناس عند امه !
ام طلال : من تقصدين .
منال : ندوش .
ندى جتها مشاعر غامضه ... ماتعرف ايش نوعها
بدون ماتحس تركتهم وصعدت فوق غرفة منال
لميس : يالبه الي يستحون .
ام طلال : يستحون بوجهتس البنت زعلانه على مصيبتها وانتي تقولين يستحون .
لميس : اي وليه ماتفكر بعبدالعزيز ؟
ام طلال : البنت لها شهرين عندنا والحمد لله انها بدت ماتفكر فيه .
منال : ومن قال دايما تكلمني عنه .
ام طلال : المهم اهم شي عندي وناسة ندى وياويلكم تزعلونها تفهمن ؟
البنات : طيب .
ندى تبي تعرف وين بيروح مصيرها .. معقولة تكون لشاب ثاني غير نايف ! ... مستحيل
هالشي يصير انها ماصدقت تلقى نايف بس للاسف طار .
قامت وفكرت بشي .. فكرت تتصل وتشوف حال نايف يمكن ماتزوج ..
اتجهت لتلفون لميس واتصلت على البيت بس مايرد احد .. اخذت جوال منال
واتصلت على اختها اسيل
ندى : اسيل شلونك ؟
اسيل بالحوش وتراقب وضع البيت : انتي شتبين ؟
ندى : شفيك اسوله انا ندى .
اسيل : ادري ليه داقه ؟
ندى : وش الي ليه ابعرف نايف تزوج ولا لا تزوجتي ؟
اسيل : نعم !
ندى : شفيك تقوليها ببرود ؟
اسيل : حبيبتي اولا انا مو اختك ومتبريه منك من بعد السالفه .
ندى : انتي تدرين اني مظلومة ولايمكن اطلع مع واحد .
اسيل : عارفه .
ندى : اسيل في شي ؟
اسيل : حبيبتي الي تحبينه طار فوق السماء ومع بنت تعرفيها كويس .
ندى : حبيبي طار فوق السماء ! .. مستحيل يتزوج غيري .
اسيل : ومن قال ترى الرجال يشوف الناس ومن حقه يتزوج حابسته ليه .
ندى : اسيل قوليلي من الاخر شسالفه ؟
اسيل : ياقلبي زوجك طلع من القفص الذهبي حقك ودخل فقفصي الفضي يعني لاتزعجين العشاق
روميو وجولييت لانك ماتصلحين تكونين جولييت .
جت العاصفة القاتله لندى وعلى طول طاحت فالارض
لميس دخلت مع منال : تدرين والله ياليت لو تاخذ عبدالعزيز وربي بفرح في.....
وخافوا لما شافوا ندى طايحه بالارض .. منال : ندى !
وحاولوا يصحوها بس البنت في سابع اغماااااااااااااااااء
لميس : حبيبتي ندى شفيكي ؟؟؟
منال : ندوش اصحي .. ندى .. ندى .
لميس لاحظت جوال عند ندى .. اخذته وشافت متكسر .. لميس : هذا جوالك ؟
منال : لا .
لميس : البنت طايحة فالارض والجوال معها .. لحظة خليني اشوف الي بالي صدق ولا لا .
لميس شافت اخر مكالمات وشافت رقم غريب : رقم غريب ! تتوقعي على من تتصل ندى ؟
منال : مافي غير عايلتها .
لميس : لحظة اولا خليينا ندبر البنت .
وشالوها للمستشفى
ام طلال : ابفهم بنيتي شجرى فيها ؟
منال : ي ماما والله مو عارفه انا مثلك موفاهمه الا انها فحالة اغماء .
ام طلال : الله يستر عليكي يابنيتي .
اتصلت ام عبدلعزيز على البيت
الخدامه نيرمين ردت : الو .
ام عبدالعزيز : ام طلال موجوده ؟
الخدامه نيرمين : لا المدام بالمستشفى .
ام عبدالعزيز : وخيتي بالمستشفى شفيها ؟
الخدامه نيرمين : مش المدام الضيفة الجديده ندى .
ام عبدالعزيز : ووش فيها ندى ؟
الخدامه نيرمين : فقدت الوعي ونقلوها ع المشفى .
ام عبدالعزيز : اغمى عليها ! طيب مع السلامة .
سكرت واتصلت على ام طلال بس ماترد
ام عبدالعزيز : اكيد حاطه جوالها ع الصامت .
نزلت هيا : هاي .
ام عبدالعزيز : يازين سلام المسلمين !
هيا : يوووووه ماما ترى دايما اغلط فيها وانتي ذكريني فيها
ام عبدالعزيز : اي من تأثير هالانقليزيات الي مخاويتهم كل اسبوعين .
هيا : ماما شفيكي موترة ؟
ام عبدالعزيز : ام طلال عمتك افكر فيها .
هيا : حبيبة العمر ؟
ام عبدالعزيز : اي .
هيا : طيب روحي لها .
ام عبدالعزيز : مو في البيت .
هيا : طيب اتصلي عليها وواعديها .
ام عبدالعزيز : هي بالمستشفى .
هيا : ليه عسى ماشر ؟
ام عبدالعزيز : مو هي البنت الجديده .
هيا : ندى شفيها ؟
ام عبدالعزيز : لقوها مغمى عليها ونقلوها للمشفى .
هيا : وليه اغمى عليها ؟
ام عبدالعزيز : عااد هذه مهمتك اتصلي على لميس وافهمي منها السالفه .
هيا : اوك .
طلعت من البيت واتجهت للحديقة واتصلت على لميس ... هيا : السلام عليكم .
لميس : وعليكم السلام .
هيا : لموسه صوتك مو عاجبني !
لميس : اختنا ندى تعبانه .
هيا : سلامات شفيها ؟
لميس : مدري الطبيب للحين ماطلع وقاعدين ننتظرة .
هيا : ماتشوف شر ان شالله .
لميس : الشر مايجيك باذنه تعالى .
هيا : طيب وماقدرتوا تتوصلون لشي يدل على انها مغمى عليها بسببه ؟
لميس : الظاهر كانت تحكي بالموبايل واغمى عليها .. يمكن سمعت خبر .
منال انتبهت للجمله : سمعت خبر ! ( وتذكرت تغزل ندى بنايف )
منال : الا اكيد سمعت شي عن نايف !
لميس : ايش !
طلع الدكتور
ام طلال : دكتور طمنا !!
الدكتور : والله مدري شقولكم احنا فحصنا الحاله والظاهر ان سبب طيحتها انها سمعت خبر
محزن خلى يغمى عليها لمدة طويله .. الاعصاب عندها تلفانه والي أكد كلامي ان هرمونات
الاكتئاب عندها عاااااااليه جدا .. وين امها وابوها ؟
منال
" لو تدري كان تقول ملومها ! "
ام طلال : والله البنت ضايعة وانا حاظنتها جوى بيتي .
الدكتور : فيكي الخير .. ماتشوف شر .
ام طلال : الشر مايجيك .
ام طلال : ياويلي على بنيتي .. ياويلي وش الي جرالك .. ابفهم انتم شقلتولها غير الكلام الي بالصاله ؟
لميس : والله ماقلنالها شي انا ومنال صعدنا نعلق على عزوز وفتحت غرفة منال ولقيت البنت طايحة .
منال : يمه اكيد سمعت خبر عن نايف .
ام طلال : نايف !
منال : ايه .. لما نكون لحالنا دايم تتكلم عن نايف قدامي وتتغزل فيه واكيد سمعت خبر شين عنه
وصار الي صار .
ام طلال : هي للحين متعلقة فيه ؟
منال : والكلام الي سمعتيه منها لما ربطناها بعبدالعزيز يدل على كذا .
ام طلال : الله يستر عليكي ياندى .. شاللي بيجرالك بعدين .
منال : ماما موصاير الا كل خير .
ام طلال : اتمنى البنت من لما شفتها دخلت قلبي وقلت الحمد لله ان الله جابها ببيتي عشان
ادللها وارعاها .
لميس : ماما يعمي حنا طايحات من عينك !
ام طلال : مو قصة كذا بس انا اعجبت فيها اعجبت فيها اعجاب مو طبيعي وماودي يصير فيها شي .
طلع عبدالعزيز من الاصنصير وشاف امه لابسه عباتها ... عبدالعزيز : يمه
على وين العزم والدنيا ليل ؟
ام عبدالعزيز : بروح للمستشفى .
عبدالعزيز : ليه ؟
ام عبدالعزيز : خالتك ام طلال موجوده هناك وودي اوقف معها بطيحة البنت الغريبه
يله فمان الله .
وطلعت
عبدالعزيز : ندى بالمستشفى !
ــــــــــــــــــــــــــــــــ
ام طلال في الغرفة : ندى .. اصحي ... حبيبتي .. ( لمست شعرها ) عيوني ..
قلبي ... وش الي صار فيكي ؟ .. مين الي مسببلك هالحاله ؟
منال تسولف بالجوال بغرفتها : انا اتوقع كذا .
سارة : وزين ماخرب جوالك عاد توووه جديد .
منال : اي والله بس لو خرب مازعل منها .
سارة : الله الله ع المحبه ياناس .
منال : صحيح مالي الا شهرين بس معرفتي بندى كنهم سنين .
سارة : هذه خاطرة !
منال : عاد البنت مدري متى بتصحى .. يمكن بعد شهر شهرين على حسب الاعصاب .
سارة : يالللله لهدرجة تحب نايف ؟
منال : تحبه مثل محبة البنت لباقة الورد .
سارة : طيب وانتم فهمتوا منها شاللي صار ؟
منال : لا البنت منومة .
بعد عده اسابيع على شروق وغروب الشمس
فتحت عيونها المملوحة وشافت الممرضة قبالها
الممرضة : الحمد لله على السلامة .
ندى اكتفت بابتسامه : وين ماما نوريه ؟
الممرضة : هلا بتصل فيها .
فوقت العصر
ام طلال دخلت : الحمد لله على السلامة يابنيتي والله توها ماحلوت الغرفة .
ندى : محلوة بوجودك ماما نوريه ( وسكتت )
ام طلال : جبتك النسكافيه الي تموتي فيه ( لاحظت حزنها )
ام طلال : ندى شفيكي ؟
ندى بعبرة : ماما نوريه ...
ام طلال قربت وحظنت ندى : شفيكي ؟
ندى فجرت الصياح الي مو طبيعي والي خافت ام طلال منه
ام طلال : حبيبتي شاللي صاير ؟؟؟ قلبي شفيكي ؟؟
وبدت تونون واهات وعبرات منها والي خلت ام طلال تبكي
ندى : اااااااااااااااه يايمه ااااااااااااااااااااااااااااااه
ندى : ياربيييييييييييييييي انا مالي غيرك .. ياماماااااااااا( وطاحت بحظن ام طلال )
ام طلال : ندى شفيكي ؟؟؟ حبيبتي ؟؟؟
ندى : يمااااااا اختي تزوجت نايف اختي خذت فارس احلامي مني ( وطاحت بحظن ام طلال )
ام طلال مفجوعة : وشو ! لا حول ولا قوة الا بلله ... من قالك ؟
ندى : اتصلت عليها وقلتلها شصار عليكم قالت انك غلط تكونين جولييت لروميو انا المفروض
اكون جولييت لحبيبك روميو .
ام طلال : ايش ! ... اياللي ماتخاف الله ! .. معقولة تاخذ زوجك منك !
دخلوا البنات منال ولميس
منال : ماما شفيها ندى واصل صوتها لاخر الممر ؟
ام طلال : لحقي ع المصيبه !
لميس : الله لايدفع البلى شسالفة ؟
ندى : لميس اختي خذت فارس احلامي مني ... اختي سرقت نايف ( وبدت تضرب نفسها )
لميس : ها !
منال : لا حول ولا قوة الا بالله .
مر ع الوقت ساعتين وندى تبي تروح الحمام ( الله يعزكم )
ندى : يمه ابيكي توديني للحمام ؟
ام طلال : لحظة ابضغط على زر الممرضة .
وجت ندى بتقوم والا المصيبه الثانيه
ندى مصدومة : شفيها رجولي ! .. ماما .. رجولي !
لميس انتبهت
منال قامت : ندى حركيها عادي .
ندى : مو احركها بس موراضيه تتحرك .
وبعد عدة محاولات عرفت انها
مشلووووووووووووله
ندى : يعني شلون ! .. مامشي ابد ؟
ام طلال : لا اسم الله عليكي حركيها مظبوط .
ندى وبعد عدة محاولات ثانيه
ندى : يمه ماتتحرك !
ام طلال : ليكون انشليتي !
ندى : ايش !


4 
سكون الجو



الجزء 4



ام طلال حاظنه ندى : يابنتي .. ابقولك على حاجة حطيها ببالك .. ان الله سبحانه
المولى اذا احب عبدا ابتلاه .. بيشوف صبره .. تحمله لكل مصيبه
ندى تسمع وتفكر
ام طلال : ومو بس كذا حبيبتي كمان ربك سبحانه وتعالى اذا خذى منك اغلى ماقلبك
حيكرمك بمخلوق اجمل منه .
ندى قاطعتها : ايش !
ام طلال : اي يانور عيوني .
ندى : مافهمت !
ام طلال : ربك جل علاه لما بياخذ شي انتي تحبيه حيهديلك غرض اجمل منه بكثير .
ندى : يعني اخذ مني نايف !
ام طلال : طبعا .
ندى : بس هذا فتى احلامي !
ام طلال : وربك اخذه منك .
ندى تفكر
ام طلال : ولاتقولي ليه ؟؟؟
ندى تناظرها بعين مستفهمه
ام طلال : اي حبيبتي الي خلق نايف يقدر يخلق اجمل من نايف وربك مو عاجز
انه يهديكي فتى الاحلام .. مو عاجز !
ندى تفكر فكلامها
ام طلال : حبيبتي اذا ربك سحب نايف فيعطيكي الي اجمل من نايف .
ندى بقهر : ومن ؟
ام طلال : العلم عند الله بس انا متاكده انه بيكون احسن منه واجمل منه وبيكون بمواصفات
اجمل من نايف بمليون مرة .
ندى تفكر فكلامها
ام طلال
" تمنيت من ربي انه يعوضك بولد صاحبتي عبدالعزيز الي كل بنت تحلم فيه "
انفتح الباب ودخلت ام عبدالعزيز : السلام عليكم ورحمة الله وبركاته .
ام طلال : وعليكم السلام ورحمة الله وبركاته .
ام عبدالعزيز : شلون بنتنا ؟
ام طلال : بخير اليوم الطبيب طمنا ان حالتها استقرت .
ام عبدالعزيز : شلونك ندى ؟
ندى تطالع فيها بنظرات غامضه ورجعت بحظن ام طلال وبكت بكاء يرحمها اي مخلوق
ام عبدالعزيز : شفيها ؟
ندى من القهر طلعت الي بقلبها : راح فتى احلامي .
ام عبدالعزيز : راح فتى احلامك !
ام طلال : كانت متزوجه وبعدين تطلقت وحبت تعرف اخر اخبار طليقها يمكن في امل ترجله
خاصة بعد ان حست انه فتى احلامها بس اكتشفت انه خذى اختها .
ام عبدالعزيز انصدمت : ايش !
ندى تصارخ : خذت فتى احلامي مني خذت فتى احلامي مني ( ورجعت لحظن ام طلال )
ام عبدالعزيز : معليه بنتي اهم شي صحتك .
ندى : ياخاله تخيلي بنتك اختها خذت فتى احلامها شبتسوين !
ام عبدالعزيز سكتت
رجعت ندى لحظن ام طلال بدت تبكي بكاء يرحم اي مخلوق .

ـــــــــــــــــــــــــــــــــــــــ

في السيارة

هيا تتكلم بالجوال : والله مادريت الا امس .. بس ابشوفلها واطمن عليها .
لميس : بس تكفين ابيكي تواسيها ولاتذكريها بنايف والله ان ذكرتيها بتزداد حالتها
للاسوء .
هيا : حنا بنحاول اننا مانحسسها ان وحيده وانشالله مايحصل الا كل خير .
لميس : اي تكفين نبيها تكون مبسوطة .
عبدالعزيز يسمع هالكلام من البنت الي شاده تفكيرهم
هيا : ألتقيك في بيتكم مع السلامة .
وسكرت
عبدالعزيز : اي بنت بالمستشفى ؟
هيا : البنت الجديده الي ساكنه ببيت ام طلال .
عبدالعزيز : ندى .
هيا : اي ... هي متزوجة واحد اسمه نايف .
عبدالعزيز : ادري بس ليش هي بالمستشفى ؟
هيا : الي فهمته من بنت عمي انها سمعت خبر عن نايف وعرفت انه متزوج اختها والي قهرها ان
نايف فتى احلامها وطاحت عليهم وودها المشفى وفوق هذا انشلت .
عبدالعزيز : انشلت !
هيا : الله يكون بعون البنت .. عاد خالتي تواسيها تقول اذا ربك خذى منك غالي فبيعطيكي واحد اجمل منه
واكيد بيتفوق عليه بمواصفات حلوة بس هي وش بيفهمها بهالكلام .
فتحت باب السيارة : اسمع انا بتأخر انت روح .
بعد ماراحت بدى عبدالعزيز يفكر بالبنت الغريبه .. البنت الي طاحت وانشلت لجل شاب
.. قصة نادره بهالزمن معقولة للحين في كذا حب "
عبدالعزيز
" اذا ربها خذى منها فتى احلامها في فتى احلام اجمل منه .. ليه مايكون الاجمل انا ..
ليه لا انا وش ناقصني .. "
عبدالعزيز ابتسم
" هديل الي كانت ميته فيني مدري ليه ماعجبت فيها ولااهتميت بمشاعرها لما كانوا يدورونلي ع بنت
تكون زوجتي .. معقولة ندى تكون شريكة حياتي .. لالا متوقع هي مجرد فتاة بسيطة "
حرك السيارة ومشى
الخدامه رند جت لأئيسة الخدم : سميه .
رئيسة الخدم : شو ؟
الخدامه رند : بدي احكيلك على سر بيطير قلبك قبل عيونك .
الخدامة سميه : شو ؟
الخدامه رند : البنت الي اسمها علا بتحب عبد العزيز بيك ومخططه تتجوزوه .
الخدامه سميه : رند هلا معقولة كل هالحقد لعلا ؟؟؟ من شان موقف قلبتي الدني عليها ؟
الخدامه رند : ازا مابتسدقيني اسئليها .
الخدامه سميه : مارح اسئلها لاني بعرف اخلاقها منيح ويله روحي على شغلك قبل مبفش خلقي فيكي .
الخدامه رند لما تركتها راحت لغرفتها وهي حاقده على الخدامه علا
كان بينهم شجار قديم بخصوص التنظيف
الخدامه رند : لكان سميه مبتصدقني من شانك ياعلا خانوم ... اذا مافضحتك قدام ام عبدالعزيز مابكون
رند بنت اسعد .

طلعت من بيت ابو زياد وراحت لبيت ام عبدالعزيز ... طلعت من السيارة وشافت في الحديقة
خوات عبدالعزيز
الخدامه رند : السلام عليكون .
الكل : عليكم السلام .
روان : شجابك ؟
طبعا روان من كثر الخدم ماحفظت اساميهم حتى متعرف اشكالهم الا بالزي الرسمي لهم
الخدامه رند : انا من بيت ابو زياد بيك وبدي اخبركون على سر خطير لخيكون عبدالعزيز بيك .
جت ام عبدالعزيز واستغربت وجود الخدامه رند للبنات لانه من النادر ماتلقى خدامه عندهم
هيا : بأخوي عبدالعزيز شفيه ؟؟؟
الخدامه رند : هوي فيه كل خير بس لما تخبروا مدام ام عبدالعزيز عنوه .
سارة : قوليلي شفيه اخوي ؟
الخدامه رند تبي تنتقم : صبيه من خدم ام طلال حاطه عينها على عبدالعزيز بيك وبدها تخططلوه لتتجوزوه .
هيا : ايش !
روان : كيف عرفتي الخبر ؟
الخدامه رند : سمعتها من لما كانت تنظف الاشجار الي بالبيت .
سارة : معقولة !
ام عبدالعزيز بهيبة ملكه : عندك دليل يثبت هالشي !
الخدامه رند توهقت ماعندها ولا دليل : ها ! ... لا بس انا متأكده .
ام عبدالعزيز : كيف ماعندك دليل وانتي جايه هنا لبيتي وتتهمي خدامه المفروض تكون اختك بدل عدوتك ..
وعلشان ماضي قديم مانسيتيه للحين فيكي الحقد عليها ؟
الخدامه رند : والله يامدام .......
ام عبدالعزيز : روحي .. واذا جيتي هنا عشان توزعين اتهامات جيبي شي يثبت مو تعملي هالحركات .
الخدامه رند سكتت
ام عبدالعزيز : ترى لو غيري بيضرك 100% بس انا حابة استر عليكي يله روحي .
الخدامه رند : انا اسفه .
وتركتهم ودخلت السيارة وهي تفكر بهالموقف الي مدري شلون طلعت منه
بس مصممة انها تجيب اي اثبات

ــــــــــــــــــــــــــــــــــ


دخلت ام طلال البيت : هلا والله بحبيبتي ونور قلبي والله توه مانور البيت .
ندى : منور بوجودك ماما نوريه .
ام طلال : الحمد لله طلعتيلنا متعافيه صحيح الشلل معك بس ولو لاتفقدي املك بلله .
ندى : والنعم بلله .
وودتها للصاله وكان في الصاله لميس ... لميس : هلا والله بحبيبتي وقلبي .
ندى : هلابك لموسه .
لميس : لا وجهك يهبل اليوم صحيح مافي مكياج بس بتبقي مملوحة .
ندى استحت : شكرا .
ام طلال اتصلت على رئيسة الخدم : الو .... مناهل تعالي وانتي والخدم الي معك .
لميس : ها يمه .. ليش ؟
ام طلال : شوفي يابنيتي انا من بعد مانشليتي ابخلي وحده من هالخدم تقوم بواجبك .. صحيح اني بتفقدك
كل اسبوع بس مقدر عليكي كل يوم فبخلي وحده منهم تقوم فيكي تطبخلك وتساعدك على
الشور وكمان توريكي على البيت .
ندى : يعني مارح اشوفك ؟
ام طلال : قلبي بتشوفيني بس مو كل يوم .
ندى : اوك .
طلعت رئيسة الخدم مناهل ومعها شلة خدم .... الخدامه مناهل : أمريني مدام .
وحده من الخدم لما وقفت طاحت عيونها على ندى وطالعتها باعجاب لامثيل له
ندى مستغربه هالنظرة
ام طلال : شوفي مناهل بما انك عشرة معهم وعارفه اخلاقهم وعملهم ابيكي تختاري من
من الي تصلح تقوم بواجب ندى .
الخدامه مناهل : بعيد الشر بس نحنا موزعين الشغل .. كيف بدنا نعبي المطرح ؟
ام طلال : الله مكثر الخدم بس انتي اختاري وحده منهم تقوم فيها .
وكلهم انتبهوا لكلمة الخدامه علا : انا .
كل الي بالصاله استغربوا هالاهتمام المخفي
ام طلال : من انتي ؟
الخدامه علا : انا الخدامه علا بشتغل منظفة لأجهزة الرياضيه تبع الشباب الخواجه وكمان معي مجموعة .
ام طلال : وكم عددهم ؟
الخدامه مناهل : 8 .
ام طلال : اي مايعوق الشغل عن 7 ... خلاص انتي الي بتعتنين بندى .
الخدامه علا : بعيوني مام .
ام طلال : مستغربه هالحب
ام طلال : خلاص خذيها .
وراحت بكل ادب وسحبت كرسيها
ام طلال : خلي مناهل توريكي غرفتها وكل شي يلزمها .
طبعا مناهل قالت لعلا كل شي وعن تفاصيل عيشتها مع ام طلال
دخلت الخدامه علا مع ندى وسكروا الغرفة وقعدوا مع بعض
الخدامه علا : هاي اوضتك ؟
ندى : اي .
الخدامة علا : انا علا .. بعيش بالاردن سورية الجنسيه إلي زمان بشتغل هون راتبي 8 ريال ...
عزباء هلا عم بدور فتى احلامي وانشالله الي بالي يتحقق .
ندى : والنعم فيكي ... تصدقين اني حبيتك من اول تعارف ؟
الخدامه علا : انا حبيتك من اول مافتي لعنا .. قلت هاي انسانه مش عاديه اكيد فيها
شي حلو وبتشرف اني بكون رفيقتك قبل المرافقة تبعك .
ندى : انتي فعلا صديقتي وبتمنى اني اكون اختك .
الخدامه علا : ندى ؟
ندى : ايش ؟
الخدامه علا : معليش بدي اضايقك بس بدي اعرف من نايف الي حبيتيه ؟
ندى سكتت بكل هدوء


5 
سكون الجو



الجزء 5



ندى : وانتي ليه تسئليني هالسؤال ؟
الخدامه علا : لاني وقعت بقصة حب .
ندى : طحتي بقصة حب !
الخدامه علا : اي ... وبدي اعرف حكايتك .
ندى : ومن حبيتي ؟
الخدامه علا : بحكيلك بس ماتخبري حدى ؟
ندى : من ؟
الخدامة علا : بالاول اوعديني .
ندى : وعد بس مين ؟
الخدامه علا : عبدالعزيز بيك .
ندى بصدمة : انتي صاحيه ؟؟؟؟ تحبين واحد مو قدك ؟؟؟
الخدامه علا : مو انا سمعت من الانسات الصغيرات لميس ومنال انهون بيلمحوكي أيلوه .
ندى : يمزحن ... علا ترى هالكلام خطير وبعدين تزوجي واحد بنفس لغتك .
الخدامه علا : هيك بتفتكري ؟
ندى : اكيد كذا بتتخلصي من مشاكل العايلة وبعدين انتي شفتي مستواهم كيف .
الخدامه علا : امبلا شفت بس هوي ....
ندى : نصيحة لاتربطين حالك بذولا نصيحة ياعلا .
الخدامه علا : معك حق ... المهم شورايك لو ناخد دوره ع الجنينه ؟
ونزلوا للحديقة
الخدامه علا : اهلا بك في جنة الله في ارضها .
ندى : هلا بك ( وبهول ) وااااااااااااو
وش تشوف ! .... حديقة بمعنى الكلمة ... اشجار صاحيه وزهور من جمالها تلمع
من ضوء الشمس ونافورة حلوة وجلسات نظيفة بيضاء
ندى : مين ينظفها ؟
الخدامه علا جلست : الي بيستلمها تاله بس الخبيرة بالزهور والحدائق رند .
ندى : يسلام ... حتى عندكم خبيرة زهور ؟
الخدامه علا : اكيد .. اصلا البيك بدوه الحديقة بععقد .. تاخذ العقل متل مبتحكوه .
ندى : غريبه طويل العمر يهتم بالحديقة ! .. نادر ماسمعها بين الشيبان .
الخدامه علا : البيك بدوه البيت على احلى اطلاله ومرتوه كمانه ... انتي ماشفتي وجهوه لما شاف الحديقة فيها
غبار شو ساوى ايييي بتكرهي حالك .
ندى : يعني معقولة المعزب يحب الزهور ؟؟؟ زين في رجال رومانسيين .
الخدامه علا : حبيبتي هني كتار بس متزوعين بالكرة الارضيه .
ندى : اي متزوعين ... انا اتفق معك بهالكلمة ... تعالي انتي وش شغلتك قبل ماتكونين مرافقتي ؟
الخدامه علا : نسيتي كنت منظفة الاجهزة الرياضيه تبع الشباب .. طلال وبندر .
ندى : وكيفهم ؟؟ شفتيهم ؟؟
الخدامه علا : اي .. طلال حليو وبندر مملوح .
ندى : وتعرفين مملوح بعد .
الخدامه علا : صرلي 12 سنين بهالبلد وتنقلت من امارة لأمارة .
ندى : ووين اشتغلتي قبل هالبيت ؟
الخدامه علا : بالدمام وهوني وبالجنوب .
ندى : ووش احلى اماره ؟
الخدامه علا : نحنا مانتخير ع الامارة بنتخير على العيلة الي بنشتغل فيها .
ندى : وعايلة ابو طلال شلون شفتيها ؟
الخدامه علا : منيحه الخواجيات دلوعات كتير بس غريبه حبوكي !
ندى : وليه مايحبوني ؟
الخدامه علا : لانك على طبيعتك والي بيرافقهون لازم يكون من نوعهون .
ندى : طيب ابي اعرف من خقيتي عليه من الشباب ؟
الخدامه علا : نسيتي اني قلتلك عبدالعزيز بيك ؟
ندى : طيب غيره ؟
الخدامه علا : واحد بناديلوه نواف .. مش من العيلة .
ندى : وغيره ؟
الخدامه علا : اممم مافي حدى كلياتهون مش على ذوقي .

ــــــــــــــــــــــــــــــــ

ابو طلال بالشركة يشوف بعض الملفات بمكتبه .. دخل ابو عبدالعزيز : السلام عليكم .
ابو طلال بضيقه : هلا بابو عزوز ... من وين جاي ؟
ابو طلال : جاسم ... شفي نفسيتك كذا ؟؟؟ هذا وانا اغلى خوي لك !
ابو طلال : والله يابو عبدالعزيز مدري شقولك ... ولد القهونجي حقي ابو زيد متعبني .. وابوه مشتكيلي
منه ... وابو غالي على قلبي هو من ريحة جيراني بحينا الاول .. والحين قاعده افكر فيه ومولاقيله حل .
ابو عبدالعزيز : طب هو وش مشكلته ؟
ابو طلال : مصادقله ناس مايخافون الله ... وابوه وده يبتعد عنهم بس هو مطنش وغير كذا يشرب .
ابو عبدالعزيز : لا حول ولا قوة الا بلله .. مصيبه .
ابو طلال : مصيبتين وفوق كل هذا طلال مشتكيلي منه ... يقول مرسلي وحده من هالمغزلجيات حقاته
يعملوا معي مشكله .
ابو عبدالعزيز : هذا لازم يوقف عند حده .
ابو طلال : هذا يسمع الكلام ! ... طلال ولدي حذره بس مامنه فايده .
ابو عبدالعزيز : ولايهمك اكلم ولدي عبدالعزيز يعقله .
ابو طلال : ماقدر عليه ولدي بيقدر عليه ولدك !
ابو عبدالعزيز : لاتخاف ولدي رجال وله كلمة اصلا الموظفين الي عنده منضبطين بسبب انظمته الجادة
وهيبته القويه .
ابو طلال : يله خلنا نشوف وش بيصير .
ابو عبدالعزيز : طب عطني رقم جواله وانا اخلي زيد يجي لبيتنا .
ابو طلال : طيب .. اكتب الرقم .

ــــــــــــــــــــــــــــــــــــــــ


في بيت ابو عبدالعزيز الي كله فخامه

سارة وروان وهيا وام عبدالعزيز عند الحطب لانه الجو شوي بارد
روان تعدل الجمر : والله ماتوقع ان هذا يعقل .
سارة : وليش مايعقل ؟؟ ياما في ناس لهم وسيلة خاصة بس حنا لازم ندور عليها .
روان : شوفي الكايده تعقل بس هذا مستحيل نو ويه .
ام عبدالعزيز : والله مدري شفيه الولد ابوكم اتصل فيني وقال بلغيه يجي للبيت بكره ولا ينشغل
بالمحلات .
هيا : الحين ليش عبدالعزيز يستلم المهمة ليه مو زياد ؟
ام عبدالعزيز : اخوي خبرة بهالمواقف ويقدر يدبرله ألف دبارة مه الصايع ... بس ياخوفي على ولدي
منه ... اعرفه هو كايد .
روان بنص عين : نعم ! ... هههيه ولدك ياقلبي يرعب بلد بحالها اسئليني انا عنه ... ياما شفت سواد
الليل منه .
ام عبدالعزيز : والله يابنتي اتوقع ماسوالك الا الي المفروض ينسوالك من زمان ... لسانك الطويل
ماقصه الا عبدالعزيز الله يخليه لي هو الي عقلك عن السفرات الي الله يعلم شفيها هالسفرات .
روان : ماما شقصدك بهالكلام ؟
ام عبدالعزيز : قصدي هالهبال الي انتي وخوياتك فالحات فيه ولا الشاطرة فيكم هيا الله يوفقها ويستر عليها .
روان : هيونه ليكون انتي الي مشوه سمعتي عند ماما !
هيا : انا اصلا انا ماعرفك قبل تعقلين من السفرات .
روان : ماما شفيكي ترى والله السفر وناسه خاصة مع صحباتك .
ام عبدالعزيز : السفر وناسه وناسه لكن مو ناسه مع بنات الله يعلم باخلاقهم .. ياحلاة السفر مع الاهل
مريح للاب وللام .
وجاء عبدالعزيز : اشوفكم ملتمين حول الحطب .
سارة : اي والله وناسه من زمان مالتمينا حوله .
عبدالعزيز : ولا ومسويين كيك الي احبه .
ام عبدالعزيز : اكله حبيبي بالعافيه على قلبك .
روان تقلد امها : اكله حبيبي بالعافيه على قلبك .. وحنا الله يعلم بالحال !
ام عبدالعزيز : بدينا بالغيرة ياروانوه !
روان : ايه ! الام ام والبنت بنت ... ماتحسين بالجرح يايمه .
هيا : بالعكس روان انا عمري ماغرت منه لانه يفهمني وافهمه .
روان : وانا ليش مافهمه !
ام عبدالعزيز : اسمع ياولدي ترى ابوك اتصل فيني قبل شوي وقال انه بيرسل زيد
ولد القهونجي حق ابوك .
عبدالعزيز : انا لله وانا اليه راجعون وماقال وش يبي ؟
ام عبدالعزيز : الا يقول انه يبيك تكلمه وتفهمه وان هالعمل الي يسويه مو شغل رجال وانا
تربينا على قيم وعادات .. ويبطل حركات المراهقين الي مالها داعي .
عبدالعزيز : ياربي روان عقلت وهو ماعقل ... طيب عطاك رقمه ؟
ام عبدالعزيز : اي .

ـــــــــــــــــــــــــــــــــــــــ

طلعوا الثنتين من الاصنصير
الخدامه علا وندى
واتجهوا للصاله والوقت عصر ودخلتها وثبتت الكرسي
الخدامه علا : ندى ازا بدك شي رنيلي ع الموبايل .
ندى : اوك .
راحت
ندى تتأمل الصاله وشافت ترمس القهوة والشاي فحبت تتقهوى .. شربت وشافت
الخدم ... عليهم طلة حلوة غريبه ابو طلال ماانتبه لوحده منهم .. كويس ان ام طلال ماليه عليه قلبه
دخلت ميسون وانتبهت للبنت وتذكرتها : السلام عليكم .
ندى : عليكم السلام .. شلونك ؟
ميسون : انا طيبه ... لاااااا وجهك قمر اليوم .
ندى استحت : الحمد لله عديت الازمة .
ميسون : بس انا مستغربه لما جيتينا في البر ماكنتي مشلوله .. تعرضتي لحادث ؟
ندى : لا بس حصل معي ضرف وتأثرت فيه نفسيا وصار الي تشوفينه بحالتي .
ميسون : الحمد لله على سلامتك .
ندى : الله يسلمك .
ميسون : روان وينها ؟
ندى : يمكن تلقيها فغرفتها .
ميسون : اوك .
طلعت ام طلال من الاصنصير وشافت ميسون .. ام طلال تسلم ع الطاير : اهلين بنتي .
ميسون : اهلين خاله ( ودخلت الاصنصير )
ام طلال شافت ندى بالصاله
ندى : اللهم صلي على محمد .. قمر ياخالتي .
ام طلال : تسلمين حبيبتي .
ندى : تقهوي .
ام طلال : عاد القهوة من يدك عسل .
ندى : من ذوقك حبيبتي .
ام طلال : البنات ماتصلوا عليك ؟
ندى : الا يقولون بعد نص ساعة نجيك .
ام طلال وبتاخذين علا معك .
ندى : اكيد لو لا الله ثم علا ماتسنع صح .
ومدت ندى الفنجال لأم طلال
ندى : خالتي .
ام طلال : ندى انا احب اسمع ماما نوريه من لسانك .
ندى : وخالتي !
ام طلال : كلهم حلوات بس الاولى تدل التقدير لكن الثانيه ماما نوريه تحسسني اني ام ل3 بنات مو بنتين .
ندى : طيب . . ماما نوريه .
ام طلال : هلا .
ندى : عليكي خدم صراحة حلوات ليه مقعدتهم عندك بهالبيت وخاصة ان رجالنا عينهم ماتشبع .
ام طلال : عمك ابو طلال يبي كذا .. وهو متعود على اسلوب امه .. امه اردنيه من عايله راقيه الله يرحمها
وعودته ع الاتكيت .
ندى : بس وربي جذابات .
ام طلال : تبين الصراحة يجيب عربيات ولا يجيب امريكيات .
ندى : وبعد امريكيات !
ام طلال : ايوه حبيبتي ابو طلال متعلم السناعة والذوق من صغره صعب اغيّر عادته .
ندى : بس ماكلمتيه عنهم ؟
ام طلال : لا ومابي افتح عينه عليهم وخاصة انه مايجي الا بوقت الغدى والعشى والنوم ونادر مايلقاهم
بوجهه ومايشوفهم الا بوقت الاكل عشان يفتحونله الصحن .
ندى : خالتي احسك متواضعه .
ام طلال : نصيبي اتزوج صاحب ذوق شسوي .
ندى لما سمعت هالجمله منها تذكرت نايف
" وانا نصيبي اني افارق نايف "
وجت سطره ناريه لخد زيد وبعدها زيد ناظر لعبدالعزيز نظرات بداية لأصلاح
عبدالعزيز : اشوفك تطاولت على ابو طلال وصار الوضع عادي عندك .
زيد : مو انا مو متعدل بالدراسه شسوي يعني .
عبدالعزيز : اسكت !
زيد : اي وليه ؟
عبدالعزيز مسكه مع رقبته : عمي له سنين وهو يعاني منك وانت للحين ع الحركات ياثور .
زيد : انت وش تبي ؟؟ كيفي هذه حياتي .
وجاه كالكف الي كسر وجهه
البنات كلهم تجمعوا بيسمعون الهوشة واستغربت ندى هالصراخ المخيف جا منين !
وجرت كرسيها تبي تشوف
جت علا تبي تشوف الموقف اصلا كل الخدم بيشوفون المشهد المرعب
زيد : وبعدين انت عايشن بين خدم وحشم وغيرك الله يعلم بحاله .
عبدالعزيز : انطم الي يسمعك يقول ابوي مقصر عليك بشي وعمي ابو طلال مقصر عليك
بشي والاهم وهو ابوك ماعطاك وجه ولا انتبهلك وهو الوحيد الي يعاني منك من بعد موتة امك الله يرحمها ...
ومحد متعذب كثرة وجاي بالاخر وتقول انا عايش بين خدم وحشم ياللي ماتستحي !
منال والبنات يناظرون المشهد
زيد : اسمع لا انت ولا اشكالك يهزوني .
عبدالعزيز : لا انا ولا اشكالي يهزونك .. اجل من يهزك ؟؟؟ من يعقلك ؟؟؟ من يثقلك ؟؟؟
من الي بينتبهلك ياعديم الانسانيه .
ومرت ندى بكرسيها تسمع هالصراخ الي يخوف ويجذب كل شخص
عبدالعزيز : من الي موكلك ومشربك ؟؟؟ من الي يلبسك احسن الثياب ويقدملك كل شي ؟؟؟ من ؟؟؟
زيد : اجل تحسب نفسك قوي ومايهزك شي تراك حشرة وحتى الحشرة انظف منك .
عبدالعزيز سطر زيد كف يعلم على الادب والاحترام
عبدالعزيز بصوت ثقيل : لاترفع صوتك علي ... ترى محد معتبرك رجال الا انا ولا انت تشوف الناس
بالعروس وش يسوون ؟؟؟ وبعدين لو انت رجال تعال تفاهم معي مو ترسل ابوك الضعيف يشتكي لبوي
وبعدين ابوك بحياته ماقصر معك بشي
ندى تسمع الكلام المخيف والي عرفها على شخصية عبدالعزيز
زيد : ابفهم انت ليش تسمعني الكلام الي مثل السم ؟
عبدالعزيز : عشان تعقل يالفاهم ؟؟؟ عشان تهتم بابوك الي ماشاف منك خير ؟؟؟ عشان هالقلب

البارد الي بك يترطب من التهور الي بك عشان ...
ندى تسمع توجيهات مخيفة .. تسمع كلام يجرح ... تسمع كلام يغث ... قررت انها تترك المكان
عشان تنحاش من الصوت المكتئب
دخلت الغرفة وهي تبكي لانها تذكرت معاملة نايف الحلوة لها
دخلت الخدامه رند وهي فرحانه بقوووووة وشافتها الخدامه سوزان وهي مستغربه من فرحتها
الخدامه سوزان : شوبكي انسه ؟
الخدامه رند : لقيت الغرض الوحيد الي بيثبت ان علا بتعشق عبدالعزيز .



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.