العودة   منتديات الدولى > المنتديات الطبية > قسم الصحة والتغذية

قسم الصحة والتغذية قسم خاص بالغذاء وفوائده على الجسم، وإيجاد الحلول المناسبة لصحتك والتداوي والإعلاج بالأعشاب الطبيعية


1 
ام مودي


لو كنت في اي مكان و لقيت واحد وقع عالارض فاقد الوعي لا بيتنفس ولا قلبه بيدق (مفيش نبض) يعني جالو سكته قلبيه عمرك فكرت هتتصرف ازاي؟

طبعا هتطلب النجده او الاسعاف و الي هتاخد عالاقل ١٠ دقايق عشان توصلك و تنقذ المصاب بس الي انت متعرفوش ان في ...ال ١٠ دقايق دول ممكن المصاب يفقد حياته او حتى يصاب بعجز دائم نتيجه تلف (موت)خلايا الدماغ لعدم وصول الدم و الاكسجين ليها.

عندك فرصه تنقذ الانسان ده لو عرفت خطوات الانعاش القلبي الرئوي الابتدائي (CPR) اللي اي حد ممكن يعملها

مش لازم
انسان متخصص

ركزززز في اللي جاي و افتكر ان الي هتعملو ده هو اساس كل عمليات الانعاش الي هيعملها فريق الانقاذ اول ميوصل.

اولا- متخافش و حافظ على هدوءك و اتاكد انك لو فقدت اعصابك ممكن تضر المصاب و كمان تضر نفسك.
ثانيا- الامن و السلامه لازم تتاكد ان المكان المحيط بيك آمن مفيهوش خطر عليك او على المصاب مثلا ( تسريب غاز، حريق، تيار كهربائي، ادوات حاده، زجاج مكسور، الخ)
ثالثا- دلوقتي المريض اعتماده كله عليك انت انت و بس الي ممكن تنقذه هتعمل ايه؟
#اختبر ردود فعل المصاب هل بيستجيب للنداء، الهز او بيرد على اسألتك ولا مغمى عليه.

لومغمى عليه
#اطلب المساعده و الاسعاف و اعرف ان لو الانعاش حصل صح ممكن يفضل المريض ساعه لحين وصول فريق الانقاذ بس ده مش ممكن يحل محل اللي الفريق هيعملو يعني لازم لازم لازم طلب المساعده و الاسعاف قبل البدء.

#افتح مجرى النفس اقلب المريض على ظهره ،اضغط على جبينه و ارفع دقنه لفوق و اتاكد ان مفيش حاجه ساده مجرى التنفس( لو في شك في كسر الرقبه ارفع الدقن لفوق بس)

<ماتتخدعش لو كان في نفس متقطع و غير منتظم لان اغلب حالات السكته القلبيه بتبدأ بنفس متقطع>
-->ازاي اتعرف علي النفس الطبيعي:
حط ودنك قريب من انف و فم المصاب هتسمع صوت نفسه لو بيتنفس و هتحس بالنفس بيلامس وشك و هتشوف حركه صدره يرتفع و ينخفض بانتظام و الا مش هيكون نفس طبيعي، و في نفس الوقت هتحط صباعك على رقبه المريض عشان تتاكد من وجود نبض او لا(زي الصوره) متضيعش اكتر من ١٠ ثواني في مراقبه التنفس.
لو التنفس معدوم او غير منتظم هتبدأ الانعاش القلبي الرئوي والي الهدف منها المحافظه على دوره دمويه صغيره تنقذ خلايا المخ من التلف ( الموت الدماغي) الي هتعمله هو انك هتضغط على عضله القلب من الخارج من خلال القفص الصدري، بالضغط المتوالي على الثلث الاسفل من الصدر في المنتصف تماما لا يمين ولا شمال بكعب الايد بتحط الايدين علي بعض و تشبكهم زي الصوره و تضغط ٣٠ مره و يكون الضغط بجسمك مش بدراعك عشان متجهدش نفسك بسرعه هتضغط بعمق ٤-٥ سم و يكون الذراع مستقيم و عمودي على جسم المريض
بعد ال ٣٠ مره يجي وقت التنفس الصناعي لتنشيط تبادل الغازات في الرئه و بالتالي زياده نسبه الاكسجين عند المصاب لمنع موت الخلايا حتى وصول فريق الانقاذ...
ازاي؟ نفس وضع فحص التنفس الي ذكرناه فوق و ايديك ايد هترفع الفك و تسنده عشان تفضل الرقبه مستقيمه و الايد التانيه تسد بيها فتحتي الانف عشان ميخرجش الهواء منهم
كل ٣٠ ضغطه بعدهم نفختين تنفس صناعي ثم ٣٠ ضغطه و هكذاممكن تختار النفخ عن طريق الانف لو تعذرالنفخ عن طريق الفم لوجود دم او لعاب او قيء بضم الشفتين لمنع تسرب الهواء عن طريقهم.

الموضوع طويل ومش سهل انا عارفه بس لو لاقدر الله اتحطيت في الموقف ده هتتمنى تعمل اي حاجه تنقذ بيها حياه الانسان ده.
عافانا الله وإياكم ..

لو  شخص وقع على الارض فجأة بجانبك كيف تتصرف








2 
مهره



سلمت يداك
على روعة طرحك وحسن ذائقتك
يعطيك ربي الف عافيه
بانتظار جديدك بكل شوق
لك مني جزيل الشكر والتقدير




Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.