العودة   منتديات الدولى > المنتديات الأدبية > منتدى القصص والروايات

منتدى القصص والروايات قسم خاص بعرض أشهر القصص القديمة والحديثة، قصص خيالية وواقعية مكتوبة، أجدد قصص وحكايات 2017


1 
سكون الجو


الجزء 1





=========





فدوى : ايوه !!! شلون حفل التخرج ؟

رنا : خطييييييييييير , جايبين كوافيرات وحقات المناكير .

فدوى : احححححلفي !!!!

رنا : والله بس السعر شوي غالي .

فدوى : ايه عاد هالديرة في منها الغالي وفيها منها الرخيص .

رنا : عاد الاسواق طايحين فيها التخفيضات , والفساتين حق

العروس تجننننننننننننن .

فدوى : والاسعار ؟

رنا : الاسعار ماسئلت بس دام في تخفيضات اكيد من ال50 وتحت .

فدوى : طيب دامك تخرجتي وين بتتوضفين ؟

رنا : والله مدري , انا سئلت بنات عن الشركات والبنوك بس ولا وحده

عطتني وجه , قلت اروح للبنك بنفسي واسئل ولا اشوف كالزحمة

الي اللهم صلي على محمد امة محمد , يعني مافي امل .

فدوى : وبعدين ؟

رنا : طلعت من البنك قلت اروح لأي شركة بس حتى الشركات

عاد تعرفين ستايلهم الاقشر النسبة لازم تكون يا99 % ولا انقلعي .

فدوى : عاد لازم 99 % ؟

رنا : مو اقولك ستايلهم اقشر ؟

فدوى : طيب وبعدين ؟

رنا : قلت اروح للمصانع حقات الثياب يمكن في شغل عندهم

بس تعرفين بعد المصانع عن بيتنا , بأخر الدنيا .

فدوى : ايوه .

رنا : دورت حي حي شارع شارع دار مختي من كثر مدور لي اسبوع الحين

ولا في اي شي .

فدوى : يوووووو عاد انتي لازم تشتغلين , ابوكي ميت وامك تعبانه

وماعندك الا هالصغير الي بالمدرسة .

رنا : الشكوى لله , مالي الا اصير طباخة .

فدوى : وشوووووو !!!! لالا عاد انتي ثاني يوم الناس بعد ماياكلون

يروحون للمستوصف !!!!

رنا : فال الله ولا فالتس .

فدوى : لا ماتقطعين الامل , خليني الموضوع وانا ادورلك شغل .

رنا : تكفين عجلي عاد جدي محتاجه عشان دوى امي .

فدوى : لاتقلقي انا ( وتذكرت شي وبهدوء قالت ) رنا .

رنا : هلا .

فدوى : ابعرض عليكي عرض واتمنى انك توافقي .

رنا : خير ؟

فدوى : هو شوي صعب بس ولا حالتك .

رنا : ايش ؟

فدوى : العرض مايبيله سيارة يبيله جلسة عند البحر .

وكملوا المشوار على جسر طويل



========



الصورة دائرية عليهم



فدوى ع الكرسي : شرايك في البحر ؟

رنا : خقة , وبعد الي مزينه الجو .

فدوى : والغيوم الي فوق مزينه الديرة .

رنا : الله يجعلها دوم كذا .

فدوى : المهم وش تشربين ؟

رنا : ابي كابتشينو .

فدوى : يوووووو شكلك مغرمه بالكابتشينو !!!!

رنا : فوق الخيال لو مااذوقه احس اني خربانه .

فدوى : اوفففف.

رنا : انتي لو شايفه غرفة نومي !!!! مليانه صور قهوة .

فدوى : اللهم صلي على محمد !!!

رنا : تعالي نسيتيني العرض !!!

فدوى : اي , بما انك نفس قسمي , حاسب , شرايك تشتغلين عندي ؟

رنا قالت ببطء : اشتغل عندك !!

فدوى : اي .

رنا تفكر بهدوء

فدوى تأملت رنا ,, فدوى : رنا .

رنا صحصت : ها .

فدوى : وش فيك ؟

رنا : لا بس انتي فاجئتيني .

فدوى : واكيد احلى مفاجئة !!

رنا : اي بس .........

فدوى : بس ايش ؟

رنا : انتي عارفه مستوى الشركة الي انتي تشتغلين فيها .

فدوى : ووش فيه مستواها ؟

رنا : وش فيه !!!! انا من اشوفها انخرع كفاية شكلها يرعب بلد .

فدوى : ههههههههه وانتي شعليك من شكلها ؟

رنا : شعلي !!!! انا من اشوف شكل الشي اتحسس حياتي فيه .

فدوى : بس هذا مايمنع انك ماتشتغلين فيها .

رنا : لا في شي يمنعني .

فدوى : وايش هالشي ؟

رنا : مدري ليه شكل الشركة تبين ان مايدخلها الا الدوافير الي مايجيبون غير

غير 99 % .

فدوى : من قال !!!؟ , في ناس يشتغلون فيها كرما من صاحب الشركة وبعدين من قالك

انها ماتقبل الا الي نسبته 99 ؟ في ناس يشتغلون ونسبتهم بالسبعين انا اعرف بنات هناك يشتغلون

وقسمهم غير .

رنا : قسمهم غير !!!! يعني يقبلون اي قسم ؟؟

فدوى : ايه يقبلون قسم العلميه والادبية , وطبعا الي قسمه حاسب ظامنين

نجاحه لانه دارس كل صغيرة وكبيرة فيه .

رنا : بس ............... احسها صعبه .

فدوى : صعبه !!!!! من اي ناحيه ؟

رنا : فدوى انتي مشالله عليكي قلبك قوي وانا متحمل اسمع صراخ الرجال بالشغل

كفاية الي اسمعه من برى .

فدوى : قصدك الرجال الي بداخل البيوت هم نفسهم الي بخارج البيوت ؟ لالالا ياقلبي

هذولا مايعطونك وجه الا بوقت الاجتماع .

رنا : والله مدري شقولك بس انا انخرع من هالعملاقه .

فدوى : هههههههههههه تخيلي لو زوجك عملاق .

رنا فجرت : لا انشااااااااااااااااااااااااااااااااااالله .

فدوى : هههههههههههههههههه

فدوى بعد ماشبعت ضحك : ماقلتيلي موافقه ؟

رنا : مدري , مقدر اقولك الجواب لازم اقول لأمي .

فدوى : براحتك بس انا حبيت اوقف معك بهالمحنه .

رنا : متقصرين ياعمري بس .......... تخيلي شكلي بالشركة اصارخ وانادي الموضفين !!!!

فدوى : ههههههههههههههههه .

رنا : الا الجو الخورافي هذا تتوقعين ليش ؟

فدوى : ليه !!!!؟ في حاجه !!!!؟

رنا : ممكن يكون لك قصة حب فهالموقع !!!

فدوى : لاياعمري انا مابي هالحركات .

رنا : ياعيني ع الثقل .

فدوى : ثانكس يو .



=============





رنا تتمشى عند البحر : نسيم الهوى شي خيالي , حتى لما اشوف نهاية البحر

احس اني داخله بقصة حب .

فدوى : والله شكلك رومانسيه .

رنا : لا ياعمري والله مظنتي اني كذا , بس شقولك احب الاجواء الرايقة والي تحسسني

اني عايشه حلم وردي .

فدوى : يالبييييييييييييييييييييييييييه !!!

رنا : انتي بس ادخلي جو مع الهوى !!! ااااااااااااااااه .

فدوى : طيب ليش ماتحبين ؟

رنا : احب !!!! انا وين وهالمواضيع وين , انا عساي اركز ع امي الي مالي غيرها

وهي , مالها غيري , واخوي احاول قد مااقدر اني مااحسسه انه غريب بالدنيا ,

فدوى : وانا وين رحت ؟

رنا : انتي حبيبتي وقلبي وسندي وايدي اليمين , ولولا الله ثم انتي كان مدري شيصير فيني .

فدوى : احنا حنكون خوات ونظل على طول خوات وانشالله مارح يفرق بيننا الا موت .

رنا : اسمع اسمك , شخصية ثانيه بحياتي .

فدوى : تسلمين ي قلبي .

رنا : من بعد الله اجيلك في وقت الشدايد وماألقى غيرك يساعدني .

فدوى : هذا واجبي يارنا , والواجب لازم حنا نسويه .

رنا : خلينا نكمل المشوار .

وكملوا رنا وفدوى طول الشاطئ والحياة قدامهم لها اسرار ولها الف تجارب وقصص

وحكايات , ولها مواقف وصدمات ومفاجئات ولهم العمر كله وين ماتواجدوا في

اي مكان , والقلب دوم يهتم للثاني ومافي احد يقدر يشكك صداقتهم .


رنا وفدوى التزقوا ببعض من ايام الطفولة ودوم سند لبعض ودوم شقاوة

حتى الخويات الي بكل المحلات يتأملوا شقاوتهم الي ينتعش لها قلب والحياة

الي يشوفونها عليهم تبتسم لهم كثييييييييييير .



=========



رنا مصدومه : شهالاوراق !!!!

فدوى جابت القهوة : انخرعتي !!!!؟

رنا : احساسي بمحله , انا مانخرعت الا اكيد في شي وهالارقام الي

بالورقة تخرع الي ماينخرع .

فدوى : هههههههه طيب شرايك تتفرجين عليهم ؟

رنا : اتفرج على مداة الكيمياء ولا على النمل الي بالورقة .

فدوى : هههههههههههه .

رنا : من جد .

فدوى : رنا .

رنا : لبيه .

فدوى : عاد الله يعينني ع المقابلة .

رنا : مقابلة من ؟

فدوى : مقابلة المدير , يووووووووووووه .

رنا : شفيك ؟

فدوى : شفيني !!!! شقولك بس خليها على الله .

رنا : طيب هو اقشر ؟

فدوى : مدري , خلينا منه امك تقدرين تكلمينها بجوالك ؟

رنا : لا بالجوال مقدر اصلا فاتورتي ع الاخر , بتلفون البيت , ليش تسئلين ؟

فدوى : انا من رايي انك تقولينها الحين لاني مظمن جيته هالعملاق .

رنا : من العملاق ؟

فدوى : من غيره مديرنا المحبوب .

رنا : وليش تقولينها بطنازة ؟

فدوى : من حركاته المهم ماعلينا ابيكي تقولينها الحين عشان مانحرج منه

وتصيري سالفه عنده .

رنا : اوك .

وقامت للتلفون واتصلت على امها .

رنا : الو .

سالم : هلا .

رنا : سالم وين امي ؟

سالم : امي نايمه شتبين فيها ؟

رنا : نايمه هالوقت !!!!؟ , قوم امي بسرعة .

سالم : قلتلك امي نايمه .

رنا : طيب ( وسدت السماعة ) الظاهر مافي امل اقولها .

فدوى : ليش ؟

رنا : اخوي يقول امي نايمه .

فدوى : طيب معليش خليه يصيحيها .

رنا رجعت للتلفون : سلوم .

سالم : هلا .

رنا : سلوم عشاني قومها ابيها ضروووووووري .

سالم : طيب .

واتجه عشان يقوم امه وقامت بكل كسل واتجهت للتلفون : الو .

رنا : هلا يمه اسفه صحيتك بس الامر طارئ .

ام رنا عليها النوم : خير ؟

رنا : خويتي الله يجزاها خير لقتلي على شغل بشركة , موافقه ؟

ام رنا : ايه عادي بس عسى الراتب زين ؟

رنا : خطييييييييييير , يعني اعتمد ؟

ام رنا : ايه .

رنا : باي .

وسكرت ورجعت لفدوى : امي وافقت .

فدوى : حلو اجل من بكره ابيكي تتأدبين أدب مو طبيعي .

رنا تغير وجهها : ها !!!

فدوى : ايه عشان تمسين امورك بسرعة .

رنا : ليش ؟؟؟ في شي ؟؟؟

فدوى : لما تشتغلين اقولك .



========



دخلت غرفتها بكل كسل واضح , وشكلها باين انها تبي حنان الام

والحظن الروائي

انسدحت ع السرير وتنفست نفس الولاهان , تفكر بالايام الجايه

وش بيصير فيها , تفكر بطول الحياة وايش جواتها من اخبار .

تفكر بكل شي , الغامض منها والشفاف .

لفت جنب السرير وغمضت عيونها على خيالها الي بيبدأ لمقابلة

فارس احلامها البسيط النفس الطيب , الي المشاكل عنده

نوادر مضحكة ومايشيل همها مرة .

ابتسمت ابتسامه صافيه وهوى الغرفة مزين احلامها .

رنا

" ليش مألقى الحب !!!؟ وين موقعه !!!؟"

قامت بكل انتعاشيه وتمغطت بأقوى حيلها وركضت تفكر وتقوم امها عشان الحبه

ولبست اخوها ورن جرس البيت .

اتجهت رنا للباب وفتحته , رنا : ثباح الخير !!!!!

فدوى : شفيك رجعتي بزر !!!!!

رنا : وش ورانا ؟

فدوى : المهم , شلون نفسيتك الحين ؟

رنا : متوترة .

فدوى : طبيعي لانك بتدخلين مكان ماتعودتي عليه .

رنا : وانتم لما تشتغلون في احد يصارخ ؟

فدوى تصب ماء حار بكوب عشان النسكافيه : ومن قالك ان في صراخ ؟

رنا : احساسي .

فدوى التفتت وشربت : نو , مافي شي بس يبيلك قوة شوي .

رنا : يعني شلون ؟

فدوى : انتي ليش قلقانه ؟

رنا : خايفه من الغموض .

فدوى : لاتخافين انا اشتغلت ولاخفت زيك .

رنا : ايه !!! انتي لا اله الا الله تهيبين ابليس .

فدوى : رنو .

رنا : المهم متى نروح ؟

فدوى : ها !!!! وانتي شفيكي مستعجله ؟

رنا : ابخلص اليوم على خير .

فدوى : اصبري شوي الشركة للحين مافتحت .

رنا بذهول : اجل متى تفتح ؟

فدوى : دوامها الرسمي الساعة 8 والحين 6 ونص .

رنا : ومتى تطلعون ؟

فدوى : 4 العصر .

رنا : هذه بدايتها !!!!

فدوى : شفيكي ؟؟

رنا : بس انا حاطه ببالي اطلع 2 الظهر .

فدوى : لاياعمري تحسبين الشركة مثل المدارس ؟ لا ي قلبي .

رنا : طيب شرايك بدل ماتبلعين نتمشى شوي ع البحر .

فدوى انتعشت : يله .

طلعوا من البيت وركبوا سيارة فدوى واتجهوا لناحية البحر

والبحر في الشروق منظر لايوصف !!!!

بدت ملامح التأمل بوجه رنا ووجهها اشرق لما شافت الشمس ,

فدوى طلعت من السيارة واتجهت لموقع رنا , فدوى : المنظر روعة .

الصورة دائرية على لمعان البحر في وقت الشروق .

رنا : اتمنى ان يومي يكون كذا .

فدوى : لاتقلقي , شوية اسئلة من المدير وننتهي .

رنا : انا لو اشوف المدير كان تهون .

فدوى : بتشوفينه بس محتاجه منك قوة ومابي صياح .

رنا : طيب .

فدوى + رنا طلعوا شموخهم قبال البحر .

فدوى تسوق : عاد الله الله بالذرابه , ابيك تتسنعين قباله مابي تأتأه !!!

رنا : عاد انا من اشوف عيون مسحوبه اهج من المكان كله .

فدوى : والله لو هو وحش .

رنا : ايه , لسانك هالطول , مالومك لو ماتخافين .

فدوى : المهم ماعلينا , ابيك تكونين راكزة قدامه , راكده عشان يقبلك على طول .

رنا : اي الله يكتب الي فيه الخير .

الصورة دائرية على شكل الشركة من برى , قزاز ومن سطوع الشمس صار

لونه سماوي ممزوج بالاصفر وشكلها دائري .

طلعوا الثنتين من السيارة وكانوا متحجبات ودخلوا الشركة بهدوء

فدوى متعوده على اجواء الشركة من قوة وشموخ وثقل لكن على قلب

رنا مثل هم الاختبارات !!!!

اتجهت فدوى للسكرتير وتحاورت معه : لو سمحت .

السكرتير : نعم .

فدوى : ممكن اقابل حظرة المدير ؟

السكرتير : لحظة .

ودق ع المدير : السلام عليكم ورحمة الله وبركاته , طال عمرك في بنتين

بيقابلون حظرتك ادخلهم ؟

السكرتير يطالعهم : حاظر , حاظر طال عمرك .

وسكره : حظكم زين ادخلوا بس مو كلكهم !!

فدوى : وليش انشالله !!!!؟

السكرتير : المدير طلب مني اني ادخل بس العميل الجديد .

فدوى : بس هي متعرف شي .

رنا : فدوى بلا طوالة اللسان .

فدوى : وانا صادقه , خوش مدير !!!

السكرتير : المهم المدير ينتظرك في المكتب ( قام ) تفضلي .

واتجه للباب وفتحه .

استسلمت رنا للموقف وكان ودها تدخل فدوى معها بس طلب المدير

قانون ماله داعي عند فدوى .

اتجهت للباب بعد تفكير وقربت من بشرة الباب البنيه وبدأت التمهيده .


2 
سكون الجو

الجزء 2







==========





مالت مسكة الباب الذهبية وفتحت الباب بشويش , سكرته بهدوء

ومشت ببطء لوسط الغرفة .

رنا تأملت المدير من بعيد وشافت وجهه !!!!!

رنا بهمس : هذا مدير !!!! الله يستر , هذا حده الوحش الاخير .

قربت من عنده لانه بيدخل بين الاوراق من العصبية

رنا ببطء : السلام عليكم ورحمة الله وبركاته .

صمت وصمته قصصي , سمع صوت لحنه حلو , الصوت سببله تفكير طويل

وانصات قوي , رفع عينه بهدوء وبدت الامواج فيه في روح هادئة .

تعدل بهدوء وقال : وعليكم السلام ورحمة الله وبركاته .

رنا نزلت راسها

المدير في حالة صمت !!!!

تأملها وقال : انتي الموظفه الجديده ؟

رنا : اي .

المدير يطالعها اطلاع غريبييييب !!!!!, قام بهدوء وقرب لها , جهز نفسه

وقال : طيب .

والتفتت بهدوء واتجه للكرسي وقال : اجلسي .

رنا : طيب .

وجلست بكل أدب وهدوء .

المدير : وقد اشتغلتي من قبل ؟

رنا : لا , انا توني متخرجه من الجامعه .

المدير : طيب و............... ووش اسمك ؟

رنا : اسمي رنا .

ابتسم : ووين ملفك ؟

رنا : هذا هو .

ومدتله

اخذه بكل ثقل وفتحه بروقان وبدى يتصفح عدة صفحات .

المدير : طيب انتي متزوجة ؟

رنا : لا .

المدير : طيب , خلاص انتي روحي للبيت وانشالله الليلة بتصل فيكي

وابلغك .

رنا : طيب , يعني اطلع ؟

المدير : اي .

قامت واتجهت للباب وطلعت

لما طلعت ركضتلها فدوى : ها !!! وش صار ؟؟؟

رنا : ابد سئلني عن اسمي وعطيته ملفي وقال اتصل فيكي

الليلة عشان ابلغك .

فدوى تغير وجهها بهدوء : بيتصل فيكي !!!! ليش ؟؟؟

رنا : عشان يبلغني اذا انا مقبوله او لا .

فدوى رفعت حاجب : غريبة حركته !!!

رنا : ووش الغريب فيه ؟

فدوى طنشت الموضوع : وولاولا شي خلينا نطلع ونروح اي كوفي .



========



في الليل رنا جالسه ترتب دولابها ولما خلصت النص دق جوالها : الو .

المدير : السلام عليكم .

رنا تفاجئت وقامت بهدوء : وعليكم السلام .

المدير : انا اسف اذا اتصلت فيكي بوقت متأخر بس مالقيت وقت .

رنا : لا عادي , انت المدير ؟

المدير : اي , ابي اقولك انك انقبلتي .

رنا : من جدك !!!!؟

المدير ابتسم : اي , وانتي عارفه مواعيد الدخول والخروج , ولا غلطان ؟

رنا : لالا عارفه كل شي حتى خويتي قالتلي عن كل شي .

المدير : ووش اسم خويتك ؟

رنا : فدوى ال ................... هي تشتغل عندكم .

المدير : انا من كثر الموظفين معرف بعضهم , المهم اتصلت فيكي وحبيت ابلغك .

رنا : شكرا على تواضعك .

المدير : ولو حنا نخدم موظفات .

رنا : ههههه شكرا .

المدير : مع السلامة .

رنا : فمان الله .

وسكرته واتجهت للمرايه تتأمل شكلها الزغنون .



========



دخلت الشركة واتجهت لمكتبها الي فيه مجموعة موظفات ودخلت المكتب

الوسيع ورحبت بالبنات الي جالسات يفطرون .

رنا : صباحو .

البنات : صباحو , شلونك ؟

رنا : كويسه , تعالو المدير جاء ؟

اريج : لا , الا كم نسبتك ؟

رنا : 87 % .

اريج : وقبلك !!!!؟

رنا : ايه .

اريج : الله يوفقك .

رنا : امين وانتي بعد .

اريج : امين يارب .

حلا : الا بنات شفتوا حتقة المدير مع السكرتير ؟

درر : لا , وليش تخانقوا ؟

حلا : السكرتير ماخانقه , اصلا من متى السكرتير يخانق مدير ؟ ,

صارت هوشة طويله عريضه وعشان كذا المدير بدل الوظايف .

مها : وليش ؟؟؟

حلا : بس كذا , بس يمه يمه من شكله !!!!! يخوف بلد .

اريج : عاد يارنا انتبهي منه هو مزاجي بقوووووة يعني لعصب عليكي

سكري اذانك .

رنا : اي ابد انا حاسبه حساب لأي شي .

وبدت السوالف من هنا وهناك وبدو يشتغلوا ورنا مع كل شالفه تكتشف صفة شينه فيه .

جاء السكرتير لمكتب رنا وقال : رنا ابيكي تعطين الاوراق للمدير لاني بطلع ونسيت

لأعطيه .

رنا : طيب .

ولما خلصت الشغل اتجهت بكل أدب للمكتب ودقت الباب ودخلت

وقربت لناحية مكتبه , رنا : طال عمرك .

المدير رفع عين وحده وابتسم !!!! , المدير تعدل : سمي .

رنا : طال عمرك في ملف جاني يبيله توقيع , حاب تتفضل بوقتك لتصفح الملف

خذ راحتك .

ومدتله وهو خذى منها بكل رضا وبدى يتصفح بروقان ولما استوعب فكرة الملف

تعدل وقال : رنا .

رنا واقفه : سم طال عمرك .

المدير : خلي الملف عندي , ادرسه الليلة عندي بالبيت وبكره اسلمه لك .

رنا : السكرتير القديم هو الي عطاني الملف .

المدير : طيب معليش انا بكره بسلمه لك اوك ؟

رنا : مثل ماتبي , تبي شي ياطويل العمر ؟

المدير : سلامتك .

رنا : عن اذنك .

والتفتت وطلعت لمكتبها وقعدت وهي متحمسه مع الكمبيوتر , بدت تشتغل يمين يسار

وبدت تركز بالشغل وعيونها دقة ومتابعه لكل صغيرة وكبيرة .

دخلت فدوى : شلون الشغل ؟

وقعدت بمكتب قبال مكتب رنا .

رنا : واااااااااااااااو المدير عطاني الثقة بكل شي .

فدوى : نعم !!!!؟

رنا استغربت ليش تغير وجهها !!!

رنا : شفيك ؟

فدوى : لا بس غريبة منه هالحركة .

رنا : ليش ؟؟ هو يسوي لكم شي ثاني ؟

فدوى : بصراحة العاده يتكبر على كل الموضفين , مو عاجبه اي احد

ودايم يقارن نفسه بغيرة وكأن مامثله احد ومحد ياصل لكرسيه

ودايم يتهمنا بالغباء , يعني عسير .

رنا : بالعكس , اشوفه مدير فعال .

فدوى : بصراحة عقب كلامك توني اعرف انه متقلب .

رنا : يمكن , بس انتم يالبنات ليش تخافون منه ؟

فدوى : وخوفك منه قبل وين راح !!!!؟

رنا : لا هالمرة حسيته متحمس معي .

فدوى : الله يدوم هالنفسية , بس اسمعيني اصحك تعطينه وجه تراه

يمون بزياده خليكي رسميه معاه .

رنا : لاتخافي علي , ولا وعطيته ملف السكرتير القديم ع الاساس يدرسه

ويوقعه وقال لي انه بيسلمنياه بكره .

فدوى تعدلت واستغربت : نعم !!!!

رنا : شفيك ؟

فدوى : من الي بيسلمه لك ؟

رنا : المدير , ليش تغير وجهك ؟

فدوى : المدير المغرور يسلم الملف بيدك انتي !!!؟

رنا : وليش ميسلمه لي ؟

فدوى بجديه : والسكرتير وش وضيفته !!!؟ حارس عشته !!!؟

رنا : شفيك !!!!!؟

فدوى : بصراحة بديت اشك بشخصيته , وين غروره !!!؟

رنا : مدري بس الظاهر محد فاهمه غيري .

فدوى : لا والله من هالمزاج الي جاله فجأه .

رنا : المهم انتي لما تشوفينه وجهه حسيته عطشاااااان وصار مدة ماشرب ماء .

فدوى استغربت وقالت : حسيتيه عطشان وله مده ماشرب ماء !!!

رنا ,, ( ووجهت له نظرة شك ) ليكون عينك عليه !!!؟

رنا بذهول : نعم !!!! اتزوج اي واحد ولا هالضخم الي بالغرفة .

فدوى : مدري عنك حسيت انك متحمسه معه مرة .

رنا : ممكن حماس بس مو الي فبالك .

فدوى : بصراحة , مدري ليه حاسه بشي بس مقدر اقولك .

رنا : وليش متقدرين ؟

فدوى : مدري بس من اول مادخلتي المكتب وقبولك على طول

حسيت بشي , غيرك الموظفين اسبوع مقابلتهم وانتي بيوم حتى ماجت

لحظة الليل !!!!؟

رنا : يمكن الحظ ارتفع عندي .

فدوى : الله يدومه , بس ................ مدري ليه قلبي يقول ان في شي .

دخلت حلا : فدوى الملف الي بمكتبي ماشفتيه ؟

فدوى : على حد علمي انه مع السكرتير القديم والحين رنا ودتله للمدير .

حلا : ومتى بيسلمه للسكرتير ؟

فدوى : لاتتعبي نفسك المدير بيعطيه رنا .

حلا تخصرت : نعم !!!! وانا وين رحت ؟

رنا : عادي , يعطيني انا يعطيكي انتي براحته .

حلا : لا مو براحته , مو بالعاده يخليه اي موظفه يسلمها ملف مهم مثل هذه ,

المفروض الموضفه الي مسؤوله عن الملف هي الي تسلمه عن طريق السكرتير ,

اما تجي كذا فوضى وين حنا !!!!؟

فدوى + رنا مستغربات الحركة !!!!

رنا : بس هذه شركته .

حلا : بس مو هذا تعامل مدير , في مدير يسلم ملف لموظف مافتحه ولا

عرف وش فيه ؟؟؟ انا دارسه هالملف وعطيته السكرتير القديم عشان يخلي

المدير يوقعه .

رنا : اي والسكرتير جاني وطلب مني اوديه للمدير .

حلا : نعم !!!! ومن طلب منه انك تودينه للمدير ؟

رنا استغربت مع فدوى , رنا : السكرتير القديم بنفسه .

حلا : هين !!!!! لازم يحطني بورطة .

وجت بتقوم بس وقفتها جملة رنا , رنا : لاتتعبي نفسك المدير قالي انه بيدرسه وبيوقعه

وبيسلمه لي بكره .

حلا : بعد !!!! وانتي وش دخلك ؟

رنا : موظفه مثلك .

حلا : بس مو نفس وظيفتي , وظيفتي بالشركة هنا غير عن وظيفتك .

فدوى : نعم !!!! ليش يسوون هالحركة !!!!؟

حلا : والله مدري , من يومه المدير بينجلط من هالحركة والغريبة انه ما قال

شي لرنا ولا علق على حركة السكرتير القديم .

رنا : والله مدري وش يصير بس لو انتي صاحبة الملف عادي اكلم المدير واقوله

يسلمه لك .

حلا : لالا هذا ماينقرب وبعدين انتي الحين قولي للسكرتير انه يسلمه لي وبس .


رنا : طيب انا الحين بقوله .

وقامت واتجهت لمكتب السكرتير وتحاورت معه بصمت على طلعة

المدير من المكتب .

السكرتير : طيب بس هو بأسم مين ؟

رنا : باسم حلا ال ....................

اتجه لهم المدير .

السكرتير : المدير فيصل !!!! هلا طال عمرك .

المدير فيصل : هلا بك , شلون الشغل ؟

السكرتير : ماشي الحال .

المدير فيصل : شلونك رنا ؟

رنا : بخير طال عمرك .

المدير فيصل ابتسم : ان شالله دوم , عن اذنك .

وتركهم والسكرتير مستغرب نفسيته !!!!

رنا : خالد مثل ماقلتلك سلمه لحلا مفهوم ؟

السكرتير : طيب .

ورجع نظره لزول المدير فيصل !!!!

راحت لمكتبها وجلست وبدت تشتغل والموضفات يسولفون وبعضهم بيطلعون من

المكتب والبعض يروح هنا وهناك .

الا السكرتير الي مستغرب وجه المدير فيصل المشرق عشان بس انوجدت

رنا بهالموقف العادي .

الصورة دائرية ع طبيعة دبي من بحار وجسور وعمارات طويله ومتوسطة وقصيرة

واسواق منوره وشوارع مايله ومستقيمة والسيارات الي بسرعة السهم .


3 
سكون الجو

الجزء 3







============





مرت الايام على شغل رنا بهالشركة وكانت متحمسه وهي انشط الموظفين

والموضفات .

اتصل المدير فيصل ع السكرتير وقال له انه بيسوي رقابة ع المكاتب

وبيشوف الشغل شلون ماشي .

الموظفين مشغولين بالكمبيوتر والسكرتير بلغ كل الموظفين والموظفات

الا رنا الي كانت بالحمام !!!

طلعت رنا من الحمام ( الله يعزكم ) وهي تتكلم : يازين حماماتهم ,

تهبل اول مرة اشوف حمامات صح !!!!

دخلت المكتب وبدت تشتغل , رنا : فدوى .

فدوى مشغولة بالكمبيوتر : هلا .

رنا : ابي السي دي الفاضي الي بدرجك .

فدوى : لحظة 5 دقايق واعطيك .

رنا تدور قلمها الازرق ولما مالقته قالت لفدوى : فدوى

ماشفتي قلمي الازرق ؟

فدوى بنفس الحماس : لا .

رنا : يووووه وهذا وقته يضيع .

فتشت بكل مكان ولما اتجهت لوسط الغرفة لمحت شي بين طاولتها

وطاولة فدوى .

اقتربت للموقع بكل غموض ودققت بالمكان الفاضي .

رنا تحول وجهها من استغراب لفرح : لقيته !!!!

فدوى : واخيرا , وين ؟

رنا : بين طاولتي وطاولتك .

فدوى : ليكون بتطلعينه !!!؟ ترى مايمديك .

رنا : من قال ؟؟؟

وبدت توخر طاولتها .

فدوى : يالخبلة !!!! الحين بتنفصل الاسلاك .

رنا : ماعليك .

وبدت تحاول تلقط القلم لانه بعيد عن يدها .

على محاولتها دخل المدير فيصل وسكرتيره وكل الموظفات قاموا

يراقبون المكتب .

حلا : نورت المكتب طال عمرك .

اريج : صباح الخير طال عمرك .

حياة : اهلين طال عمرك .

فدوى : شرفت مكتبنا ياطويل العمر .

بنت تحاول تسحب القلم بس تعبت , عدلت نفسها وقالت : اوففففف

والحين انا شلون اشتغل !!!!!؟

ابتسم المدير وهو يتأمل حركة رنا !!!!

حلا تنغزها تقوم واريج تنبهها وحياة تعظظ بلسانها عشان تعرف مين

الي وراها !!!!

رنا طفشت : اريجوه , ماعندك قلم زايد ؟

اريج ساكته !!!!!

رنا : شفيك !!!!؟ تكلمي .

اريج تلعب بفمها !!!!

المدير رفع حاجب وابتسم بخفيه !!!!!

فدوى أشرت بحواجبها لفوق .

انتبهت رنا لحركتها والتفتت وضحكت وفتحت فمها مرح !!!!!

رنا : انت هنا !!! والله اسفه ياطويل العمر بس القلم فشلن حسبي الله عليه !!!!

المدير فيصل : لا عادي بس انتبهي مرة ثانيه مفهوم !!!؟

رنا : حاظر ياطويل العمر ماطلبت شي بالي بيصحصح عقب هالمرة .

المدير فيصل : عن اذنك .

وترك المكتب بهدوء .

التفتت رنا : حسبي الله عليكم .

حياة رفعت حاجب : نعم !!!!!

رنا : ليش ماقلتلولي ؟

فدوى : اي نسيت وقت روحتك للحمام جانا السكرتير وقال ان المدير بيجي

بس انا ماتنبهت .

رنا : الحين وين اودي وجهي من هالحركة !!!!؟

حلا : لاتودين وجهك , خليك بموقعه , واتمنى انك تنتبهين له مرة ثانيه .

ورجعت لمكتبها .

رنا حست ان جملتها تودي لفكرة مو اي فكره !!!!



=============



دخل مكتبه واتجه للكرسي ودق تلفون المكتب وكان صوت الرنين يخوف ,

رد المدير فيصل : الو .

المربية نجوى : اهلا وسهلا فيصل بيك .

المدير فيصل : هلا بنجوى , شلون الشغل ؟

المربية نجوى : كلو تمام , بس بدي اسئلك سؤال .

المدير فيصل : تفضلي .

المربية نجوى : كيف الراحة !!!!؟

المدير فيصل : الراحة !!!!؟

المربية نجوى : ايه الراحة .

المدير فيصل : من تقصدين ؟

المربية نجوى : يابيك !!! بتلعب الغباء على غيري لكن على الي اشتغلت ببيتك

وربتك من يوم ماكنت زغير وبتؤول مين بتقصدي بالراحة !!!!؟

المدير فيصل : لا من جد اسئلك , من تقصدين ؟

المربية نجوى : فيصل بيك , انت اتحظنت على ايدي من يوم ماكنت زغير

وعم بتلقط كل كلمة غامضة مني وهي طايرة , هلا اجت اللحظة

الي بدك تكون فيها غبي !!!!؟

المدير فيصل : نجوى ترى مو فاهم ولا شي .

المربية نجوى : يعني بدك الصراحة , كيف شفت الموظفه الجديده ؟

المدير فيصل : رنا !!!! , تحفة !!!! الحمد لله اني ماتزوجت للحين , ولا كان .........

المربية نجوى : وهلا كيف شفتها ؟

المدير فيصل : من ناحية الوظيفة نشيطة ماعمرها صارت كسلانه , بس من ناحية

حياتها فماادري اي شي عنها وانا بعد اسنحي لأسئلها .

المربية نجوى : بتخجل !!!! طول عمرك مااستحيت من اي صبية , كيف اجت على

رنا !!!!!؟

المدير فيصل : عاد التفصيل بالبيت اقولك كل شي .

المربية نجوى : المهم انا اتصلت عليك من شان اتطمن على وضع ضغطك .

المدير فيصل : شكرا على اهتمامك فيني بس .........

المربية نجوى : بس شو ؟

المدير فيصل : لاتخافي علي هالايام , هالايام هذه غير عن اول .

المربية نجوى : وليش مبخاف عليك !!!؟

المدير فيصل : مدري ليه !!! مدري ليه دام رنا موجوده لاتخافي علي .

المربية نجوى : شو شو شو !!!! معقولة توصل لهدرجة !!!!!؟ صحتك حتكون مية بالمية

لما بتشوف الست الموظفه !!!!؟

المدير فيصل : ماتتخيلين وناسي لما اشوفها بس موجوده بالشركة !!!! , نجوى لاتخافين

علي دام رنا موجوده .

المربية نجوى : واااااااااااو على الست رنا , شعورها لما بتسمع كلام من شخصية

........ كيف بتتصرف مشاعرها !!!!!؟

المدير فيصل : نجوى ادعي انها تميل لي مثل ماانا ............

المربية نجوى : حبيبي ماتخاف , انت خبر المدام خيتك يمكن تساعدك على كشف قلوب

الصبايا .

المدير فيصل : طيب .

انطق الباب , فيصل انتبه وبعدها قال : تفضل .

دخل وكانت رنا ومعها ملف , اتجهت له وقالت : طال عمرك .

المدير فيصل : سمي .

رنا : هذا ملف توه واصلني من الموظفة اريج تبيك توقعه .

المدير فيصل : واريج وينها ماتسلمه بيدها !!!؟

رنا : البنت مضغوطة من كل جهه , حبيت انوب عنها ببعض الاعمال .

المدير فيصل ابتسم : مو مشكله ع العموم نبهيها ماتسوي هالحركة , المنوابة

في الاعمال مابيها .

رنا : طيب .

رنا : تبي شي طال عمرك ؟

المدير فيصل : سلامتك .

رنا ابتسمت وطلعت وقبل ماتطلع قال المدير فيصل : رنا .

رنا التفتت :سم طال عمرك .

المدير فيصل : شلون وظيفتك ؟؟؟ حلوة !!!!؟

رنا : روووووووووعة .

المدير فيصل قام واتجه لموقع رنا : عاد الله الله بالسناعة في الشغل .


رنا : لاتخاف علي انا قدها وقدود وانشالله ابيض وجهك .

المدير فيصل : وجهك ابيض طول الوقت ومابي تأخير او تسمعي امر اي شخص

مثل حركة اريج في الشغل !!!!؟

رنا : ابشر ياطويل العمر ماطلبت شي .

المدير فيصل ابتسم : الله يوفقك ي...........

( كان بيزل لسانه على قلبي )

المدير فيصل بعد الاستيعاب : يا رنا

رنا : امين وياك ياحظرة المدير .

كانت امنيته يمسك يدها بس ........ بأي حق يمسك يد بنت !!!!!؟

بعد ماطلعت مشت وقبل ماتكمل وقفها السكرتير : رنا المدير ماهاوشك ؟

رنا : لا .

السكرتير : نعم !!!!!

رنا : شفيك ؟؟؟

السكرتير : الله يدوم هالاخلاق عليه !!!!

رنا : ليش ؟؟؟ هو وش مسوي ؟؟؟

السكرتير : مدري من وين جاب الدبلوماسيه والحل الاوسط عنده !!! قبل كنا نموت

رعب من خربطة بسيطة , والحين المنوابه في الاعمال تعتبر عنده كارثة

الشرق الاوسط , والحين ليش ماخانق !!!!؟

رنا : يمكن تغير او ربي هداه .

السكرتير : والله ماظنتي كذا !!!!!

رنا : ليش ؟؟؟ ربك يغير الاحوال .

السكرتير : والله مدري عنه بس الغريبة اي شخص غريب غيرك يلعن ابو جدفه

وانتي لااااااااااااا مايقول كلمة تجرح , لو حنا داريين انه مايقولك شي

كان جبناك من بيتك ووضفناك بدون اختبارات شخصية عشان مايطلع حرة عزوبيته فينا .

رنا : هههههههههه كل هذا يسويلكم وانا مو في هالشركة !!!؟ اشوه اني ماحظرت

اخلاقه القديمة .

السكرتير : الحمد لله انك ركدتيه عن الصراخ ولا هذا من الي يقدر يتحمله ؟؟؟؟

المهم خليكي انتي الوسيط بيننا وبينه في خلل اي شي .

رنا : الظاهر مبهذلكم المدير فيصل .

السكرتير : هو مبهذلنا وبس , الا مطلع قرونه علينا .

رنا : ع العموم الله يكتب الي فيه الخير .

وتركته

السكرتير التفت لما تركته : امين .



=======





دخل البيت واتجه للصاله ولما شافها فاضيه اتجه للحديقه وقعد

فيها وطول الوقت عنده لين انتبهتله اخته سعاد واتجهت له

عشان تشوف وش جديده .

سعاد : مسالخير .

المدير فيصل : ........... !!!!

سعاد : مسالنور .

المدير فيصل ابتسم : ..............!!!!

سعاد بوجهه : الووووووووووووووو .

المدير فيصل فز : بسم الله .

سعاد قعدت : ابي اعرف مين الشخصية الي خلاك ماتنتبه لأختك .

المدير فيصل : فارسة احلامي .

تغير وجه سعاد : نعم !!!!!

المدير فيصل قام وقرب من النافورة : حبيبتي .

سعاد اول مرة تشوف ملامح الوله بوجه فيصل , قامت واتجهت له :

ومين تطلع ؟

المدير فيصل التفت : موظفتي في الشغل , جتني قبل اسبوعين وتعينت

عندي وانا قبلت ملفها على طول وبصراحة اول مرة ادري ان الخيال

ممكن يكون حقيقة .

سعاد : نعم !!!!! خبر جديد , ووش اسمها الي خلت اخوي طفل !!!؟

المدير فيصل : رنا .

سعاد : اسمها جدا بسيط .

المدير فيصل : الي يسمع كلامي يقول هذه بنت ملكة جمال بس

هي فعلا بالنسبة فارسة احلام .

سعاد : وانت وش الي خلاك تتأكد ان هي فارسة احلامك ؟

المدير فيصل : مدري , بس لما شفتها اول مرة , مدري شحسيت فيه ,

حسيت اني زعلان او صرت حساس , سعاد والله لو اوصفلك ماقدر

اوصل للتعبير الملائم لمشاعري .

سعاد : والله باين حتى في وجهك , مشالله عليك صحصحت لما تكلمت عنها ,

المدير فيصل : سعاد لاتلوميني على برودي قبل , انتظر وانتظر وانتظر بس ......

لما شفت الشقاوة الي فيها وخاصة في يوم المراقبة , ضحكت عليها والموظفين

مستغربين مني , انا ماقدر اقول انها هي الوحيده الي مقدر اصارخ عليها او

كلما اشوفها غصبا علي اسوي نفسي مميز عندها , صعب .

سعاد : بصراحة انا لو محلهم حتى ماصدق انك انت يافيصل الجبروت السلطة الي الكل

يرتعب ومايحس بالامان معك معقولة تكون رحوم وصاحب ابتسامه !!!!؟ انا عن نفسي

انصدمت من كلامك , متوقعت موظفه تغير في وجهك شي .

المدير فيصل : يعني انا بارد !!!!؟

سعاد : مو بارد بس مو حساس الحريم عندك .......... مو مهم انك تضيف بنت جديده اهم شي

ان مافي احد يتحكم فيك .

المدير فيصل : لاتلوميني على تصرفاتي اول , كنت احاول مانهز من قساوة الحياة فيني

وخاصة ان امي ماتت وابوي مات وانا صغير .

سعاد : والبنت قصيرة ولا طويله ؟

المدير فيصل : رنا , تصدقين مو متأكد من طولها وقصرها !!!!!

سعاد : اجل شلون استقرت بقلبك !!!!؟

المدير فيصل : مدري , بس مانتبهت لطولها ابد .

سعاد : طيب سمينه ولا نحيفة ؟

المدير فيصل : سعاد عشان اختصر عليك , الي اتذكره هو حركاتها وبس .

سعاد : كل الموظفات يتحركون , شمعنى هي الي تتبعتها ؟

المدير فيصل : مدري , انا عن نفسي اسئل نفسي هالسؤال , ليش اخترت

تصرفات رنا ؟

المربية نجوى : فيصل بيك بدك تتعشى ؟

سعاد : نجوى محد يقدر يطلع الي بقلبه غيرك , شلون رنا خلت فيصل ينتبهلها ؟

وتركته

وقف سعاد جواب المربية نجوى , نجوى : لما بتعرف على رنا بحكيلك ليش , اوووو

يافيصل بيك إلك حكي تاني !!!!؟

المدير فيصل : صح .



===============


4 
سكون الجو

الجزء 4




============


المربية نجوى بعد ماراحت سعاد : فيصل بيك .
فيصل : نعم .
المربية نجوى بإعجاب : شووووووووووو بلاقي وشك منور !!!!
اتجهت المربية نجوى لموقعه : ولك شو صار بالدنيا !!!!؟
فيصل : سلامتك مافي شي .
المربية نجوى : معقوله هاي !!!! مابصدق .
فيصل : لاتصدقين .
المربية نجوى : انت جدا مكابر , بس بدي اعرف شغله ليش مبدك تعترف ؟
فيصل : اعترف بإيش ؟
المربية نجوى : فيصل بيك لاتخبي علي , قبل مابتخبي علي لاتنسى اني بقرى
شو الي بدك تحكيه من يوم كنت زغير , يعني بعرف كل عرق فيك .
فيصل التفت : نجوى الي بالك .......................
فيصل التفت وعطاها ظهرها : انتي وش تبين بالظبط !!!!؟
المربية نجوى : ممكن تطلع بوشي لو سمحت .
فيصل التفت : خير ؟؟؟
المربية نجوى اتجهت له بهدوء : فيصل بيك , انت كيف بتفسر معنى الحب !!!!؟
فيصل : وليش تقولينها وكأنك مستحقرة شي فيني ؟
المربية نجوى : لانك لما سئلت عن البنت مبعرف شو الي خلاك تخجل .
فيصل : ولا شي .
المربية نجوى : ولا شي !!!!! اوك . بس بتعرفني منيح فيصل بيك , ممكن هلا بعرف كل شي بيخص
البنت واروح هلا ع البيت وبحكيها عن كل شي .
فيصل خاف : لالا , اناااااا .....
المربية نجوى : شو ؟
فيصل : انا .......... نجوى عاد لاتصيرين كذا معي ,, الحكايه كل مافيها اني أبي اتأكد من ........
المربية نجوى : من شو ؟
فيصل : منها .
المربية نجوى : يعني انت اعترفت انك بتموت عليها .
فيصل : ايه بس .............. مدري ليه احس بخوف اني اعترف بكذا اعتراف .
المربية نجوى : ولك بعمرك ماخفت من حدى , ليش خفت هلا !!!!؟
فيصل : نجوى ........... انصحيني .
المربية نجوى : بدك الجواب ؟ ,, انا بقول اني لازم اقابل حظرة الصبية الي بتشتغل عندك لانوه
هي الوسيله الي بختبر مشاعرها , ومن غير هيك مبقدر اتعامل مع موقفك .
فيصل : بس البنت بتقول وش الغريبة الي بتتعرف علي .
المربية نجوى : فيصل بيك , مو بتقول بدك تعرف شو الي بتخبيه بقلبها !!! خل هالعملية عليي .
فيصل : شلون ؟؟
المربية نجوى : مبيعرف يتعامل مع الحريمة غير الحريمة .
وتركته .

========

فدوى مشغولة بالكمبيوتر , جتها حلا : فدوى تبين قهوة ؟
فدوى : لا توني مفطرة .
فدوى منسجمه مرة !!!!!
رن تلفون مكتب فدوى : الو .
فدوى : هلا ,, طيب .
بعد ماسكرت ,, فدوى : ياربيييي , الحين وش اسوي بالملفات الي درزن فوق مكتبها !!!!؟ ( تقصد رنا )
قامت واتجهت لمكتبها واخذت منهم ملف واتجهت لمكتب المدير , وقفت عند السكرتير :
اهلين خالد , المدير فاضي ؟
السكرتير : اي .
فدوى اتجهت للباب وطقته وبعد ثواني فتحت الباب ودخلت وراحت قبال المكتب , فدوى :
صباح الخير استاذ فيصل .
المدير فيصل استغرب : انتي وش جابك !!!!؟
فدوى : هذا الملف الي طلبته .
وعطته .
المدير فيصل شافهم وبعدها قال : طيب وين رنا ؟؟ ليش ماسلمتهم لي !!!!؟
فدوى : استاذ اتصلت فيني رنا امس وقالت ان امي تعبانه ولازم اغيب .
المدير فيصل خاف !!!!! , المدير فيصل : ووو ...........
فدوى اسغربت حالته !!!!!
المدير فيصل : طيب .... طيب روحي .
فدوى ببطء : عن اذنك .
وتركته بهدوء .
المدير فيصل بعد ماطلعت فدوى : ايش !!!!!؟
بعد ماطلعت من مكتبه كانت في حالة تساااااااؤل وشك رهيب !!!!! , تفكر بللي ببالها ,
لها دقيقة تفكر , فدوى في نفسها " شفيه استاذ فيصل !!!!؟ "
وطنشت الموضوع .

========

رنا في غرفة بالمستشفى مع امها , طفشانه وكانت تلعب بأيبود اخوها سالم ,
وكانت تلعب لعبة القطار , دخلت الممرضة وقالت : مدام فطور انتي .
رنا : مشكوره حبيبتي .
واخذته منها بكل هدوء عشان ماتقوم امها .
الصورة دائرية ع الصاله وكان صوت التلفون عالي .
ينتظر المدير فيصل احد يرد بس له مدة يرن ولااحد رد , سكر وقال : مالي الا هالحل .
رنا تاكل سندويتش سفن دايز شكولاته , رن جوالها وشافت الرقم غريب , ردت : الو .
المدير فيصل : رنا .
رنا قامت : استاذ فيصل !!!!
المدير فيصل : شلونك !!!!؟ شخبارك !!!!؟
رنا : انا بخير . ( واستغربت انفعاله )
المدير فيصل : ليش مادوامتي اليوم !!!!!؟
رنا : امي تعبانه وانا بالمستشفى وقلت اغيب عشان اهتم فيها .
المدير فيصل : بس ................ انتي بأي مستشفى !!!!؟
رنا : مستشفى ال.................
المدير فيصل اسغرب لان المستشفى مو معروف مكانه , المدير فيصل : طيب الحين اجيك .

وسكره .
رنا تطالع الجوال : شفيه !!!!!؟
طلع المدير فيصل والسكرتير مستغرب طلوعه فجأه !!!!!
اتجه للحارس لانه فقير : ابو حمدان .
ابو حمدان : سم طال عمرك .
المدير فيصل : مستشفى ال........... متعرفين وين محله ؟
ابو حمدان استغرب : طويل العمر هذا بحي ال .............. كلن يعرفه .
المدير فيصل : معليش بس يمكن انا متعود ع المستشفيات الضخمة وماشفت اسم مستشفى متواضع .
, ع العموم شكرا .
وتركه .
ركب السيارة وتحرك .
رنا : تعالي انتي ليش ماقلتي للمدير فيصل اني غايبة ؟
فدوى فتحت فمها !!!! , فدوى : نعم !!!! انا رحتله بنفسي للمكتب وقلتله قبال وجهه .
رنا : والله مدري شقولك , بس مدري ليه انصدم لاني بالمستشفى .
فدوى : حتى انا مثلك , ليه انصدم مدري , والله بديت اشك فيه .
رنا : تشكين فيه !!!! من ناحية ايش ؟
فدوى : والله يارنا قلت بالاول يمكن ربي هداه وتحسنت اخلاقه , بس ليش ينصدم انك بالمستشفى ,
هو وش علاقته عشان ينصدم !!!!؟
رنا : مدري بس انا ابروح للحمااااااااااام , باي .
فدوى : باي .
وسكرت .
رنا قاما وطلعت من الباب ولفت الا المدير فيصل بوجهها !!!! , رنا : استاذ فيصل !!!!
فيصل فرح : رنا !!!!
رنا نزلت راسها , رنا : عن اذنك .
فيصل مسك يدها بدون مايحس !!!! , رنا انتبهت وسحبت : استاذ فيصل , عسى ماشر !!!!؟
فيصل : شلون امك!!!!؟
رنا : بخير , بس انتي ليش جاي وولو ان هالسؤال مو من حقي اسئله .
فيصل : انا جيت عشان اشوف اخبار امك .
رنا : مشكور ياطويل العمر , ( ونزلت راسها )
فيصل : رنا .
رنا : نعم طال عمرك .
فيصل : انتي بخير !!!!؟
رنا : الحمد لله , ومالها داعي تكلف على نفسك , كفاية هم الشركة .
فيصل : ولوووو ترى خدام بين يدين الي يستاهلون !!!!
رنا : مشكور طال عمرك .
فيصل : العفو بس , امك نايمة ؟
رنا : اي .
فيصل : الحمد لله على سلامة امك .
رنا : مشكور طال عمرك .

===========

في الكوفي كانوا فيه رنا وفدوى , فدوى : ليش ماجلستي مع امك بالمستشفى ؟
رنا : مقدرت الممرضات طلعوني , بكره الصبح امرها .
فدوى : طيب ابوكي من كبار الشخصيات ؟
رنا : لا , موظف عادي .
فدوى : عاد مينظمن دبرتهم هالممرضات .
رنا : تعالي شلون الشغل ؟
فدوى : زي الزفت .
رنا : ها !!! ليش ؟؟
فدوى : المدير من جهه والموظفين من جهة , اوف بس .
رنا : على طاري المدير , توقعي من جاني اليوم بالمستشفى ؟؟
فدوى سكتت وبعدها قالت : من ؟
رنا : المدير بنفسه .
فدوى شهقت : اهيييييييئ .
رنا استغربت : شفيك !!!!؟
فدوى : لحظة لحظة .......... من قلتي !!!!؟
رنا : المدير بنفسه .
فدوى : وش يسوي معك ؟
رنا : جاني عشان يتطمن علي وعلى امي .
فدوى : نعم نعم نعم !!!! , شهالحركات هذه !!!!
رنا : شفييييك ؟؟؟ وش اقولك عنه متوقعت ابدا انه راعي وقفات .
فدوى : المدير الطويل العريض جالك المستشفى ؟
رنا : اي .
فدوى : من متى يسوي كذا مع الموظفات !!!!؟ بحياته ماعملها .
رنا : يمكن حن لهم , تدرين هم اكثر شي يغثهم هالارقام الي بالكمبيوتر , يبيلهم قهوة عشان يصحصحون .
فدوى : ايش !!!!!!؟
رنا بعد مامصت الكاكاو : شفيك ؟
فدوى تفكر : شسالفه !!!!!!
رنا : فوفو , شفيك ؟
فدوى : رنا , ابقولك عنه قبل ماتتعينين .
رنا : قولي .
فدوى : قبل يارنا كنا مانشوف الرحمة منه , كنا نكرهه كره ماصار بأي شاب قيادي , كنا نمووووت رعب
اذا جاء واذا غاب , تشوفين الوناسه على وجيهنا كأن مفاجئة نزلت علينا من السماء , شقولك قبل عنه ,
كنا نحسب له الف حساب حتى البنات الي معي بالشركة تحولوا لشركة ثانيه من كره اخلاقه , لما جيتي
انتي انصدمت مليوون صدمة انك انبقلتي على طول وبدون اي تدريبات , صحيح ان قسم الحاسب على طول يقبلونه
بس مو بهالسرعة هذه , شقولك لما بلغتيني ان المدير خذى منك ملف حلا وماعلق على حركة السكرتير
القديم استغربنا من تصرفه , العاده يحرم الموظف شهر كامل انه ماياخذ راتب , شقولك اشياء واجد تغيرت
فيه من لما جيتي , ولا جيته للمستشفى عشانك ماتوقعتها منه , معقولة تغير !!!!!؟ يارنا انتي لو شايفه
التهديد والوعيد الي كان يلحنها للموظفين كان هربتي من الشركة , بس ماقال ولانطق بأي حرف على
اي خطأ , جيته في مكتبنا كان مستااااااانس على ايش مدري , يعني اشياء واجد تغيرت .
رنا : ايش !!!!!!؟ كل هذا ......................... وانا على بالي انه راعي خير , قلت يمكن شهامة منه
يمكن هو حنون .
فدوى : اي حنان اي زفت , انا انصدمت من التغيرات الي حصلت فيه .
رنا : بس هو حبوب .
فدوى : ولما يقابلني مو حبوب !!!! شتفسرينها هذه !!!!!؟
رنا : مدري .

========

فيصل : اموت فيها , احب الارض الي تمشي عليها , اعشق الغرفة وكل شي فيها لما تكون موجوده ,
نجوى , نفسي حسيته متعافي وكل شي فيني تحسن , رنا ( سد وجهه بالطاولة ) متوقعتها انها .....
المربية نجوى : الله !!!! الله ع الحب يافيصل بيك .
فيصل : تمنيتها ام لعيالي , تمنيتها تكون المسجل الي اسمعه كل يوم , نجوى تدرين اني مسكت يدها
وهي سحبت ........... روعة !!!!!!
المربية نجوى قباله ع الكرسي منصته .
فيصل : زادت الشجاعة بداخلي من لما شفتها .
المربية نجوى تبتسم .
فيصل : نجوى , لما دخلت المكتب وشفتها ههههههههههه , ودي ابكي !!!!!
المربية نجوى : وليش بدك تبكي ؟
فيصل : مدري , ( انسدح على ظهر الكنبه وبدى يتأمل السماء )
المربية نجوى : ولوين سافر قلبك !!!؟
فيصل : للسماء .
المربية نجوى تتأمله .
فيصل يطالع السماء .
المربية نجوى : بدي اخليك تعيش مع الي ببالك , عن اذنك فيصل بيك .
وقامت بهدوء .
اقتربت الصورة لجلسة فيصل ع الكنبه


5 
سكون الجو

الجزء 5



===========


في الشركة ككل يوم الشغل ماشي والموظفين رايحين جايين ع المكاتب
والفراش كل يوم يسوي قهوة للموظفين .
والبنات ككل يوم فطور ماقبل الشغل ولازم يجيبون سوالف امس وقبل امس
وقبل اسبوع وقبل شهر ويمكن قبل مليون سنة .
دخلت رنا وقعدت ع الكرسي وكل يوم ملامح الحماس والطموح يجي بتصرفاتها
وبدت الشغل حتى مافطرت .
الموظفات بدو بالجديه وكل وحده استملت مكتبها وبدت تشتغل عليه وبدى الصمت
يعم الغرفة والموظفين معهم اوراق رايحين جايين .
جاء المدير فيصل وفسخ نظارته : ابو حمدان .
ابو حمدان ركض : سم طال عمرك .
المدير فيصل : رنا جت !!!!؟
ابو حمدان : اي ياطويل العمر .
المدير فيصل : حلو .
وتركه والفراش مستغرب هطول الفرح عليه !!!!
دخل المدير وككل يوم الفراش معه المبخرة واثنين يرحبون به , دخل والتفت ع السكرتير
خالد : خالد , رنا جت !!!؟
السكرتير خالد : ايه ياطويل العمر وهي معطيتني ملفين عشان توقعهم .
المدير فيصل نزل راسه !!!! ( ياليتك جايتني بنفسك )
السكرتير خالد انتبه له : استاذ فيصل .
المدير فيصل : ها !!!!
السكرتير خالد : استاذ , في شي !!!!؟
المدير فيصل : لا .
واتجه لمكتبه وقعد وهو حاس بضيقة غريبة !!!! السكرتير خالد : طال عمرك .
المدير فيصل : خير ؟؟
السكرتير خالد : هذولا الاوراق .
المدير فيصل : حطهم .
السكرتير خالد : طيب .
وتركه وهو متسائل من حالته .
اما المدير فيصل فهو في حالة !!!! ,, سد وجهه بالطاولة !!!!
ضيقة الصدر الي بقلبه ماتفسرها الا كتب العلماء !!!!
طلع خالد وهو للحين مستغرب اشد الغرابه من حالة فيصل , التفت بهدوء وطالع
الباب بطرف عين !!!!! , في مكتب المدير فيصل رن التلفون , المدير فيصل رد : الو .
المكالمة بينه وبين الاجنبي والحوار بينهم بيكون باللغة العربية .
المدير فيصل : مرحبا جون .
جون : اهلا , كيف حالك ؟
المدير فيصل : بخير , مااخبار العمل ؟
جون : لقد اتصلت عليك لأخبرك بأن هناك اجتماع بمدينة نيويورك واريدك ان تحضر .
المدير فيصل : وهل الاجتماع ضروري ؟
جون : بالطبع فهو يتعلق بالاعمال المستقبليه من مشاريع وغيرها .
المدير فيصل : حسنا حسنا , الاسبوع القادم سأكون هناك .
جون : لاتتأخر , الى اللقاء .
المدير فيصل : الى اللقاء .
سكر المدير بهدوء وفكر !!!! , المدير فيصل : الحين ليش مااخذ رنا معي !!!!؟ والله بتحمس
للشغل اكثر , وحوديها لكل مكان تتمنى تروح له .
مسك التلفون واتصل ع السكرتير , المدير : هلا خالد , اسمع ابيك تتصل على رنا وتجيلي
المكتب مفهوم ؟ مع السلامة .
بعد ماسكر خالد استغرب : هذا ياكثر مايطلب رنا !!! , شسالفته !!!!؟ بقولها وبتم ساكت على قولة اخواننا
السوريين .
مسك التلفون واتصل على مكتب رنا , البنات في عالم السينما من الفراهه !!!! , كل وحده
تعليق وكل وحده مفجرة ضحكة الثانويه !!!!!
رن تلفون مكتب رنا واتجهت رنا للتلفون وردت , رنا : الو .
السكرتير خالد : رنا المدير يبيكي الحين بمكتبه .

رنا : وماقالك وش يبي ؟
السكرتير خالد : لا .
رنا : طيب .
ولما سكرت نادتها فدوى , فدوى : خير انشالله ؟
رنا : المدير , يبيني بمكتبه الحين .
فدوى : وش يبي هذا ؟
رنا : مدري , بس انا متأكده اني ماارسلت اي شي له عشان انا كذا مستغربه وش يبي فيني ؟
فدوى : روحي , روحي ياحبيبة المدير .
رنا : سكتي بس .
وطلعت من الغرفتجهت لغرفة واتجهت لغرفة المدير : طقت الباب ودخلت بعد ثواني ,
لما سكرت الباب , رنا : السلام عليكم .
المدير فيصل : وعليكم السلام , كيف الشغل ؟
رنا : يهبل , اموت في سيناريو الادارة .
المدير فيصل : اجلسي .
رنا جلست بأدب .
قام المدير وقعد بالكرسي الي قبال رنا , المدير فيصل : رنا .
رنا : هلا .
المدير فيصل : ابي اعرض عليكي عرض , تقبلي مني لو عرضته ؟
رنا : على حسب الي اقدر عليه .
المدير فيصل : انتي تقدرين عليه , هي بس مجرد موافقه وماعليك اي شي .
رنا : وايش هالعرض ؟
المدير فيصل قام : شوفي , انا بسافر لنيويورك شغل , وابيكي تكونين المرافقه لي .
رنا انصدمت : ها !!!!!
المدير فيصل : شفيك ؟
رنا : لا بس ........... هذا اول عرض سفر لي , بس ليش ماخترت السكرتير ؟؟ ع الاقل
السكرتير يعرف بأمور الاعمال وانا بس مجرد موظفه بسيطة .
المدير فيصل : لاتخافين , انا بس احتاج مرافقه تنظم مواقيتي , واصلا بس اروح احظر محاظرة
هناك وارجع , يعني مافي اجتماعات واعمال زي ماقلتي .
رنا قامت : بس انا في كل الاحوال مقدر .
المدير فيصل بخوف : ليش ؟
رنا : اول شي امي وثاني شي اخوي الصغير وثالث شي البيت , مين الي بيدير باله عليه .
المدير فيصل : البيت وامك واخوكي سهلين , انا اجيب خدامه تخدمهم .
رنا : عفوا طال عمرك , بس انا ويني وين السفر ؟
المدير فيصل قربلها : وانتي وش ناقصك ؟
رنا : حظرة المدير , انا مقدر في كل الاحوال , ممكن تسمح انوب خويتي فدوى .
المدير فيصل : لا .
رنا : اجل وش الي يرضيك طال عمرك ؟
المدير فيصل : شوفي انتي بتكونين مرافقتي وبس .
رنا : بس ياطويل العمر انا عندي اشغال .
المدير فيصل : رنا انا عارف كل شي عن حياتك ولاتحطين فبالك اني اناني انا حاط خدامه
تنوب عنك .
رنا : حظرة المدير .
فيصل قاطعها : لو سمحتي , ابيك تنادينني اسم فيصل .
رنا : ايش ؟؟؟ لالا مقدر .
فيصل : وليش ؟؟؟
رنا : بس , انت اكبر من كذا .
فيصل : رنو ياعمري انا ابي اسم فقط يكون بلسانك .
رنا : طيب بس السفر افكر فيه .
فيصل : لك وقتك بس اتمنى انك ماتطولين اسبوع بالكثير .
رنا : طيب , عن اذنك .
المدير فيصل : اذنك معك .
وطلعت وفيصل حس بشعور غريييييييييب !!!!!!

=======

طلعت ومشت بهدوء وهي تفكر باللي قاله , لكن طنشت الموضوع واتجهت
للمكتب ولما دخلت جت فدوى , فدوى : طويل العمر وش يبغى فيكي ؟
رنا قعدت : عرض لي عرض .
فدوى : وايش هالعرض ؟
رنا : يقول عندي سفرة لنيويورك وابيك تكونين مرافقتي الشخصية .
فدوى انصدمت : نعم !!!!!
رنا : شفيك ؟
فدوى : والله وطالت وشمخت .
رنا : بإيش ؟
فدوى : ووين سكرتيره ؟
رنا : انا قلتله بس هو رفضه واختارني .
فدوى : ايش ؟؟؟ مابقى الا هالطلب يطلبه منك , خليه بعد يقول تعالي نرقص مع بعض .
رنا تغير وجهها : ايش ؟؟؟؟
فدوى : والله من تصرفاته كأنه يقول ابيك زوجتي بطريقة غير مباشرة .
رنا : ها !!!!!
فدوى : والله انك ع النية يارنا , تحسبين كل هذا طيبة منه ؟
رنا : بس هو محترم معي .
فدوى : هذا وينه وين الاحترام .
رنا : ولا وبعد دلعني رنو .
فدوى توقفت عن الكمبيوتر : ايش !!!!؟ من جدك ؟
رنا : ايه .
فدوى : ايش !!!!؟؟ بعد بعد , وش هالادمي هذا !!!!؟
رنا : ووش فيها اذا طلب ؟
فدوى : رنا , ماينفع هالكلام في المكتب , ينفع في اي كوفي برى الشركة .
رنا : بس انا طلبت منه مهله افكر وهو قالي بعد اسبوع اسمع جوابك .
فدوى : حلو , يمديك تهونين .
رنا : وليش ؟؟؟
فدوى : ليش !!!!؟؟؟؟ اقولك لما نروح لأي كوفي .



Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظة لموقع ومنتديات الدولي ElDwly.com
جميع المواد المنشورة بمنتديات الدولي تُعبر عن وجهة نظر كاتبها فقط.