العودة   منتديات الدولى > المنتديات الأدبية > منتدى الشعر والقصائد

منتدى الشعر والقصائد القصائد النبطية والعربية الفصحى وكل ما يعنى بالشعر الحديث والقديم، أحدث قصائد رومانسية جديدة 2017


Like Tree8Likes

1 
افندينا


[align=center][table1="width:95%;background-color:green;border:10px outset darkred;"][cell="filter:;"][align=center]
[align=center][table1="width:95%;background-color:black;border:10px outset green;"][cell="filter:;"][align=center]
اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحـور .. أنا بنت رع

مثـال الأمـومـة ورمـز الحـنـان

تفـيض حـلمـاتي وتمـلا الـتـرع

وتسـقـي البـشـر كلهـم والغـيـطان

نهايته يا مصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ما تعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصر


النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد


على اسم مصر

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج


وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد أقوله لحد

القمح ليه اسمه قمح اليوم وأمس وغد

ومصر يحرم عليها .. والجدال يشتد

على اسم مصر




[/align][/cell][/table1][/align] [/align][/cell][/table1][/align]



2 
عمرو شعبان

[align=center]


مش مجرد شعر بكتب
أو بألف مسرحية
ومش عشان الناس تقولى..
كلام يبيّن حب فيا
مش مجرد لمحة حلوة كتبتهالِك..
ع السجية

لأ تاريخك اللى كاتب
فوق صخور صلبة وعتية
بوعدك من كل قلبى..
ومش بمثل تمثيلية
مش هتبقى فى يوم ضحية
ومش هتبقى فى يوم ضحية
هضحى ليكى بكل غالى
ولو هضحى بنور عنيا
هضحى ليكى بكل غالى
ولو خدوا روحى سبية
وتفضلى عالية وأبية
ومش هتبقى فى يوم ضحية
ثار ولادك ثورة رافضة
للفروق العنصرية
ثار ولادك ثورة رِجعت..
بالحقوق المدّارية
ثار ولادك ياما ثاروا
ثورة رايحة وثورة جاية
قالوا لأة لكل ظالم
دوقوه طعم المظالم
حطموا جنازير شديدة
كانت مكتفة الحرية
ياما زيفت وطنية
هدّموا أبواب شديدة
كان وراها الحر مرمى
ع البلاط ومالوهش دية
قال حموكى وهما سرقوا كل خيرك
نشفوا بالقسوة نيلك
طولوا بالظلم ليلك
قلعوكى الجلّابية
لبّـسوكى العمة يامه
وياما كنتى مدّارية

جم ولادك حرروكى
من وحوش المعبودية
استشهدوا
وبدمهم مية ترعة جارية

يسقوا أرضك اللى نشفت
من معانى الإنسانية
علّـــموا إن الظلم رايح
ومصر لسة هى.. هى
أنتم الأبطال بجد
وغيركو كان عامل ولية
وعمر ماولادك يا أمى
عملوا حاجة فوضوية
هى كلمة لكل ظالم
مصر عالية رغم أنفك
مصر مش ممكن تطاطى
لحد زيك

ومش هتبقى فى يوم ضحية
مش هتبقى فى يوم ضحية







[/align]


3 
عمرو شعبان

[align=center]


‫اوبريت تسلم الايادى - ايهاب توفيق وهشام عباس وحكيم | اهداء للقوات المسلحة‬‎ - YouTube
تسلم الايادى


الا شال اسمك يا بلدى

الا حامى الارض يسلم

الا صان الارض يسلم

الا بيهم مصر دايما

تفتخر وتقول ولادى

تسلم الايادى

سلام يا جيش بلادى

تسلم الايادى

سلام يا جيش بلادى


افتحولنا كتاب تاريخنا

واحكو للناس دول مين

قول يا ابونا و قول يا شيخنا

يعنى اية 73


الا ردو لنا اعتبرنا


وربك كان ليهم معين

تسلم الايادى

سلام يا جيش بلادى

تسلم الايادى

سلام يا جيش بلادى


آسالو الرمل الا فى سيناء

انت مروى بدم مين

دم حنا ولا مينا

ولا دم المسلمين


ابن عمى وابن خالى

وصحبى من عشرة سنين

تسلم الايادى

سلام يا جيش بلادى


تسلم الايادى

سلام يا جيش بلادى

مصـر مـ♥ـــصــ♥ــر مصر
مصـر مـ♥ـــصــ♥ــر مصر



تسلم يلى شيلها
يلى حلفت ترد جميلها
وقولت الميلة لازم نعدلها
بـ علووووووووووو الصووووووووووووت

تسلم يلى رفعت ريتها
وقدرتها ودفعت قيمتها
ان شاء الله تكون نهايتها حياة او مووووووت


تسلم لولادك و ولادى

تسلم الايادى

سلام يا جيش بلادى

تسلم الايادى

سلام يا جيش بلادى

هو دا الا في يوم جرحنا قال حى على الكفاح
قالى رايح اجيب فرحنا شال على صدرو السلاح
قالو مصر اموت فى روحها
ابدااا مقبلش السماح


تسلم الايادى

سلام يا جيش بلادى

تسلم الايادى

سلام يا جيش بلادى
روحنا تايها الدنيا بينا خلى الصوت مليان حنين

قال دى تتقطع ايدينا لو تمس المصريين

قالها راجل وابن راجل والله وفيت باليمين

تسلم الايادى

سلام يا جيش بلادى

تسلم الايادى

سلام يا جيش بلادى

والله تسلم يا ابن بلدى يلى طول عمرك امين
يلى ابوك رباك يا ولدى على الادين الشقيينين
ربنا يحميك يآ ابنى انتاا .. واخواتك امين

تسلم الايادى

سلام يا جيش بلادى

تسلم الايادى

سلام يا جيش بلادى

تسلم البطن الا شالت قلب اقوى من الحديد
هاتلى ام دموعها سالت قلبها فرحان سعيد
ام مين دى غير امى وامك تسلم ام الشهيد

تسلم الايادى

سلام يا جيش بلادى











[/align]


4 
مهره

نعم اخي الكريم / عازف الصمت ......
مصر ام الدنياااا
مصر العروبة

مصر التااريخ
مصر جدار الدول العربية
حماااك الله يااامصر وحفظك من كل خااائن ومن كل جبااااان



شكرا لختياارك الأفضل
ودي لك
‫النشيد الوطني المصري كاااااامل‬‎ - YouTube


5 
افندينا

[align=center]الله يحفظك اخي الكريم
عمرو شعبان
لمصر
ويحفظ مصر من كل سوء
وربي يجعلك من اهل الفردوس
وجزاك الله خير لمرورك الذي
نور صفحتي وذاد ضيائها
بتواجدك وطلتك الغاليه



[/align]



Powered by vBulletin® Copyright ©2000 - 2022, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.