العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


Like Tree5Likes

1 
عمرو شعبان


قصة عايش ونوره

الرياض في السعوديه
قبل ان تسمى الرياض. كان هناك شاب اسمه عايش
يعيش في هذه القريه وكان يحب بنت اسمها نوره
في يوم من الايام ذهب عايش لكي يخطب
نوره ولكن ابو نوره :
رفض لانه عايش كان على قد حاله وما عنده حلال
ولا عنده فلوس كثيره فشاف عايش نوره عقب ما طلع
من عند ابوها وقالها نوره انا راح يصير عندي فلوس
وراح اشتغل وراح ارجع اخطبك واتزوجك ونوره كانت
تحب عايش فوافقت انها تنتظره.
سافر عايش الى منطقه
مرموقه في السعوديه وصار يشتغل في التجاره
ومرت الايام وصار عنده فلوس ورجع لقريته عشان
يطلب يد نوره من جديد ويتزوجها ولكن لما رجع القريه
تفاجأ انه نوره تزوجت لانه ابوها
اصر عليها انها تتزوج
وكان عندهم البنيه لازم تتزوج اذا جاها شاب قادر
على الزواج.وتفاجأ ايضا انه ومو بس تزوجت
بل سافرت الى مكان ثاني مع رجلها ولا احد من القريه
يعرف المكان.فقام صاحبنا عايش
وقرر يسافر ويدور على نوره. ومر على القريه الاوله وراح
وسلم على امير القريه وقاله انا عندي لغز
والي يجاوب عليه بعطيه كل
حلالي فقاله الامير
وشو اللغز قال ابنشدك عن نور القمر وشلون نوره؟
احد الجالسين قال له ابيض واحد ثاني قاله فضي واللي قال ماله لون وكل الاجوبه
غلط محد عرف حل اللغز.فسافر الى قريه ثانيه
وطرح عليهم نفس اللغز ومحد
عرف الجواب
راح للقريه الثالثه وكان تعبان من السفر فقالهم
انا عندي لغز والي يعرف
يحله بعطيه كل حلالي .. قالهم
ابنشدك عن نور القمر وشلون نوره

محد عرف الجواب فقالهم انا اليوم بنام عندكم
لاني تعبان والي يعرف الجواب يقوله لي الصبح
ومن بين الحضور كان
زوج نوره موجود
فرجع للبيت وقالها نوره قالت له سم قال جانا اليوم
واحد خبل يقول عندي لغز والي يحله بعطيه مالي
وحلالي كله فقالت له قول لي وشو اللغز
يمكن احله قالهاابنشدك عن نور القمر وشلون نوره؟
فبتسمت
نوره وقالت له عرفت الجواب

قالها صدق قالتله قوله مثل السمك في البحر وشلون عايش؟
فقام الصبح رجل نوره وراح وقاله انا عرفت الجواب فقاله

وشو الجواب قاله مثل السمك في البحر وشلون عايش؟
فبتسم عايش
وقاله هذا مالي وحلالي وسلملي على نوره




2 
عطر البنفسج

حلوة كثير القصة
وفعلا اللي يحب بصدق
ماينسى اللي بيحبه
وبيضل يسأل عنه
حتى لو كان لانسان ثاني


3 
مجدى سالم

قصة جميلة ومعبرة بالفعل

سلمت اناملك وَبَارِكْ الله لك في مجهودك
لك ذائقة مميزة ومنفردة لا تليق الا بك
شكرا لك مع التقدير



4 
قصيدتي

الله قصة جميله جداً ومعبرة

سلمت اناملك اخ عمرو
ارق التحايا عزيزي



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.